အဖြူဘေးက အရောင်


ပထမတော့ သမီးကို ကျောင်းလိုက်ပို့တိုင်း အတန်းထဲထိ ကျွန်မကိုယ်တိုင် ကျောပိုးအိတ်ကိုသယ်ပြီး ပို့ပေးနေကျပါ။ သူငယ်တန်းကနေ ခု... နှစ်တန်းနှစ်အထိ တစ်ရက်မှ မပျက်ဖူးသေးဘူး။
ဟိုတစ်ရက်ကတော့ သမီးနဲ့ကျွန်မ ကျောင်းထဲဝင်တယ် ဆိုရင်ပဲ ကလေးမလေးနှစ်ယောက်က ပြေးလာပြီး ကျွန်မလက်ထဲက ကျောပိုးအိတ်ကို အလုအယက် ဝိုင်းဆွဲယူကြတယ်။
' သမီးတို့ ဘယ်သူ့ကို စောင့်နေတာလဲ..'
' ထူးတွယ်တာကို စောင့်နေတာအန်တီ။ ပေး.. သမီးကို ကျောပိုးအိတ်။ သမီးသယ်ခဲ့မယ်...'
ခပ်ကြီးကြီး ခပ်သွက်သွက် ' အိရွှေစင် ' ဆိုတဲ့ ကောင်မလေးက ကျွန်မဆီက ကျောပိုးအိတ်ကို လှမ်းယူရင်း ပြောလိုက်တော့ ကျွန်မလည်း တော်တော်သဘောကျသွားတယ်။ ကလေးပေမယ့် လိမ္မာရေးခြားရှိပြီး သိတတ်တဲ့စိတ်ကလေးက ချစ်စရာကောင်းလိုက်တာ။
ဒါနဲ့များ သမီးက ပြောပြောပြတော့ ဒီကောင်မလေးက ဆိုးသတဲ့။ အတန်းထဲမှာ အသက်အကြီးဆုံးမို့ အားလုံးအပေါ်
ဗိုလ်ကျပြီး အမြဲ အနိုင်ကျင့်သတဲ့။ သမီးသူငယ်တန်းစတက်တဲ့ နှစ်တုန်းကလည်း သမီးက လူကြောက်ပြီး ငိုငိုနေရတဲ့ကြားထဲ ဒီကလေးမက ဗိုလ်ကျပြန်တော့ ကျောင်းမပျော်တဲ့ရောဂါ တော်တော် တက်လိုက်သေးတာလေ။
အဆိုးဆုံးက တစ်နေ့တော့ သမီးလေးနဲ့ အိရွှေစင်ရဲ့ညီမ တစ်ဝမ်းကွဲလေးနဲ့ စကားများကြတဲ့အခါ အိရွှေစင်က ခါးထောက်ပြီး...
' ငါ့ညီမကို နင်က အနိုင်ကျင့်တယ်ပေါ့လေ...ဘာ...ညာ..' ဆိုပြီး သမီးကို လာရန်တွေ့သတဲ့။ သမီးက အားငယ်ပြီး အိမ်ပြန်ရောက်တော့
ကျွန်မကို မျက်ရည်တလဲ့လဲ့နဲ့ ပြောပြရှာတယ်။
အခါတိုင်းမှာ ကျွန်မကတောင် သမီးလေးကို ပြေရာပြေကြောင်း ဖြေသိမ့်ပေးနေကျပေမယ့် သမီးမျက်ရည်ကို မြင်တော့ကျွန်မလည်း တော်တော် စိတ်လှုပ်ရှားသွားရတယ်။ နောက်နေ့ သမီးကိုကျောင်းလိုက်ပို့ရင်း....
'အိရွှေစင်..သမီးက အတန်းထဲမှာ အကြီးဆုံးဆိုတော့ ကိုယ့်ထက်ငယ်တဲ့သူဆို ကိုယ့်ညီမလိုပဲ သဘောထားရမယ်လေ။ သူတို့အချင်းချင်း စကားများတိုင်း ညီမဖက်ကချည်း လိုက်ရန်တွေ့ပေးနေတော့ ဘယ်ကောင်းမှာလဲ...' ..လို့ စိတ်ထဲမှာ ကသိကအောင့် ဖြစ်ပေမယ့် စိတ်တင်းပြီး ပြောခဲ့လိုက်တယ်။ အိမ်ပြန်လာတော့လည်း သမီးအတွက် တာဝန်ကျေခဲ့တဲ့ အမေတစ်ယောက်ရဲ့ ခံစားမှုမျိုးနဲ့ပေါ့။
ဒါပေမယ့် ညနေကျောင်းဆင်းလာတော့ သမီးက မျက်နှာညှိုးညှိုးလေးနဲ့ အိမ်ပြန်လာပါတယ်။
' နောက်တစ်ခါ အိရွှေစင်ကို လိုက်မပြောပါနဲ့တော့ မေမေ'
' ဘာဖြစ်လို့လဲ သမီး။ သူက သမီးကို ရန်လုပ်ပြန်ပြီလား...'
' သူက ပြောတယ်။ နင့်အမေက ငါ့ကို လာဆုံးမနေတာပေါ့လေ။ သူ့သမီးကျနေတာပဲတဲ့...'
ဟောတော့..ဒီကောင်မလေး တကယ်မလွယ်ပါလား။အတန်းထဲမှာ ဗိုလ်ကျရုံတင်မကဘူး။ကျွန်မကိုပါ အမေမဟုတ်ပဲလာမဆုံးမနဲ့ ဆိုတဲ့သဘော။
' နောက်ပြီးတော့ ပြောသေးတယ် မေမေ။ ဥပမာ နင့်မှာလည်း ညီမရှိတယ် ဆိုပါတော့။ နင့်ညီမနဲ့ တခြားသူ ရန်ဖြစ်တာကို နင်က ဒီတိုင်း ကြည့်နေမှာလားတဲ့။ ညီမကို ကာကွယ်ရမယ့် တာဝန်ရှိတယ် မဟုတ်လား.. တဲ့။ ကိုယ်ချင်းစာကြည့်ပေါ့...တဲ့ '
ကျွန်မ တော်တော် အံ့သြသွားတာပါ။ သူငယ်တန်း ကျောင်းသူလေးက ပြောတဲ့စကားတဲ့လေ။
ကျွန်မလို လူကြီးတစ်ယောက်ကို သူက ပြန်စွပ်စွဲလိုက်တဲ့ သဘောပေါ့။ ဒီတော့ ကျွန်မက ကိုယ်ချင်းမစာတတ်တဲ့လူ ဖြစ်သွားပါလေရော။ နဂိုကမှ ကလေးကိစ္စ ဝင်ပြောရလို့ လူကြီးမဆန်မှာစိုးပြီး လိပ်ပြာမလုံရတဲ့ကြားထဲ...။
အဲဒီကတည်းက နောက်ဆို ကလေးတွေကိစ္စမှာ သိတ်ကြားမဝင်ဖို့ သတိထားရတော့တယ်။ဒါပေမယ့် ကျွန်မသူ့ကို စိတ်မဆိုးပါဘူး။
ဂျက်နဲ့လက်နဲ့ ပြောတတ်တဲ့အတွက် သူ့အသိဥာဏ်လေးကို အသိအမှတ်ပြုမိသလို ကျွန်မသမီးအတွက်လည်း မအေပီပီ စိတ်ပူမိပါတယ်။
သူက သမီးကို တစ်လျှောက်လုံး လွှမ်းမိုးသွားမှာ စိုးလို့ပါ။
ဒီလိုနဲ့ပဲ သူငယ်တန်းနဲ့ ပထမတန်းကို သူနဲ့သမီးနဲ့ နည်းနည်းပါးပါး ရန်ဖြစ်လိုက် ၊ပြန်ခေါ်သွားလိုက်၊ ဘာမဟုတ်တာလေးတွေကို ပြဿနာလုပ်လိုက်၊ ပဋိပက္ခအသေးအမွှားလေးတွေ ကျော်လွှားသွားလိုက်နဲ့ ကလေးတွေ သူတို့ဖာသာဖြေရှင်းရင်း ဒုတိယတန်းကိုရောက်လာကြ ပါတယ်။ သမီးကလည်း ခပ်ညံ့ညံ့၊ သူများအလွှမ်းမိုးခံမယ့် အစားထဲက မဟုတ်တာမို့ ကျွန်မ အသာပဲ ဘေးက ကြည့်နေလိုက်ပါတော့တယ်။
xxxxxxxxxx
ကျောင်းအဝင်ဝမှာ သမီးရဲ့သူငယ်ချင်းနှစ်ယောက် စောင့်နေတော့ သမီးကို မုန့်ဝယ်ကျွေးရင်း သူတို့ကိုပါ ဝယ်ကျွေးလိုက်တယ်။
' ဟင့်အင်း အန်တီ။ နေပါစေ...'
ထုံးစံအတိုင်း ခပ်သွက်သွက် အိရွှေစင်က ဦးဆောင်ပြီး ငြင်းဆန်ပါတယ်။
' စားပါသမီးရယ်။သမီးတို့ကြိုက်တာ တစ်ယောက်တစ်ခုယူကြ။အန်တီက ကြုံတုန်း သမီးတို့ကိုချစ်လို့ ဝယ်ကျွေးတာ။ ယူ..ယူ'
ဒီလိုဆိုတော့လည်း တစ်ယောက်တစ်မျိုး ရွေးချယ်ယူကြပြီး ပြုံးပြုံးရွှင်ရွှင် ကျေးဇူးတင်စကား ဆိုကြပါတယ်။
' ကဲ ဒါဆို အဖော်တွေလည်းရှိပြီ။ မေမေ အတန်းထဲထိ လိုက်မပို့တော့ဘူးနော်။ သမီးတို့ သွားကြတော့...'
ကလေးတွေ ပျော်ပျော်ရွှင်ရွှင် စီစီညံညံ ထွက်သွားကြတော့ ကျွန်မပြုံးပြီး လက်ပြကျန်ခဲ့တာပေါ့။ သမီးလွယ်အိတ်ကို အိရွှေစင်လေးက လွယ်ပိုးပြီး သယ်သွားပေးတာမို့ အမကြီးစိတ်ဓါတ်ရှိရှာတဲ့ ကလေးမလေးပါလား။ သူ့ခမျာ အိမ်မှာလည်း မောင်နှမတွေထဲ အကြီးဆုံးဆိုတော့ အငယ်တွေကို ဆရာလုပ်နေကျ အကျင့်ပါနေလို့သာ ကျောင်းမှာလည်း တခြားသူတွေအပေါ် အနိုင်ကျင့်သလို ဖြစ်နေတာ။
ဒီလိုဆိုတော့လည်း အမကြီးစိတ်ဓါတ်နဲ့ အနစ်နာခံ သယ်ပိုးပြီး ကြင်နာတတ်ရှာသားလို့ တွေးမိတယ်။ သမီးကိုလည်း အမကြီးလုပ်ချင်တဲ့ သူ့စိတ်ဓါတ်ကို နားလည်အောင် ရှင်းပြလိုက်တယ်။
တွေ့တိုင်းမုန့်ဝယ်ကျွေးတဲ့ ကျွန်မကို ကလေးမလေးနှစ်ယောက်ကလည်း ချစ်ကြတယ်ထင်ပါရဲ့။ နေ့တိုင်း လာစောင့်နေတတ်တယ်။
သမီးကလည်း သူ့သူငယ်ချင်းနှစ်ယောက်ကို တစ်ယောက်တစ်ရာဖိုး ဝယ်ကျွေးတော့ နေ့တိုင်း သုံးလေးရာဖိုး စားနေကျ သူ့ကုန်ကျစရိတ်ကို တစ်ဝက်လျှော့ပြီး တစ်ရာတန် မုန့်နှစ်ခုပဲ ယူရှာတယ်။ ဒီတော့ သူစားရမယ့် မုန့်ကို သူ့သူငယ်ချင်းတွေကို ဝေမျှကျွေးလိုက်တဲ့ သဘောပါပဲ။ ကျွန်မကတော့ ပိုကုန်လည်း တစ်ရာလောက်ပေါ့။ အဲသလောက်တော့ ကျွန်မ အကုန်ခံနိုင်ပါတယ်။
တစ်နေ့လည်မှာတော့ ကလေးတွေအများကြီး သမီးနားကို ဝိုင်းလာတာမို့ ကျွန်မ အံ့သြသွားရတယ်။ အားလုံးကတော့ သမီးနဲ့ အတန်းတူ သူငယ်ချင်းလေးတွေပါပဲ။ ရှစ်ယောက်လောက်တော့ရှိမယ်။ ကျွန်မကိုလည်း ကွက်ကြည့်ကွက်ကြည့်နဲ့။
လာကြိုနေကျ ကလေးနှစ်ယောက်ကို မုန့်ဝယ်ကျွေးတာ သတင်းကြားပြီး လာကြိုကြတယ် ထင်ပါရဲ့။
' သမီးတို့လာ...။ ကြိုက်တဲ့မုန့် တစ်ယောက်တစ်ခုယူကြ။ အန်တီမုန့်ဝယ်ကျွေးမယ်....'
ကလေးချစ်တဲ့ကျွန်မက ကလေးတွေ ပျော်ပျော်ရွှင်ရွှင်နဲ့ မုန့်ကိုယ်စီယူကြတာကြည့်ပြီး ကြည်နူးနေမိတယ်။ သွက်တဲ့ကလေးတွေက
' ကျေးဇူး..အန်တီ..' လို့ပြောပြီး သမီးနဲ့အတူ ကျောင်းခန်းထဲ ဆက်လျှောက်သွားတော့မှ ကျွန်မ ပိုက်ဆံရှင်းရတယ်။
မုန့်ရောင်းတဲ့ကောင်မလေးက ' တစ်ထောင်တောင် အန်တီ...' လို့ပြောပြီးရယ်နေတယ်။ အင်း...တစ်ထောင် ဆိုတော့ ကျွန်မအတိုင်းအတာနဲ့ နည်းတော့မနည်းလှဘူး။ ဒါပေမယ့် တစ်ခါတစ်လေပဲ။ ရပါတယ်လေ။ ကလေးတွေ ပျော်ကြတာမြင်ရတာနဲ့ကို တန်နေပါပြီ။
ကလေးချစ်တဲ့ ကျွန်မကို သမီးသူငယ်ချင်း ကလေးမတွေကလည်း ချစ်ကြပါတယ်။ မုန့်ဈေးတန်းမှာ နေ့လည်တိုင်း
ကလေးတစ်အုပ်နဲ့ ကျွန်မ၊ တစ်ပတ်လောက်ရှိလာတော့ မုန့်ရောင်းတဲ့ ကောင်မလေးကလည်း ' ဟယ်...နေ့တိုင်း လာကြိုနေတာလား။ တစ်ပြုံကြီးပါလား...' လို့ ပြုံးစစနဲ့ မေးလာပြီ။ တစ်နေ့တစ်ထောင်နှုန်းနဲ့ဆိုတော့ ကျွန်မအိတ်ထဲလည်း ဘတ်ဂျက်က တော်တော်ပွန်းလာပြီ။
သမီးသူငယ်ချင်းတွေက ကလေးဆိုတော့ ကလေးပီပီ မုန့်ဝယ်ကျွေးရင် စားမှာပဲ။ ဝယ်ကျွေးနေကျဆိုတော့ စောင့်ရှာတာပဲ။
ကျွန်မ ပိုက်ဆံကုန်မှာ၊ အားနာတာ၊ ဘာ..ညာ...ဘယ်တွေးမလဲ။
ဒါပေမယ့် တစ်ခါတစ်လေမဟုတ်ပဲ နေ့စဉ်ကြီး စောင့်နေကြတာ....။ ရှစ်ယောက်အုပ်စုကြီးဆိုတော့ ကျွန်မလည်း အကြပ်ရိုက်နေပြီ။
တစ်နေ့တစ်ထောင်နဲ့ တစ်လဆိုရင် မနည်းလောက်ဘူးလေ။နေ့တိုင်း ဝယ်ကျွေးချင်တဲ့ စေတနာရှိပေမယ့် ကျွန်မရဲကြွယ်ဝမှုက အဲဒီလောက်တော့ မဖူလုံဘူးဆိုတာ ကျွန်မသိပါတယ်။ကျွန်မမှာ ဒီသမီးတစ်ယောက် တည်းမှ မဟုတ်တာ။ သားအကြီးကောင်က ရှစ်တန်းကျောင်းသား လူပျိုပေါက် ဖြစ်နေပြီ။ ကျောင်းစရိတ်ကလည်း ကြီး..။ အရွယ်ကလေးရောက်လာတော့ ဟိုဟာပူဆာ ဒီဟာပူဆာနဲ့ လိုအပ်ချက်တွေကလည်း များ...။
နှစ်ယောက်တည်းတုန်းက သမီးမုန့်ဖိုးထဲက မျှကျွေးရတာမို့ သိတ်မသိသာပေမယ့် နေ့တိုင်း တစ်ပြုံကြီးတော့ မဖြစ်သေးဘူးလေ။
ဘယ်လိုလုပ်ရပါ့။ ကလေးတွေကိုလည်း သနားပါတယ်။ စားချင်ရှာလို့ လာကြတာ။ ကိုယ်က ' ဒီနေ့ မုန့်ဝယ်မကျွေးဘူးဟေ့။ တစ်ခါတစ်လေမှ ကျွေးနိုင်မယ်...' လို့ ပြောမထွက်ပေါင်ကွယ်။
သူတို့က ကျွန်မလာပြီဆို သေချာပြီးသားကိစ္စတစ်ခုလို မုန့်ဆိုင်ကိုတန်းသွားပြီး မုန့်ထုပ်တွေကို ရွေးပြီးသား။ ကျွန်မ ဘယ်လို ငြင်းရက်မလဲ။ မျှော်လင့်ချက်ကလေးတွေ တောက်နေတဲ့ သူတို့မျက်ဝန်းလေးတွေ ညှိုးသွားမှာကို မမြင်ရက်ဘူး။ သနားတယ်။
ပြောမယ့်သာ ပြောနေတာ။ကျွန်မ မုန့်ဝယ်ကျွေးနေကျ ကလေးတွေထဲမှာ အများစုက ကျွန်မထက် ကြွယ်ဝသူတွေရဲ့ ကလေးတွေပါ။ ဒါပေမယ့် ကလေးဆိုတာက ဘယ်လောက်စားရစားရ မုန့်ဝယ်ကျွေးရင် ပျော်တာပဲ။ မုန့်ဝယ်ကျွေးတဲ့သူကို ချစ်တာပဲ။
ကျွန်မက ဟီးရိုးလုပ်ချင်လို့၊အချစ်ခံချင်လို့ ဒီလိုလုပ်တာတော့ မဟုတ်ပါဘူး။ကျွန်မကကို ကလေးချစ်တတ်တာ ။စေတနာ ပိုချင်တာ။
ခုတော့ ကိုယ့်ဇာတ် ကိုယ်မနိုင်တော့ဘူး။ သမီးဖေဖေကိုပဲ ရင်ဖွင့်ရတော့တယ်။ ဘယ်လိုလုပ်ရပါ့မလဲ...ပေါ့။ သမီးဖေဖေက 'မင်း ကျောင်းလိုက်မပို့ပဲ နေကြည့်ပါလား' တဲ့။ဒီအကြံ မဆိုးဘူး။ တစ်ပတ်ကို နှစ်ရက်လောက်ပဲ မုန့်ဝယ်ကျွေးမယ်ဆိုရင် နည်းနည်းတတ်နိုင်မယ် ထင်တာပဲ။ ဝယ်မကျွေးနိုင်တဲ့ရက် ကျောင်းလိုက်မပို့ပဲ သမီးဖေဖေပဲ ပို့ပေ့စေပေါ့။သမီးကိုတော့ အိမ်ကနေ မုန့်ဝယ်ထည့်ပေးလို့ ရတယ်လေ။
xxxxxxxxxxx
သမီးအတွက် ကျောင်းကိုထည့်ပေးဖို့ မုန့်ဆိုင်ကြီးမှာ မုန့်တွေဝယ်နေရင်း ချောကလက် ဒုတ်ထိုးလေးတွေက ဒါဇင်လိုက်ဝယ်ရင် တစ်ခုငါးဆယ်လောက်ပဲ ကျမှာမို့ ထည့်ဝယ်လိုက်မိတယ်။ ကျောင်းဈေးတန်းမှာ ဝယ်ကျွေးရင် မုန့်သည်လေးတွေက အမြတ်တင်ပြီး ရောင်းရတာဆိုတော့ တစ်ခုချင်းဆို တစ်ရာဖြစ်သွားရော။ ဒါဇင်လိုက်၊ ပါကင်လိုက်ဝယ်ရင် သက်သာတာနဲ့ သမီးသူငယ်ချင်းတွေ အတွက်ပါဒီလိုဝယ်ကျွေးရင် အကုန်အကျသက်သာပြီး နေ့တိုင်းတောင် ကျွေးနိုင်မယ်လေ။
မနေ့က ကျွန်မ ကျောင်းလိုက်မပို့တော့ ကလေးတွေက ကျောင်းပေါက်ဝမှာ တောင်ကြည့်မြောက်ကြည့်နဲ့ ရှာကြတယ်တဲ့။
' နင့်မေမေရော....မပါဘူးလား...' လို့ မေးကြတယ်။ သမီးလေးက ' မေမေ သိပ်နေမကောင်းလို့ လိုက်မပို့ဘူး...' လို့ ဖြေတော့ ဆိတ်ဆိတ်ငြိမ်ငြိမ်နဲ့ပဲ အတန်းထဲ ပြန်သွားကြသတဲ့။
တိတ်ဆိတ်ငြိမ်သက်ပြီး အတန်းထဲဝင်ကြမယ့် ကလေးတွေကို မြင်ယောင်ကြည့်လိုက်တော့ ကျွန်မ စိတ်မကောင်းဘူး။
အပြစ်ကင်းပြီး ဟန်ဆောင်မှုမရှိတဲ့ ကလေးတွေ...။ သူတို့ကို မုန့်ဝယ်ကျွေးတဲ့ ကျွန်မကိုမျှော်ကြတယ်။ ကျွေးနေကျဆိုတော့ ဟန်ဆောင်ပန်ဆောင်လည်း ငြင်းမနေတော့ဘူး။ သူတို့မိဘက ဝယ်ကျွေးပြီးသားပေမယ့် ကျွန်မဝယ်ပေးတဲ့ မုန့်ကိုလည်း တန်ဖိုးတထား မက်မောကြတယ်။ လိုချင်တဲ့မုန့်ကို ကျွန်မ မရောက်ခင်ကတည်းကတောင် ရွေးပြီးသား ဖြစ်ချင်ဖြစ်နေတာ...။
အို...ကျွန်မ စိတ်မကောင်းလိုက်တာ။ ရိုးသားတဲ့ ကလေးတွေကို ကျွန်မက လူကြီးဖြစ်ပြီး မရိုးမသား ကျင့်ကြံမိပြီ ထင်ပါရဲ့။
နောက်နေ့ကျရင်တော့ ကျောင်းမုန့်ဈေးတန်းကနေ တစ်ယောက်တစ်ရာဖိုး နေ့တိုင်းမတတ်နိုင်လို့ မုန့်ဆိုင်ကြီးကနေ ပါကင်လိုက် ဝယ်လာပြီး ကျွေးတော့မယ်လို့ ကလေးတွေကို အမှန်အတိုင်း ရှင်းပြလိုက်တော့မယ်။ ရိုးသားတဲ့ကလေးတွေကို ရိုးရိုးသားသား ဆက်ဆံတာ အကောင်းဆုံးပဲ မဟုတ်လား။နို့မို့ဆို သူတို့ကိုရှောင်ပြီး ကျောင်းမလိုက်ပဲနေရတာ..၊ ကျွန်မ တစ်နေ့လုံး နေမထိထိုင်မသာနဲ့ စိတ်ညစ်ညူးနေရော။ ဘာလုပ်လုပ်ဘာကိုင်ကိုင် စိတ်မရှင်းတာလောက် အဆီအငေါ်မတည့်တာ ဘာမှမရှိတော့ဘူး။
ခုတော့.. အကောင်းဆုံးနည်းလမ်းကို တွေ့သွားတဲ့ ကျွန်မ..။ စိတ်ပေါ့ပါး ပျော်ရွှင်သွား ရတယ်။ ကျောင်းအဝင်ဝမှာ စောင့်နေမယ့် ကလေးတွေကို မြင်ယောင်ရင်း၊ ခုန်ဆွခုန်ဆွသဏ္ဍာန်လေးတွေကို အတွေးနဲ့ပြုံးမိရင်း၊ မုန့်ထုပ်ကလေးဆွဲပြီး ကြည်ကြည်နူးနူး လိုက်လာခဲ့တယ်။
ဒါပေမယ့် အဝေးက လှမ်းကြည့်လို့လားမသိဘူး။ ကလေးတွေ အရိပ်အယောင်ကို မမြင်မိဘူး။ ကျောင်းဝင်းထဲမှာများလားလို့ ရှာဖွေတော့လည်း မတွေ့ပြန်ဘူး။ မုန့်ဈေးတန်းထဲမှာလည်း မရှိကြဘူး။ အတန်းထဲကို သမီးနဲ့အတူ ဝင်လိုက်ကာမှ...
' နေကောင်းသွားပြီလား အန်တီ...'
အသွက်ကလေးက အနားကိုပြေးလာပြီး မေးရှာတယ်။
' ကောင်းသွားပြီ သမီးရဲ့။ ဘာလို့ လာစောင့်မနေတာလဲ...'
' နေ့တိုင်း မုန့်ဝယ်ကျွေးနေတာ...၊ အားနာလို့ပါ အန်တီ။ လူတွေက များလာပြီလေ...'
ကျွန်မ အထင်နဲ့ တလွဲစီဖြစ်သွားရတယ်။ ကျွန်မက ကျွန်မလာမှာ မသိလို့ သူတို့စောင့်မနေတာပဲ ထင်နေတာ။
ကျွန်မရဲ့လှည့်ကွက်က သူတို့လေးတွေအတွက် အသိတစ်ခုခု ဝင်သွားပုံရတယ်။ ကလေးဆိုပေမယ့် ပြောတဲ့စကားမှာ အသိပါတယ်။ ရိုးစင်းတယ်။ လူကြီးတွေလို ကွယ်ဝှက်မှုမပါဘူး။
ကွယ်ဝှက်မှုတွေနဲ့ မရိုးသားချင်တဲ့ ကျွန်မ...။ လက်ထဲက ချောကလက်ထုပ်ကို နောက်ပဲဝှက်လိုက်ရမလို...။ ရှေ့ပဲ ဆန့်ထုတ်ပြီး ပေးလိုက်ရမလိုနဲ့...။ ကိုယ့်ကိုယ်ကို မလုံလဲဘူး။
ဖြူစင်တဲ့ ကျွန်မရဲ့ စိတ်စေတနာတစ်ခုဟာ ကိန်းဂဏန်းတိုက်စားမှု တစ်ခုအောက်မှာ အခြေအနေပြောင်းသွားတာနဲ့ တပြိုင်နက် ကလေးတွေရဲ့ ရိုးသားတဲ့ အဖြူရောင်စိတ်ကလေးတွေနဲ့ မယှဉ်ဝံ့လောက်အောင် သိမ်ငယ်သွားရပြီလေ။
အဖြူတော့ အဖြူပါပဲ။ ဒါပေမယ့် ဖွေးဖွေးဆွတ်တဲ့ အဖြူရောင်ဘေးနားမှာ ယှဉ်လိုက်တော့ အဖြူမဟုတ်တဲ့ အရောင်တစ်ရောင်ဖြစ်သွားရတယ်။ အဖြူနားမှာ စိတ်သန့်သန့်နဲ့ နေနိုင်ဖို့ ကိုယ့်စိတ်ကိုကိုယ် လျှော်ဖွပ်ဖို့ ကြိုးစားရဦးမယ်။
ဘာပဲဖြစ်ဖြစ်...သေချာတာတစ်ခုကတော့ နောက်များဆို သမီးလေးအပါအဝင် ဘယ်ကလေးတစ်ယောက်ကိုမှ လှည့်စားမှုမပါဘဲ အရိုးသားဆုံး ပြောဆို ဆက်ဆံတော့မယ် ဆိုတာပါပဲ။
xxxxxxxxxx
ဝေ (စီးပွားရေးတက္ကသိုလ်)
စက်တင်ဘာ..၂ဝဝ၉...ပန်းအလင်္ကာမဂ္ဂဇင်း

3 comments:

  1. တစ်ကယ်ကောင်းတဲ့ ပို့စ်လေးပါပဲ မမ...ရေ
    ဖြူစင်တဲ့ ကလေးတွေနဲ့ ရိုးသားတဲ့ စိတ်ဓါတ်က ချစ်စရာ အပြည့်နဲ့
    လေးစားမှုတောင် တိုးစေသလိုပါပဲ...

    ReplyDelete
  2. ကလေးတွေရဲ့ ဖြူစင်တဲ့စိတ်ကို လူကြီးတွေကပဲ စွန်းထင်းစေနိုင်တယ်ဆိုတဲ့ အသိလေး ဒီပို့စ်လေးက ရလိုက်တယ်..။

    ReplyDelete
  3. this is very good article consisted fresh idea and positive view. i pray to promote looking forward your next thinking

    ReplyDelete