သက်တံရောင်တံလျှပ်






 ရွက်ဝါ တဖြုတ်ဖြုတ်ကြွေစ နွေဦးတစ်ညနေတွင် အနှစ်နှစ်အလလက တမ်းတခဲ့ရသော အလွမ်းများ၏ မြစ်ဖျားခံရာသို့ ပြန်လည်ခြေချနိုင်ခဲ့လေပြီ။ တစ်ခါတစ်ရံ ငိုချင်လောက်အောင် လွမ်းသော်လည်း ထိုအလွမ်းကို ဖြန့်ခင်းမရနိုင်သော အခြေအနေမျိုးလည်း ကြုံဖူးပေလိမ့်မည်။
    အလွမ်းသည် အလွမ်းသက်သက်သာဖြစ်၍ ပြင်းပြသည့်အာသီသ မပါသောအခါ တမ်းတမှုက လက်တွေ့သို့ကပ်လျက် ပါမလာတတ်ပါ။
    ထွက်ခွာလာခဲ့ပြီးကတည်းက သူ၏ဇာတိမြို့ကလေးသည် အလွမ်းသက်သက်ဖြင့် စိတ်ကူးထဲတွင်သာ အိပ်မက်နေဆဲ...။
    စိတ်ကူးနှင့်အိပ်မက်က လက်တွေ့မပါ ဘ၀အမောကြားမှာ ကူးခတ်နေဆဲ...။
                                 ++++++
    သည်နေ့တော့ အိပ်မက်က လက်တွေ့ဖြစ်ခဲ့ရပြီ။ မြို့ကလေးသို့ မသွားမဖြစ် သွားခွင့်ကြုံလေပြီ။
    သို့ပေမဲ့ သွားရမည်က ကြည်နူးဝမ်းမြောက်စရာကိစ်္စတော့ မဟုတ်။ မိခင်ဖြစ်သူ၏ မောင်ဝမ်းကွဲတစ်ယောက် နာရေးဈာပန။
    သူတို့ငယ်ငယ် မြို့ကလေးမှာ နေခဲ့ရစဉ်တစ်လျောက်လုံး တတွဲတွဲနှင့် ရင်းနှီးခင်မင်လာခဲ့ရသူမို့ အိပ်ရာထဲမှမထနိုင်သူ လူမမာမိခင်က သူမကိုယ်စား သားကို သွားဖို့စေလွှတ်ခဲ့၏။
    သူကတော့ သည်ဦးလေး ဆိုးသမျှပေသမျှ ဒိုင်ခံသည်းခံခဲ့ရသူ မိခင်၏ ဒုက်္ခတွေကို သိနေသူမို့ လာသာလာရသော်လည်း စိတ်မသက်သာလှ။ စိတ်သွားတိုင်း ကိုယ်မပါနိုင်တော့သူ မိခင်၏ဆန်္ဒကို ဖြည့်ဆည်းပေးရုံသက်သက်သာ။
    မည်သို့ပင်ဆိုစေ ဆွေမျိုးများကို မလွမ်းတတ်ခဲ့သော်လည်း ဇာတိမြို့လေးကိုတော့ လွမ်းနေခဲ့ဖူးပါသည်။
ငယ်သူငယ်ချင်းတွေနှင့် အဆက်အသွယ်ပြတ်နေသော်လည်း မြို့ကလေးကိုတော့ တစ်ခေါက်လောက်ဖြစ်ဖြစ် အလည်ပြန်ချင်နေခဲ့ဖူး၏။
    သည်မြို့ကလေးမှာ သူမွေးဖွား ကြီးပြင်းခဲ့သည်။ မြို့ကလေးမှာပင် အထက်တန်းကျောင်းသားဘ၀ကို ဖြတ်သန်းခဲ့သည်။
မြို့ကလေးထဲမှ သူငယ်ချင်းများစွာ ရခဲ့ဖူးသည်။ မြို့ကလေးမှာ အမှတ်တရများစွာ ရှိခဲ့သည်။
    လက်ရှိအရွယ်ကို သုံးပိုင်းပိုင်းသော် အစပထမတစ်ပိုင်းသည် ဤမြို့ကလေးမှ ငြိမ်းချမ်းသော၊ ဖြူစင်သော၊ အပူအပင်ကင်းခဲ့သော ကလေးဘ၀များ...။
    အလယ်ပိုင်းက အပြောင်းအလဲများစွာနှင့် စိန်ခေါ်မှုများကြား တွန်းတိုက်ပြိုင်ဆိုင်ခဲ့ရသော မြို့ပြကြီးမှ လူငယ်ဘ၀များ...။
    ယခုလက်ရှိအပိုင်းကတော့ တည်ငြိမ်လာခါစ လူလတ်ပိုင်းတစ်ယောက်၏ ရုန်းကန်တိုးထွက်နေရဆဲ ဘ၀အမောများ...။
    သူက ဘ၀ခရီးမှာ အမောဖောက်လာတိုင်း မြို့ကလေးမှ ငယ်ဘ၀၏ အပူအပင်မဲ့သည့်နေ့ရက်များအား သတိတရရှိတတ်သူ။
    မြို့ပြ၏ မွန်းကြပ်သောဖိအားများကြားရောက်ခါမှ လွတ်လပ်ပေါ့ပါးသော ငယ်ဘ၀ကို အကြိမ်ကြိမ်အပြန်ပြန် အောက်မေ့တတ်သူ။
    သားနှစ်ယောက်အတွက် မြို့ပြကြီး၏ နင်းစရာမြေ ရှားပါးမှုကို စိတ်မသက်မသာဖြစ်ရတိုင်း ကလေးတွေကို အင်တာနက်ဘောလုံးဂိမ်းများထဲမှ ဆွဲခေါ်ကာ သူတို့ငယ်ဘ၀တုန်းကလို မြေကြီးပေါ်မှ ဘောလုံးကွင်းကျယ်ကြီးထဲသို့ လိုက်ပို့ပေးချင်သူ။
    အထပ်မြင့် တိုက်ခန်းကျဉ်းထဲမှာပင် သဘာဝဘေးအန်္တရာယ်များကို ပြေးစရာမြေမရှိအောင် ထိတ်လန့်စိုးရွံ့စွာ ရင်ဆိုင်ရသည့်အခါတိုင်း မြေကြီးပေါ်တွင်သာ ၀ံ့ဝံ့စားစားပိုင်ပိုင်နိုင်နိုင် ခြေချနိုင်ခွင့်ကို တမ်းတမိသူ။
    ခုတော့ သူတမ်းတရသည့်နေရာကို ရောက်လာခဲ့ပြီ။ ကတိုက်ကရိုက် အရေးပေါ်ထွက်လာခဲ့ရ၍ သားတို့ကျောင်းပိတ်ရက်နှင့် မတိုက်ဆိုင်။ ရုတ်ရုတ်သုတ်သုတ်မြို့ပြကြီးမှာသာ ကြီးပြင်းခဲ့ရသည့် သားတွေကို ရိုးသားအေးချမ်းသော နယ်အရသာကို ခံစားစေချင်လှသော်လည်း ခေါ်မလာနိုင်ပြန်တော့။
    ဖြစ်နိုင်လျှင် ၀င်ငွေကောင်းရာ၊ ၀မ်းစာအလုပ်ရှိရာ၊ ကလေးတွေ ပညာရေးအတွက် ရွေးချယ်စရာပေါသည့် မြို့ပြကို မစွန့်ခွာနိုင်သော်လည်း တစ်ခါတစ်ရံတော့ မိသားစုအားလပ်ရက်များကို ကိုယ့်ဇာတိမြို့ကလေးမှာ အပန်းဖြေ အချိန်ကုန်ချင်မိ၏။
    ယုတ်စွအဆုံး သူတို့ဇနီးမောင်နှံ အိုမင်းလာချိန်တွင်လည်းကောင်း၊ ဘ၀၏နောက်ဆုံးအချိန်များတွင်လည်းကောင်း၊ မြို့ပြကြီးထက်စာလျှင် နယ်မြို့လေး၏အေးချမ်းမှုက ကိုယ့်ဒုက်္ခ ကိုယ်သိမ်းရန် တရားဘာဝနာ ပွားများအားထုတ်ဖို့အတွက် ဌာနေသဗ်္ဗာရ ပို၍မျှတလိမ့်မည်ဟု သူက ယုံကြည်နေမိသည်လေ။
                                 ++++++
    တကယ်တမ်းတွင်တော့ မြို့ကလေးသည် သူထင်သလို အရင်ကလောက်နွေးထွေးစွာ သူ့ကို မကြိုဆိုပါ။
    သူကပဲ မြို့ကလေးကို မမှတ်မိသည်လား။ မြို့ကလေးကပဲ သူ့ကိုစိမ်းကားလေသည်လားမသိ။ အရာရာတိုင်းသည် သူငယ်စဉ်ကတည်းကစွဲခဲ့သည့် အမှတ်သညာနှင့်တော့ များစွာကွာခြားသွားခဲ့ပြီ။
    မြို့ပြကြီး၏ဗိုင်းရပ်စ်များက နယ်မြို့ကလေးဆီ သည်လောက်လျှင်မြန်စွာ ကူးစက်နိုင်လိမ့်မည်ဟု မထင်ခဲ့သည်မှာ သူ့အမှားများလား။ အဖိုးတန် တစ်စုံတစ်ရာကို ဆုံးရှုံးရသလို နှမြောတသမှုသည် သူ့ရင်ကို နာကျဉ်ပင်ပန်းစေတော့သည်။
    “ ကိုဖိုးကျော်ရေ မင်းက တို့မြို့နဲ့ခွဲသွားတာ ကြာပြီဆိုတော့ မှတ်ရောမှတ်မိသေးရဲ့လားကွာ။ ခေတ်ကြီးက တိုးတက်လာတာလား ဘာလား မပြောတတ်ပေမဲ့ မြို့ကတော့ မျက်စိရှုပ်နားရှုပ်၊ အရာရာရှုပ်ထွေးလာတာ အမှန်ပဲကွ...”
    စိမ်းသက်သက်ခံစားမှုထဲ နစ်နေသည့်သူ့ကို ကားဂိတ်လာကြိုသည့် နှစ်ဝမ်းကွဲညီက အသာဆွဲခေါ်သော်လည်း သူကတော့ နစ်ဆဲ။
    “ ဒါနဲ့ ခု ဘယ်ကိုသွားမှာလဲ။ အဝေးပြေးဂိတ်က မြို့သစ်မှာဆိုတော့ မြို့ထဲပြန်သွားရမှာပေါ့။ အဲလိုမှန်းသိ ကိုယ် ရထားပဲ စီးလာပါတယ်ကွာ။ ဘူတာက မြို့ထဲမှာဆိုတော့ မင်းတို့အိမ်နဲ့ နီးနီးလေးဟာ...”
    သူ့အပြောကြောင့် ညီက အံ့သြသလို တစ်ချက်ငဲ့စောင်းကြည့်ရင်း
    “ တို့ အမျိုးတွေအားလုံးလိုလို မြို့သစ်ပြောင်းနေတာ ကြာလှပြီလေ။ မြို့ထဲမှာ ဘယ်သူမှတောင် မကျန်တော့ဘူး။ မင်းမေ့နေတာလား။ မသိသေးတာလား...”
        သူ့ကိုယ်သူတောင် ဒီသတင်းကို မသိတာလား။ မေ့နေတာလား။ ရုတ်တရက် စဉ်းစားလို့မရ။ လူဆိုသည်ကလည်း ကိုယ့်အရေးကိစ်္စနှင့်ကိုယ်ပင် သပွတ်အူလိုက်ပြီး ထွေးလုံးနေရသည်မို့ ခပ်ဝေးဝေးကိစ်္စတွေဆိုလျှင် မှတ်မှတ်ထင်ထင်မရှိချင်။
    ဟိုးအရင် သူ့သားလေးတွေ လမ်းလျှောက်တတ်ခါစ၊ ပြေးလွှားဆော့ကစားချင်ခါစ၊ ဘောလုံးကန်လိုခါစ အချိန်တွေကတော့ သူတို့နေထိုင်ရာ မြို့ပြကြီး၏ အထပ်မြင့်အိမ်ရာတွေကို စိတ်ကုန်စွာဖြင့် နယ်မြို့လေးမှာ မြေကွက်လေးတစ်ကွက်လောက် ပိုင်ဆိုင်လိုစိတ် ဖြစ်ခဲ့မိသေး၏။
    နောက်တော့ ပါးစပ်မှ ဖွင့်ဟရေရွတ်မိသည်အထိ စိတ်ပြင်းပြလာရာ မိခင်ကပဲ သူ့မောင်ဝမ်းကွဲအိမ် ရောင်းမည်ကြားကြောင်း ပြောခဲ့သေးသည်ပဲ။ သူပြန်သတိရပါပြီ။ အဲသည်အချိန်တုန်းက အိမ်ခြံမြေဈေးတွေ ဘာမှရှိလှသေးသည် မဟုတ်တာတောင် သူ့မှာ လက်လှမ်းမမီနိုင်။
    သူတို့မိသားစု၏ တစ်ခုတည်းသောပိုင်ဆိုင်မှု၊ သူငယ်ငယ်ကနေခဲ့သည့် အိမ်၊ခြံမြေလေးကလည်း အခါအားလျော်စွာ မြို့ပြအိပ်မက်၏ သူကောင်းဖြစ်ရေး စိတ်ကူးယဉ်တစ်ပွေ့တပိုက်နှင့် လဲလှယ်ခဲ့ရပြီးပြီ။ အဲသည်တုန်းက နည်းနည်းငယ်သေးသည်မို့ အိမ်၏စီးပွားရေး၊ လူမှုရေး၊ အတွင်းရေးမှန်သမျှ အားလုံးတော့ ထဲထဲဝင်ဝင်မသိလှ။ စိတ်ထဲလည်း မရှိလှ။ လူငယ်ပီပီ အပေါ်ယံသာ။
    အိမ်ရောင်းသည်ဆိုတော့လည်း ရောင်းသည်ပေါ့။ မြို့တော်ကြီးကို ပြောင်းမည်ဆိုတော့လည်း ပြောင်းမည်ပေါ့။
    မိဘတွေ စီးပွားရေးကလည်း အဆိုးလှကြီးမဟုတ်တော့။ ဘယ်မှာပဲနေနေ တစ်ဦးတည်းသောသား သူ့အတွက်ကတော့ သာသာယာယာပင်။ နယ်မှအိမ်ကို ဘယ်ဈေးနဲ့ရောင်းပြီး မြို့ပြကြီးမှ အထပ်မြင့်တိုက်ခန်းကို ဘယ်လောက်နှင့်ဝယ်သည်ဆိုတာကလည်း မိဘတွေအချင်းချင်းပြောသမျှ သူ့ဒီဘက်နားက၀င်ကာ ဟိုဘက်နားမှ ပြန်ထွက်သွားတော့၏။
    မှတ်မှတ်ထင်ထင် ဘာမှစိတ်ထဲမစွဲခဲ့။ ခုပြန်တွေးတော့ ကိန်းဂဏန်းတွေက လျင်မြန်လှသည့် ခေတ်ရေစီးကြောင်းမှာ ဝေေ၀၀ါးဝါး။
    အဲသည်တုန်းက နှစ်သိန်းဆိုလား။ သုံးသိန်းဆိုလား။
    “ ခုတော့ ကိုဖိုးကျော်တို့ အိမ်နေရာဆိုရင် သုံးထောင်ဆိုလား...”
    သူ့ညီကတော့ မြို့ကလေးသတင်းတွေ တတွတ်တွတ်ပြောဆဲ။
    သူမအံ့သြမိပါ။ ခေတ်က သူ့ကို ဖြတ်ကျော်သွားခဲ့ပြီဖြစ်သည်။
    အသက်ကြီးလာ၍ပဲလားမသိ။ မျက်ခြေမပြတ်ကြည့်နေသော်လည်း သူ့စိတ်ရောကိုယ်ပါ လိုက်မမီတော့အောင် ကျန်နေခဲ့ပေပြီ။
                                 ++++++
    “ ဖိုးကျော် မင်းငွေပေါရင် သားချောနဲ့တွဲပြီး အလုပ်လုပ်ပါလား။ အေးမျိုးက ဒီကောင့်ကြောင့် သူဌေးဖြစ်သွားတာကွ။ ဒီကောင်ဝယ်ဆိုတဲ့အကွက်ကို မျက်စိမှိတ်ဝယ်ပြီး ဒီကောင်ထုတ်ဆိုတဲ့အချိန်သာ ထုတ်ကွာ။ အနည်းဆုံး နှစ်ဆယ်၊ သုံးဆယ်။ ကံကောင်းရင် ရာချီပြီးတော့ကို မြတ်တာနော်။ ငါတောင် မနှစ်ကနှစ်လယ်တုန်းက ရှိစုမဲ့စုလေးနဲ့ ကွက်သစ်မှာ တစ်ကွက်ဆွဲထားလိုက်တာ။ နှစ်ဝက်လောက်နဲ့ ဆယ်သိန်းကနေ ရာကျော်သွားတာပဲ...”
    “ အေးမျိုးက ငါးကွက်ခြောက်ကွက်ဆိုတော့ ပိုခိုင်သွားတာ။ ခုဆို သူဝယ်ထားတဲ့မြေကွက်တွေဆိုတာ မြို့ထဲမှာရော၊ မြို့သစ်မှာရော လက်ညှိုးထိုးမလွဲဘဲ ဟေ့ကောင်ရေ။ သူတင်မက သူ့ညီမတွေ အစ်မတွေကပါ အေးမျိုးနဲ့တွဲပြီး မြေကစားနေကြတာ။ သူတို့တစ်မျိုးလုံး မြေသူဌေးတွေဖြစ်နေပြီလေ...”
    ကွမ်းတပစ်ပစ်ထွေးရင်း ပေါက်ပေါက်ဖောက်သလို သတင်းပေးနေသည့် ငယ်သူငယ်ချင်းတွေကိုကြည့်ရင်း သူအံ့သြနေပါ၏။
ငယ်သူငယ်ချင်းဆိုမှ တကယ့် ငယ်သူငယ်ချင်း။ ကလေးဘ၀ ငယ်စဉ်ကသာ ကျောင်းမှာခင်မင်ခဲ့ရပြီး အထက်တန်းကျောင်းလည်းပြီး၊ သူကလည်း မြို့ကြီးသို့ပြောင်းရွှေ့ခဲ့တော့ ကွဲကွာခဲ့ကြသည်။ ခုလိုကြီးရင့်ချိန်မှ ပြန်ဆုံကြတော့ လူလတ်ပိုင်းဘ၀တစ်ခုလုံး ကြားမှာ ကျပျောက်ခဲ့သလို ပုံစံတွေက ငယ်ဘ၀နှင့်တကယ့်ကို တခြားစီ။
    သူရောက်လာသည်ဟု သူ့ညီကသာ သတင်းမပေးလိုက်လျှင် သူငယ်ချင်းတွေကလည်း သူ့ကို လမ်းမှာတွေ့လျှင်တောင် မှတ်မိပါ့မည်လား။ သူကလည်း ထိုနည်းနှင်နှင်ပင်။
    “ မင်းနဲ့ဆယ်တန်းမှာ ဘေးချင်းကပ်ထိုင်ခဲ့ရတဲ့ လှဝင်းကတော့ ခုချိန် မင်းတွေ့လည်း တန်းမှတ်မိမှာသေချာတယ်...”
    ဒီကောင်က ငယ်ရုပ်မပြောင်းသလို စိတ်ကလည်း ငယ်ငယ်ကအတိုင်းပဲကွာ။ စာကြီးပေကြီးတွေဖတ်ပြီး အူကြောင်ကြောင်နဲ့။ သူ့ကိုယ်သူ ဘ၀င်လေဟပ်နေတဲ့ကောင်။
    ဘာတဲ့။ မြေဆိုတာ အပေါ်ယံကြည့်တော့သာ ပေ၂၀xပေ၈၀ ပတ်လည်လောက် လူတွေကမြင်ကြတာ။ ၀ိသမလောဘတွေဖက်လာရင် အပေါ်ယံအကျယ်အ၀န်းတင်မက အနက်က အ၀ီစိတိုင်တဲ့အထိရှိတယ်တဲ့။ သူ ပိုက်ဆံဘယ်လောက်ပိုပို နေစရာထပ်မလိုသရွေ့ မြေကို အမြတ်တင်ဈေးကစားဖို့ မ၀ယ်ဘူးတဲ့လေ။ ဒါ သမာအာဇီဝလို့ ဆိုရင်တောင် သူ မလုပ်နိုင်ဘူးတဲ့လေ။
    ဒီ့ထက်ဆိုးတာက အမျိုးသားရေးကို သစ်္စာဖောက်သလောက် ငါတို့ကို စွပ်စွဲပြီး မြို့ထဲမှာ အသားဝါတွေ နည်းသထက် နည်းသွားရတာ၊ အဖြူနဲ့အမည်းတွေသာ နေရာကောင်းတွေ ခွထိုင်ထားတာ၊ သားချောလို စပါးကြီးမြွေကို အစာခွံ့သူတွေကြောင့်ဆိုပဲ...”
    “ အေးကွ ငါ့ကိုလည်း မြေကွက်တွေ ဈေးတက်အောင် တမင်လုပ်ရကောင်းမလားလို့ ဒေါသတွေကြီးနေသေးတယ်။ စီးပွားရေးလုပ်တာပဲကွာ။ အမြတ်ပေးပြီး လာဝယ်တဲ့သူရှိတော့လည်း ရောင်းရတာပေါ့။ နယ်စပ်က ငါ့အမျိုးတွေက ဒီမြို့မှာ စီးပွားရေးလုပ်ချင်တယ် ဆိုတော့လည်း ငါ့ဆီက၀ယ်ထားတဲ့ မြေကွက်ပေါ်မှာ ငါကပဲကူညီပြီး ရှော့ပင်းမောကြီးတွေ၊ စကိတ်ကွင်းတွေ၊ ရေကူးကန်တွေ၊ ဟော်တယ်ဲကြီးတွေ ကူဆောက်ပေးရတာပေါ့ကွာ။
    ဒါနဲ့ပဲ၊ တစ်မြို့လုံး မင်းတို့အမျိုးချည်း ၀ါးမြိုပစ်ရကောင်းလားဆိုပြီး ငါ့ကို ရန်သူလိုလုပ်နေတယ်ကွာ...”
    ဖြူဆုတ်ဆုတ်မျက်နှာကို ရှုံ့တွကာ ပြောနေသည့် အေးမျိုးက သူ့မျက်ပေါက်ကျဉ်းလေးကို ပေကလပ်ပေကလပ်နှင့်
ပြူးပြီးစကားပြောတတ်သည့် ငယ်ကျင့်ကတော့ မပျောက်သေးပေ။
    “ ငါတို့ကလည်း သူ့ကို ပစ်မထားပါဘူးကွာ။ မြေကွက်လေး အချောင်ရရင် ဒီကောင့်ကို အရင်ထိုးကျွေးတာပါ။ သူကကို ပိုက်ဆံရှိရက်နဲ့လည်း မယူဘူး။ သူ အဲလိုခေါင်းမာတော့ အားလုံးကောင်းစားချိန်မှာ သူတစ်ကောင်ပဲ ကျန်ခဲ့တာပေါ့..”
    “ ဒီကောင်က တစ်မျိုးကွ။ ပိုက်ဆံရှိသူတိုင်းလိုလို မြေ၀ယ်ရောင်းလုပ်ပြီး စီးပွားဖြစ်နေချိန်မှာ “လူတစ်စုလောဘပြိုင်လို့ ဈေးတက်ရတာ..” ဆိုပြီး ပြောလိုပြော၊ တကယ်နေစရာမရှိတဲ့လူတွေ ကျောတစ်နေရာစာအတွက် ဘယ်လောက် စိတ်ညစ်ရတာကို တို့တွေ မစာနာတတ်ဘူးလို့ ဒေါသကြီးလိုကြီး၊ ကိုယ့်နိုင်ငံသား ကိုယ့်လူမျိုးစစ်စစ်တွေမှာ မြေတစ်လက်မတောင်မပိုင်ဘဲ နေစရာအတွက် ဒုက်္ခရောက်နေသူတွေ အများကြီး၊ အသားဖြူကောင်တွေရဲ့ ကျွတ်ကျွတ်အိတ်မဲမဲကြီးထဲက ငွေတွေဖောင်းလာအောင် မင်းတို့လိုလောက်တွေကအစ အားပေးနေတာလို့ အံကြိတ်လိုကြိတ်နဲ့...”
    “ ဘာတတ်နိုင်မှာလဲကွာ။ ခေတ်ကြီးကိုက လျှင်သူစားစတမ်းဖြစ်နေတာပဲ မဟုတ်လား။ သူတို့ အ လို့ သူတို့ကျန်ခဲ့တာ။ ဘယ်အချိန်မှာ ဘာလုပ်စားရမယ်ဆိုတာ သိဖို့ကလည်း စီးပွားရေးအမြင်ရှိဖို့ လိုသေးတာကွ...”
    “ ဒါဖြင့် ၂၀၁၅ မှာ မင်းတို့ ဘာလုပ်စားမှာလဲကွာ...”
    ရုတ်တရက် သူ့အမေးကြောင့် သူငယ်ချင်းတွေအားလုံး ပြောလက်စစကားရပ်ကာ တစ်ယောက်ကိုတစ်ယောက် ကြောင်ကြည့်နေကြ၏။ အတော်ကြာသည်အထိ ဖြေသံက ထွက်မလာ...
    “ ကဲ မင်းတို့ မဖြေနိုင်ရင်လည်း ဖြေနိုင်တဲ့သူကိုပဲ သွားရှာရမှာပေါ့။ ခုချိန် လှဝင်း ဘယ်မှာရှိတတ်သလဲ ပြောကြကွာ...”
                                 ++++++
    စိမ်းစိုနေသော သစ်ပင်များကြားမှ အိမ်ကလေးကို မြင်လိုက်ရသည်နှင့် နှစ်အတော်ပင်ကြာသွားပြီ ဖြစ်သော်လည်း များစွာမပြောင်းလဲလှမှန်း သူ ချက်ချင်းမှတ်မိနေသည်မှာ အံသြစရာပင်။
    ဘာလို့ဆို သူက ဘယ်အရာကိုမှ သိပ်မှတ်မှတ်သားသား မရှိတတ်သည့်သူ။ သို့ပေမဲ့ လှဝင်းကိုမြင်တော့လည်း ငယ်ရုပ်မပျောက်မှန်း တန်း၍မှတ်မိ၏။
    “ ဒီကောင်တွေက မျက်တောင်မွှေးတစ်ဆုံးပဲ မြင်တတ်တဲ့ကောင်တွေပါကွာ။ မျက်စိတစ်ဆုံး မကြည့်နိုင်အောင်လည်း လောဘမျက်ချေးတွေက စေးထန်းပိတ်ဆို့နေတာကိုး။ အဲလို ပိတ်နေလို့လည်း သူတို့တွေကို မပြောဖြစ်ခဲ့တဲ့ အဖြစ်အပျက်လေးတစ်ခု မင်းကိုပြောပြမယ်။ ပြီးမှ မင်းလာတဲ့ကိစ်္စကို ပြော ဟုတ်ပြီလား...”
    လှဝင်းက ငယ်ရုပ်မပျောက်သလို သူယုံကြည်ရာ ခပ်ရဲရဲပြောတတ်သည့် ငယ်စရိုက်လည်း မပျောက်ပါ။
ဒါကိုပဲ သူက သဘောကျနေမိ၏။
    “ လွန်ခဲ့တဲ့ လေးငါးခြောက်နှစ်လောက်ကပေါ့ကွာ။ ခုလို မြေတွေအလုအယက်ဝယ်တဲ့ အခြေအနေမျိုးကိုတော့ မရောက်သေးဘူး။ ဒါပေမဲ့ ဇာတ်လမ်းတွေစခါစလို့ ပြောရမှာပဲ။ ကိုယ်တို့လမ်းထဲကို လုပ်ငန်းရှင်တစ်ယောက် ငွေထုပ်ပိုက်ပြီး မြေတွေ တစ်ကွက်ပြီးတစ်ကွက် လာဝယ်တာ။ အဲဒီအချိန်မှာ ကိုယ်တို့လမ်းကလည်း ဂျိုင့်ခွက်ထူလပျစ်နဲ့ မိုးတွင်းဆို ဗွက်ထဲကူးပြီးမှ အိမ်ရောက်ရတာဆိုတော့ ပေါက်ဈေးထက်ပိုပေးပြီး ၀ယ်မယ့်သူရှိတုန်း လမ်းထဲကလူတွေလည်း ရောင်းကြတာပေါ့ကွာ။
    တို့ခေါင်းရင်း၊ ခြေရင်း၊ ရှေ့တည့်တည့်ကအိမ်တွေလည်း အကုန်ရောင်းကြတာပဲ။ တစ်လမ်းလုံး ကုန်သလောက်ရှိတဲ့အထိ
ကိုယ်က မလှုပ်တော့ အိမ်ကို ဈေးပိုပေးပြီးဝယ်ချင်တယ်လို့ ပွဲစားကလာပြောတာပေါ့။
    ကိုယ်ကလည်း မတွေဝေပါဘူး။ လုံးဝ မရောင်းဘူးလို့ပဲ ပြန်ပြောလိုက်တယ်။ သူတို့က ဈေးတွေထပ်တိုးပေးပြီး မက်လုံးအမျိုးမျိုးပေးတယ်။ ကိုယ်ကလည်း ခေါင်းခါမြဲပဲ။ နောက်ဆုံး ကိုယ်ကလွဲပြီး တစ်လမ်းလုံးကမြေတွေ သူပိုင်သွားပြီးတဲ့အခါမှာပဲ တိုက်တိုက်ဆိုင်ဆိုင် လမ်းထဲကို ကျောက်တွေလာပုံတော့တာလေ။
    လမ်းအသစ်ခင်းတော့မယ် ဆိုတာလည်း သတင်းကြားရော လမ်းထဲက မြေဈေးတွေက သီတင်းကျွတ်မှာ ဖောက်တဲ့ တရုတ်မီးပန်းတွေလို ကောင်းကင်ပေါ် အလုအယက် ဈေးရောင်စုံလှလှကြီးတွေနဲ့ တဖွားဖွားတက်လို့..။
    တခြား “ ဘာစီမံကိန်း၊ ညာစီမံကိန်းတွေဖြစ်နိုင်တယ်။ ဘာစက်ရုံ ဆောက်မလို့ထင်တယ်။ ဘယ်ဘဏ်လာဖွင့်မယ်ဆိုလား..” နဲ့ ကောလဟလတွေကလည်း မိုးဦးကျဖားအော်သံတွေလို ဟိုကဒီက ထွက်ုလို့ပေါ့။
    အရင်လူတင်မကဘဲ တခြားက မြေလာဝယ်သူတွေလည်း ကိုယ့်အိမ်လေးကို ထပ်ရောက်လာတာပဲ။
    ကိုယ့်သဘောထားကိုတော့ ဟိုကောင်တွေပြောပြလို့ မင်း သိပြီးသားဖြစ်မှာပါလေ။
    ထားပါတော့ကွာ။ အကျဉ်းချုံးပြောရရင် ပထမ၀ယ်ထားတဲ့သူက သူဝယ်ထားတဲ့ လမ်းထဲကအကွက်တွေကို အရင်ဈေးထက် နှစ်ဆသုံးဆနဲ့ ရောင်းပစ်လိုက်တာမှ၊ တစ်လမ်းလုံးလည်း လူသစ်တွေချည်းပဲ ဖြစ်ကုန်ရော။
    အသစ်ရောက်လာတဲ့ လူတွေလည်း လမ်းဘယ်တော့ခင်းမလဲ ခင်းမလဲနဲ့ စောင့်နေရင်း လည်ပင်းသာရှည်လာတယ်။ လမ်းထဲက ကျောက်တွေက ဒီ့အတိုင်း။ တုပ်တုပ်တောင်မလှုပ်ဘူး။ ကြာလာတော့ မနေနိုင်သူတွေက အဲဒီကျောက်တွေ ဘယ်အဖွဲ့အစည်းက ပုံတာလဲလို့ စုံစမ်းကြည့်တော့လည်း ဘာအဖြေမှ ရေရေရာရာမတွေ့ဘူးလေ။
    နောက်ဆုံးတော့ လမ်းကလည်း မိုးတွင်း ဗွက်တစိစိ၊ နွေ ဖုန်တသောသော၊ ချိုင့်ဗလပွနဲ့ အရင်အတိုင်းပါပဲ။ မြေဈေးအိမ်ဈေးတွေလည်း ပြန်အေးသွားပြီး ၀ယ်မိတဲ့သူတွေမှာ ဘယ်သူ့ ဘယ်သူ အပြစ်တင်ရမှန်းမသိဘူး။
    နောက်ပိုင်းမှသာ ကိုယ်ထူကိုယ်ထ လမ်းတွေပြင်ကြ၊ စနစ်အပြောင်းအလဲ အမျိုးမျိုးကြားမှာ ဈေးတွေထပ်တက်.. နဲ့။
    ကိုယ်ကတော့ ပွဲကြည့်ပရိသတ်လိုပါပဲ။ လမ်းထဲက ထွက်သွားတဲ့သူတွေ၊ လမ်းထဲကို ၀င်လာတဲ့သူတွေ၊ လမ်းကလေးကို ကုလားဖန်ထိုးသွားတဲ့သူတွေ..။ နောက်ဆုံး ဘယ်သူတွေရဲ့ အိတ်ဖောင်းသွားသလဲဆိုတာကအစ မြင်နေရတာ။
    ဒါကြောင့်လည်း ဘယ်လောက်ခေတ်ပြောင်းပြောင်း ကိုယ် စိတ်မပြောင်းတာပါပဲကွာ...”
                                 +++++++
   
      လှဝင်းဆီက အပြန်မှာတော့ နှစ်ဦးသားစကားကောင်းနေ၍ ဘယ်အချိန်ကတည်းက ချဉ်းနင်းခဲ့သည်မသိသော ညအမှောင်က မြို့ကလေးကို လွှမ်းခြုံရစ်သိုင်းနေလေပြီ။
   နံနက်မိုးသောက်လျှင်တော့ သူသည်လည်း မြို့ပြအိပ်မက်၏ စုတ်ယူမှုထဲ တစ်ဖန် ၀ဲလှည့်ရပေဦးမည်။
   အိမ်ပြန်လမ်းတစ်လျှောက်မှ သူ့အတွေးများသည်ကား ညအမှောင်ထက် ပို၍ ပို၍ နက်ရှိုင်းစွာ ...။
                                 ++++++


ဝေ(စီးပွားရေးတက္ကသိုလ်)
ရွှေအမြုတေမဂ္ဂဇင်း..( December, 2014)

မှန်သားပေါ်က မျက်နှာ



 အောင်မလေးတော်။ မတွေ့ချင်လို့ ရှောင်နေပါတယ်ဆိုခါမှ ဒီမျက်နှာကြီးနဲ့ ဖေ့စ်ဘွတ်ပေါ်မှာ လာတိုးရတယ်လို့။
ဘယ်သူငယ်ချင်းကများ Like လုပ်လိုက်လို့ ကိုယ့် Timeline ပေါ် တက်လာရတယ် မသိဘူး။
     သူနဲ့ကိုယ်နဲ့ ဖေ့စ်ဘွတ်ပေါ်မှာ သူငယ်ချင်းလုပ်မထားတာတော့ သေချာတယ်။
     ဒီလိုပြောလို့ အပြင်မှာတော့ သူငယ်ချင်းလို့လည်း ထင်မသွားနဲ့ဦး။ သူနဲ့ သူငယ်ချင်းလုပ်မယ့်အစားများတော့ ရပ်ကွက်ထဲ မနက်တိုင်း ရောက်ရောက်လာတတ်တဲ့ အရူးမကိုသာ အဖက်လုပ် ပေါင်းလိုက်ချင်သေးတာပါပဲ။
     ခုတစ်မျိုး၊ ခုတစ်မျိုး။ သူ့စိတ်က အရူးမထက်တောင် အကြောင်းဆိုးသေး။
     ခုရွဲ့၊ ခုမဲ့။ သူ့ရုပ်က အရူးမထက်တောင် ကျက်သရေတုံးသေး။
     အရူးမကမှ ရူးနေတော့ သူများကို မကောင်းကြံဖို့ အကောက်ဥာဏ်ထွင်နိုင်ဦးမှာ မဟုတ်ဘူး။ သူလိုမိန်းမက သူများကို ဘယ်လို အပြစ်ရှာချောက်တွန်းလိုက်ရမလဲ၊ အချိန်ပြည့် ဥာဏ်ဆင်နေတဲ့သူ။
     ဒီလိုလူမျိုးနဲ့မှ တစ်မိုးအောက်မှာ အတူနေဖြစ်အောင် ရေစက်လာဆုံရတာကတော့ ကိုယ့်အကြောင်းကိုက မကောင်းတာပါလေ။ လင်ညီအစ်မတဲ့။ ဆွေမျိုးစပ်ပုံ နာမည်ကြီးကိုက ဆိုးလိုက်ချက်။
                                xxxxxx
     တကယ်တော့ စကတည်းက ယဉ်သကို ဆိုသလို လူချင်းမမြင်ဖူးခင်ကတည်းက ဘေးစကားတွေ အကြားနဲ့တင် သူ့အပေါ် မုန်းဇာတ်ပျိုးခဲ့တာ။
     “ အစ်မက မျိုးလေးကိုချစ်လို့ စေတနာနဲ့ သတိပေးတာနော်။ ကိုလေးမရီးဆိုတဲ့ တစ်ယောက်ကိုတော့ လျှော့မတွက်မိစေနဲ့ သိလား။ သူက အစ်ကိုကြီးမိန်းမဆိုပြီး ကိုလေးအပေါ်မှာလည်း ပိုင်ကြောင်းနိုင်ကြောင်း ပြချင်ပုံရတယ်။
     ဘာမဆိုင်ညာမဆိုင် ကိုလေးအတွက် မျိုး ပေးခိုင်းလိုက်တဲ့ ပါဆယ်ဗူးကို အစ်မလက်ထဲက ဆွဲယူသွားပြီး ဖွင့်ကြည့်တာသာကြည့်။ ပြီးတော့ ဟယ် ဒီကလေးမနှယ် ကိုလေးက ချောင်းဆိုးရင်ကျပ်ဖြစ်နေပါတယ် ဆိုခါမှ ချောကလက်တွေ ပို့လိုက်ပြန်ပြီ။ မင်းစားလို့ မဖြစ်ဘူးနော်ကိုလေး။ ညကြီးအချိန်မတော် ရင်ကျပ်နေရင် တစ်အိမ်လုံး ဘယ်သူမှ နေရတာမဟုတ်ဘူး။
     မဖြစ်ဘူး။ မဖြစ်ဘူး။ ဒီချောကလက်တွေ မစိုးပဲ သိမ်းထားလိုက်မယ်။
     ကဲ မင်းလည်းပြန်တော့... ဆိုပြီး အစ်မကိုပါ တစ်ခါတည်း နှင်ထည့်လိုက်တာ။
     တော်တော်မုန်းဖို့ကောင်းတဲ့ မိန်းမပဲ မျိုးရယ်။ လေသံကလည်း အထက်စီးကြီးနဲ့..”
     အမှန်ဆို သူ့စကားမဆုံးခင်ကတည်းက ကိုယ့်အမုန်းတွေက မိုင်ကုန် ဂိတ်အဆုံးထိ ရောက်ပြီးသွားပြီ။
     အိမ်မှာ အ၀တ်လာလျှော်ပေးနေကျ အစ်မကြီးကို မနက်စောစော ကိုလေးဆီကိုလွှတ်ပြီး ချစ်သူများနေ့အထိမ်းအမှတ် ချောကလက် ပို့ခိုင်းလိုက်မိတာကိုတောင် တော်တော် နောင်တရမိသွားတယ်။
     လူချင်းတွေ့မှ ပေးလို့ရပေမဲ့ ချစ်သူအံ့သြသွားစေချင်လို့ လုပ်ခါမှ။ လူချင်းမတွေ့ဖြစ်တဲ့ တစ်ရက်တစ်ပိုင်းလေးမှာ ကိုလေး ကလည်း ဘယ်လိုများ ရင်ကျပ်ရောဂါသည်ကြီး ဖြစ်သွားရတာပါလိမ့်။ လျှောမွေးနဲ့ ဗာရာဏသီချဲ့တယ်ဆိုတာ သူလို မိန်းမမှအစစ်။
     ဒါနဲ့ပဲ အဲဒီကနေစလိုက်တဲ့ အမုန်းဇာတ်ဟာ ခုထက်ထိ အဆုံးမသတ်နိုင်တော့တာပဲ။
     တစ်ခါတစ်လေတော့လည်း မုန်းမိတဲ့ကိုယ်ကပဲ လွန်သလိုလို ခံစားရပြီး ကိုယ့်ကိုယ်ကို ရှက်မိတာတော့ တကယ်ပါ။
     ဘာလို့လဲဆိုတာ့ ချိတ် ချိတ်ချင်းမှ ချိတ်တာလို့ လူတိုင်းက ဆိုကြ၊ လက်ခံကြသကိုး။ ဒီတော့ သူကချိတ်ကောက်ဆိုရင် ချိတ်မိတဲ့ ကိုယ်ကရော ချိတ်မဟုတ်လို့ ဘာဖြစ်မလဲ။
     လူဆိုတာကလည်း သူများကိုသာ မကောင်းမြင်ပြီး လူဆိုးသတ်မှတ်ချင်တာ။ ကိုယ်တိုင်ကျတော့ ကိုယ့်ကိုယ်ကို လူဆိုးအဖြစ် မမြင်ချင်ကြဘူး မဟုတ်လား။ ဒီတော့ သတိဝင်တိုင်း ကိုယ့်ကိုယ်ကို ရှက်စိတ်နဲ့ ပြင်ဖို့ကြိုးစားကြည့်တယ်။ ဒါပေမဲ့ ကိုယ့်လိုသူရော ရှက်တတ်ရဲ့လားလို့ တွေးမိပြန်တော့ တစ်ခါ ပိုပြီး စိတ်ပျက်မိပြန်လေရော။
                               xxxxxx
     “ ဟယ် ဟင်းချိုကြီးကလဲ။ ဘာလို့ ဒီလောက်တောင် ငံတူးနေရတာလဲ။ ဖေဖေနဲ့မေမေ့မှာ သွေးတိုးရှိတာသိရက်နဲ့ ဒီလောက်ငံအောင် ချက်ရသလား မေမျိုးမြင့်ရယ်။ ကောင်မလေးတွေ ချက်တာဆိုပေမဲ့ ကိုယ်က စီမံရတာဆိုတော့ မြည်းပြုကြည့်ရတယ်ကွဲ့။ မမစိုးဆိုရင် ဘယ်တော့မှ သူတို့ချည်းလွှတ်မထားဘူး။ အလုပ်သမားဆိုတာ ပြောနိုင်လွန်းမှ တန်ကာကျတာ။ ဒီအတိုင်းလွှတ်ထားလို့ကတော့ ထမင်းတစ်ဝိုင်းလုံး ခွေးကျွေးပစ်ရတဲ့ဘ၀ ရောက်သွားမှာနော်...”
     ကဲ.. ဒီလိုစကားမျိုးကို စေတနာလို့ ဘယ်လို ခေါင်းစဉ်တပ်ရမလဲ။ နှစ်ယောက်တည်းပြောတာဆို တော်ဦးမယ်။ ခုတော့...။
     ရုတ်တရက် အားလုံး ဘာပြောရမှန်း မသိလောက်အောင် တိတ်ဆိတ်သွားကြတာ။ သူ့စကားတွေရဲ့ပြင်းအား ဘယ်လောက် တာသွားသလဲဆိုတာသာ ကြည့်။
     တကယ်တမ်းသာ စေတနာမှန်ရင် သူ ဒီစကားတွေကို လူစုံတက်စုံရှေ့မှာ ပဏာလုပ် မပြောသင့်ဘူးမဟုတ်လား။
     အဲဒီတုန်းက ဒီအိမ်ကြီးပေါ်ကို ရောက်လာခါစဆိုတော့ ကိုယ်လည်း ဘာပြောရမှန်းမသိအောင် ကြောင်အနေမိတာ။
     “ မမမျိုးမို့ ငြိမ်ခံနေတာ။ သမီးသာ မမနေရာမှာဆို... ဟင်း..” လို့ ဟင်းချက်ကူခဲ့တဲ့ ကောင်မလေးက ကိုယ့်ကိုယ်စား နောက်ကွယ်မှာ ဒေါမနဿပွားပေးရှာတယ်။
     ဒါပေမဲ့ ကိုလေးက တစ်ခွန်းမှဝင်မပြောဘူး။ ကိုလေးရဲ့ ဖေဖေ၊မေမေကလည်း တစ်ချက်ဝင်မဟန့်ဘူး။ ကိုကြီးဆိုတာကတော့ ဘာမှမကြားသူလို ထမင်းကိုသာ သဲမဲစားလို့။ အဲဒီမှာတင် သူ့ပါဝါက ဒီအိမ်ကြီးမှာ မနည်းပါလားလို့ ရိပ်မိသွားရတော့တာပဲ။  
     အဲဒီကတည်းက နေရာဆိုတာ ယူတတ်ရင်ရတယ်ဆိုပေမဲ့ ရတဲ့နေရာနဲ့ မလိုက်ဖက်တဲ့ အာဏာပါဝါ အမူအရာတွေ ပြလွန်းရင်လည်း လူကြည်ညိုစရာ မဖြစ်ဘူးဆိုတဲ့ အသိကိုရလိုက်တော့တယ်။
                               xxxxxx
   
     သူ့အပြောလေးတွေ၊ မထိတထိ ကလိတာလေးတွေ၊ နေရာတကာ သူသိသူတတ် အမှတ်ဝင်ဝင်ယူတာတွေက ကျန်တဲ့သူတော့ ဘယ်လိုမြင်မလဲ မသိဘူး။ ကိုယ့်မှာတော့ အတော်လေး ခံရခက်လှတယ်။ နှစ်ယောက်ချင်းက အရေးမကြီးလှပေမဲ့ အများရှေ့မှာ၊ သူ့ယောကျာ်း၊ သူ့ယောက်္ခမ၊ သူ့မတ်တော်မောင်နဲ့ အိမ်မှာအတူနေရတဲ့ အလုပ်သမားတွေရှေ့မှာဆို ကိုယ့်ကို အလို့ငြိမ်ခံနေတာလို့ ထင်မလားဆိုပြီး နည်းနည်းရှက်မိတယ်။ အဲလိုတွေးမိလိုက်ရင်တော့ မာနဟာ ထိုးထိုးထောင်ထောင်နဲ့ အမောက်ထောင်လာတော့တာပဲ။
     “ ဆိုင်ထဲက ဆပ်ပြာတွေ ယူသုံးထားတာ ဘာလို့ မပြောတာလဲ မေမျိုးမြင့်ရယ်။ တို့တွေက စီပွားမခွဲသေးဘူး ဆိုပေမဲ့ အလုပ်က ခွဲထားပြီးသားဆိုတော့ ကိုယ့်လုပ်ငန်းခွင် သူ့လုပ်ငန်းခွင်တော့ လေးစားသင့်တယ်။ စားသောက်ဆိုင်အတွက် ယူမယ်ဆိုရင် စာရင်းဇယားနဲ့ယူ။ တို့ဆီကို အရင်ခွင့်တောင်းပါ။ စာရင်းသွင်းပြီးမှ ယူပါ။
     စည်းကမ်းမရှိရင် ဘယ်လုပ်ငန်းမှ ကြာရှည်ခံမှာမဟုတ်ဘူး။ ဒီလိုပဲ ယူယူသုံးရင်း ဆိုင်ပြုတ်သွားရင် တို့ကိုပဲ အဘိုးကြီး အဘွားကြီးတွေက အပြစ်တင်ကြမှာ။ မင်းမသိသေးလို့နော်။ အဘွားကြီးက သိပ်အပြစ်ပြောသန်တာ..။ သူများများ အပြစ်ပြောရမယ်ဆိုရင်.....”
     အဲဒါသာကြည့်။ ရှေ့တင်တော့ ဖေဖေနဲ့ မေမေရဲ့ ကျန်းမာရေးပဲ အသက်နဲ့လဲပြီး ကာကွယ်တော့မယောင်ယောင် ဖားပြီး၊ နောက်ကွယ်ကျ အတင်းတုပ်နေပြန်ပြီ။ သူ့စကားလမ်းကြောင်းအတိုင်း မှေးပြီးလိုက်သွားရင် ယောက်္ခမ မကောင်းကြောင်း ဋီကာကို ကမ်္ဘာဦးလူသားတွေ လက်ထက်ကတည်းက ထုံးစံလိုလို..၊ သူသိသူတတ် ဆရာကြီးလုပ်ပြီး ပြောဦးမယ်။
     အမှန်ပြောရရင် ကိုယ်ကတော့ ခုမှ စပေါင်းရတယ်ဆိုပေမဲ့ ယောက်္ခမတွေကို မိဘလိုစိတ်ထားပြီး ချစ်ခင်လေးစား၊ ရိုသေချင်သူ။ ယောက်္ခမနဲ့ချွေးမရဲ့ ကမ်္ဘာဦးထုံးစံကိုလည်း ငြင်းပယ်လိုသူ။
     သူကလည်း လူပါးပဲ။ ကိုယ့်ဆီက သူများမကောင်းကြောင်း ကိုယ့်ကောင်းကြောင်း အစီအစဉ်၊ ဆက်ရန်မရှိဘူးဆိုတာ သိတာနဲ့ ပူးသတ်လို့မရဘူးဆိုတာ ရိပ်မိတော့ ခွာပြီး အလုံးကြီးကြီးနဲ့ ထုပြန်တာပေါ့။
     “ အစ်မလည်း ကျွန်မတို့ဆိုင်အတွက် ၀ယ်ထားတဲ့ ဆီပေပါတွေထဲက ဆီတွေ လာလာယူသုံးနေတော့ ဒီလိုပဲ ယူသုံးရတယ်ထင်လို့ ယူမိတာပါ...”
     “ အလို.. ဖြစ်မှဖြစ်ရလေတော်။ သူ့အပြစ်ကို ငါ့အပြစ် ပြန်ဖို့နေပြန်ပြီ။ ညည်းတို့ဆိုင်ထဲက ဆီ ယူသုံးတယ်ဆိုတာ အခါတစ်ရာမှ တစ်ခါပါအေ။ မိသားစုအားလုံးစာ ချက်ရင်းတန်းလန်း ရုတ်တရက်လိုလို့သာ နည်းနည်းယူမိတာ။
     ဒါကလည်း တို့စားတဲ့ ဟင်းမျိုးပဲသုံးတာ။ စားသောက်ဆိုင်မှာ သုံးတဲ့ဆီက ပဲဆီမှမဟုတ်ဘဲ။ မေမေတို့ ဖေဖေတို့အတွက် ချက်တာမှာ ဘယ်လိုလုပ်သုံးရမလဲ။
     ညည်းပြောပုံနဲ့ ဟိုကကြားရင် ငါ့ကို ဆီမသန့်တာတွေနဲ့ ချက်ကျွေးတယ်ဆိုပြီး အပြစ်တင်ခံရဦးမယ်။ တစ်ယောက်တစ်လ၊ တစ်လှည့်စီချက်နေရတာဆိုတော့ ညည်းလည်းသိမှာပါ။ နဂိုကမှ သွေးတိုးရင်လည်း ဟင်းတွေငံလို့၊ ဆီချိုတက်လည်း ဆန်မှားချက်သလား၊ နှလုံးအောင့်လည်း ဆီတွေမှသန့်ရဲ့လားနဲ့ ရမယ်အရှာခံနေရတာကို...”
     ဒီလို အကြောင်းတစ်ခုခုနဲ့ စောဒကပြန်တက်မိတိုင်း မဆုံးတော့တဲ့ သူ့စကား အချဲ့အကားတွေကို နားနဲ့မဆန့်အောင် ကြားရပြန်တော့ နောက်ဆို ဒီလိုကို နည်းနည်းလေးမှ ပြန်မပြောချင်တော့ဘူး။
     မပြောတတ်လို့ မဟုတ်ပေမဲ့ မပြောချင်လို့ မပြောဖြစ်တဲ့စကားတွေ..၊ မြိုသိပ်ထားရတာတွေ..၊ အကြိမ်များလာတော့ ရင်ပတ်ကြီးက တင်းကျပ်လာတယ်။
     ညီအစ်ကိုနှစ်ယောက်တည်းမို့ အိမ်ထောင်ကျတာတောင် အိမ်မခွဲဘဲ အတူနေရမယ်ဆိုတဲ့အချက်ဟာ ဒီလောက် အရေးမကြီးဘူးလို့ အစက ထင်မိတာ...။ မှားမှန်းသေချာသွားတဲ့ အချိန်မှာတော့ သူပေးတဲ့သင်ခန်းစာတွေလည်း သင်ရိုးကုန်သလောက် ရှိနေပြီ။ ကိုယ်လည်း ငယ်ငယ်ရွယ်ရွယ်နဲ့ အိုစနာကျလာပြီ။
                               xxxxxx
     “ မွေးရာပါမဟုတ်ရင် သုံးဆယ်ကျော်နဲ့ နှလုံးရောဂါဖြစ်နိုင်ချေ နည်းပါတယ်။ စိတ်မပူပါနဲ့။
      သမီးခန်္ဓာကိုယ်က ပိန်ပိန်ပါးပါးဆိုတော့ ကိုလက်စထရောလည်း များစရာမရှိလောက်ဘူးလေ။
      သမီးမှာ စိတ်ညစ်စရာ၊ စိတ်ရှုပ်စရာတွေတော့ ရှိပုံရတယ်။ အဲဒီပေါ်မှာ စိတ်ခံစားမှုတွေ လိုက်ပြင်းထန်နေရင်တော့ နှလုံးသွေးကြောနံရံတွေက ကျဉ်းလာပြီး သွေးကောင်းကောင်းမလျှောက်တဲ့အခါ အောင့်မှာပေါ့။ ဒါပေမဲ့ သေချာအောင် အီးစီဂျီလည်းရိုက်၊ သွေးလည်းစစ်။
      အဓိကကစိတ်ပဲ သမီး။ စိတ်ထားတတ်အောင် ကျင့်ပေးရမယ်။ စိတ်နဲ့ရုပ်က အပြန်အလှန်မှီခိုနေတာ မဟုတ်လား...”
     နောက်ဆုံးတော့ ဆရာဝန်ကြီးပြောသလို “ စိတ်ပါပဲ ” လို့ လက်ခံလိုက်ရတော့တယ်။ ရင်ပတ်တွေအောင့်အောင့်နေတာ၊ အသက်ရှူမ၀ ဖြစ်ဖြစ်နေတာ၊ မခံနိုင်လွန်းလို့ ဆရာဝန်ပြရတဲ့အထိ ဖြစ်လာတော့ ကိုယ့်ကိုယ်ကိုလည်း ရှက်မိပါရဲ့။
     ဆရာဝန်က အီးစီဂျီနဲ့ သွေးစစ်ဆေးချက်အဖြေတွေကို ကြည့်တာနဲ့ နှလုံးရောဂါမဟုတ်ပါဘူးဆိုပြီး အကြံပေးလိုက်တော့ အာနာပါနလေးကို အိပ်ရာဝင်တိုင်းလုပ်ဖြစ်လာတယ်။ အဲဒီကဆစ်ဆင့် ၀ိပဿနာတရားတွေနာဖြစ်ရင်း တရားထိုင်ကျင့်လေးရလာတော့ နှလုံးက အောင့်ပါဆိုလို့တောင် မအောင့်တော့ပြန်ဘူး။
     ဒီကြားထဲ တိုက်တိုက်ဆိုင်ဆိုင် အိမ်ထောင်ကျကျချင်းကတည်းက ကိုလေးကို တာဝန်ပေးထားတဲ့ စားသောက်ဆိုင်မှာ ၀င်ကူနေတော့ အလုပ်ထဲက သူတို့ပြဿနာလေးတွေကလည်း ကိုယ်နဲ့ခပ်ဆင်ဆင်ပါပဲ။
     “ အန်တီရယ် သူက တစ်ယောက်မဟုတ် တစ်ယောက်နဲ့ ထစ်ထားရမှ နေတတ်တာလား။ အရင်က မအေးနဲ့မခေါ်တော့ သမီးနဲ့အဆင်ပြေလို့။ ခု အန်တီက မအေးကို ဆုံးမစကားပြောလိုက်လို့ မအေးကလည်း သူ့ကိုစခေါ်လိုက်ရော မအေးနဲ့ပြန်လုံးသွားပြီး သမီးကို စကားမပြောတော့ဘူး။ ဘာမှလည်း ရန်ဖြစ်တာမရှိဘဲနဲ့။ စကားမပြောဘဲနေကြရင်း ရန်ဖြစ်ထားသလိုမျိုးကြီး ဖြစ်သွားရော..”
     အသက်တစ်ရာမနေရ၊ အမှုတစ်ရာပွေရ ဆိုသလို အလုပ်သမားအချင်းချင်း အစောင်းအမြောင်းဇာတ်လမ်းတွေကလည်း ကိုယ်မှမရှင်းရင် ဘယ်သူရှင်းမလဲ။ အပြင်ကကြည့်တော့ ဘာမဟုတ်တဲ့ ပြဿနာလေးတွေဆိုပေမဲ့ ကာယကံရှင်တွေအတွက်ကျတော့ မျက်ရည်နဲ့မျက်ခွက်လေ။
    “ ကိုယ့်တုန်းကလည်း လူတန်းစားသာကွာတာ စိတ်ဓာတ်ကဘာထူးလို့လဲ။ မနက်မိုးလင်းတာနဲ့ သူ့မျက်နှာထားဆိုးကြီးနဲ့ ချီထားတဲ့ မျက်ခုံးအစုံဟာ ကိုယ်ကမှ စကားစမပြောရင် သူက ဘယ်တော့မှ စမပြောဘူး။
    တစ်ခါတလေ ကိုယ်ကလည်း စိတ်အချဉ်ပေါက်ပြီး စကားမပြောဘဲ နေကြည့်လိုက်တာ။ တစ်နေသာကုန်သွားရော။ ရန်ဖြစ်ထားကြသလားလို့ ဘေးကမေးယူရတဲ့အထိ အခြေအနေတွေက တင်းမာကုန်ရော။
    ဒါနဲ့ ကိုယ်က လျှော့ပြီး စခေါ်ကြည့်တော့လည်း သူက စိတ်ခုပြီး မကြားချင်ယောင် ဆောင်တော်မူတယ်လေ။ အကြောင်း မသိခင်ကတော့ လူရှေ့သူရှေ့ ကိုယ့်စကားကို မကြားချင်ယောင်ဆောင်နေရင် ရှက်ပြီး နေမထိထိုင်မသာနဲ့ ကတုန်ကယင်ကြီးပေါ့။
    နောက်တော့လည်း ရိုးသွားတော့ ကိုယ်က စကားစပြောတာကို မကြားချင်ယောင် ဆောင်နေလို့များတော့ လက်တို့ပြီးကို ထပ်ပြောပစ်လိုက်တာပဲ။ အများရှေ့မှာ လက်တို့ပြီး မကြားကြားအောင် ပြောတာကိုမှ မတုန့်ပြန်ရင် ဘယ်သူအလွန်လဲကွယ်..”
    ကိုယ့် ကိုယ်တွေ့ ဆုံးမစကားက ဘယ်လောက် တာသွားသလဲတော့ မသိဘူး။
နောက်ရက်တွေမှာ အလုပ်သမားတစ်ဖွဲ့လုံး ရယ်ရယ်ပြုံးပြုံးနဲ့ အဆင်ပြေနေကြပြန်ပါရောလား။
                                xxxxxx
    သူများကိုတော့ ဆုံးမစကား ဟန်ကျပန်ကျပြောနိုင်ခဲ့ပြီး ဖေ့စ်ဘွတ်ပေါ်မှာ သူနဲ့ သူငယ်ချင်းဖြစ်ရမှာ ကြောက်တဲ့ ကိုယ့်ကိုယ်ကိုကျ ဘယ်လိုမှ ဆုံးမလို့မရဘူးဖြစ်နေတယ်။
    အပြင်မှာ သူက အနိုင်ယူဗိုလ်ကျပြီး အထက်စီးကနေ ဘယ်လောက်ပြောပြော၊ ကိုယ်ကသည်းခံနိုင်တယ်ဆိုတာ..၊ ဒီအသိုင်းအ၀ိုင်းက အတွင်းသိ အစင်းသိ လူတွေလေ။
    ခေတ်မီသူတိုင်း သုံးနေကြတဲ့ ဖေ့စ်ဘွတ်ဆိုတဲ့ လူမှုကွန်ယက်ကြီးထဲမှာတော့ တစ်ယောက်နဲ့တစ်ယောက် အပြင်မှာ မမြင်ဖူးကြပေမဲ့ တူရာတူရာ အုပ်စုလေးတွေဖွဲ့ပြီး ဓာတ်ပုံလေးတွေတင်ကြ၊ မလှ လှလှ တစ်ယောက်နဲ့တစ်ယောက် လှတယ်လို့ အားပေးကြ၊ ဒဿ      နလေးတွေရေးတင်  ကြ၊ အမြင်တွေဖလှယ်ကြ၊ တရားစာတွေ မျှဝေကြနဲ့ ဖေ့စ်ဘွတ်ယဉ်ကျေးမှုအရ အပြင်မှာ ဘယ်လောက်ရင်းနှီးနှီး လိုင်းပေါ်မှာတော့ ဘယ်သူ့ဘယ်သူမှ မဖဲ့ရဘူး။ မရင့်ကြဘူး။ မိုက်ရိုင်းလို့မရဘူး။
    ဖဲ့ရင်၊ ရင့်ရင်၊ မိုက်ရိုင်းရင်လည်း ကိုယ့်မြင်ကွင်းထဲမှာ မတွေ့ရတော့အောင် ဖယ်ထုတ်ပစ် (ဘလော့ပစ်) လိုက်တာပဲလေ။
    ခက်တာက သူရောကိုယ်ရော ဖေ့စ်ဘွတ်သုံးကြပေမဲ့ မသိယောင်ဆောင်ပြီး သူငယ်ချင်းမလုပ်ဘဲနေခဲ့ကြတာ အတော်တောင်ကြာခဲ့ပြီ။ ဘာလို့လဲဆိုတော့ အပြင်မှာ ဘယ်လောက်ပဲ သူ စကားရင့်ရင့်ပြောပြော သည်းခံနိုင်ပေမယ့်
ဖေ့စ်ဘွတ်ပေါ်မှာ၊ ကိုယ်နဲ့ခင်မင်သူတွေကြားမှာ ကိုယ့်ကိုယ်နှိမ်တာမျိုးတော့ သည်းခံနိုင်မယ် မထင်ဘူး။
    ဖေ့စ်ဘွတ်ပေါ်မှာက ကိုယ့်မိသားစုဓာတ်ပုံတွေ၊ ကိုယ်ငယ်ငယ်က ပုံလေးတွေ၊ ကိုယ့်ရင်ထဲက ခံစားချက်တွေ၊ ထင်မြင်ချက်လေးတွေ၊ တရားစာတွေ၊ တင်ထားသမျှကို ၀ိုင်းချီးကျူး အားပေးထားတဲ့ ကောမန့်တွေက အများကြီးလေ။
    ဒါကို သူက အပြင်မှာ အနိုင်ကျင့်နေကျအတိုင်း အမနာပ တစ်ခုခုဝင်မရေးဘူးလို့ ပြောနိုင်မလား။ သူ့အကျင့်ကို ကြောက်လို့လည်း ဖေ့စ်ဘွတ်မှာတော့ သူနဲ့ မတွေ့အောင်ရှောင်ရတာပဲ။
    ဘာပဲဖြစ်ဖြစ် သူနဲ့ကိုယ့်ကြားက သူငယ်ချင်းတွေရဲ့  Like တွေ     ၊ Comment တွေကြောင့် ကိုယ့် Timeline မှာ သူ့ပုံတွေ ပေါ်ပေါ်လာသလို သူ့Timeline မှာလည်း ကိုယ့်ပုံတွေ သွားသွားပေါ်နေမှာ အသေအချာပဲ။
    အမယ် သင်းက အပြင်မှာသာ လူတကာအပေါ် မာရေကျောရေနဲ့။ ဖေ့စ်ဘွတ်ထဲမှာကျတော့ ရေးထားလိုက်တဲ့ Comment  တွေက ချိုလို့မြလို့၊ သူမဟုတ်တဲ့အတိုင်း..။
    ကိုယ့်အပေါ်သာ စောင်းလိုက်မြောင်းလိုက်၊ မလိုတမာတွေ များပေမဲ့ ဖေ့စ်ဘွတ်ပေါ်ကျတေှာ့မေန  လိုက်ရတဲ့ တရားစာတွေဆိုတာ သူတော်ကောင်းမကြီး အတိုင်း...။
    သူ့ဘော်ဒါတွေနဲ့ဆို ကလေးကလား မပီကလာစာသားတွေနဲ့ ဖလန်းဖလန်းထ၊ မြူးကြွနေလိုက်တာ၊ သူများမကောင်းကြောင်း ဘယ်တော့မှ မပြောတတ်တော့မယ့် အတိုင်း...။
     တစ်ခါတလေတော့လည်း တွေးမိပါတယ်။ ဖေ့စ်ဘွတ်ပေါ်မှာသာ သူနဲ့ကိုယ် နဖူးတွေ့ဒူးတွေ့ ဆုံဖြစ်ကြရင် အပြင်မှာလိုပဲ အကျောကြီးနဲ့ ဆရာကြီးလုပ်ပြီး ဃသာာနညအ တွေ ပေါက်ကရ၀င်ရေးမှာလား။ ဖေ့စ်ဘွတ်ယဉ်ကျေးမှုအတိုင်း “ ညီမလေးရေ..၊ ကျေးဇူးပါနော်..” လို့ ပီယ၀ါစာ ချိုမြလေမလား။ သိချင်စမ်းလှတယ်။
    ဒါကြောင့်လည်း ဖေ့စ်ဘွတ်ပေါ်မှာ သူ့ပုံတွေ တွေ့တိုင်း စဉ်းစားတွေဝေမိတာက တစ်မိုးအောက်အတူနေပြီး ဂြိုလ်တုပတ်ရှောင်နေရတဲ့ သံသရာကြွေးရှင်ကြီးကို သူငယ်ချင်းအဖြစ် ကိုယ်ကပဲ စ ခွင့်တောင်းလိုက်ရမလား။ နောက်ဘယ်တော့မှ မမြင်တွေ့ရလေအောင် ဘလော့ပစ်လိုက်ရင်ပဲ ကောင်းမလား.. ဆိုတာပါပဲ။
     အမယ် ပြောရင်းဆိုရင်း သူ့ပုံကြီးပေါ်လာပြန်ပြီ။
     အပြုံးလေးက ချိုလို့တော်...။
     ဟောတော့... သူ့ပုံနဲ့ ရှေ့ဆင့်နောက်ဆင့် ပေါ်လာတာက ကိုယ့်ပုံကြီးပါလား။
     ကိုယ်ကလည်း ပြန်ပြီး ပြုံးကြည့်နေတာများ မှန်ကြည့်နေရသလို ပါပဲနော်။
                                xxxxxx

ဝေ(စီးပွားရေးတက္ကသိုလ်)
August, 2014... မဟေသီမဂ္ဂဇင်း
   

မင်္ဂလာဦးမျက်ရည်


နံနက်မိုးမလင်းခင်...၊ အရုဏ်ကျင်း၍ အလင်းမလာမီ အချိန်ကာလကလေး။
     ကျွန်မဘ၀တစ်လျှောက်မှာ ဒီလိုအချိန်မျိုး သိပ်များများစားစားတော့ မကြုံဆုံခဲ့ရဖူးပါ။ သို့ပေမဲ့ ကြုံခဲ့ရသမျှ အရုဏ်မလာမီ   မလင်းတုံ့ လင်းတုံ့ ဒီလိုအချိန်မျိုးထဲမှာတော့ ယနေ့မနက်လောက် ကြည်နူးပီတိဖြစ်ရသောနေ့ မရှိခဲ့ဖူးတာ သေချာပါသည်။
                                +++++++
     အသိစိတ်တစ်ခု၏ အလိုအလျောက် လှုံ့ဆော်မှုကြောင့် ဖျတ်ခနဲ နိုးလာလာချင်း နဘေးမှနာရီလေးကို ကောက်ယူကြည့်လိုက်မိ၏။ ညအိပ်မီးသီးအရောင် ပြာလဲ့လဲ့အောက်မှ နာရီလက်တံလေးနှစ်ခုက လေးနှင့် ဆယ့်နှစ် ဂဏန်းနှစ်ခုမှာ တိတိကျကျ ညွှန်ပြလို့နေသည်။
     နှိုးစက်ကလေးက အသံတော့ မမြည်သေး။ ညက လေးနာရီဆယ်မိနစ်မှာ သံပါတ်ပေးထားတာမို့ အသံမြည်ရန် ဆယ်မိနစ်လိုသေးသော်လည်း နှိုးစက်ခလုတ်ကိုပိတ်ကာ အိပ်ရာမှ အသာအယာပင် ထလိုက်တော့သည်။ နှိုးစက်အသံကြောင့် သားနှင့်သမီးကို အနှောင့်အယှက်မဖြစ်စေချင်ပါ။ ကလေးတို့အဖေကိုလည်း မနိုးစေချင်သေးပါ။
     ခုလည်း ထလိုသောအချိန်ထက် ဆယ်မိနစ်သာစောတော့သည်။ ထို့ထက်ပို၍ အိပ်ရေး နည်းနည်းပျက်လျှင်ပင် မူးချင်တတ်သောခေါင်းကလည်း အလွန်ပင်ကြည်လင်ကာ မျက်လုံးများကလည်း ကျိန်းစပ်ခြင်း အလျဉ်းကင်းနေလေသည်။
     မိမိ၏ ကိုယ်စိတ်နှစ်ပါးစလုံး လန်းဆန်းနေကာ ကျေနပ်မှုမှ ဖြစ်လာရသော ကြည်နူးမှုလှိုင်းများကလည်း တစ်ကိုယ်လုံး တငြိမ့်ငြိမ့်လွှမ်းခြုံကာ တစ်ကိုယ်တည်း ပြုံးတအိအိဖြစ်ရလေသည်။
     လွန်ခဲ့သော အနှစ်နှစ်အလလကတည်းက ကျွန်မမျှော်လင့်တောင့်တခဲ့ရသော မနက်ခင်းကလေးကိုဖြင့် ရောက်လာရလေပြီ။
     အိပ်ခန်းထဲမှထွက်လာပြီး မျက်နှာကို အရင်ဆုံးသစ်လိုက်တော့ မိုးအကုန်ဆောင်းအကူးမှာ အုတ်ကန်လေးထဲမှ ညသိပ်ရေက
ကြည်လင်နေပြီးသော ကျွန်မ၏စိတ်ကို တက်ကြွရွှင်လန်းသွားစေပါတော့သည်။
     အသွက်လက်ဆုံး သွားတိုက်ပြီးလျှင်တော့ သနပ်ခါးရေကျဲကို ကပျာကသီပွတ်ကာ ချည်ဝမ်းဆက် ခပ်လတ်လတ်တစ်စုံနှင့် ည၀တ်ကို လဲလှယ်လိုက်၏။
     “ ကိုရေ.. ထတော့ ထတော့။ လေးနာရီကျော်နေပြီ။ တော်ကြာနေ သူတို့ရောက်လာကြတော့မှာ။ အိမ်ရှင်ဖြစ်ပြီး ကိုယ်က အဆင်သင့်မဖြစ်သေးရင် အားနာစရာကြီး။ သားနဲ့သမီးကိုတော့ လင်းခါနီးလောက်မှပဲ နှိုးကြတာပေါ့...”
     ဆတ်ကနဲ ထထိုင်လိုက်သော ခင်ပွန်းသည်ကို ကြည့်ပြီး အအိပ်မက်သောကျွန်မနှင့် စောစောထတတ်သော “သူ”။ ပြောင်းပြန်ဖြစ်နေသည်ကို သဘောကျကာ အသံထွက်အောင်ပင် ပြုံးရယ်မိတော့ သူက မျက်မှောင်ကျုံ့ကာ စူးစမ်းကြည့်ကြည့်၏။
     စိတ်ပျော်ရွှင်လွန်းနေ၍ နှစ်နှစ်ခြိုက်ခြိုက်ပင် ထပ်ပြုံးပြလိုက်တော့မှ သူကပါ နာလည်ပြုံး ပြုံးကာ ကုန်းထလာတော့သည်။
     အိမ်ရှေ့တံခါးမကြီးကို ဖွင့်ရန် ဖြတ်အသွား...၊ လမ်းတစ်လျှောက် ဘေးကပ်ထားသော အ၀တ်ဖြူအုပ်ထားသည့် ထမင်းတောင်းကြီးများကို လက်ဖြင့်အသာ စမ်းကြည့်လိုက်တော့ နွေးနွေးထွေးထွေးရှိနေဆဲပင်။
     မနေ့ည ညဦးပိုင်းကတည်းက ဆွမ်းချက်အဖွဲ့က ဆွမ်းထမင်းဆွမ်းဟင်းတွေကို တောင်းကြီးများ၊ ဒန်အိုးကြီးများဖြင့် လာပို့သွားခဲ့သည်။ သားနှင့်သမီးကတော့ ကလေးများပီပီ လူရှုပ်ရှုပ်၊ ရုတ်ရုတ် ရုတ်ရုတ်နှင့် ပြုံးပြုံးရွှင်ရွှင်မြင်ကြတော့ ပျော်ကာ ခုန်ဆွခုန်ဆွဖြစ်နေကြ၏။
     “ မေမေ ဒီထမင်းတွေက ညကတည်းက ချက်ထားရတာဟုတ်လား။ ဒါဆို မနက်ရောက်ရင် အေးကုန်မှာပေါ့...”
     သားကြီးက ဆယ်နှစ်ကျော်နေပြီဆိုတော့ တွေးတွေးဆဆလေး မေးတတ်လာပြီ။
     “ မအေးအောင်လို့ ပိတ်ဖြူတွေနဲ့ကာရံပြီး အုပ်ဆိုင်းထားတာပေါ့သားရယ်။ ဒါမှ မနက်ထိ နွေးနေမှာလေ..”
     သမီးကလည်း ထမင်းတောင်းတွေကို သူ့အစ်ကိုကိုင်သလို တစ်တောင်းချင်း လိုက်ကိုင်ကြည့်ပြီး စပ်စုနေလေသည်။
     သူတို့လေးတွေ ပျော်ရွှင်တက်ကြွနေတာကို မြင်ရတော့ ချစ်ရသည့်မိသားစုနှင့်အတူ အလှူဒါန ရေစက်ဆုံရတော့မည်မို့ ကြည်နူးပီတိ အတိုင်းမသိဖြစ်မိရ၏။
     “ မနက်ကျရင် ဘုန်းကြီးတွေ အများကြီး မီးတို့အိမ်ရှေ့ကို လာမှာပေါ့နော်။ မီးတို့က ဒီထမင်းတွေဟင်းတွေကို လှူရမှာလား။ မီးလည်းပါမှာနော် မေမေ။ သမီးကိုလည်း ဘုန်းကြီးတွေလာရင် နှိုးနော်...”
     သုံးနှစ်အရွယ် သမီးငယ်က သူအိပ်ပျော်နေတုန်း အလှူပွဲလွတ်သွားမည်စိုးကာ သူ့ကိုနှိုးဖို့ တတွတ်တွတ်မှာနေသည်မှာ ဘယ်နှကြိမ်မြောက်မှန်းမသိ။
     “ သမီးရဲ့ ဘုန်းကြီးကို ကြွလာမှာလို့ ပြောရတယ်...”
     “ အော်.. ဟုတ်ကဲ့။ ဘုန်းကြီးတွေ ကြွလာရင် နှိုးပါနော်မေမေ...”
     “ အင်းပါ သမီးလေးရယ်...”
     သူ့အမှားကို လျှာလေးတစ်လစ်နှင့် ချစ်စရာကောင်းစွာ ပြင်ပြောပြီးသည်နှင့် သမီးက သူ့အစ်ကိုနားကို ပြေးသွားတော့၏။
     ကျွန်မဘ၀မှာ သည်အရွယ်ထိ အလှူဒါနပေါင်းများစွာ လုပ်ဖူးခဲ့ပြီ။ ဒီမနက်ခင်းအလှူလောက် ရိုးရှင်းပြီး ပီတိဝေမိတာမျိုး မရှိဖူးခဲ့သေး။
     အတွေ့အကြုံထူးကြောင့် မြူးထူးနေကြသည့် သားနှင့်သမီးကလည်း ထမင်း၊ ဟင်းတောင်းတွေကြားမှ မခွာကြတော့။ကလေးတွေ ပျော်ရွှင်တက်ကြွနေပုံကို ကြည့်ရသည်မှာ ကျွန်မ ငယ်ငယ်ကအတိုင်းပင်။
     အမှန်တော့ မိရိုးဖလာဗုဒ်္ဓဘာသာဝင်တို့ ထုံးစံအတိုင်း သည်လိုအလှူအတန်းမျိုးစုံကို ကျွန်မဘ၀တစ်လျှောက်မှာ မိဘများနှင့်အတူ ကြုံခဲ့ဖူးပေါင်း မနည်းလှပါ။
    မိဘတွေကလည်း အလှူအတန်း ရက်ရောကြသည်မို့ ရာသီအလိုက် အလှူပွဲမျိုးစုံရော၊ ဘုန်းကြီးကျောင်းအတွက် ပစ်္စည်းလေးပါး ဒါယိကာအဖြစ်ရော၊ လစဉ်ဆွမ်းချိုင့်များရော၊ အလှူရေစက် လက်နှင့်ပြတ်သည်ဟူ၍ မရှိခဲ့။။
    သည်လို လှူချင်တန်းချင်စိတ်ကလည်း မိဘတွေချပေးလိုက်သည့် မျိုးစေ့ဟုဆိုလျှင် မမှားပါ။
    သို့ပေမဲ့ ငယ်တုန်းကတော့ နိဗ်္ဗာန်ရောက်ကြောင်းအတွက် အထောက်အပံ့ဟူသည့် အသိနှင့် လှူဒါန်းခြင်းမျိုးမဟုတ်ခဲ့။
မိဘများလုပ်သည့် ကောင်းသောအမှုမို့ ပျော်ရွှင်တက်ကြွစွာ လိုက်လုပ်သည်သာရှိ၏။ ရည်ရွယ်ချက်မရှိခဲ့။
    ကုသိုလ်ရသည်ဟု လူကြီးများအပြောမှာ ကြည်နူးသည်သာရှိ၏။ ကုသိုလ်၊ အကုသိုလ်ကိုလည်း ကောင်းစွာ မခွဲခြားတတ်ခဲ့။
    အရွယ်ကလည်း အလွန်ငယ်သေးသည်ကိုး။
    သည်လိုနှင့် အချိန်တွေကျော်လွန်ကာ တဖြေးဖြေး အရွယ်ရောက်လာတော့ ကုသိုလ်၊ အကုသိုလ် ခွဲခြားတတ်ခဲ့ပြီ။
မိသားစုနှင့်အတူ ပြုခဲ့သမျှ အလှူအတန်းတွေမှာ ရည်ရွယ်ချက်တွေ ထားတတ်လာသည်။
    အသက်အရွယ်အလျောက် စာမေးပွဲအောင်ဖို့၊ အလိုဆန်္ဒပြည့်ဝဖို့၊ အကြံအစည်ပြီးမြောက်ဖို့၊ လုပ်ငန်းကိုင်ငန်း အဆင်ပြေစေဖို့..၊ စသဖြင့် ရည်ရွယ်ချက်မျိုးစုံ၊ ဆုတောင်းမျိုးစုံ။
    သို့ပေမဲ့ ဒါတွေသည် ကိလေသာတောမှာ သံသရာရှည်စေမည့် သမုဒယနွယ်တွေမှန်းတော့ မသိတတ်ခဲ့သေးပါ။
                                +++++++
    ဆွမ်းလောင်းအသင်းမှ အဖွဲ့ဝင်များ ရောက်လာသည်နှင့် သားနှင့်သမီးကို နှိုးပြီးချိန်မှာ ကွက်တိဖြစ်နေ၏။
    စားပွဲနှင့် ခုံတန်းရှည်များခင်းကာ ထမင်းတောင်း၊ ဟင်းတောင်းတွေ တင်ပြီးချိန်တွင် ပထမဦးဆုံး ဆွမ်းခံသံဃာတန်းကလည်း ကြွလာလေပြီ။
    ရောင်နီပျို့မလာသေးသလို လမ်းမီးများလည်း မငြိမ်းသေး။ သို့ပေမဲ့ ကျွန်မရင်ထဲမှာ ပီတိသောမနဿဖြင့် ထိန်လင်းနေသလို၊ မြတ်နိဗ်္ဗာန်ကို ရည်မှန်းကာ ဆွမ်းလောင်းလှူနေခိုက်မှာ ကိလေသာမီးများ တဒင်္ဂတော့ ငြိမ်းအေးနေရလေသည်။
    ပကာသနမပါ။ အရိုးရှင်းဆုံး အလှူလေးအတွက် ပီတိအဟုန်က အနှစ်နှစ်အလလ ပျိုးလာရသည့် သဒ်္ဒါမျိုးစေ့မှ အပင်ပေါက်လေပြီဟု တလှိုက်လှိုက်ကြည်နူးလှပါ၏။
    တဖြေးဖြေးနှင့် လမ်းမီးရောင်မှာ သံဃာတန်းကြီး စီတန်းနေသည်မှာ တသီတတန်းကြီးဖြစ်လာသည်။ တစ်ချို့ကျောင်းတိုက်များက ဆွမ်းထမင်းကိုသာ အလှူခံကာ ဆွမ်းဟင်းကို သပိတ်ထဲအလှူမခံတော့ဘဲ ကျောင်းသားလေးများက ချိုင့်ဖြင့် သပ်သပ်အလှူခံပေး၏။
    ဘုန်းကြီးကျောင်း နှစ်ကျောင်းသုံးကျောင်းမှ ဆွမ်းခံကိုယ်တော်တွေ ဆုံမိကြလျှင်တော့ တစ်လမ်းလုံးပြည့်လျှံကာ အလျင်မီလောင်းလှူနိုင်ဖို့အတွက် စိတ်စောမိရတော့သည်။
    သည်လိုဆိုတော့ ဆွမ်းလောင်းအဖွဲ့မှ သံဃာတန်းကို နှစ်တန်းခွဲစေကာ နှစ်နေရာ ပြိုင်တူလောင်းလှူနိုင်ရန် စီစဉ်ပေးကြ၏။
    “ မေမေ ဒီကိုရင်လေးက ခုနကတစ်ခါ သား ဆွမ်းဟင်းလောင်းပြီးသားကို ထပ်လာခံတာ သိလား...”
    ရုတ်တရက် နှစ်ဦးသားကြားရုံ ခပ်တိုးတိုး သားအပြောကြောင့် ကြည်နူးနေသည့်စိတ်ကလေး ဖျတ်ခနဲ အရှိန်တန့်သွားရသည်။
    “ အို မဖြစ်နိုင်တာသားရယ်။ သားထင်လို့ပါ။ မျက်နှာချင်းဆင်လို့ နေမှာပါ။ အလှူပေးနေချိန်မှာ အဲလို သံသယစိတ်တွေ မ၀င်စေနဲ့သား။ ကိုယ်က လှူပြီဆိုကတည်းက စိတ်ပြတ်ပြီးမှ လှူရတယ်။ အလှူခံပုဂ်္ဂိုလ်ရှိမှလည်း အလှူဆိုတာက ဖြစ်မြောက်အောင်မြင်တာ။ ခုချိန်မှာ ဘယ်လိုအနှောင့်အယှက်မှ စိတ်ထဲ မ၀င်စေနဲ့နော်...”
    သားကိုလည်း ဆုံးမရင်း ကိုယ့်စိတ်ကိုလည်း ပြုပြင်ရင်း အလှူမှာသာ အာရုံပြန်နှစ်လိုက်ပါသည်။
    ကောင်းသောအလုပ် လုပ်နေစဉ်မှာ အဖျက်အဆီးဝင်ခြင်းကို မာရ်နတ်ဟုဆိုပါလျှင် ကိုယ်တိုင်၏စိတ်သည်သာ  မာရ်နတ်လည်းဖြစ်နိုင်သလို နတ်ကောင်းနတ်မြတ်လည်း ဖြစ်နိုင်သည်ပဲမဟုတ်လား။
    ဆွမ်းလောင်းလှူစဉ်မှာလည်း သတိပဌာန်တရားကို ကြိုးစားပြီး နှလုံးသွင်းမိရသည်။ ဆွမ်းလောင်းနေသည့် ရုပ်ခန်္ဓာသည် လက်ကို ရုပ်ချည်ဆန့်ချည်၊ ဆွမ်းကို ခူးချည်ခပ်ချည်။ ဖြစ်လိုက်၊ ပျက်လိုက်၊ အဆက်မပြတ်အောင် အစားထိုးလိုက်။
    ကြီးမားသည့် ပီတိအဟုန်ကလည်း ဖြစ်လိုက်၊ ပျက်လိုက်၊ အစဉ်တန်းပြီး မပြတ်အစားထိုးလိုက်။
    မြတ်စွာဘုရား၏ တရားတော်သည် မိမိခန်္ဓာနှင့် တိုက်ဆိုင်ကြည့်လေ၊ မှန်လေစွ၊ ဟုတ်လေစွဟု သဒ်္ဒါတိုးကာ ကြည်ညိုရလေ။
    မြတ်စွာဘုရား၏ သားတော်များကလည်း ကြည်ညိုဖွယ်ရာ အိနြေ်္ဒအပြည့်ဖြင့်။
    သည်လို ရဟန်းသံဃာများက ဗုဒ်္ဓ၏တရားတော်များကို ခုချိန်ထိ သယ်ဆောင် စောင့်ထိန်းပေးထား၍သာ ကျွန်မတို့လို သံသရာမှ မလွတ်နိုင်သေးသူတွေအဖို့ နိဗ်္ဗာန်ရောက်ကြောင်း တရားထူးတရားမြတ်များ နာကြားခွင့်ရခဲ့သည် မဟုတ်လား။
    သို့ကြောင့်လည်း ဤကျေးဇူးတရားကို အောက်မေ့၍ မြတ်နိဗ်္ဗာန်ကိုရည်မှန်းကာ နေ့တစ်နေ့၏အဦးအစမှာ အရုဏ်ဦးအလှူအဖြစ် မြို့ရှိသံဃာကုန် ဆွမ်းကပ်လှူရန် ဆန်္ဒပြင်းထန်ခဲ့သည်မှာ ကာလအတန်ကြာခဲ့ရလေသည်။
    ကျွန်မက ပကာသနအရေခြုံကာ ရွှေရောင်စိန်ရောင်ရောသည့် ဟန်ဆောင်အပြုံးတွေ လင်းလက်တောက်ပနေသော အလှူမျိုးကို လုပ်ရန် စိတ်မ၀င်စားပါ။ ကျွန်မတို့ မင်္ဂလာဦးတုန်းက  မင်္ဂလာဧည့်ခံပွဲအစား ဆွမ်းကျွေးမင်္ဂလာလေးသာ ပြုလုပ်မည်ဟု စီစဉ်ခဲ့ကြဖူး၏။
    နှစ်ဖက်မိဘတွေက ဧည့်ခံပွဲနှင့် ဒင်နာကို တိုင်ပင်ညှိနှိုင်းနေကြဆဲ။ တစ်ဖက်က ဧည့်ခံပွဲလုပ်ပေးလျှင် တစ်ဖက်ကလည်း ဒင်နာလုပ်မည်ဟု ဂုဏ်ပြိုင်နေကြဆဲ။ ကျွန်မတို့နှစ်ယောက်က ဘုန်းကြီးကျောင်းမှာ ဆွမ်းကျွေးဖို့ လှူဒါန်းစီစဉ်လာသည်မို့ ဆွေမျိုးများ ဆူပူကာ ငြူစူကြသည်ကို ခံခဲ့ရဖူး၏။
    သို့ပေမဲ့ နောက်ဆုံးတော့လည်း ဆွေမျိုးအားကို မလွန်ဆန်နိုင်ပြန်ပါ။
    ဘုန်းကြီးကျောင်းမှာ မနက်ပိုင်း မင်္ဂလာဆွမ်းကပ်ကာ ညပိုင်းမှာ ဧည့်ခံပွဲလုပ်ဖြစ်ခဲ့ကြပါသည်။
    အဲသည်အချိန်ကတော့ ငယ်ရွယ်သူများဖြစ်သည့်အလျောက် အလှူဆိုသော်လည်း ဘယ်လိုစိတ်အာရုံမျိုး နှလုံးသွင်းလှူရကောင်းမှန်း မသိတတ်ခဲ့။ ညဖက်မှာ ဧည့်ခံပွဲကလည်းရှိသေးတော့ လူတွေကသာ ဘုန်းကြီးကျောင်းမှာ။
စိတ်က ညပွဲအတွက် ပူပန်ကာ စေတနာသဒ်္ဒါတရားမှာ အာရုံမမိဘဲ သတို့သမီးအလှပြင်ဖို့၊ မိတ်ကပ်လိမ်းဖို့၊ ဆံထုံးထုံးဖို့ အချိန်မမီမည်စိုး၍ နာရီတကြည့်ကြည့်။
    သည်ကြားထဲ ကိုယ်တွေ သမီးယောက်မ ညီညွတ်ချစ်ခင်စိတ်နှင့် ချိတ်ထမီဆင်တူဝတ်ဖို့ စီစဉ်ထားသည်ကို အဝေးမှ ရောက်လာသူ ဆွေမျိုးတွေက ကန့်ကွက်ကြတော့၏။
    “ အို ကြံကြံဖန်ဖန်။ သတို့သမီးနဲ့ ဆင်တူဝတ်စရာလားအေ။ သတို့သမီးဆိုတာ အားလုံးထက် အထူးခြားဆုံးဖြစ်နေရမှာ။ ဆင်တူဝတ်ရအောင် သတို့သမီးအရံတွေမှ မဟုတ်ဘဲ..” ဟု ဆိုသူကဆို။
    “ နင့်ယောက်မတွေ ကြည့်ရတာ တော်တော်ထက်ပုံပဲနော်။ နင်က အေးတိအေးစက်နဲ့ဆိုတော့...။ ကြည့်လည်းပေါင်းဦး..” ဟု စေတနာလိုလို ဝေဒနာလိုလို စကားသပ်ထိုးသူ မိတ်ဆွေတွေကတစ်မျိုး။
    ကိုယ်တိုင်ကလည်း ငယ်ရွယ်သူမို့ စိတ်မထားတတ်သေးသည်လား မသိ။ အာရုံတွေနောက်ကာ မင်္ဂလာဦးမှာ ဘာမင်္ဂလာမှ မဦးနိုင်ခဲ့ပါ။
     မနက်ခင်းအလှူမှာလည်း ညဧည့်ခံပွဲအတွက် စိတ်များပြီး ကုသိုလ်စိတ် ကြည်ကြည်လင်လင် အာရုံမပြုနိုင်ခဲ့။ ညဧည့်ခံပွဲကျတော့လည်း လူတွေတရုံးရုံးနှင့်၊ မိဘဆွေမျိုးများ၏ မိတ်ဆွေတွေရော၊ ကိုယ်မသိသူတွေရော၊ အရင်က မြင်ဖူးဖူး မမြင်ဖူးဖူး၊ အားလုံး ကိုယ့်စည်းဝိုင်းထဲဝင်လာလျှင် အစွမ်းကုန် သွားဖြဲလေးနှင့်ကြိုဆို။ တဖျပ်ဖျပ် ကင်မရာမီးရောင်တွေ၊ ဗွီဒီယိုမီးရောင်တွေကြား၊ ခမ်းမပတ်ပြီး လက်တွဲလျှောက်နေရသည်ကလည်း စိတ်အိုက်စရာ။
    သည်လိုနှင့် ရုတ်ရုတ် ရုတ်ရုတ်၊ ရှုပ်ရှုပ် ရှုပ်ရှုပ်တွေကြားထဲ တလှုပ်လှုပ်စီးမျောရင်း ပြီးတော့လည်း ပြီးသွားကြသည်ပါပဲ။
     ခုချိန်မှာ ပြန်တွေးကြည့်တော့ စေတနာစကားလေးတွေကို စေတနာလို့ မသိခဲ့တော့ အကုသိုလ်တွေဖြစ်။ ကုသိုလ်ယူရမယ့် အချိန်မှာ ကုသိုလ်မယူတတ်တော့ မင်္ဂလာမဖြစ်။ ငွေကုန်ကြေးကျသာ များခဲ့ပြီး တကယ်တမ်းတွင်တော့ ကျက်သရေမင်္ဂလာ အပြည့်အ၀ရခဲ့မည် မထင်ပါ။
    သို့ကြောင့်လည်း အတွေးအခေါ်လေး ရင့်ကျက်လာသည်နှင့်အမျှ ကုသိုလ်၊ အကုသိုလ် ခွဲခြားတတ်လာသည့်အချိန်တွင် တကယ်မင်္ဂလာရှိမည့် အလှူလေးတစ်ခု ဖြစ်မြောက်ဖို့ စိတ်ကူးရည်မှန်းခဲ့ရ၏။ ငွေကြေးလေး ပိုလျှံတိုင်း သည်အလှူလေးအတွက် ကြိုးစားကာ စုဆောင်းခဲ့၏။
    တော်တန်ရုံ ရှောင်လွှဲ၍ရသော အသုံးစရိတ်များကို ချွေတာကာ စုဆောင်းရင်း တစ်စတစ်စ ငွေလေးစုမိလာတော့ အလှူလေးကို စိတ်ကူးဖြင့် ကြည်နူးနေမိရ၏။ ဤသည်ကား မလှူခင်ကတည်းက ဖြစ်ခဲ့ရသောပီတိ။ စေတနာ။
    ယခု လှူုဒါန်းချိန်မှာလည်း စေတနာရှိသလောက် အစွမ်းကုန် မဟုတ်သော်ငြား ကိုယ့်ငွေကြေးလေးနှင့် လက်လှမ်းမီသည့် ကိုယ့်စိတ်ကြိုက် ဟင်းကိုလည်း စီစဉ်ခွင့်ရသဖြင့် ကြည်နူးပီတိက အပြည့်။ ဤသည်ကား အလှူလုပ်နေစဉ်အတွင်း ဖြစ်နေရသော ပီတိ။ စေတနာ။
    သည်တစ်ကြိမ် အလှူလုပ်ပြီးသွားသော်၊ နောက်ထပ် သည်လိုအလှူမျိုး သေချာပေါက် ထပ်လုပ်ရန် အကြိမ်ကြိမ် ကြိုးစားနေဦးမည်မို့ ဤသည်ကလည်း ပြန်တွေးတိုင်း ကျေနပ်ကြည်နူးနေမည့် ပီတိ။ စေတနာ။
    သည်လို စေတနာသုံးတန်နှင့် ကျက်သရေရှိလှသည့် အလှူမျိုးသည်သာ မင်္ဂလာအရှိဆုံး။ ကျွန်မတို့ ဘ၀အတွက် ကိုယ်ပိုင်ဝင်ငွေဖြင့် ပထမဦဆုံး ကုသိုလ်ယူရသည့် မင်္ဂလာဦးအစစ်။
    သည်လို မင်္ဂလာအလှူမျိုး ကျွန်မတို့မိသားစုအတွက် အဦးဆုံးအကြိမ်မှသည် နောက်ထပ်အကြိမ်ပေါင်း များစွာ....။
နောက်ထပ် မင်္ဂလာများစွာ...။
     “ မေမေ ဘာလို့ မျက်ရည်တွေဝဲနေရတာလဲ။ အိပ်ချင်လို့လားဟင်..”
     သမီးအသံကြားခါမှ ပီတိကြောမှာ မျောသွားသော ကိုယ့်ကိုယ်ကို သတိပြန်ကပ်မိရ၏။
     “ မဟုတ်ပါဘူး သမီးရယ်။ အလှူလေးကိုကြည့်ပြီး ကြည်နူးပီတိဖြစ်လွန်းလို့ မျက်ရည်လည်မိတာပါ..”
     “ နောက်လည်း ဒီလိုမျိုး ခဏခဏလှူကြရအောင်နော် မေမေ။ မီးလည်းပျော်တယ်...”
    သမီးစကားကြောင့် ကြည်နူးနေသော ကျွန်မရင်မှာ ပို၍ကျေနပ်မိရပါတော့သည်။
    မိရိုးဖလာဆိုသော်လည်း ငယ်ရွယ်နုနယ်စဉ်မှာ မကောင်းမြစ်တာ၊ ကောင်းရာညွှန်လတ် ဆိုသည့် မိဘ၀တ်္တရားအတိုင်း၊ ကောင်းမွန်ရာလမ်းဖြစ်သည့် သာသနာတော်အတွက် သဒ်္ဒါမျိုးစေ့ကိုတော့ သားနှင့်သမီးအတွက် ရင်ထဲသို့အရောက် ပျိုးပေးနိုင်ခဲ့ပြီဟု ယုံကြည်ရပါသည်။
    မိရိုးဖလာမှသည် ကိုယ်ပိုင်အသိဖြင့် ကိုယ်တိုင် ယုံကြည်သက်ဝင်လာမည့် ဗုဒ်္ဓဘာသာစစ်စစ် ဘ၀ကိုတော့ဖြင့်၊ တဖြေးဖြေးအရုဏ်ကျင်း၍ လင်းလာသော မနက်ခင်းလေးပမာ၊ သားနှင့်သမီးဘ၀မှာလည်း တစ်စတစ်စ လင်းပွင့်လာမှာ သေချာသည်ဟုသာ...။
                                 +++++++

ဝေ(စီးပွားရေးတက္ကသိုလ်)
မင်္ဂလာဦးဝတ္ထုတိုစုစည်းမှု

လွတ်ကျသွားသော ကမ္ဘာ (၀တ္ထုရှည် စ/ဆုံး)





ဘယ်လောက်များ အံ့သြစရာကောင်းလိုက်သလဲ။
          အလွန်လှပသော ပေါ့ပါးလွတ်မြောက်မှုအရသာသည် အရုပ်ဆိုးအကျည်းတန်လှသော ဆုံးရှုံးမှုတစ်ခုထဲမှ ထွက်ကျလာခဲ့ရသတဲ့။
          ပူပူနွေးနွေးမုဆိုးမတစ်ယောက်၏ ဘ၀စာမျက်နှာသည် အကျည်းတန်လှချိန်ဟုခေါ်သော တိမ်တောက်နေသည့် ညနေစောင်းမှာပင်
ဘယ်လိုမှမလှပနိုင်သည်မှာ အသေအချာပါ။
          မနွဲ့ရီသည် နှစ်ယောက်အိပ်ကုတင်ကျယ်ကြီးပေါ်တွင် တစ်ယောက်တည်း ခြေကားရားလက်ကားရားနှင့် အလယ်ကောင်တည့်တည့်
အိပ်နေရာမှ ဘယ်ညာတစ်ချက်စီလူးလိမ့်လိုက်၏။
          ဘယ်သူ့ကိုမှ အားနာဖို့မလို။ လန့်နိုးသွားမည့်သူတစ်ယောက်မှ အနားမှာမရှိ။ ယခင်က အအိပ်ဆတ်သူကြောင့် အသက်အောင့်ပြီး
လှုပ်ရှားသော်လည်း ဒန်းလော့မွေ့ရာကြီးသည် တအိအိငြိမ့်တတ်သောကြောင့် မကြာခဏငြူစူခံခဲ့ရသည် မဟုတ်လား။
           ခင်ပွန်းသည်က အအိပ်ဆတ်ရုံတင်မက တစ်ရေးနိုးပြီးလျှင် တော်တော်နှင့်ပြန်အိပ်မပျော်တတ်။ ညဥ့်နက်သန်းကောင် အတွေးခေါင်
နေတတ်သည့်သူမက လူးလိမ့်မိ၍သူနိုးသွားတိုင်း အားနာစိတ်ကြောင့် အနေရခက်လှ၏။
           အမှန်က နံဘေးမှလွတ်နေသောနေရာသည် သူမရင်ကို “ဟာ”နေစေရမှာမဟုတ်လား။ ခုတော့ မနွဲ့ရီက မ“ဟာ”။ လပ် နေ၏။
လွတ်ဟာမနေဘဲ လွတ်လပ်နေ၏။
          သူမကိုယ်သူမလည်း အံ့သြမိသည်။ အတူနေလာသည့် နှစ်ပေါင်းသုံးဆယ်နီးပါးအိမ်ထောင်ရေးတစ်ခုကို လင်သည်မရှိတော့ကာမှ
လွတ်လပ်သွားသလို ခံစားရသည်က အံ့သြစရာမဟုတ်ဘူးလား။
           ဒါဟာဖောက်ပြန်ရေးတစ်ခုဟု အမည်တတ်နိုင်မလား။
          မနွဲ့ရီသည် ပခုံးတစ်ချက်တွန့်လိုက်မိပြီးမှ သူမအမူအရာသည် ကလေးဆန်သွားပြီလားဟု မလုံလဲစိတ်ဖြစ်သွားရ၏။
သို့ပေမယ့် အခန်းတွင်းမှာ သူမမှလွဲ၍ ဘယ်သူမှရှိမနေ။
           ဒါသည်ပင် လွတ်လပ်မှုလို့ ခေါ်တာမဟုတ်လား။
                                                       xxxxxx
          ရုတ်တရက် အိမ်ထောင်ပြုရတော့မည်ဆိုတုန်းက အိပ်မက်ယောင်ပြီးလမ်းထလျှောက်နေရာမှ ပုတ်အနှိုးခံရသူလို မနွဲ့ရီ
မှင်တက်သွားခဲ့ရဖူး၏။
          သူမက စိတ်ကူးဖြင့် တိမ်ကိုလှေလုပ်စီးကာ ၀ဠာအဆုံးရွက်လွှင့်စီးမျောချင်သူလေ။ ဘယ်ကျွန်းသောင်ကမ်းမှာမှ မနားခိုချင်သေး။
          ရည်ရွယ်ဦးတည်ရာမထား၊ လွင့်ချင်ရာလွင့်သွားနေရသည်ကိုက အရသာ။
          သို့ပေမယ့် မိဘအလိုကို ငြင်းပယ်ရန်မှာ လုံလောက်သောအကြောင်းပြချက်တော့ မရှိခဲ့ပါ။
          မနွဲ့ရီမှာ ချစ်သူရည်းစားမရှိ။ အရွယ်တော်ကတဆိတ်ဟိုင်းလို့ အသက်ပင်အစိတ်ကျော်နေပြီ။ စိတ်ကူးယဉ်မင်းသားတွေနှင့်ချည်း
နှစ်ပါးသွားနေမိ၍လားမဆိုနိုင်။ လက်တွေ့မှာချဉ်းကပ်လာသမျှ ပုရိသတိုင်းကို မနွဲ့ရီစိတ်မ၀င်စားခဲ့ပေ။
          အပြင်မှာ တကယ်ကြုံရသောယောကျာ်းများက ဖတ်ခဲ့ဖူးသမျှစာအုပ်တွေထဲမှ ဇာတ်လိုက်များလို သူရဲကောင်းမဆန်ကြ။
စင်းလုံးချောလည်း မဖြစ်။ သူငယ်ချင်းတွေပြောသလို “ စာအုပ်ထဲကဇာတ်လိုက်တွေနဲ့နှိုင်းပြီး ကြေးထူနေလို့ကတော့ နင်ဒီတစ်သက် ငှက်ပျောတုံးဖက်တော့ ” ဆိုသလိုပါပဲ။
          မနွဲ့ရီက လွတ်လပ်မှုကိုခုံမင်သည်။ ဖတ်ချင်သည့်စာတွေကို ညဥ့်နက်သန်းခေါင် စိတ်ကြိုက်ဖတ်လိုသည်။ လွတ်လွတ်လပ်လပ်
တွေးနေရတာကိုကြိုက်သည်။ ဒီတော့ ချစ်သူရည်းစားဆိုသည့် ဘောင်ခတ်ထားမှာကိုလည်းမလိုလား။ ဘယ်လောက်များမွန်းကျပ်လိုက်မလဲဟု
အတွေးနှင့်ပင် စိတ်ကျဉ်းကျပ်လှ၏။
          အိမ်ထောင်ရေးကိုတော့ဖြင့် ထောင်ကျသလိုတင်စားကြသည်မို့ ပိုလို့ပင်မစဉ်းစားချင်သေးပေ။ သူမဖတ်ချင်သည့်စာများက စာရင်းပြုစုထားသည်ပင် တော်တော်ကျန်သေး၏။ စာရင်းမသွင်းရသေးသော ဖတ်သင့်သည့်စာအုပ်များကလည်း တစ်ပုံတစ်ခေါင်း။   
         စာဖတ်ကျင့်စွဲသွားပြီးကတည်းက ဖတ်လိုက်သည့်စာတွေဆိုတာ မုဆိုးအမဲလိုက်သလို သဲကြီးမဲကြီး။ စာဖတ်သက်ကလေး
ရင့်လာတော့ ဖတ်ရုံနှင့်မပြီး။ ဖတ်လိုက်တွေးလိုက်။ အတွေးတွေများလာတော့ နောက်ကအရေးလိုက်လာသည်။ စာရေးချင်လာသည်။ ဒီတော့နောက်ပိုင်း ဖတ်လိုက်တွေးလိုက်၊တွေးလိုက်ရေးလိုက်။ တကုပ်ကုပ်နှင့်အိမ်တွင်းအောင်းကာ တစ်ယောက်တည်း အလုပ်ရှုပ်နေတော့၏။
          သည်လိုနှင့် တစ်ပုဒ်စနှစ်ပုဒ်စ ဖြိုးဖြိုးဖြောက်ဖြောက် စာမျက်နှာပေါ်တက်လာသော သူမစာလေးတွေကို ပီတိဝေလို့မှ မနွဲ့ရီမ၀သေး။
မိဘ၀တ်္တရားကျေလိုလှသော အမေနှင့်အဖေက သူတို့မိတ်ဆွေ၏သားနှင့် အိမ်ထောင်ချပေးရန် စီစဉ်လေသည်။
            “ အိမ်ထောင်တဲ့။ ကြားရတာကိုက မွန်းကျပ်ချင်စရာကြီး..”
          အရိုးများသလေး ချေးခါးသလေး ငြင်းဆန်ရန်ပြင်ဆင်နေသေးသော မနွဲ့ရီသည် ခင်ပွန်းလောင်းဒေါက်တာဇော်လတ်ကို မြင်သောအခါတွင် အာစေးထည့်ခံလိုက်ရသလို ပါးစပ်ပိတ်သွားတော့၏။
          မည်းနက်နေသော မျက်ခုံးထူထူတစ်စုံသည် အညိုရောင်မျက်ဝန်းများကို နက်ရှိုင်းတည်ကြည်သွားစေသလား။ ညိုဝါရောင်အသားက ပိရိသေသပ်သောနှုတ်ခမ်းကို တိကျအောင်အားဖြည့်သလို ကြံ့ခိုင်သောမေးရိုးများက စင်းကျနေသောနှာတံကို ပို၍ချွန်မြစေ၏။ သွယ်မြင့်သော အရပ်ကို ပခုံးကျယ်နှစ်ဖက်က အနားကွပ်လိုက်တော့ မနွဲ့ရီစွဲခဲ့သော ၀တ8ုတွေထဲက ဇာတ်လိုက်ကျော်များပင် ဆလံပေးရတော့မည့်ပုံ။
          မနွဲ့ရီ၏နှလုံးခုန်သံသည် နရီစည်းချက်မမှန်တော့ဘဲ မြင်းရိုင်းကဆုန်ပေါက်သလို ဗြောင်းဆန်နေသည်ဟု သူမကထင်လာသည်။
          လွင့်မျောနေသော စိတ်ကူးအတွေးအားလုံးသည် ဆိုက်ကပ်ရန်သောင်ကမ်းမြင်လေပြီ။ အိမ်ထောင်ဟူသည် ဘောင်ခတ်သည်ပဲ
ဖြစ်ဖြစ်၊ တံတိုင်းတားသည်ပဲဆိုဆို၊ သူမကိုယ်တိုင် ပိုးဖလံဖြစ်နေပါစေဦး။ မီးထဲတိုးဝင်ကာ ကိုယ်တိုင်လောင်ကျွမ်းချင်လာ၏။
           အချစ်ဆိုသောအရာကို သူမ ကိုယ်တွေ့ကြုံလေပြီလား။ ဘ၀မှအခြားအရာများအားလုံးသည် မှုန်ဝါးသေးငယ်ကာ ချစ်သူသည်သာ မှန်ဘီလူးဖြင့်ပုံကြီးချဲ့လိုက်သကဲ့သို့ ရှေ့တန်းသို့ အရေးကြီးစွာနီးကပ်လာလေတော့သည်။
                                                       xxxxxx
                          အချစ်နှင့်အိမ်ထောင် တစ်ထပ်တည်းကျသည်ဟု ကျေနပ်မိသောသူမသည် အိမ်ထောင်ဦးရက်များကို မိုးမမြင်လေမမြင် ကျော်ဖြတ်
လေ၏။ လုပ်လက်စအလုပ်ကိုလည်း ထွက်ပစ်လိုက်ပြီး ခင်ပွန်းသည်နံဘေးမှ ဒေါက်တာဇော်လတ် ကိုယ်ပွားအရိပ်အဖြစ် ကျေနပ်နေသည်။
          ခင်ပွန်းသည် ဆေးရုံအလုပ်သွားနေချိန်တွင် ထမင်းမြိန်စေမည့် သူကြိုက်တတ်သော ကောင်းနိုးရာရာများကို ကိုယ်တိုင်စီမံ
ချက်ပြုတ်ထား၏။ အိမ်ပြန်ချိန်အံကိုက် ရေမိုးချိုး ဖြီးလိမ်းပြင်ဆင်ထားကာ ကိုယ်တိုင်မှခူးခပ်မကျွေးရလျှင် ဇနီးမယားဝတ်္တရားမကျေပွန်သလို
လင့်အချစ်လျော့မည်စိုးကာ သူ့အတွက်ဆို ဘာမဆို ကိုယ်တိုင်သာလုပ်ပေးချင်ပြန်သည်။
          အိမ်အကူတွေရှိသော်လည်း သူတို့ကိုခိုင်းရတာ စိတ်တိုင်းမကျ။ ကိုယ်တိုင်ပင် အိမ်ခြံဝင်းအတွင်းမှာလည်း သစ်ပင်ပန်းမန်များ
စိုက်ပျိုးပြင်ဆင်ထားကာ သူကစိတ်လိုလက်ရ မချီးမွမ်းချင်နေ။ ခံစားကြည်နူးနေပုံရလျှင်ပင် မမောနိုင်မပန်းနိုင် ကျေနပ်ဂုဏ်ယူချင်၏။
          ညနေ ကိုယ်ပိုင်ဆေးခန်းချိန်မှာပင် အကူနာ့စ်အဖြစ် အခြားသူကိုမထားဘဲ သူမကိုယ်တိုင်ပါဝင်သေးသည်။
          သူမက စေတနာတွေ ရေစီးကမ်းပြိုလိုက်နေသလောက် ဒေါက်တာဇော်လတ်ကတော့ သူ့နဂိုပုံစံပဲလား။ သူမကသည်းနေတာ
တွေ့လို့ပဲ အိုက်တင်ခံလေသလားမသိ။ ကိန်းခန်းကြီးပြီး သူမအပေါ် သိတ်ရောရောဝင်ဝင်မရှိလှ။ အလုပ်အားချိန်များမှာ လင်မယားနှစ်ယောက်
ထွေရာလေးပါး ပြောဆိုကြည်နူးရတာမျိုးမရှိဘဲ သူ့ဆေးစာအုပ်ထူထူကြီးများကိုသာ စိတ်ဝင်တစားဖတ်နေလေ့ရှိ၏။
          သူမ၏ ဖတ်လက်စစာအုပ်များကတော့ ချောင်ထဲမှာ ဖုန်တက်ကုန်လေပြီ။ ဒေါက်တာဇော်လတ်က မဖတ်နဲ့လို့ တစ်ခွန်းမှ
ပြောသည်မဟုတ်။ မနွဲ့ရီထံအလည်ရောက်လာသော စာရေးဆရာတချို့နှင့်သူ့ကို မိတ်ဆက်ပေးမိပြီးသည့်နောက် ဧည့်သည်များအပြန်တွင်
သူပြောလိုက်သောစကားက သူမစိတ်ထဲကို ဆူးတစ်ချောင်းလို စိုက်ဝင်သွားရ၏။
            “ စာရေးဆရာဆိုတာ စိတ်ကူးယဉ်ပြီး အချိန်ဖြုန်းနေတဲ့လူတွေပဲ...”
          သူက လက်တွေ့သမားဆိုတော့ အတွေးသမားတွေကို နားလည်ချင်ပုံမရ။ စိတ်ကူးယဉ်စာပေနှင့် သရုပ်မှန်စာပေကိုလည်း ခွဲခြားသိပုံမပေါ်။ ကလောင်သွားသည်လည်း ဆေးထိုးအပ်လိုပင် သူ့နေရာနှင့်သူ အကျိုးပြုကြောင်း၊ ရှင်းပြလိုက်ချင်သော်လည်း မနွဲ့ရီမှာသာ ထိုစကားတစ်ခွန်းကြောင့် သူကမတားမြစ်ရပါဘဲ စာရေးစာဖတ်မလုပ်ဝံ့တော့။
          သူအထင်သေးမှာကိုလည်း မခံနိုင်သလို ကဲ့ရဲ့ရှုတ်ချလာမှာကိုလည်း စိုးရွံ့သည်မို့ စာပေမိတ်ဆွေဟောင်းများကိုရှောင်ကာ စာအုပ်များကိုလည်း သေတ်္တာထဲ သော့ခတ်သိမ်းဆည်းလိုက်တော့၏။
          အချစ်ကြောင့် ဘ၀ သာယာစိုပြေလာပြီဟု ထင်နေမိသောမနွဲ့ရီသည် နှလုံးသားက အာဟာရချို့တဲ့သူလို သွေ့ခြောက်ညှိုးရော်
လာသည်ကိုတော့ဖြင့် ထိုစဉ်က သတိမမူမိခဲ့ပေ။
                                                       xxxxxx
         အိမ်ထောင်သက်အတန်ကြာ၍ သားသမီးလည်းမရသောအခါ ဘ၀သည် မစီးဆင်းတော့ဘဲရပ်တန့်နေသကဲ့သို့ မနွဲ့ရီခံစားလာရသည်။ စက်ရုပ်ဆန်သည့် လက်တွေ့ကျကျ သူ့အပြုအမူဆက်ဆံရေးများကလည်း စီးနေသောရေကိုပင် ရပ်တန့်သွားစေနိုင်လောက်အောင် အေးခဲနေ၏။
         အပြင်စာလုံးဝမစားရဘဲ ဇီဇာကြောင်ဆရာဝန်ကြီးအကြိုက် မနက်ခင်းစာ ပဲပြုတ်ထမင်းကြော်နှင့်နွားနို့တစ်ခွက်သည် မုန့်ဟင်းခါး
ကြိုက်လှသော သူမအတွက်တော့ ကျဉ်းမြောင်းလှသောဘောင်တစ်ခုပင်။ သူ့အကြိုက်နေထိုင်ရင်း သူမဆန်္ဒနှင့်ဆန့်ကျင်ဖက်များသည်ပင် အစဉ်အလာတစ်ခုလို အသားကျလို့နေပြီ။
         သို့ပေမယ့် နဂိုညံ့သက်သောနှလုံးသားက အေးစက်နေသည့် နွားနို့ခွက်မျက်နှာပြင်လို ရှုံ့တွတင်းခြောက်လာ၏။
         ပထမပိုင်းတုန်းကတော့ အချစ်စိတ်မွှန်နေ၍ မနွဲ့ရီကမသိသေး။ ခင်ပွန်းသည်အကြိုက်လိုက်နေရသည်ကိုပင် အချစ်သက်သေ
ထူနေရသလို တက်ကြွရဲရင့်နေသေးသည်။ အချိန်တစ်ခုကြာလာလျှင်တော့ နှလုံးရည်ခမ်းလာသော သူမကိုယ်သူမသတိထားမိလာပြီး ထိတ်လန့်သွားရ၏။
          ဥပမာ မနွဲ့ရီက အားနာသနားတတ်သူဆိုတော့ ဒေါက်တာဇော်လတ်နှင့်ညားကာစမှာ ညအချိန်မတော်လိုမျိုး လူနာ အိမ်တံခါး လာခေါက်တိုင်း အကြောင်းမသိခင်က သူမ တံခါးထဖွင့်ပေးမိ၏။
           “ ဒီလို အချိန်မတော် တံခါးခေါက်တိုင်းသာ ဖွင့်ပေးမှန်းသိလို့ကတော့ ညလုံးပေါက်ဆေးကုဖို့သာ ပြင်ထား။
             ခပ်စောစောလာပြလို့ရတဲ့ လူနာမှန်သမျှ သန်းကောင်သန်းလွှဲကျမှပဲ ရောဂါသည်းသလိုလိုနဲ့ ရောက်လာကြလိမ့်မယ်..”
          တစ်ခါကတော့ သူမတောင်းပန်လွန်း၍ ဒေါက်တာဇော်လတ်က ညကြီးအချိန်မတော် အိမ်ပင့်သောလူနာနောက်ကို လိုက်သွား
ပေးဖူး၏။ အဲသည်လူနာရှင်က ရှိခိုးမတတ်အသနားခံနေသည်မို့ မနွဲ့ရီမှာ ကျားမြီးပဲဆွဲရဆွဲရ၊ ကူညီချင်စိတ်ဖြစ်သွားရခြင်းဖြစ်သည်။
          ကိုယ်တိုင်ဆရာဝန် မဖြစ်ရခြင်းအတွက် သည်တစ်ခါပဲ မနွဲ့ရီစိတ်ပျက်မိသေးသည်။ ကိုယ်တိုင်သာ ဆရာဝန်ဖြစ်လို့ကတော့
ယောကျာ်းကို ချော့မော့တောင်းပန်နေရန်မလို။ ဆေးအိတ်ဆွဲကာ တစ်ညလုံးပဲလိုက်ရလိုက်ရ လိုက်ကုပေးမည်ဟု အားမလိုအားမရ တွေးမိ၏။
          သို့ပေမယ့် လူနာအိမ်ရောက်လျှင်တော့ သူမအပြစ်တင်ခံရတော့မည်ကို ကောင်းစွာသိလိုက်ရပြီ။ သေလုမျောပါးပုံစံ လူနာရှင်
ပြောထားသောစကားနှင့် လူနာ့ပုံသဏ္ဍာန်မှာ မည်သို့မှထပ်တူမကျပါ။
          လူနာရှင်ဖက်က ရှေ့နေလိုက်မိသောမနွဲ့ရီမှာ နောက်တစ်ခါ သူနှင့်လူနာများဆက်ဆံရေးမှာ ၀င်မပါဝံ့တော့ပါ။
         “ ကိုယ်ကဆရာဝန်လုပ်သက်အရ အတွေ့အကြုံရှိပြီးသားမို့ ငြင်းဆန်တာကို မင်းက စိတ်ကောင်းမရှိတဲ့လူလို့ ထင်နေတာမဟုတ်လား။
               မင်းမြင်တဲ့အတိုင်းပဲ။ ညဖက်ဆိုတော့ လူနာရှင်ကိုယ်တိုင်က လူနာ့သည်းညည်းကို မခံချင်ကြဘူး။ ဒီလိုပဲ
            ရိုးရိုးဗိုက်နာတာလောက်ကို အစာအိမ်ပေါက်သလောက် ရေးကြီးခွင်ကျယ်ပြောပြီး ပင့်ကြလိမ့်မယ်။ ဆရာဝန်ပင့်လာနိုင်မှလည်း 
            လူနာကဂျီကဂျောင်လုပ်တာကို ဖြေရှင်းနိုင်မှာလေ။ တကယ်က အစာအိမ်ပေါက်ရင်တောင် ကိုယ်လည်းဆေးရုံကိုပဲ သွားခိုင်းရမှာပဲ။ 
                 ဒါကြောင့် ညဖက်ဆိုရင် ဆေးရုံကိုသွားလို့ပဲ ကိုယ်ကပြောခိုင်းတာ...”
          အဲသည်တုန်းက မနွဲ့ရီကိုယ်တိုင်လည်း စောဒကတက်စရာ စကားမရှိခဲ့ပါ။ အဖြစ်အပျက်ကလည်း သူ့ဖက်က ရပ်တည်သွားသည်
မဟုတ်လား။ နောက်များမှာတော့ ညဖက်တံခါးခေါက်သံများကို မနွဲ့ရီမကြားချင်ယောင် ဆောင်တတ်လာ၏။ မနေသာလွန်းမက
ဖြစ်လာရင်တော့ အိမ်အကူကောင်မလေးကို “ ဆရာမရှိပါဘူး။ ဆေးရုံသွားလိုက်ပါ...” ဟု မုသာဝါဒကို အရည်ကျိုသောက်ခိုင်းလိုက်ရမည်။
           သူမလိပ်ပြာကတော့ ခပ်ရှက်ရှက်ပါ။ သူမကိုယ်သူမ မနှစ်မြို့စိတ်ကလည်း ဖုံးဖိမရ။ ဒါသည်ပင် နှလုံးရည်ခမ်းခြောက်ရခြင်း တစ်မျိုးမဟုတ်လား။
                                                       xxxxxx

          သားသမီးမရှိသော ဘ၀တွင် မစီးဆင်းဘဲ မနေလိုသည့်မနွဲ့ရီသည် သူ့ဘက်ကိုယ့်ဘက် လိုအပ်ချက်များကို ဖြည့်ဆည်းရင်း နှလုံးသားအာဟာရပြည့်ရန် ကြိုးစားမိသေး၏။
          ဒေါက်တာဇော်လတ်၏ နွမ်းပါးသောဆွေမျိုးများနှင့် သူမ၏မပြည့်စုံလှသော သားချင်းများထဲမှ ငွေကြေးလိုသည့်လူကို ငွေကြေး
ထောက်ပံ့စောင့်ရှောက်၊ အလုပ်လက်မဲ့တွေကို အလုပ်ရှာပေး၊ လိုအပ်လျှင် အိမ်မှာခေါ်ထားပြီး ပညာသင် ကျောင်းထားပေး။
          တစ်ဖက်စောင်းနင်းဖြစ်လျှင် ဒေါက်တာဇော်လတ် အမြင်စောင်းမည်စိုး၍ နှစ်ဖက်မျှအောင် စီမံဆောင်ရွက်ရသည်ကလည်း
လွယ်တော့မလွယ်လှ။ မျှတအောင်ဆိုပေမယ့် ကိုယ့်လူဆို ဆန်ရင်းနာနာဖွပ်၍ သူ့လူဆို သာသာထိုးထိုးလုပ်ပါများတော့ မနွဲ့ရီအမျိုးတွေကပင်
သူမကို နှာခေါင်းရှုံ့ချင်ကြသေး၏။
          သို့ပေမယ့် ဆွေမျိုးတွေတရုံးရုံးနှင့် အထောက်အပံ့တွေများလာသောအခါ ဒေါက်တာဇော်လတ်က အိမ်စရိတ်ကိုကန့်သတ်လိုက်
တော့၏။ “ ကိုယ် ကားအမြင့်လဲစီးချင်လို့ ဘဏ်မှာငွေစုဦးမယ်။ တစ်လ “ ........” ပေးရင် လောက်မလား...” တဲ့။
           ဘယ်လောက် ပညာရှိပီသလိုက်သည့် စကားလဲလေ။
          တော်သေးသည်က ရှေ့ဆင့်နောက်ဆင့်ဆုံးသွားရှာပြီဖြစ်သော မိဘများထားခဲ့သည့်အမွေတွေက တစ်ဦးတည်းသောသမီး
သူမအတွက် သုံးမကုန်ပါ။
           သို့မို့ကြောင့် မီးဖိုချောင်စရိတ်နှင့် အိမ်စရိတ်မျိုးစုံသည် သူပေးမည့်ငွေနှင့် လောက်၊မလောက် ဒေါက်တာဇော်လတ်က စိတ်မ၀င်စားသလို မနွဲ့ရီကလည်းမမှုပါ။
          သို့ပေမယ့် အိမ်စရိတ်ကို စိတ်မ၀င်စားသည်က ထားပါတော့။ ဇနီးသည်ကိုယ်တိုင် ဖွယ်ဖွယ်ရာရာချက်ပြုတ်စီမံထားသည့် ထမင်းပွဲကိုတောင် ဘယ်လောက်စားကောင်းပါစေဦး။ ချီးကျူးစကားပြောဖို့ ၀န်လေးတတ်သည်ကတော့ အခံရမခက်စေဘူးလား။
          မနွဲ့ရီ အပင်ပန်းခံထားသော သန့်ရှင်းသပ်ရပ်သည့် အိမ်ကလေး အပြင်အဆင်နှင့် ပန်းပေါင်းစုံစိမ်းစိုလှပသည့် ခြံဝန်းလေးကိုလည်း ရောက်လာသမျှ ဒေါက်တာဇော်လတ်၏ ဆွေမျိုးမိတ်သင်္ဂဟများက ဘယ်လောက်ပင် ချီးမွမ်းခန်းဖွင့်ပါစေ၊ သူကတော့ ပြုံးထေ့ထေ့လောက်သာ တုန့်ပြန်၍ အသိအမှတ်မပြုချင်သလိုပင်။
          ကြာတော့ မနွဲ့ရီလည်းမိန်းမပီပီ စိတ်ခံစားချက်တစ်မျိုးဖြစ်လာရ၏။ အိမ်မှာနေရတာ စိတ်ဓာတ်ကျသလိုလို၊ မပျော်ရွှင်သလိုလို
ဖြစ်လာသည်မို့ မရောက်တာကြာပြီဖြစ်သော သူငယ်ချင်းတွေဆီ အလည်ထွက်မိသည်။ သူမမှာက သူတကာအိမ်ထောင်သည်တွေလို
အိမ်ထောင်ဖက်နှင့် အပေးအယူမျှမျှ စိုပြေသည့်ဘ၀မဟုတ်လျှင်တောင် မခြောက်ခမ်းသည့်မေတ်္တာစမ်းကလေး စီးဆင်းနိုင်မည့် သားသမီးကလေးသော်မှ တစ်ယောက်မျှမရှိသည့်ဘ၀လေ။
          အမှန်တော့ မနွဲ့ရီက အိမ်မလည်တတ်။ ယိုင်နဲ့လာသောစိတ်ဓာတ်ကြောင့်သာ ဖြေသိမ့်ပေးနိုင်မည့် သူငယ်ချင်းတွေကို သတိရမိခြင်း ဖြစ်၏။ ရောက်သွားတော့လည်း သူငယ်ချင်းတွေက သူမကိုနားလည်စွာ ကြိုဆိုကြပါသည်။
           မခေါ်ချင်မပြောချင်သလို လှိုက်လှိုက်လှဲလှဲမရှိသော ဒေါက်တာဇော်လတ်ကြောင့်သာ သူမဆီအလာကျဲကာ အဆက်အသွယ် ပြတ်နေပေမယ့် သူမလာမည်ဆိုပါက အချိန်မရွေးတံခါးဖွင့်ထားကြောင်း၊ လှောင်ချိုင့်စံငှက်ကလေးလို သူမဘ၀ကိုသနားကြောင်း၊ နွေးထွေးမှု အပြည့်နှင့် ကြင်နာစွာကမ်းလင့်ကြသောလက်များက သူမ၏ခြောက်သွေ့နေသော နှလုံးသားကို အနည်းငယ် ညံ့သက်သွားစေသလိုပင်။
          သို့ပေမယ့် သူငယ်ချင်းတွေတင်စားပြောလိုက်သော လှောင်ချိုင့်စံငှက်ကလေးသည်ပင် သူမဖြစ်ခဲ့ပါလျှင် ထိုလှောင်ချိုင့်တွင်းသို့
မိုက်မဲစွာသက်ဆင်းခဲ့သည်မှာ သူမကိုယ်တိုင်ပင်မဟုတ်လား။
            “ ကိုယ်က မင်းကို သာမန်မိန်းမတွေလို အိမ်လည်အတင်းပြော၊ အရည်မရအဖတ်မရ အကျိုးမဲ့စကားတွေနဲ့ အချိန်ကုန်တတ်တဲ့သူ
                မဟုတ်ဘူးလို့ထင်ထားတာ...”
           အပြင်မှပြန်လာသောမနွဲ့ရီသည် အပြစ်တင်သည်လည်းမဟုတ်၊ တားဆီးသည်လည်းမဟုတ်။ သို့ပေမယ့် နောက်ထပ်လည်း
မလုပ်ဝံ့အောင် ပြောတတ်သည့်သူ့ကို အံ့သြမှင်တက်နေမိသည်။
           ဒေါက်တာဇော်လတ်၏ ပညာသားပါလှသောစကားက သူမကိုလှောင်ချိုင့်တွင်းတွင် အမှန်တကယ်ပင် ခြေချုပ်မိစေခဲ့၏။
သူငယ်ချင်းများဆီ နောက်ထပ်သွားရန်လည်း ၀န်လေးရပြီ။ သူငယ်ချင်းများကြောင့် အနည်းငယ်ညံ့သက်လာသော နှလုံးသားကလည်း
ချက်ချင်းပင် မီးကျီးခဲပေါ်အတင်ခံလိုက်ရသလို ရှုံ့တွကာ အရေလန်သွားရတော့သည်။
                                                        xxxxxx
          အမှန်တော့ အိမ်မလည်တတ်သူမနွဲ့ရီအတွက် အကောင်းဆုံးအဖော်မွန်က သူမနှစ်သက်လှတဲ့စာအုပ်တွေပဲ ဖြစ်သင့်သည်မဟုတ်လား။
           သော့ခတ်ထားမိသော စာအုပ်သေတ်္တာသည် ဒေါက်တာဇော်လတ်ပယောဂမပါဟု မငြင်းနိုင်သော်ငြား တိုက်ရိုက်တော့ဖြင့်မဟုတ်ခဲ့ပါ။
သူမကသာ အိမ်ထောင်ဦးအချိန်က ချစ်စိတ်မွှန်ပြီး ခင်ပွန်းအမြင်မှာ အပြစ်ကင်းချင်လွန်း၍ အိုဗာဖြစ်သွားရခြင်းလေ။ ခုလို အိမ်ထောင်သက် ကလည်း ဆယ်စုနှစ်ကျော်လာတော့ ချစ်စိတ်ရေချိန်ကလည်း ကျသွားခဲ့ပြီ။ သူမရဲ့အပိုတွေကိုလည်း သူမကိုယ်တိုင်မြင်လာခဲ့သည်။
           မနွဲ့ရီ ကလောင်ပြန်ကိုင်လေပြီ။ စာအုပ်သေတ်္တာကိုလည်း သော့ဖွင့်လေ၏။ ဆေးခန်းကိုလည်း မလိုက်တော့။ အကူနာ့စ်တစ်ယောက်
ငှားပေးလိုက်သည်။ ပန်းခြံထဲလည်း ပေါင်းသင်မြေဆွမလုပ်အား။ သစ်ရိပ်မှာခုံလေးခင်းပြီး စာရေးစာဖတ်လုပ်ရသည်မှာ အရသာရှိပေစွ။
           ရပ်တန့်သလိုထင်ခဲ့သော မနွဲ့ရီ၏ဘ၀သည် ခုမှပြန်၍စီးလေပြီ။ လှမ်းမြင်ရသောသမုဒ်ပြင်ကျယ်သည် လှိုင်းဂယက်တွေ
ရှိသော်လည်း ကျယ်ပြော၏။
           မနွဲ့ရီသည် အိမ်ထောင်ရေးမှာ နစ်ဝင်ပစ်လိုက်သော ကုန်ခဲ့သည့်အချိန်တွေကိုပင် နှမြောနေမိသေး၏။
           ဆယ်စုနှစ်တစ်ခုကျော် အောင့်ထားခဲ့ရသောမနွဲ့ရီမှာ ဝေါကနဲ တမံကျိုးသလို စာတွေသွန်ရေးတော့သည်။
မဂ်္ဂဇင်းစာမျက်နှာတွေပေါ် မှာလည်း မနားတမ်းပြေးလေ၏။ တစ်နှစ် နှစ်နှစ်အတွင်း စာပေနယ်မှာနေရာရ စာရေးဆရာမတစ်ယောက် ဖြစ်လာသော်လည်း ဒေါက်တာဇော်လတ်ကတော့ သူ့ပုံစံ ပြုံးထေ့ထေ့လောက်နှင့်သာ အသိအမှတ်မပြုချင်ပြုချင်။ သူမရေးသောဝတ8ုများ
ကိုတော့ ဟုတ်တိပတ်တိ ဆုံးအောင်ဖတ်သည်ပင်မရှိ။ ထုံးစံအတိုင်း ကောင်းသည်လည်းမပြော၊ ဆိုးသည်လည်းမဆို။
            “ ကိုယ်ကတော့ စိတ်ကူးယဉ်တွေဖတ်လို့ကိုမရဘူး။ စာဆိုရင် ဗဟုသုတရရင်ရ၊ ဒါမှမဟုတ် နိုင်ငံရေးနဲ့စီးပွားရေးသတင်းတွေပဲ
                 ကြိုက်တယ်။ ”
          အရင်လိုဆိုရင်ဖြင့် မနွဲ့ရီ သူ့ပါးစပ်ဖျားမှာ လမ်းဆုံးမိပေဦးမည်။ ခုတော့ မနွဲ့ရီ အရင်ကလောက်မရူးတော့ပြီ။ သူကကိုယ့်ကို
အထင်မကြီးလည်း မမှုတော့။ သူမမှာ ဖြေဆေးရှိနေပြီလေ။
           သူဂရုမစိုက်လို့၊ အသိအမှတ်မပြုလို့၊ စိတ်ထဲမှာအားငယ်သလိုလို ၀မ်းနည်းသလိုလို ဖြစ်ခဲ့ရတာတွေကလည်း အရင်လိုခံစားချက် မပြင်းထန်တော့။ ဥပက်္ခာပြုနိုင်ခဲ့ပြီ။ တကယ်တော့ စာအုပ်တစ်အုပ်ကို စိတ်နှစ်ပြီးဖတ်နေရတာလောက် ဘ၀မှာ အရသာရှိတာမတွေ့နိုင်ပေ။
           နာမည်လေးနည်းနည်းရလာတော့ စာပေသမားတွေ အိမ်ကိုအ၀င်အထွက်ရှိလာ၏။ စာမူလာတောင်းတာ၊ စာအုပ်လာပေးတာ၊
စာမူခ၀င်ပေးတာတွေကလည်း မကြာခဏဆိုသလိုပင်။ ဖုန်းတွေကလည်းလာလိုက်သည်မှ ဒေါက်တာဇော်လတ်၏ အလုပ်ကိစ်္စဖုန်းနှင့်
သူမ၏စာမူကိစ်္စဖုန်းမှာ အကြိမ်တူတူလိုဖြစ်လာ၏။
           “ မင်းဆီကိုလာလိုက်သမျှကလည်း ယောကျာ်းတွေချည်းပါလား။ စာရေးဆရာမတွေက အလုပ်များပြီး စာရေးဆရာတွေက
              အားအားယားယား လမ်းထွက်အိမ်လည်နေတာပဲလား။ ”
           ဒေါက်တာဇော်လတ်၏ မလိုလားဟန် စကားများသည် သူမအတွက် အနေကျုံ့စေသည်ကတော့ အမှန်ပင်။ တစ်ခါတစ်ရံ
ဧည့်သည်စာရေးဆရာရောက်လာကာမှ ဧည့်ခန်းထဲထိုင်နေသောသူက နှုတ်လည်းမဆက်၊ ခပ်တည်တည် အိမ်ထဲဝင်သွားတာမျိုးဆိုလျှင်
သူမမှာ ရှက်ရွံ့အားနာရ၏။ သည်လိုအခါများမှာတော့ စာပေနယ်မှာလှမ်းနေသော သူမခြေလှမ်းများပင် ယိုင်ချင်ချင်။
           သူမကတော့ ဒေါက်တာဇော်လတ်နှင့် ဆေးရုံ၊ဆေးခန်းမှ သူနာပြုဆရာမများ၊ အမျိုးသမီးဆရာဝန်များ၊ ဟောက်ဆာဂျင်
ဆင်းနေသော ဆရာဝန်မလေးများ၏ အလုပ်သဘောအရဆက်ဆံရေးများကို တစ်ခါမျှ မဝေဖန်၊ မခနဲ့ဖူးပါ။ သည့်အပြင် ခပ်သည်းသည်း
ခပ်ကဲကဲ လူနာအမျိုးသမီးအချို့ကိုလည်း ဥပက်္ခာပြု နားလည်ပေးထား၏။
          သူက အိမ်လာသမျှ မနွဲ့ရီ၏ဧည့်သည်တိုင်းကို အမျိုးသမီးမမြင်ဘဲ အမျိုးသားချည်းကွက်မြင်နေသည်ကတော့ အံ့သြစရာ။ဇနီးသည်အပေါ် ချစ်ခင်ယုယဟန်၊ အလေးထားမြတ်နိုးဟန် မပြချင်သည့်သူ့ဆီက မနာလိုအူတိုသလိုအမူအရာများ တစ်ချက်တစ်ချက်
လှစ်ကနဲမြင်ရသော်လည်း သူမက မပျော်တတ်တော့ပါ။
          ယခင်ကလို နူးညံ့သည့်နှလုံးသားဖြင့်သာဆိုလျှင် တိတ်တခိုးကျေနပ်မိမည်ထင်ပါ၏။ ယခုတော့ နှလုံးသားက တင်းခြောက်နေခဲ့ပြီ။
           ဒါသည် “ အချစ် ” မဟုတ်။ “ အတ်္တ ” သာဖြစ်သည်ဟု သူမကသေချာနေပြီလေ။
                                                        xxxxxx
          အမှန်တော့ အတ်္တနှင့်ပရကို မျှတချင်သည့်နှလုံးသားပိုင်ရှင် မနွဲ့ရီသည် ကိုယ့်အတ်္တကို ကိုယ့်ဖာသာပြုစုရင်း သာယာတတ်အောင်
သင်ပေးသူမှာ ဒေါက်တာဇော်လတ်ဟု စွပ်စွဲချင်လေ၏။
          သူမက ခင်ပွန်းသည်နှင့်၊ ဆွေမျိုးစုနှင့်၊ ပတ်ဝန်းကျင်နှင့် သိုက်သိုက်ဝန်းဝန်း ပျော်ဝင်ရှင်သန်ရင်းမှ စီးဆင်းရသည်ကို ဘ၀ဟုမြင်သူ။
          သို့မှလည်း ကြည်လင်သော၊ နွေးထွေးသော၊ ကျစ်လစ်သော အပြုသဘောဆောင်သည့် ရသကောင်းတွေ ဖန်တီးနိုင်မည်ဟု သူမထင်သည်။
           ခုတော့ အေးစက်ဖယ်ကြဉ်သော အိမ်ထောင်ဖက်ကြောင့် နာကျင်ပွယောင်းသော အဖျက်စိတ်များသာ သူမမှာ အားကောင်းလေ
တော့၏။ တော်တန်ရုံကို အကောင်းမမြင်ချင်တော့။ အထူးသဖြင့် သူမ မြတ်နိုးကိုးကွယ်ချင်ခဲ့သော ခင်ပွန်းသည် ဒေါက်တာဇော်လတ်၏
မေတ်္တာကို သူမ မယုံတော့။ ငတ်မွတ်တောင့်တမိသော အကြင်နာကိုလည်း မလိုချင်တော့။
           ၀တ်္တရားကျေ လင်မယားဆက်ဆံရေးသည် သွေးသားဆန်္ဒအတွက်၊ တည်ကြည်သော အိမ်ထောင်ရေးသစ်္စာစောင့်သိမှုသည် သူ့ကိုယ်ကျင့်သိက်္ခာအတွက်၊ မနာလိုအူတိုသော သ၀န်ကြောင်စိတ်သည် သူ့အတ်္တအတွက်။
           သည်လိုသာ သူမ သေသေချာချာ စွပ်စွဲချင်၏။
           ဒီတော့လည်း သူ့လိုပင် အရွဲ့တိုက်ကာ မနွဲ့ရီလည်း ကိုယ့်အတ်္တကိုယ် အရောင်တင်ချင်တော့သည်။
           အရင်လို လင့်အချစ်လျော့မည်စိုးကာ ၀တ်္တရားကျေလိုလှသော ဇနီးမယားကောင်းစိတ်ဓါတ်များကို လွှတ်ချပစ်လိုက်ပြီး စာရေးစာဖတ်နှင့်သာ တစ်ကမ်္ဘာတည်ဆောက်နေလိုက်၏။
          မည်သို့ပင်ဖြစ်စေ လမ်းကြောင်းတည့်တည့် လှမ်းလျှောက်နေသူအတွက် အောင်မြင်မှုပန်းတိုင်ရောက်ရန် မှတ်တိုင်များကလည်း စောင့်ကြိုနေသည်ပဲမဟုတ်လား။
          စာပေသမားများတန်ဖိုးထားသော အဖွဲ့အစည်းတစ်ခုက ပေးအပ်သည့်စာပေဆုကို မနွဲ့ရီဆွတ်ခူးရရှိလိုက်လေသည်။
          ၀မ်းသာကြည်နူးလိုက်သည်မှာ ဆိုဖွယ်ရာမရှိ။ သူမ၏ငယ်ဘ၀အိပ်မက်သည် အကောင်အထည်ပေါ်လေပြီ။ ၀ါသနာအရင်းခံပေါ်တွင် ထပ်လောင်းဖြည့်တင်းခဲ့ရသော ကြိုးစားမှုများကလည်း အရာထင်ပြီ။ ဘ၀၏အဓိပ်္ပါယ်ဆိုသည်ကို ဒီ့ထက်ပြည့်စုံအောင် ဖွင့်ဆိုစရာမရှိတော့ပြီဟု ပီတိအဟုန်က စိမ့်နေအောင်ချိုလေတော့သည်။
                                                       xxxxxx
           စာအုပ်သေတ်္တာကို ဒုတိယအကြိမ်သော့ခတ်နေသော မနွဲ့ရီသည် သေတ်္တာထဲမှအရာတွေကို စာအုပ်ဟုမမြင်။ သူမ၏အသည်းနှလုံး
ကလီစာများဟုပင် ခံစားနာကျင်နေမိ၏။
           လက်တွဲဖော်ငုတ်တုတ်ကြီး ရှိနေလျက်နှင့် ဆုပေးပွဲကို တစ်ယောက်တည်းအထီးကျန်စွာ တက်ခဲ့ရပြီးနောက် နဂိုကမှနွေးထွေးမှု
မရှိသော မနွဲ့ရီတို့လင်မယားကြားတွင် ဒါဏ်ရာကိုယ်စီနှင့် အေးခဲငြိမ်သက်ခဲ့လေသည်။ အမှန်တော့ ငြိမ်သက်နေသောရေပြင်အောက်တွင်
မကျေနပ်မှုတွေ ပလုံစီနေခဲ့သည်ကိုလည်း နှစ်ဦးစလုံးသိနေ၏။
           ဆုပေးပွဲသည် စာပေလောကတစ်ခုလုံး ဂုဏ်ယူပျော်ရွှင်ကြသည့် ကြီးကျယ်ခမ်းနားသော ပွဲတစ်ခုဖြစ်ခဲ့သည်။
           ဒေါက်တာဇော်လတ်က အဖော်လိုက်ခဲ့ဖို့ ငြင်းဆန်၏။
           “ မင်းကိုဝိုင်းပြီး အရေးတယူလုပ်နေကြမယ့်ပွဲမှာ ငါကလိုက်ပြီး ဘာလုပ်ရမှာတုန်း...”
            မနွဲ့ရီသည် အံ့သြလွန်းစွာ ပါးစပ်ဟောင်းလောင်းပွင့်သွား၏။
           ဒေါက်တာဇော်လတ်၏ ဘွဲ့လွန်အခမ်းအနားများ၊ သမားတော်ကြီးများအတွက် ဂုဏ်ပြုညစာစားပွဲများ၊ ဆေးကုမ်္ပဏီများ၏
ဂုဏ်ထူးဆောင်ဧည့်ခံပွဲများကို သူမက သာမန်မိန်းမသားတစ်ယောက်အနေနှင့် ခင်ပွန်းသည်နံဘေးမှာ ကျေနပ်စွာလိုက်ပါခဲ့သည်ပင်။
          တစ်ခါမှ “ သူ့ပဲအရေးလုပ်နေကြတာ၊ ငါ့ကိုအရေးမလုပ်လို့ အောက်တယ် ” ဟု မတွေးမိဖူးပါ။ ကိုယ့်ရဲ့လက်တွဲဖော်ဂုဏ်ရှိတာသည် ကိုယ့်အတွက် ဂုဏ်ယူစရာပဲမဟုတ်လား။ ခုတော့...
           ကိုယ်သာ မင်းသားအမြဲဖြစ်ချင်၍ သူများကိုဇာတ်ပို့မပေးချင်သောသူသည် ဘယ်တော့မှဇာတ်လိုက်မဖြစ်။ မင်းသားရူးသာ
ဖြစ်လိမ့်မည်ဟု မနွဲ့ရီကစိတ်ပျက်နေချိန်တွင် ဒေါက်တာဇော်လတ်ကလည်း ဆုပေးပွဲဓါတ်ပုံများကိုကြည့်ပြီး မကျေမနပ်ဖြစ်နေ၏။
           “ ဘယ်နှယ့်ကွာ။ ၀ိုင်းဂုဏ်ပြုနေလိုက်ကြတာများ တိုက်ပွဲအောင်လာတဲ့ စစ်သူကြီးကျနေတာပဲ။ ယောကျာ်းမပါတော့
               ပိုလွတ်လပ်ပျော်ရွှင်နေတာပေါ့...”
           ဒေါက်တာဇော်လတ်၏ ခနိုးခနဲ့စကားသည် အတွင်းကြေကြေနေသော သူမအတွက် ကျားနာခဲ ခဲစရာဖြစ်သွားတော့၏။
ခင်ပွန်းစကားကို ခွန်းတုန့်ပြန်ခဲသော ဇနီးအလိမ်္မာဖြစ်လိုလှသည့် မိန်းမတစ်ယောက်၏ ဆယ်နှစ်ကျော်အနာမြုံတစ်ခု ပေါက်ကွဲမှုသည်
တော်တော်များ ပြင်းထန်သွားသလားမသိပါ။
          ဘာတွေပြောမိမှန်းပင် မနွဲ့ရီမမှတ်မိ။ နာကျည်းမှုလိမ်းကျံနေသော သွေးစက်လက်စကားများက လှပစရာတော့ဖြင့်မရှိပေ။
          ရသစာပေတန်ဖိုးကို နားမလည်သူတစ်ယောက်အတွက် ဆုတံဆိပ်သည် ဂုဏ်ယူဝမ်းမြောက်စရာ မဖြစ်သလို၊ နှလုံးမကြီးသူအဖို့
တစ်ဦးတစ်ယောက်၏ အောင်မြင်မှုသည် မုဒိတာပွားစရာလည်း မဟုတ်ခဲ့။
          နောက်ဆုံးတော့ သွေးရူးသွေးတန်းစိတ်ကြောင့် ကိုယ့်အသည်းနှလုံးကို ကိုယ်ပြန်သော့ခတ်မိခြင်းဖြင့် ဘ၀သည် မစီးဆင်းနိုင်
တော့ဘဲ ရပ်တန့်သွားရပြန်၏။
           သမုဒ်ပြင်သည် ကျယ်ပြောစွာမြင်နေရသော်လည်း သူမအတွက်တော့ လက်လှမ်းမမီခဲ့ပါချေ။
                                                       xxxxxx
          မိန်းမတစ်ယောက်၏ အချစ်သည် စိတ်ကူးယဉ်စရာ ကောင်းလောက်အောင် နူးညံ့ချိုမြခဲ့ဖူး၏။
          မိန်းမတစ်ယောက်၏ စွဲလန်းမှုသည် အံ့သြစရာကောင်းလောက်အောင် စွန့်လွှတ်သည်းခံနိုင်ခဲ့၏။
          မိန်းမတစ်ယောက်၏ သိမ်မွေ့မှုသည် မထင်မှတ်နိုင်လောက်အောင် စီးဆင်းကျယ်ပြန့်ခဲ့ရ၏။
          ထိုမိန်းမ၏ အားငယ်မှုသည် ကြေကွဲစရာကောင်းစွာ နစ်ဝင်နက်ရှိုင်းခဲ့လိမ့်မည်။
          ထိုမိန်းမ၏ နာကျဉ်မှုသည် အသည်းခိုက်မလောက် စိမ့်ဝင်ခါးသက်ခဲ့လိမ့်မည်။
          ထို့အတူ....မိန်းမတစ်ယောက်၏ ဥပေက်္ခာသည်လည်း စက်ရုပ်ဆန်စွာ မည်သူမျှမသိအောင် လှပသေသပ်နေခဲ့လိမ့်မည်ပင်။
                                                       xxxxxx
           ဘယ်လောက်များ အံ့သြစရာကောင်းလိုက်သလဲ။
          အလွန်လှပသော ပေါ့ပါးလွတ်မြောက်မှုအရသာသည် အရုပ်ဆိုးအကျည်းတန်လှသော ဆုံးရှုံးမှုတစ်ခုထဲမှ ထွက်ကျလာခဲ့ရသတဲ့။
          ကိုယ်ချစ်ခင်တွယ်တာရသူက ခပ်မှန်မှန်၊ ခပ်တန်းတန်း၊ အသိအမှတ်မပြုသလို နေတတ်ခဲ့သည်ကို ၀မ်းနည်းသလိုလို၊ နာကျည်း
သလိုလိုဖြစ်ခဲ့သော မနွဲ့ရီသည် တကယ်တမ်း သူမရှိတော့သည့်အချိန်ကျမှ ကျေးဇူးတင်ရကောင်းမှန်းသိတော့၏။
          သူမတွင် ခင်ပွန်းသည်၏အယုအယ အမှတ်တရတွေက မရှိသလောက်နည်းခဲ့သည့်အတွက် ဒေါက်တာဇော်လတ်သေဆုံးသွားချိန်တွင်
သူမဘ၀မှာ ကွက်လပ်ကြီးလို ဟာမသွား။ အလုပ်ကိစ်္စနှင့်ခရီးထွက်နေသလောက်၊ နိုင်ငံခြားသို့ ပညာသင်သွားသလောက်သာ အထင်ရောက်၍
လွမ်းလောက်စရာမရှိခဲ့ပါ။
          မနွဲ့ရီသည် နှစ်ယောက်အိပ်ကုတင်ကြီးပေါ်တွင် လွတ်လပ်စွာ ဘယ်ညာလူးလိမ့်နေရာမှ ကုတင်ပေါ်က ပေါ့ပါးစွာခုန်ဆင်းလိုက်၏။
          ကလောင်တံကို သူမပြန်ကိုင်ရမည်။ ထေ့ထေ့ပြုံးမည့်သူ၊ ရိပ်ရိပ်စောင်းမည့်သူ မရှိတော့ပြီလေ။
          စားပွဲပေါ်မှ စာအုပ်ဟောင်းဝါကျင်ကျင်လေးကိုဖွင့်ပြီး တစ်စုံတစ်ရာကိုရေးခြစ်လိုက်တော့ ကလောင်တံကမှင်မလိုက်။
ဦးနှောက်ကလည်း အတွေးမစို။ နှလုံးသားခြောက်ခမ်းနေတာ ကြာပြီမဟုတ်လား။
          မနွဲ့ရီသည် နှလုံးသားကိုအာဟာရဖြည့်မှ အတွေးတို့စိုလက်လာမည်ကို အသေအချာသိသူပီပီ ဆယ်နှစ်ကျော် သော့ခတ်ထားသော စာအုပ်သေတ်္တာကြီးကို ဖွင့်ဖို့ပြင်လေ၏။
          သော့တံလေးသည် သူမ တမြတ်တနိုးသိမ်းထားသော စားပွဲအံဆွဲထောင့်ရှိ ယွန်းခွက်ထဲတွင် လဲလျောင်းနေရသည်မှာ ပျင်းရိလှ ရော့မည်။ သူမက တယုတယကိုင်လိုက်တော့ အေးစက်စက်နှင့်မာခဲသော အထိအတွေ့က နှလုံးသားထဲအထိ စီးသွားသလိုပင်၊ ကျင်ကနဲ။
          အလိုလိုသိစိတ်ကြောင့် စိုးရိမ်မှုတစ်ခုဖြင့် သော့ကိုအလျင်စလိုလှည့်ပြီး သေတ်္တာကိုဖွင့်လိုက်သည်နှင့် မနွဲ့ရီ၏စိတ်ကူးကမ်္ဘာသည်
လွတ်ကျသွားခဲ့ရ၏။
          သေတ်္တာထဲမှ သူမ၏နှစ်ချို့အသည်းနှလုံးများသည် ဇကာပေါက်ဖြစ်နေကာ ၀ဖီးစိုပြေနေသောခြများကသာ သေတ်္တာတစ်ပြင်လုံး ဖွေးဖွေးလှုပ်နေတော့သည်။
          မနွဲ့ရီသည် ငိုချင်ရက်လက်တို့ဆိုသကဲ့သို့ ခုမှ အကြောင်းရှာရသလို သည်းထန်စွာ တလှိုက်လှိုက်တက်လာသော ခံစားချက်ကို သူမကိုယ်တိုင်ပင် မဝေခွဲတတ်တော့။
          လွတ်ကျသွားသောကမ်္ဘာသည် နှစ်သုံးဆယ်နီးပါးရစ်ပတ်လာသော သံယောဇဉ်လား။
           သော့ခတ်ထားသောသေတ်္တာထဲမှ ရှားပါးစာအုပ်များလား။
           မနွဲ့ရီကတော့ နှလုံးကွဲမတတ် ရှိုက်ကာ...ရှိုက်ကာ...။
                                                      xxxxxx


ဝေ(စီးပွားရေးတက္ကသိုလ်)
ရွှေအမြုတေမဂ္ဂဇင်း ( မတ်လ၊ ၂၀၁၄)

          
       

တစ်စိတ်ပဲ့အလွမ်း


  “ ဒီနေ့ အချိန်မီ မိုးတိတ်သွားလို့ တော်ပါသေးရဲ့..” လို့တွေးရင်း မေသက်တင် သက်ပြင်းချမိတယ်။ နို့မို့ဆို ကျောင်းအဆင်းမှာ မိုးနဲ့တိုးတိုင်း အိမ်ပြန်မရောက်ဘဲ ဆေးရုံရောက်သွားမလား။ အရေးပေါ်ရောက်သွားမလား။ အမြဲတွေးပူနေရတာလေ။
    မိုးနဲ့လေနဲ့ဆို ဆိုင်ကယ်စီးရတာ အဆင်မပြေဆုံးပဲ။ တစ်ကိုယ်လုံး တုတ်တုတ်ရွှဲတာကို အသာထားဦး။ ဆိုင်ကယ်မောင်းရင်း ထီးမဆောင်းတတ်လို့ မိုးကာဝတ်ပြီး ဦးထုပ်ဆောင်းထားလည်း မျက်နှာတည့်တည့်ကို သဲသဲမဲမဲထိုးကျလာတဲ့ မိုးရေစက်တွေက လူကို အင်မတန်ဒုက်္ခပေးတာပဲ။
    ကျောင်းအဆင်းဆိုတော့ လူရှုပ်၊ ယာဉ်ရှုပ်၊ သဲသဲလှုပ်နေတာမျိုး မဟုတ်လား။ ခုဆိုရင် ကားတွေက တော်တန်ရုံ ပိုက်ဆံရှိတဲ့သူတိုင်း စီးနိုင်လာကြတော့ အရင်လို ကျောင်းကြိုမိဘတွေဆိုတာ ဆိုင်ကယ်တ၀ီဝီတင်မကတော့ဘဲ မော်ဒယ်လ်မြင့်ကားတွေ အပြိုင်အဆိုင်နဲ့။ လမ်းတွေက ပိုပိတ်နေတော့တာပေါ့။
    မေသက်တင်တို့ သမီးလေး ကျောင်းသူဘ၀တုန်းကတော့ သူ့အဖေမှာ ဆိုင်ကယ်တစ်ပတ်နွမ်းလေးတောင် မရှိသေးလို့ စက်ဘီးလေးနဲ့ ကျောင်းကြိုရရှာတာ။ မေသက်တင်တို့လင်မယားအတွက် ဆိုင်ကယ်အဟောင်းလေး တစ်စီးလောက် ၀ယ်နိုင်ဖို့အရေး စိတ်ကူးနဲ့ရူးနေရချိန်ပေါ့။
    ထူထောင်စဘ၀ဆိုတော့လည်း စက်ဘီးတောင် နှစ်စီးမ၀ယ်နိုင်သေးတော့ သမီးဖေဖေက တစ်ကျောင်းတည်းအတူတက်တဲ့ အမေဆရာမနဲ့ သမီးကျောင်းသူမကို နှစ်ခါခွဲပို့ရရှာတာ။ ကိုယ်တိုင်ကလည်း ရုံးသွားရဦးမှာမို့ သူ့ခမျာ ရုံးဖွင့်ရက်ဆို မနက်ခင်းတိုင်းဟာ စက်ဘီးတစ်စီးနဲ့ ဒေါင်ချာစိုင်းနေရရှာတာလေ။
    အဲဒီတုန်းကတော့ စက်ဘီးကယ်ရီယာမှာ မေသက်တင်ကိုတင်နင်းတိုင်း “ ၀ရူး..၀ရူး..” နဲ့ သူက မော်တော်ဆိုင်ကယ် လီဗာဆွဲသလို ဟန်ပြုပြီး ရူးနေကျ။
    ဒါပေမဲ့ သိပ်မကြာလိုက်ပါဘူး။ နှစ်တွေက ဖြုတ်ကနဲဖြုတ်ကနဲ ကြွေလို့ ခေတ်ကြီးကလည်း အခြေအနေတွေ ပြောင်းသွားလိုက်တာ။ သမီးလေးလည်း အရွယ်ရောက်လို့ အထက်တန်းကျောင်းသူကြီးဖြစ်။ တရုပ်ဆိုင်ကယ်တွေ ဆိုတာကလည်း ဈေးချိုချိုနဲ့မှိုလိုပေါက်။ သမီးဖေဖေကလည်း ရုံးအလုပ်ကထွက်ပြီး ပွဲစားယောင်ယောင် ကုန်သည်ယောင်ယောင်နဲ့ အိမ်၊ခြံ၊မြေ၊ဆိုင်ကယ်၊ နောက်ဆုံး လက်ကိုင်ဖုန်း အရောင်းအ၀ယ်ကအစ ပိုက်ဆံရတဲ့အလုပ်ဆိုရင် မရှောင်နိုင်အောင်လုပ်။ မေသက်တင်တောင်မှ ကျူရှင်မပြတဲ့ စေတနာဆရာမလေး ဘ၀ကနေ အသပြာကလေး မစကြတဲ့ စာကျက်ဝိုင်းတွေ လိုက်သင်နဲ့။
မိသားစု ထမင်းဝိုင်းလေးကတော့ လက်ဆုံစားချိန်တွေ လျော့ပြီး သာယာမှု တဖြည်းဖြည်း ခြောက်ခမ်းသွားရတာ အမှန်ပဲ။
    ခေတ်ကြီးက တိုးတက်တာလား။ ဆုတ်ယုတ်တာလား ဆိုတာ တစ်ခါတစ်ခါ စိတ်လိုလက်ရ အချိန်ရှိရင် မေသက်တင် တွေးကြည့်မိတယ်။ တကယ်တမ်းကျတော့ ရုပ်ဝတ်္ထုတွေ တိုးတက်လာသလိုလို ထင်ရပေမယ့် စိတ်အဟာရတွေကတော့ ချို့တဲ့လာသလို ခံစားမိတာပဲ။
    ကြည့်လေ။ ခုဆို သမီးလေးကို ကျောင်းပို့ပြီးတာနဲ့ သူ့အဖေက ဆိုင်ကယ်တစ်စီးနဲ့ မြို့ပတ်ပြီး လက်ဖက်ရည်ဆိုင်တကာ ပွဲစားတကာနဲ့ လေဖောင်ရတာကိုက သူ့အလုပ်ဖြစ်သွားပြီမဟုတ်လား။ နှစ်ယောက်စလုံးကလည်း ၀င်ငွေကိုယ်စီကောင်းလာတော့ ဆိုင်ကယ်စီးနိုင်တာမှ သူတစ်စီး၊ ကိုယ်တစ်စီး။
    ဒါပေမဲ့ သူ့အမူအရာ၊ ဟန်ပန်၊ အပြောအဆိုတွေက အရင် အိမ်ထောင်ဦးဘ၀တုန်းကလို ရိုးသားအေးချမ်းတဲ့ သဏ္ဍာန်မျိုး လုံးဝရှာမရတော့ဘူး။ ပွဲစားဆိုမှတော့ အာချောင်ပါချောင်နဲ့ ကြမ်းပိုးကို လိပ်ဖြစ်အောင်ပြောရပြီပေါ့။
    “ ဒီအလုပ်တွေ မလုပ်ပါနဲ့လား..” လို့ ပွစိစိဖြစ်လာတဲ့ သူ့အမူအရာကို မကြိုက်လို့ ပြောမိတော့လည်း...
    “ အရင်းအနှီးမှမရှိဘဲ။ ဒီအလုပ်မလုပ်ရင် ငွေလွယ်လွယ် ဘယ်ကရမလဲ။ ဒီခေတ်လူနေမှုစရိတ်နဲ့ အရင်လို ရုံးသမားလေးဘ၀ကရော ရိုးသားလို့ ရဦးမယ်ထင်လို့လား..” တဲ့။
    ကဲ ဘယ်လောက်နှမြောစရာ ကောင်းလိုက်သလဲ။ အရင်တုန်းက ဖြူစင်မှုကလေးတွေ ဘယ်ရောက်ကုန်ပြီလဲ။
    သူ့သာပြောတာ။ တကယ်တော့ မေသက်တင်ကိုယ်တိုင်ကရော ဘာထူးလဲ။
    အရင်က ကျက်စာသင်တဲ့ ဆရာမတွေဆိုတာ ကျူရှင်နဲ့ ဘာဆိုင်သတုန်း။ မြန်မာစာဆရာမ ဒေါ်မေသက်တင် စာအရှင်းကောင်းလွန်းလို့ ပြန်ကျက်စရာမလိုဘူး ဆိုပြီး နာမည်ကြီးခဲ့တာဟာ ကျူရှင်ပြစားဖို့ လက်မှတ်မှမဟုတ်ခဲ့တာ။
    အံ့သြစရာကောင်းလောက်အောင် ခေတ်တွေပြောင်းပုံများ မြန်မာစာဆရာမကိုလည်း ကျက်စာဝိုင်းသင်ပေးဖို့ လာငှားတဲ့ မိဘကရှိလာတော့ သချာင်္၊ အင်္ဂလိပ်စာဆရာတွေတင် ကျူရှင်နဲ့အလုပ်ဖြစ်တာမဟုတ်ဘဲ ကျက်စာဆရာမတွေပါ ကျူရှင်ချိန်တွေအပြည့်နဲ့ သူ့ထက်ငါ အပြိုင်အဆိုင်ဖြစ်လာပါလေရော။
    အမှန်တော့ စေတနာအရင်းခံက လိုတိုးပိုလျှော့ လုပ်လို့မရပါဘူး။ မေသက်တင်က ကျောင်းမှာလည်း ဒီအာပေါင်အာရင်းအတိုင်း  လျှော့မသင်သလို ကျူရှင်ဝိုင်းမှာလည်း ဒီ့ထက်ပိုမသင်ပါဘူး။ ဒါပေမဲ့ ကလေးတွေကို ကျူရှင်ယူဖို့ဖိအားပေးတဲ့ဆရာမတွေကို စာရင်းနဲ့ ပညာရေးမှုးဆီ တိုင်စာရောက်တော့ ကိုယ်လည်းရောပါသွားတာပါပဲ။
    ထားပါလေ။ ငါးခုံးမတစ်ကောင်ကြောင့် တစ်လှေလုံးပုပ်တဲ့ စကားပုံကတော့ ခေတ်ဘယ်လောက်ပြောင်းပြောင်း ဟောင်းမယ်မထင်ပါဘူး။ ကိုယ်မဟုတ်တာ လုပ်မလုပ်၊ ကိုယ့်သံသရာမှာ ကိုယ့်အကျိုးပေးက စကားပြောသွားမှာပါ။
    ဒီလိုနဲ့ မေသက်တင်တို့ မိသားစုလေးမှာ ငွေစကြေးစလေးရွှင်၊ ဆိုင်ကယ်ကိုယ်စီနဲ့ မပင်မပန်း အလုပ်ပိုတွင်သလိုရှိပေမဲ့ တကယ်တမ်းကျတော့ အရင်လိုကြည်လင်တဲ့ မျက်နှာမျိုးတွေ မတွေ့ရတော့တာ ဘယ်လောက်ကြာပြီလဲ။
    မင်္ဂလာဦးအချိန်တွေက စက်ဘီးလေးတစ်စီးနဲ့ နှစ်ယောက်သား လျှောက်လည်ရင် “ ဘီးကလေးကိုစီး.. အချစ်ကလေးကိုတင်ပြီး..” ဆိုတဲ့သီချင်းကို အော်ဆိုတတ်ခဲ့တဲ့ ကြည်နူးသာယာမှုတွေ..။ သမီးလေးရလာတော့လည်း သမီးကို ရှေ့မှာ ခြင်းလေးနဲ့ထည့်၊ မိန်းမကို ကယ်ရီယာမှာတင်နင်းပြီး “ မောတော့မောတာပေါ့။ ဒါပေမဲ့ မမောဘူး..” လို့ ပြုံးပျော်ရယ်မောခဲ့ရတဲ့ ရိုးစင်းတဲ့ဘ၀လေးတွေ..။
    နှမြောဖို့ကောင်းလိုက်တာ။
        ခုတော့ သမီးဖေဖေက ဆိုင်ကယ်လေးစက်နှိုးတိုင်း လက်ကိုင်ကို ကားစတီယာရင်လှည့်သလို “ ၀ူး..၀ူး..” နဲ့လုပ်ပြီး စိတ်ကူးယဉ် အဆင့်တိုးနေပြန်ပြီလေ။
                                +++++++
    ကျောင်းကအထွက်မှာတိတ်သွားတဲ့မိုးက လမ်းရောက်တော့ ခပ်ဖွဲဖွဲပြန်ရွာလာတယ်။ ကိုယ်သွားမယ့်နေရာကလည်း ရောက်ခါနီးပြီ ဆိုတော့ မိုးကာတွေဘာတွေ ထုတ်ဝတ်မနေတော့ပါဘူး။ ခပ်သွက်သွက်လေးပဲ ဆိုင်ကယ်ကို အရှိန်နည်းနည်းမြှင့် မောင်းခဲ့တော့တယ်။
    ယာဉ်သွားယာဉ်လာရှုပ်သလို ကိုယ့်လိုအရင်လိုတဲ့ လူတွေများနေတော့ စိတ်ကသာလောနေတာ ရှေ့တော့ သိပ်တိုးမပေါက်လှပါဘူး။ ခုနောက်ပိုင်း လူတွေကြည့်ရတာ သွားသုတ်သုတ်၊လာသုတ်သုတ်၊စားသုတ်သုတ်နဲ့ အချိန်လုနေရတာချည်းပဲ။
ကိုယ်တွေကအစ ကျူရှင်တစ်ဝိုင်းပြီး တစ်ဝိုင်းကူးဖို့ စိတ်စောနေရတာဆိုတော့၊ ဘယ်တော့များမှ ငြိမ်းချမ်းတဲ့ဘ၀လေး ပြန်ရပါ့မလဲလို့ မေသက်တင်တွေးမိရင်း ငယ်ဘ၀လေးတွေ ပြန်တမ်းတမိတယ်။
    ဟိုးတုန်းကလို အေးအေးလူလူဘ၀လေး..။ ၀င်ငွေနည်းပေမယ့် စားဖို့ဝတ်ဖို့၊ လူနေမှုစရိတ်စက မှန်သမျှ လင်မယားနှစ်ယောက် အလျှင်မီရုံမက အလှူအတန်းလေးတောင် ကောင်းကောင်းလုပ်နိုင်လိုက်သေး။
    ခုတော့ ၀င်ငွေသာပိုလာတယ်။ လိုက်လိုက်ရတဲ့ ခေတ်။ တော်ကြာနေ ဟမ်းဖုန်း၊ တော်ကြာနေ ဟမ်းဆက်အသစ်က လဲချင်၊ တော်ကြာနေ ဂြိုလ်တုစလောင်း၊ တော်ကြာနေ စကိုင်းနက်။
    “ ဟာ ဘယ်လိုမောင်းနေတာလဲ။ ဆိုင်ကယ်မစီးတတ်ဘူးလား။ သေတော့မှာပဲ...(...) ”
    ရုတ်တရက် လှလှပပကားသစ်ကြီးပေါ်က ကားနဲ့မလိုက်မဖက် ဆဲရေးတိုင်းထွာသံကြားလိုက်မှ မေသက်တင်လည်း အလန့်တကြား ဖြစ်သွားရတယ်ဲ။ မိုးရေတွေနဲ့ လမ်းကချောနေတာရော၊ အတွေးလွန်နေတာရောကြောင့် ဆိုင်ကယ်ကို လမ်းဘေးချမပေးလိုက်မိဘူး။
    ကိုယ့်အမှားဆိုပေမဲ့ ကျောင်းဝတ်စုံနဲ့ ဆရာမဆိုတဲ့ဂုဏ်ကိုတောင် အားမနာကြတော့တဲ့ အရိုင်းအစိုင်းတွေပါလားလို့ စိတ်ထဲမှာ ဖျဉ်းကနဲဖြစ်သွားရတယ်။ တစ်ဆက်တည်း အာစရိယဂုဏောလည်း ခေတ်ရေစီးထဲတိုက်စားမျောပါသွားပြီလားလို့ နှမြောဝမ်းနည်းမိပါရဲ့။
    ၀မ်းနည်းလို့ မဆုံးသေးပေမဲ့ သွားလိုရာကရှေ့မှာရောက်ပြီမို့ မေသက်တင် အတွေးလက်စကို မသတ်ချင်လည်း သတ်ရတော့မယ်။ ဒီနေ့ လခထုတ်ရက်ဆိုတော့ အိမ်အတွက် ကိတ်မုန့်ကလေး ၀ယ်သွားမလားလို့လေ။ သမီးလေးက ကိတ်မုန့်သိတ်ကြိုက်သလို၊ မေသက်တင်ရဲ့ တစ်ဦးတည်းကျန်တဲ့ ခုနစ်ဆယ်ကျော် မိခင်ကြီးကလည်း အသက်ကြီးလာတော့ ကိတ်နုနုလေးဆို စားဝင်ရှာတယ်။
    ဒီမုန့်တိုက်က မေသက်တင်တို့ မြို့ကလေးမှာတော့ နာမည်အကြီးဆုံးနဲ့ ဈေးလည်းအကြီးဆုံး။ ဒါကြောင့် အမြဲတမ်း မစားဖြစ်ပေမဲ့ လကုန်ရက်တိုင်းလိုလိုတော့ မိသားစုလေးယောက်စာ ၀ယ်နေကျပဲဆိုပါတော့။
    ဆိုင်ထဲက ဈေးဝယ်ပြီးအပြန် လမ်းဘေးပလက်ဖောင်းကို အဖြတ်မှာ အုတ်ခုံပေါ်မှာထိုင်နေတဲ့ ပူဖောင်းသည်ကြီးဆီကို ဖျတ်ခနဲ အကြည့်ရောက်သွားမိတယ်။ အသက်ကကြီးလှပြီ။ ငွေရောင်ဆံပင်နဲ့ အသားအရေတွေ တွန့်လိပ်လို့။ ပိန်ကပ်ကြုံလှီနေပေမယ့် မာန်တော့ ချဟန်မတူသေးဘူး။ ပူဖောင်းလေးတွေရောင်းပြီး ဘ၀ကိုကျားကန်ထားရှာတုန်း။
    မေသက်တင် ခြေလှမ်းတွေက ဆိုင်ကယ်ဆီမလှမ်းဘဲ ပူဖောင်းသည်ကြီးဆီကို အလိုလိုလှမ်းမိသွားတယ်။ သက်ကြီးရွယ်အိုတွေ အရွယ်နဲ့မလိုက် ဒီလို သူ့ဝမ်းသူကျောင်းနေရတာကို မြင်ရင် စိတ်ထဲမယ် အလိုလိုဝမ်းနည်းမိတာ ဘာကြောင့်မှန်းမသိဘူး။
    မျက်လုံးထဲတော့ အိမ်မှာ ငြိမ်းငြိမ်းချမ်းချမ်း၊ ဘုရားတရားအလုပ်တွေနဲ့ ကုသိုလ်ယူနေတတ်တဲ့ အမေ့ကို မြင်ယောင်မိတယ်။
အမေသာ ဒီလို နေညိုချိန်တောင် ချွေးစိုနေရသေးတဲ့ ဘ၀မျိုးနဲ့သာဆို မေသက်တင် ဘယ်လို မြင်ရက်ပါ့မလဲ။
    “ ဘကြီး.. အသက် ဘယ်လောက်ရှိပြီလဲရှင်..”
    ရုတ်တရက်အနားကပ်ပြီးမေးလိုက်တဲ့ မေသက်တင်ကို ရီဝေေ၀မျက်လုံးအစုံနဲ့ အံ့သြသလို ပြန်ကြည့်ရှာတယ်။
    “ ခုနစ်ဆယ် ”.. လို့ ဖြေလိုက်တော့၊ အို.. မေမေနဲ့ အသက်တူတူပါလား။ ကိုယ်က ရှစ်ဆယ်ကျော်လောက်ထင်မိတာ.. လို့ စိတ်ထဲမှာ ရေရွတ်မိပေမဲ့ မှုန်ရီရီမျက်လုံးတွေက မျှော်လင့်ချက်အရောင်တွေ ထွက်နေတာတော့ တွေ့ဖြစ်အောင်တွေ့လိုက်ရတယ်။
    အလုပ်ကြမ်းလုပ်ရတဲ့သူမို့ ပိုအိုရှာတာထင်ပါရဲ့။ ဒါပေမဲ့ လက်ထဲက ပူဖောင်းလေးကို တပီပီမြည်အောင် ညှစ်လိုက်ပုံက သူ့ဘ၀မှာ မျှော်လင့်ချက်တွေ မကုန်ဆုံးသေးဘူးဆိုတာ သိသာစေတယ်။ မေသက်တင်ရဲ့ အလှူငွေလေး တတ်နိုင်သလောက် ပေးကမ်းချင်လာတဲ့ သဒ်္ဒါစိတ်ကို သူ့ဘ၀ရဲ့အားမာန်သရုပ်ဖြစ်တဲ့ လက်ထဲက ပူဖောင်းလေးတွေက တွန့်ဆုတ်သွားစေတာ အမှန်ပဲ။
    စော်ကားသလိုများ ဖြစ်သွားမလား။ အချောင်မလိုချင်လို့မှ ဒီအရွယ်ကြီးမှာတောင် ပူဖောင်းလေးရောင်းနေရှာတာ။ ဒါပေမဲ့ ဒီခေတ်ကြီးမှာ ပူဖောင်းဆော့တဲ့ကလေးရော ရှိသေးရဲ့လား။ ရောင်းရောရောင်းရလို့လား။ ညဈေးတန်းမှာတော့ လေထိုးရုပ်တွေ၊ မိုးပျံပူဖောင်းသည်တွေပဲ အတွေ့များလာပြီ။
    ခက်တာက သမီးကလည်း ပူဖောင်းဆော့တဲ့အရွယ် မဟုတ်တော့သလို၊ မေသက်တင် ဆိုင်ကယ်တစ်ဖက်နဲ့ ပူဖောင်းသယ်သွား ဖို့လည်း အဆင်မပြေဘူး။ ငွေလည်းပေးရမှာ အားနာ၊ ပူဖောင်းလည်း ၀ယ်မဖြစ်မှတော့ ၀ယ်လာတဲ့ ကိတ်မုန့်ထုပ်လေးတွေဆီကိုပဲ လက်ကရောက်သွားတော့တယ်။ ဝေစုကျ ပူတင်းကိတ်လေး လေးလုံး။ မိသားစုလေးယောက်စာ။ မေသက်တင် မစားတော့ပါဘူး။
     “ ရော့ ဘကြီး၊ အာဟာရဖြစ်အောင် စားလိုက်နော်...”
                                 +++++++
    ဒီနေ့ ကျောင်းမှာ အာဟာရကျွေးမယ်နေ့ဆိုတော့ ကလေးတွေအားလုံး ပြုံးပျော်ရွှင်လန်းနေလိုက်ကြတာမှ မြင်ရတဲ့ဆရာမတောင် စိတ်ဓာတ်တက်ကြွလာရတယ်။
    အလှူရှင် ကလေးမိဘတွေလည်း သူတို့ကျွေးမယ့်မုန့်တွေ အထုပ်ကြီး၊အထုပ်ငယ်နဲ့ သယ်လာလို့။ ကလေးတွေကလည်း ဘာမုန့်ကျွေးမှာလဲလို့ စပ်စုပြီး အထုပ်နားမှာ ၀ိုင်းဝိုင်းလည်လို့။ တချို့အတန်းက အိုးတွေခွက်တွေနဲ့ ကြာဇံချက်ဆိုလား။ တချို့က ကိတ်၊ တချို့ကအာလူးကြော်၊ တချို့ကအချိုရည်၊ တချို့ကပေါင်မုန့်နဲ့ မုန့်တွေကိုမျိုးစုံနေတာပဲ။ အတန်းတိုင်းမှာ လှုပ်လှုပ်ရှားရှား စီစီညံညံနဲ့ တပျော်တပါးကြီးပဲ။
    အမှန်တော့ အာဟာရနေ့ဆိုပြီး ကျောင်းကရန်ပုံငွေနဲ့ ကျွေးဖို့ စီမံတာကို စေတနာရှင်ကလေးမိဘတွေက သူကျွေးမယ်၊ ငါကျွေးမယ်နဲ့ အလှူရှင်တွေ ပေါ်လာတာမို့ ပိုပြီး စည်ကားသိုက်မြိုက်သွားရတာပါ။
 
        တကယ်လည်း ဘယ်လိုနေရာမဆို ဆရာ၊မိဘ စေတနာမှန်မှန်နဲ့သာ ပူးပေါင်းဆောင်ရွက်မယ်ဆိုရင် အနာဂတ်ကလေးတွေရဲ့ ပညာရေး၊ လူမှုရေး၊ ကျန်းမာရေး၊ စာရိတ်္တရေးတွေအားလုံးဟာ အဖက်ဖက်က တိုးတက်လာမယ်လို့ မေသက်တင် ယုံကြည်ပါတယ်။
    ခက်တာက ပူးပေါင်းမှုတွေမှာ မူလရည်ရွယ်ချက်ကနေ လမ်းကြောင်းတွေ သွေဖည်သွားအောင် အမှောင့်ပယောဂတွေက ၀င်ဝင်လာတတ်တာပါပဲ။ ဒီကြားထဲ စေတနာက ဝေဒနာဖြစ်ဖြစ်သွားတတ်တာတွေလည်း ရှိသေးတယ်။
    ခုပဲကြည့်၊ အာဟာရကျွေးမယ့်အခန်းတိုင်းကို အလှူရှင်မိဘတွေက အတန်းသားအတန်းသူတွေသာမကဘဲ ကျောင်းကဆရာ၊ဆရာမ အယောက်သုံးဆယ်အတွက်ပါ မုန့်တွေကို ပိုယူလာကြသတဲ့။ တကယ်က ဒီလိုယူလာပေးရမယ်လို့ ဘယ်ဆရာမက ပြောပါလိမ့်မလဲ။
သူတို့ကသာ ဂါရ၀စိတ်နဲ့ သဒ်္ဒါတရားပေါင်းပြီး ယူလာပေးကြတာ။ ဒါပေမဲ့ သေချာတာကတော့ ကလေးတစ်ယောက်ကို တစ်တန်းစီကကျွေးမယ့် မုန့်တစ်မျိုးသာ ဝေစုရပေမယ့် ဆရာမတွေကျတော့ အတန်းပေါင်းစုံက မုန့်ပေါင်းစုံ အများကြီးရတော့မှာလေ။
    ဒါဟာ တစ်ဆင့်စကားနဲ့ မလိုသူတွေနှုတ်ဖျားကို ရောက်သွားရင် ဘယ်လိုဖြစ်သွားမလဲ။ ဒါကြောင့်လည်း မေသက်တင်ကတော့ စေတနာကို ငြင်းလို့မကောင်းပေမဲ့ ရလာတဲ့မုန့်တွေကို အတန်းထဲက ဆင်းရဲတဲ့ ကလေးတွေဆီ ပြန်ဝေပေးလိုက်တာပါပဲ။
    မေသက်တင်ရဲ့ အတန်းထဲမှာက ချမ်းသာတဲ့သူတွေများပေမဲ့ ဆင်းရဲတဲ့ကလေးတွေလည်း ပါနေတယ်။ ကိုယ့်တပည့်တွေကို မျက်ခြေမပြတ်လေ့လာနေတဲ့ ဆရာမအဖို့တော့ ဘယ်သူတွေက ဘယ်လိုစရိုက်ရှိတယ်ဆိုတာ အားလုံးကို လက်ပွန်းတတီး သိနေပါပြီ။
    ဒီကလေး၊ ဒီကလေးတွေက ချမ်းသာတဲ့မိဘတွေကြောင့် ၀ံ့ဝံ့ကြွားကြွား၊ ရွှင်ရွှင်လန်းလန်းရှိသလောက်၊ ဒီကလေးတွေကတော့
ခပ်နွမ်းနွမ်းရယ်မို့ မိဘတွေ သိပ်ပြေလည်ရှာမယ်မထင်ဘူး.. ဆိုတာမျိုးပေါ့။
    ဒါကြောင့် ဘယ်သူတွေကို ကိုယ့်အတွက်ရလာတဲ့ မုန့်တွေ ဝေပေးရမလဲလို့ တွက်ချက်ရင်း အတန်းထဲကို မျက်လုံးဝေ့အကြည့်မှာ ဖျတ်ခနဲ ဆုံလိုက်ရတဲ့ မျက်ဝန်းဖျော့ဖျော့လေးက “ ဆရာမ.. ဆရာမကို သမီးမုန့်လေးကျွေးချင်လို့။ သမီးမုန့်ကလေး စားပါနော်ဆရာမ...” လို့ ပြောရင်း တွန့်ဆုတ်ဆုတ်နဲ့ အနားကိုရောက်လာပြီး အထုပ်တစ်ထုပ် ကမ်းလာပါတယ်။
    ကျွတ်ကျွတ်အိတ်ပေါ်က မုန့်တိုက်တံဆိပ်ကြောင့် မေသက်တင် မျက်ခုံးပင့်သွားရတာ အမှန်ပါ။ သူကလေးက ချို့တဲ့သူမို့ အတန်းထဲမှာ အစစအရာရာ သိမ်ငယ်ရှာသူလေး။ မေသက်တင်က တခြားတပည့်တွေရဲ့ စာကျက်ဝိုင်းမှာ စေတနာနဲ့ အခမဲ့ ခေါ်သင်ပေးချင်လို့ အိမ်ရှင်တွေကို ခွင့်တောင်းပေမဲ့ ဘယ်သူကမှ ခွင့်မပြုချင်လို့ လက်လျှော့ခဲ့ရတာ။ မျက်နှာငယ်ရှာရတာကို သနားလို့ အတန်းရှေ့ဆုံးက ခုံမှာ ပေးထိုင်ထားတော့လည်း သူ့ဘာသာ သိမ်ငယ်စိတ်နဲ့ နောက်ဆုံးတန်းကို ပြောင်းထိုင်ရှာတဲ့ ကလေးမလေး။
    သူ ဒီမုန့်ကို ဘယ်ကရလာသလဲ။ တော်တန်ရုံ လွယ်လွယ်ကူကူ ၀ယ်မစားနိုင်တဲ့ အခြေအနေမှန်းသိနေလို့ အံ့သြစိတ်နဲ့ သိလိုစိတ်က မုန့်ထုပ်ကို လက်လှမ်းယူမိဖို့ တွန်းအားဖြစ်သွားရတယ်။ ဒါ့အပြင် အိတ်ထဲကဆွဲအထုတ် မြင်လိုက်ရတဲ့ ပူတင်းကိတ်လေးကလည်း မေသက်တင်ကို မျက်ခုံးပင့်စေရုံသာမက ပူဖောင်းသံ တပိပိကိုပါ ကြားယောင်လာစေတာကလား။
    “ သမီး.. ဒါကို ဘယ်က ၀ယ်လာတာလဲဟင်...”
    မုန့်တိုက်နာမည်ပါနေတာတောင် ယောင်ယမ်းပြီး မေးမိပုံများပြောပါတယ်။။ အမှန် မေးချင်တာက ဘယ်ကရလာတာလဲလို့ မေးချင်တာ။ ဒါပေမဲ့ ဒီလိုမေးရင် သူကလေးစေတနာကို စော်ကားသလို ဖြစ်သွားမှာပေါ့။ သူ့ခမျာလည်း တခြားကလေးတွေလို ဆရာမကို မုန့်ကျွေးချင်ရှာမပေါ့။
    “ ဘွားဘွားက သမီးကို သူတို့မသိအောင် ဖွက်ပြီးကျွေးတာ။ သမီးကလည်း ဘွားဘွားလိုပဲ စားချင်ယောင်ဆောင်ပြီး ဆရာမကို ကျွေးချင်လို့ ဖွက်ပြီးယူလာတာ...”
    သူကလေးအပြောက ထူးဆန်းနေသည်မို့ မေသက်တင် ရုတ်တရက် နားရည်မလည်။ နောက်မှ...
    “ ဒါဆို ဘွားဘွားကို ဘယ်သူကပေးတာလဲ..”
    “ ဘွားဘွားကို ဘိုးဘိုးကကျွေးတာလေ။ ဘွားဘွားက အိပ်ရာထဲမှာလဲနေသူမို့ ဘိုးဘိုးက သူမစားရက်ဘဲ ကျွေးတာလို့ အဘွားကပြောတယ်။ အဘွားကလည်း သမီးက အငယ်ဆုံးမို့ ဘိုးဘိုးရော တခြားသူတွေရော မသိအောင် ပေးလိုက်တာ...”
    “ အော်.. ဒါဖြင့် ဘိုးဘိုးက မုန့်ဝယ်လာသူပေါ့...”
   “ ဟင့်အင်း ဘွားဘွားပြောတော့ ဘိုးဘိုးကိုလည်း ကျောင်းဆရာမလေးတစ်ယောက်က သူစားဖို့ဝယ်လာတဲ့မုန့်ကို ပေးသွားတာတဲ့”
    သူကလေးအပြောမှာ မေသက်တင်တစ်ယောက် ကြက်သီးများတောင် တဖြန်းဖြန်းထမိသွားပါရဲ့။
    အော် မေတ်္တာတရားရဲ့ ဆန်းကြယ်ပုံများ အံ့သြလောက်စရာပါလား။ ရင်ထဲမှာလည်း လှုပ်လှုပ်ခတ်ခတ်ရှိလိုက်တာ။ ကိုယ်ခန်္ဓာမှာ သွေးကြောတစ်လျှောက် သိမ်မွေ့နူးညံ့တဲ့တစ်စုံတစ်ရာက ပေါင်းဝင်စီးဆင်းနေတယ်လို့ ခံစားမိပြီး ကြည်နူးပီတိဖြာနေတာ အကြာကြီးပဲ။
    ပြီးမှ အတန်းပေါင်းစုံက ရထားတဲ့ မုန့်ပေါင်းစုံထည့်ထားတဲ့ အိတ်ကြီးကိုတစ်ဝက်ခွဲပြီး သူကလေးလက်ထဲ ထည့်လိုက်တယ်။ ကျန်တစ်ဝက်က ကျန်ချို့ငဲ့ကလေးတွေကို ဝေပေးဖို့။
    “ ဒါဆို သမီးရဲ့ဘိုးဘိုးရော၊ ဘွားဘွားရော၊ သမီးတို့တစ်အိမ်လုံး မျှစားလို့ ရလောက်ပါပြီနော်...”
    ကောင်မလေးမျက်နှာ ၀င်းလက်သွားပုံများ နေ့ခင်းကြောင်တောင် လမင်းကြီးသာသလိုပါလား။
    “ နောက်ပြီး သမီးပေးတဲ့ ဒီပူတင်းကိတ်ကို ဆရာမစားတော့စားမယ်။ ဒါပေမဲ့ လေးစိတ်စိတ်ပြီး တစ်စိတ်စားမယ်။ ကျန်တဲ့သုံးစိတ်က သမီးရယ်၊ ဘိုးဘိုး၊ဘွားဘွားရယ် တစ်စိတ်စီစားရမယ်။ ဘယ်လိုလဲ။ သဘောတူသလား...”
    မေသက်တင်ရဲ့ အပြောကို သူကလေးက ခပ်တွေတွေတစ်ချက် စဉ်းစားလိုက်ပြီး ပြုံးပြုံးလေး ခေါင်းညိတ်ရှာတယ်။
    ဒါနဲ့ပဲ ကိတ်မုန့်လေးကို ဓားနဲ့လေးစိတ်စိတ်၊ သူ့ကိုသုံးစိတ်ပေးလိုက်ပြီး သူ့ရှေ့မှာပဲ မေသက်တင်က ကျန်တဲ့တစ်စိတ်ကို စားပြလိုက်တယ်။
    အမြဲတမ်း ဖျော့တော့နေတတ်တဲ့ သူကလေးမျက်ဝန်းတွေက တဖျပ်ဖျပ် တောက်ပသွားလိုက်တာဆိုတာ...။
    ဒီလိုပဲ...။ မေသက်တင် စားဖူးသမျှ ပူတင်းကိတ်တွေထဲမှာ ဒီတစ်ခါကိတ်ကလည်း အရသာထူးကဲပြီး ချိုလိုက်တာဆိုတာ...။
                                 +++++++
    ဝေ(စီးပွာရေးတက္ကသိုလ်)
March, 2014...မဟေသီမဂ္ဂဇင်း