ငွေချည်ကြိုးနဲ့ သိုင်းတဲ့ တိမ်


မိဘမေတ္တာကို ကျွန်တော် အကြွင်းမဲ့ ယုံကြည်ကိုးစားပါသည်။ သို့ပေမယ့် အဖေ့စကားကိုတော့ဖြင့် မျက်စိမှိတ်၍ မနာခံနိုင်ခဲ့ပါ။ အဲဒီအတွက် ကျွန်တော့်ကို သားလိမ္မာစာရင်းတွင် မထည့်သွင်းနိုင်သော်…။ ကျွန်တော် စိတ်မကောင်းဖြစ်မိသော်လည်း ကျွန်တော့်ယုံကြည်ချက်ကိုတော့ဖြင့် ဘယ်သောအခါမှ ပြင်မည်မဟုတ်ပါလေ။
……
လောကတွင် အစွယ်ရှိသူက အစွယ်အားကိုးဖြင့် ရှေ့တိုးသကဲ့သို့ ခွန်အားကြီးသူက သူ့ခွန်အားကို အားထား၏။ ဉာဏ်ပညာကြီးသူက အရာရာကို ဉာဏ်ပညာဖြင့် လွှမ်းမိုးရန်ကြိုးစားသကဲ့သို့ အဆင်းလှသူကလည်း သူ့အဆင်းကို ရှေ့တန်းတင်တတ်၏။
ကျွန်တော့်အဖေက ငွေကြေးချမ်းသာကြွယ်ဝသူဆိုတော့ တစ်လောကလုံးကို ငွေကြေးဖြင့် ၀ယ်ယူနိုင်လိမ့်မည်ဟု ထင်မှတ်နေရှာ၏။
`သားအဖေက လူတွေရဲ့စိတ်ကို ငွေနဲ့ ၀ယ်လို့ရမယ် ထင်နေတာ…´
အမေကတော့ အဖေ့လွှမ်းမိုးမှုကို အလုံးစုံတော့ဖြင့် သည်းမခံနိုင်ခဲ့ပါ။ အချိန်ကာလစ်ခုထိသာ အဖေနှင့်ညှိနှိုင်းနိုင်ခဲ့သော်လည်း အတိုးအတာကျော်ချိန်မှာတော့ ပေါက်ကွဲခဲ့လေပြီ။
`ငွေကြေးအပြည့်အစုံ ရှာပေးရုံနဲ့ လင့်ဝတ္တရားကျေပြီလို့ ထင်နေတာလေ။ မိန်းမသားတစ်ယောက်ရဲ့ စိတ်ခံစားချက်ကို ငွေကြေးနဲ့ဖုံးလွှမ်းလို့ ရမတဲ့လား။ ကျွန်မမြတ်နိုးတာ မေတ္တာထုံမွှမ်းတဲ့ နှလုံးသားရှင်။ ငွေရှာတော်တဲ့ စက်ရုပ်မဟုတ်ဘူး။´
ငွေအရှာကောင်းတဲ့ အဖေက အလုပ်ပြီးအလုပ်နှင့် လောဘကြီးနေသည့်အတွက် လူမှုရေးဝတ္တရားတွေအားလုံး လစ်ဟင်းခဲ့ရသည်။ အသေးအမွှား လစ်ဟင်းမှုတွေမှာ ပြဿနာသေးသေးလေးတွေလောက်နှင့် ပြီးခဲ့ပေမယ့် အမေ့ရဲ့အမေ အသုဘမှာတော့ အဖေနှင့်အမေ ပြဿနာကြီးထွားလာခဲ့ပြီ။
`ကိုယ့်ယောက္ခမတစ်ယောက်လုံး ဆုံးတာကို ရှင်မလိုက်လို့ ဖြစ်မလား။ ရှင့်နိုင်ငံခြားခရီးစဉ်က ရက်ရွှေ့လိုက်လို့ ရတယ်။ အသုဘက ရက်ရွှေ့လို့ မရဘူးရှင့်။´
`ဟိုက လုပ်ငန်းရှင်တွေနဲ့ တွေ့ဖို့ချိန်းထားတဲ့ကိစ္စ၊ ရက်ရွှေ့လို့ကောင်းမလားကွ။ ကိုယ့်ကို အလုပ်အပ်မယ့်လူတွေက အစမှာကတည်းက အင်ပရက်ရှင်ဒေါင်းသွားရင် နောက်ရေရှည်ဆက်ဆံရေးမှာ ယုံကြည်မှု ဘယ်ရှိတော့မလဲ။ မြတ်တို့သားအမိ မန္တလေးကိုလိုက်သွားပြီး မြတ်ဖေဖေနေသားကျတဲ့အထိ နေပေးလိုက်ပါ။ ကိုယ့်ကိုတော့ ခွင့်လွှတ်ပါကွာ…´
`ဟင့်အင်း ခွင့်မလွှတ်ဘူး။ ရှင်ဒါမျိုးတွေ များနေပြီ။ ကျွန်မသားရော သမီးရော မွေးခဲ့တာ၊ ရှင်ဘယ်တုန်းကများ အနားမှာ ရှိနေခဲ့လဲ။ ပြောလိုက်ရင် အလုပ်ကိစ္စ၊ အလုပ်ကိစ္စနဲ့…။ အလုပ်ပဲ ရှင့်ဘ၀မှာ အရေးကြီးတယ်။ ကျွန်မတို့က ဘာတွေလဲ´
သည်းခံမှုအတိုင်းအတာ ကုန်သွားသူတစ်ယောက်ပမာ အမေက အစွန်းတစ်ဖက်ထိ အရောက်သွားပြီး တင်းမာနေသကဲ့သို့ အဖေကလည်း ယုံကြည်ချက်ခိုင်မြဲသူတစ်ယောက်လို ရပ်လက်စအစွန်းမှာပဲ ခပ်တင်းတင်းကျန်နေခဲ့၏။
အလျှော့မပေးကြသော ကြိုးတစ်ချောင်း၏အစွန်းနှစ်ဖက်က တင်းအားများ ပိုမိုပြင်းထန်လာသည်နှင့်အမျှ ကျွန်တော်တို့ မောင်နှမ၏ ဆုပ်ကိုင်ထားသော လက်အစုံက ချွေးစေးများဖြင့် စေးထန်းကာ ချော်ထွက်လာကြသည်။ တကယ်တမ်း မလျှော့ဘဲ တင်းသထက် ထင်းလာသည့် ကြိုးတစ်ချောင်းအပြတ်မှာတော့ ကျွန်တော်တို့ မောင်နှမနှစ်ယောက်က ရေနည်းငါးဘ၀နှင့် စိတ်အနာတရကိုယ်စီရကာ ကြိုးတစ်ဖက်စီမှာ တရွတ်တိုက် ပါသွားရတော့၏။
…………
အမေ့သတ္တိကိုတော့ ကျွန်တော်မအံ့သြ မလေးစားဘဲ မနေနိုင်။ လင်ခန်းမယားခန်းသာ ပြတ်သွားပေမယ့် အမေက ဘယ်လောက်ထိ စိတ်နာကြည်းမှု နက်ရှိုင်းသလဲဆို အဖေရှာဖွေစုဆောင်းထားသည့် မည်သည့်ပိုင်ဆိုင်မှုကိုမှ အလျဉ်းလက်မခံ။ အရိုးရှင်းဆုံးဘ၀မှာ ကံပေးသလောက်နှင့် တင်းတိမ်ရောင့်ရဲမည်ဟု ကြွေးကြော်ကာ အဖေ့ကို ကျောခိုင်းထားခဲ့၏။
ငယ်လင်ငယ်မယား ငယ်ချစ်တွေဖြစ်ပြီး ဒီလိုကြေကွဲစရာ ဇာတ်သိမ်းသွားရသည့် အဖြစ်ကတော့ တုန်လှုပ်စရာကောင်းလှပါသည်။ ပတ်ဝန်းကျင် မိတ်ဆွေအပေါင်းအသင်းတွေက စေ့စပ်ညှိနှိုင်းပေးဖို့ ကြိုးစားသော်လည်း အမေကတော့ အဖေ့ပေါ် ယတိပြတ်ခဲ့လေပြီ။
မပြတ်နိုင်သေးသည့်သားအပေါ်တော့ အဝေးမှ မျက်ရည်စက်လက်နှင့် မေတ္တာရည်လှမ်းဖျန်းပက်ဖို့ ကြိုးစားရှာသေး၏။ ဒီလိုဆိုတော့လည်း အဖေကတစ်ပြန် နာကျည်းခံပြင်းစိတ် မာန်အာဃာတဖြင့် အထိမခံ ပယ်ချပြန်သည်။ သားနှင့်အမေကို တွေ့ခွင့်မပေး။ အဝေးရောက်အောင် စည်းခြားထား၏။
တကယ်တမ်းသားကို အဖေ့ရင်ခွင်ကျယ်ကြီးထဲ သိမ်းဝှက်ဖက်ထွေးထားရင်တော့လည်း အကြောင်းလား။ အမိမေတ္တာနှင့်ဝေးလည်း ဖခင်မေတ္တာလေးတော့ လွှမ်းခြုံနွေးထွေးရမည်သာ။
သို့ပေမယ့် အဖေ့မှာက အလုပ်ကို လောဘကြီးပြီး အလုပ်မရှိလျှင် မနေတတ်သည့် ရောဂါက ရင့်မာနေခဲ့ပြီ။ ငယ်ဘ၀ကတည်းက မွေးမြူလေ့ကျင့်ခဲ့သည့် စိတ်ဓာတ်များက မာကျောပြတ်ရှနေခဲ့ပြီ။ သားအတွက် နွေးထွေးလုံခြုံမှုကို ဖခင်မေတ္တာဖြင့် လွှမ်းခြုံထွေးပွေ့ပေးရမည့်အစား အဖေရှာဖွေတိုးပွားထားသော ငွေနှင့်သာ ချိန်စက်၍ ဖန်တီးပေးထားခဲ့သည်။
ကျွန်တော်ကတော့ အမေ့သားမို့လို့လားမသိ။ ငွေပုံကြားမှာ ဖန်တီးမှုအတုကမ္ဘာထဲမှာ မပျော်မွေ့နိုင်ပါ။ မိုင်လို၊ အိုဗာတင်း၊ ချောကလက်မျိုးစုံထက် လမ်းဘေးမှာ ထိုင်စားရသည့် မုန့်ဟင်းခါးအရသာကိုမှ စွဲလမ်း၏။ ပရာဒို၊ မာစီဒီး၊ လင်ခရူဇာတို့အပေါ်မှာ ဇိမ်ခံဖို့ထက် လမ်းကြိုလမ်းကြားမှာ ကိုယ်တိုင်အားစိုက်၍ ပြိုင်ဘီးလေးနင်းလိုလှ၏။ ကွန်ပျူတာ၊ အင်တာနက်၊ ဖေ့စ်ဘွတ်ခ်ကိုထက် မဂ္ဂဇင်းမှာ ၀တ္ထုတိုနှင့် ကဗျာများကိုသာ မြတ်နိုး၏။
အဖေဖန်တီးထားသည့် ကမ္ဘာမှာ ကျွန်တော်နှင့်လိုက်လျောညီထွေမဖြစ်ပါ။ အဖေကျောင်းပေးသည့် လမ်းပေါ်မှာ ကျွန်တော် ကြိုးစားလျှောက်ပေမယ့် ကျွန်တော့်နှလုံးသားအလိုမပါတော့ ခရီးမပေါက်နိုင်ခဲ့။
နိုင်ငံတကာအဆင့်မီရန် နိုင်ငံခြားစာသင်ကျောင်းမှာ ထားခဲ့ပေမယ့် ကျွန်တော်က မြန်မာစာ၊ ကဗျာများကိုသာ ခုံခုံမင်မင်ဖတ်ရှုအရသာခံလိုသူ။ ကမ္ဘာ့အဆင့်မြင့် တက္ကသိုလ်ကြီးကို ပညာသင်စေလွှတ်၍ အောင်မြင်လှသော အဖေ့ကုမ္ပဏီစီးပွားရေးမှာ ရာထူးဆက်ခံစေချင်ပေမယ့် ကျွန်တော်က စာရေးဆရာ ကဗျာဆရာဖြစ်ရန်သာ ရူးသွပ်ကြိုးပမ်းသူ။
အဖေနှင့်ကျွန်တော် စိတ်ကူးအိပ်မက်ချင်းက သွင်သွင်ကြီး ဆန့်ကျင်ကျောခိုင်းနေတော့၏။
………
`လောကမှာ အင်အားကြီးသူကသာ နိုင်မြဲဖြစ်၏´ဆိုသောစကားမှာ အခါခပ်သိမ်းတော့ မမှန်နိုင်ပါ။ အဖေနှင့်ကျွန်တော် ဆန္ဒလှိုင်းလုံးချင်း အားပြိုင်ရာမှာ နှစ်ယောက်စလုံး သူတင်၊ ကိုယ်တင် အပြိုင်၊ အနိုင်မရှိ ကိုယ့်ခံယူချက်သာ အပိုင်သံမှိုစွဲနေကြသည်။
အဖေကလည်း သူငယ်ငယ်ကတည်းက ဦးနှောက်ထဲစွဲနစ်ခဲ့သည့် ခံယူချက်ကို မတိမ်း။ မလျှော့..။ ကျွန်တော်ကလည်း ကျွန်တော့်နှလုံးသားစေစားမှု ယုံကြည်ချက်ကို စွဲစွဲမြဲမြဲဆုပ်ကိုင်။ ဘယ်တော့မှ လက်မလွှတ်။ ထိုးစစ်နှင့်ခံစစ် အားမျှနေတော့ တိုက်ပွဲက အလယ်မှာရပ်နေရင်း အချိန်တွေသာ တအိအိပြိုလဲနေရ၏။
သို့ပေမယ့် ဖခင်တစ်ယောက်ရင်တွင်းမှ မေတ္တာစုန်းအားနှင့် သားတစ်ယောက်၏ ဆန်အားမေတ္တာအားမှာတော့ အဖေက အားကြီးသူဖြစ်လေတော့ သားကို အလျှော့ပေးရတော့သည်။
`မင်းကမှ ဒီလောက်ဖြစ်နေရင်လည်း စာပေတိုက်ထောင်ကွာ။ လုံးချင်းတွေထုတ်။ မင်းကို ဘက်ဆဲလားဖြစ်အောင် အဖေလုပ်ပေးမယ်…´
အဖက ငွေကြေးဖြင့် လမ်းခင်း၍ အောင်မြင်မှုကို ကျွန်တော့်အတွက် ၀ယ်ယူပေးလို၏။ ကျွန်တော်လျှောက်လိုသည့် လမ်းက ပန်းရောင်လွှမ်းသည့် စိတ်ကူးယဉ်လမ်း မဟုတ်။ စိမ်းစိုတောက်ပနေမည့် ဘ၀ခရီးလမ်း။
`ကျွန်တော်က နာမည်ကြီး အောင်မြင်ချင်တာ မဟုတ်ဘူးအဖေ။ အနုပညာမြောက်ချင်တာ´
ကျွန်တော့်နှလုံးသားကို အဖေ့ဦးနှောက်က နားမလည်ပါ။
`အေးလေ… ကိုယ်ပိုင်စာပေတိုက်ထောင်ပြီး မင်းရေးထားတဲ့ ၀တ္ထုတွေ၊ ကဗျာတွေကို ကိုယ့်ဘာသာ ထုတ်လေ။ ရှုံးချင်သလောက် ရှုံးပေ့စေ။ ကြော်ငြာကောင်းကောင်းသုံးပြီး ဖြန့်ချိရေးမှာ ကံစမ်းမဲရော၊ လက်ဆောင်ကောင်းကောင်းရော ထည့်လိုက်ရင် မင်းစာအုပ်တွေ ရောင်းလောက်မှာတောင် မဟုတ်ဘူး။ ဒါမှ မင်းအနုပညာက လူတွေ လက်ထဲရောက်မှာပေါ့…´
`လက်ထဲရောက်ရုံကတော့ အလကားဝေလိုက်ရင် ရတာပဲ အဖေ။ ရင်ဘတ်ထဲရောက်ဖို့က တံစိုးလက်ဆောင် ဘယ်လောက်ပေးပေးမရဘူးလေ…´
`ဟေ့ကောင်ရ… လောကမှာ ငွေရှိရင် ဘာမဆိုလုပ်လို့ရတယ်ကွ။ ငါ ငယ်ငယ်တုန်းက ဆင်းရဲခဲ့လို့ ဆေးဖော်ကြောဖက် မလုပ်ခဲ့တဲ့ကောင်တွေ အခု ငါချမ်းသာကြွယ်ဝလာတော့ မျက်နှာလိုအားရ လုပ်လာရတာပဲ။ မာနကြီးတဲ့ကောင်တွေက မူတူတူ လုပ်ချင်သေးပေမယ့် ငါက ရက်ရက်ရောရော ပေးကမ်းစွန့်ကြဲလိုက်တော့လည်း ငါ့ဘေးနားမှာ ၀ိုင်းလာရတာပဲ။ ငွေကြေးအင်အားကို ဘယ်သူတောင့်ခံနိုင်မလဲကွာ…´
`အမေရော..´လို့ ပြောလိုက်ချင်တဲ့စိတ်ကို ဖခင်ဆိုသည့်အသိနှင့် အမြန်ချွန်းအုပ်လိုက်ရ၏။ လောကတစ်ခွင်မှာ ငွေကြေးဖြင့် မလွှမ်းမိုးနိုင်သည့် အရာများစွာ ရှိတာကို အဖေက အနီးဆုံးလူတစ်ယောက် အဝေးရောက်သွားရုံမျှဖြင့် အသိတရားမရသေးပါလား။
`တကယ်တော့ သားအဖေက သိပ်ဆင်းရဲခဲ့ပြီး အမေ့အသိုင်းအ၀ိုင်းက ချမ်းသာနေခဲ့တာကိုက လွဲမှားတဲ့စိတ်ဓာတ်ခံယူချက်တွေ ပေါက်ဖွားဖို့ တွန်းအားပေးခဲ့တာပေါ့ သားရယ်။
ကလေးဘ၀ကတည်းက ဆင်းရဲချို့တဲ့လို့ နိမ့်ကျသိမ်ငယ်ခဲ့ရတဲ့ ဒဏ်ရာတွေဟာ ခံယူချက်နဲ့ အသိပညာမမီတော့ ရည်မှန်းချက်တွေ လွဲမှားကုန်တာပဲ။
သားအဖေဟာ အတန်းပညာ၊ အသိပညာထက် ငွေကြေးကိုသာ တရှိုက်မတ်မတ် ရှာဖွေခဲ့တယ်။ ခံပြင်းစိတ်တွန်းကန်အားက ဘယ်လောက်ပြင်းထန်နေသလဲဆိုရင် သူသိပ်ချစ်မြတ်နိုးခဲ့တဲ့ အမေ့ကိုလည်း ပိုင်ဆိုင်ပြီဆိုတာနဲ့ ကြင်နာယုယဖို့ထက် တင့်တောင်းတင့်တယ်ထားဖို့ဆိုပြီး ငွေကြေးရှာဖွေတဲ့ အလုပ်ကိုပဲ ကျားကုတ်ကျားခဲ ကြိုးပမ်းခဲ့တယ်။ နောက်တော့လည်း သူ့ရည်မှန်းချက်အတိုင်း သဘောမတူ ပစ်ပယ်ထားတဲ့ အမေ့အသိုင်းအ၀န်းကို ငွေကြေးဂုဏ်ရှိန်နဲ့ အနိုင်ပိုင်းနိုင်ခဲ့တယ်။
အဲဒီနောက်ပိုင်း သူဘာလုပ်လုပ် အောင်မြင်နေတော့ လူတွေရဲ့စိတ်ကိုပါ ငွေနဲ့ ၀ယ်လို့ရတယ်လို့ သူအထင်လွဲလာတာပဲ။ သူ့အတွက် ရင်သွေးကလေးတွေ မွေးပေးတာ သားသမီးနေမကောင်းတာ၊ အသိုက်အမြုံလေး လုံခြုံနွေးထွေးဖို့ရာတွေမှာ သူက ငွေပဲပစ်ပေးပြီး သူ့ရင်ငွေ့နဲ့မထွေးလည်း ဖြစ်တယ်လို့ချည်း ထင်လာတာ…´
အစမှာ နှလုံးသားချင်းနီးစပ်ဖလှယ်ပြီး လက်တွဲညီခဲ့ကြသည့် အဖေနှင့်အမေမှာ နောက်ဆုံးတော့ ဦးတည်ရာလမ်းကြောင်းချင်းမတူဘဲ ဝေးခဲ့ကြရပါသည်။
အမေ့နောက်ပါသွားသည့် ညီမလေးက ကျောင်းဆရာမလေးအဖြစ် တည်ငြိမ်အေးချမ်းနေသလောက် ကျွန်တော်ကတော့ စာရေးဆရာယောင်ယောင် ကဗျာဆရာယောင်ယောင်နှင့် ပေမမီဒေါက်မမီဖြစ်နေသေး၏။ ကျွန်တော်ကပင် အနုပညာပါရမီမပြည့်မီ၍ ဖြစ်ပါလိမ့်မည်။ မဂ္ဂဇင်းတွေကို ကဗျာတွေ၊ ၀တ္ထုတိုတွေ ရေးပို့သော်လည်း ဆယ်ပုဒ်ပို့မှ တစ်ပုဒ်ပါရန်ပင် အနိုင်နိုင်။ အပယ်ခံဘ၀ဖြင့် လည်နေသော်လည်း အားတော့ဖြင့်မလျှော့ပါ။ အချိန်ယူ၍ စာပေ၀မ်းစာ ဖြည့်တင်းပါဦးမည်။
အဖေပြောသလို စာပေတိုက်ထောင်ပြီး ရှဲဒိုးဝယ်။ အမည်ခံကာ ချက်ချင်းနာမည်ကြီးမည့် နည်းလမ်းမျိုးကိုတော့ ကျွန်တော့်စိတ်က ခြေဦးပင်မလှည့်။ မဂ္ဂဇင်းများေါ်မှာ တစ်လှမ်းချင်းဖြတ်သန်းရင်း ကျွန်တော့်မှတ်တိုင်တွေကို တဖြည်းဖြည်း ခိုင်ခိုင်မာမာ စိုက်ထူချင်သည်။
ကျွန်တော်လိုချင်သည်က နာမည်ကျော်ကြားမှုမဟုတ်။ စာပေဂုဏ်သိက္ခာသာဖြစ်၏။ သည်လောကမှာ ကျော်ကြားမှုက ငွေဖြင့် ၀ယ်လို့ရချင်ရမည်။ ဂုဏ်သိက္ခာကတော့ ငွေဖြင့်တည်ဆောက်၍မရ။ အနုပညာစိတ်ဓာတ်ဖြင့်သာ လျှောက်လှမ်းရမည်ဟု ကျွန်တော်ထင်ပါသည်။
…………
အဖေက ကျွန်တော့်ကို နားချ၍မရတော့ သူ့အလုပ်နှင့်သူ မအားလပ်သည့်ကြားမှ မဂ္ဂဇင်းတစ်စောင် ထုတ်ဝေခွင့်ရအောင် လုပ်ခဲ့၏။
သားလျှောက်ချင်သည့်လမ်းကို ခင်းပေးလိုလှသည့် အဖေ့မေတ္တာကိုတော့ လေးစားဦးညွတ်ပေမယ့် အယ်ဒီတာလုပ်ခိုင်းသည့် အဖေဆန္ဒကို ငြင်းပယ်လိုက်ပါသည်။ ကျွန်တော့်မှာ အယ်ဒီတာလုပ်နိုင်သည့် အရည်အချင်း မရှိသေးပါ။ မဂ္ဂဇင်းစာမျက်နှာများပေါ်မှာ ဖြတ်သန်းရင်း အတွေ့အကြုံအသိပညာတွေ ကျွန်တော်ရှာဖွေဦးမည်။ ကျွန်တော့်ကို ပံ့ပိုးချင်သည့် အဖေက ငွေကြေးခိုင်မာသော်လည်း ကျွန်တော်က အရည်အချင်း မခိုင်မာသေးပါ။
အဖေကတော့ သားဇောဖြင့် သူမကျွမ်းကျင်သည့် ဘာသာရပ်မှာ ခြေချမိလေပြီ။ ဒီတော့လည်း စီးပွားရေးသမားပီပီ အယ်ဒီတာတွေခန့်၊ မန်နေဂျာကောင်းတွေ ငှား၊ ဈေးကွက်ထိထိမိမိရှာ၊ ဖြန့်ချိရေး ပိုင်ပိုင်နိုင်နိုင် လုပ်။ ကြော်ငြာဆန်းဆန်းပြားပြားထည့်။
အမယ်… အဖေက စီးပွားရေးအမြင်ရှိတော့ အချိန်တိုတိုအတွင်း ဈေးကွက်ထဲ အောင်မြင်လာ၏။ မဂ္ဂဇင်းက ရှေ့ကို ခရီးပေါက်လာသည်။
ကျွန်တော်ကတော့ အဖေပေးသည့် အယ်ဒီတာရာထူးကိုလည်း ငြင်းပယ်နေဆဲဖြစ်သလို အဖေခင်းပေးသည့် အဖေ့မဂ္ဂဇင်းစာမျက်နှာပေါ်မှာလည်း မလျှောက်လှမ်းခဲ့ပါ။ အဖေပေးသည့် အောင်မြင်ပြီးသား မဂ္ဂဇင်း တစ်စောင်၏ အယ်ဒီတာရာထူးထက် မဂ္ဂဇင်းတိုက်ပေါင်းစုံကို ခြေတိုအောင်လှည့်ပြီး စာမူပို့နေရသည့် မထင်မရှား စာရေးဆရာလေးဘ၀ကိုသာ တမြတ်တနိုးဖက်တွယ်ထား၏။ ကိုယ်ပိုင်အရည်အချင်းဖြင့် ၀တ္ထုတစ်ပုဒ် ကဗျာတစ်ပုဒ် ပါလာလျှင်ပင် ဘ၀၏အရသာ။
အဖေကတော့ တစ်ချိန်ချိန်မှာများ သားက စိတ်ပြောင်းလာပြီး သူခင်းပေးသည့် လမ်းကို သက်တောင့်သက်သာ လျှောက်လှမ်းလာလေမလား စောင့်မျှော်နေရှာ၏။
ကျွန်တော်ကလည်း တစ်ပုဒ်တလေ လခြားကာပါလာသည့် မဂ္ဂဇင်းပေါ်က သူ့ကဗျာလေးများကို ဘယ်အချိန်မှာများ စာပေလောကသားတွေက ဂုဏ်ပြုချီးကျူးကြလေမလဲလို့ မျှော်လင့်ချက်ကို ရင်မှာပိုက်ရင်း။
………
မိဘမေတ္တာကို ကျွန်တော် အကြွင်းမဲ့ယုံကြည်ကိုးစားပါသည်။ သို့ပေမယ့် အဖေ့စကားကိုတော့ဖြင့် မျက်စိမှိတ်၍ မနာခံနိုင်ခဲ့ပါ။ အဲဒီအတွက် ကျွန်တော့်ကို သားလိမ္မာစာရင်းတွင် မထည့်သွင်းနိုင်သော်… ကျွန်တော် စိတ်မကောင်းဖြစ်မိသော်လည်း ကျွန်တော့်ယုံကြည်ချက်ကိုတော့ဖြင့် ဘယ်သောအခါမှ ပြင်မည်မဟုတ်ပါလေ။
ဝေ(စီးပွားရေးတက္ကသိုလ်)

ဝင်္ကပါလမ်းလွှဲ


 မထင်မှတ်ဘဲ ဒေါ်လေးသီအသံကို ကြားလိုက်ရတော့ ပိန်းပိတ်မှောင်မိုက်နေသည့် ဝင်္ကပါထဲမှာ လမ်းပျောက်နေရာမှ အလင်းတစ်ပြက်ကို တွေ့လိုက်ရသူလို အားတက်သွားရ၏။
ဘယ်လောက်မာယာများသည့် ဝင်္ကပါဖြစ်ပါစေ။ လွတ်လမ်းကိုကြိုးစားဖွေရှာနိုင်ဖို့ အလင်းရောင်လေးတော့ အနည်းငယ်ဖြစ်ဖြစ်ရှိဖို့လိုမည်မဟုတ်လား။
 တကယ်တော့ သူမက ဝင်္ကပါထဲမှာ ပိတ်မိနေသူဆိုပါက ထိုဝင်္ကပါသည် လွတ်ဖို့မလွယ်အောင် မာယာများဖြင့်လျှို့ဝှက်လှစွာ၏။ လမ်းစရှာဖွေ မမြင်နိုင်လောက်အောင် မှောင်ပိန်းလွန်းလှ၏။ အားလျော့စိတ်ပန်းကျချင်အောင် လိမ်ကွေ့နက်ရှိုင်း၏။        
သို့ပေမယ့် သူမကတော့ ထိုဝင်္ကပါထဲမှ လွတ်မြောက်လိုသည်သာ ဖြစ်ပါသည်။ အဘယ်ကြောင့်ဆိုသော် ဝင်္ကပါ၏အပြင်ဖက်တွင်
သူမမျှော်လင့်အားခဲထားသော မိသားစုအသိုက်အမြုံလေး ရှိနေသောကြောင့်ပင်...။

                                                      xxxxxx
 ' သူတို့က ကလေးမလေးကို ရောင်းစားထားခဲ့တာလား။ ဒါမှမဟုတ် အကြွေးမဆပ်နိုင်လို့ သမီးကိုထိုးအပ်ခဲ့တာလား။ သူတို့တင်နေတဲ့အကြွေးက ဘယ်လောက်တောင်ရှိလို့လဲ။ အဲဒီအကြွေးတွေ ကျွန်မဆပ်ပေးပြီး ကလေးကို ပြန်ရွေးသွားချင်တယ်။ '
 အလင်းတစ်ပြက်မြင်သူလို အားတက်စိတ်က ခပ်တင်းတင်းလေသံနှင့် ခပ်ရင့်ရင့်စကားလုံးတွေ အကြားမှာ ပြန်လည်လျောကျပြေလွင့်ရ၏။ မိခင်လုပ်သူကို သမီးရောင်းစားသူ အဖြစ် ပြစ်တင်စွပ်စွဲ လိုက်သည်ကတော့ တစ်ဆိတ် မရက်စက်လွန်းဘူးလား။
 တကယ်တော့ ဒေါ်လေးသီဆိုတာ တစ်ဝမ်းပဲကွဲသည့် သူမ၏အဒေါ်တော်စပ်သူပါ။ ဟိုးယခင် ရခိုင် ရွာမှာနေစဉ်က ဘိုးဘွားပိုင်တစ်ခြံထဲ အတူတူနေခဲ့ကြဖူးသည့် တစ်ရေတည်းသောက်တွေ။
          အမွေဆိုင်ခြံကြီးကို စည်းရိုးမထားဘဲ အဘွားတို့ညီအစ်မအရင်းလက်ထက်က တစ်ယောက်တစ်ဖက် အိမ်တစ်လုံးစီ ဆောက်နေခဲ့ သော်လည်း အမေတို့တစ်ဝမ်းကွဲတွေ လက်ထက်ရောက်လာတော့ ထက်ခြမ်းခွဲကာ နယ်နမိတ်သတ်မှတ်ခဲ့ကြ၏။ တစ်ဖက်က စီးပွားတက်ပြီး တစ်ဖက်က စီးပွားပျက်လာလေ...၊ နယ်နမိတ်အပိုင်းအခြားသည်လည်း အုတ်တံတိုင်းတွေ ဘာတွေနှင့် ပိုမိုခိုင်မာတိကျလာလေ။
 စီးပွားတက်သူနှင့်ပျက်သူကလည်း စီးဆောစီးသူတွေပမာ အနိမ့်အမြင့်အတက်အကျက တကယ့်ကိုဆန့်ကျင်ဖက်၊ပြောင်းပြန်အချိုးကျ။
 တက်သူက မိုးကိုမျှော်ပြီး တိုးတက်သွားကြသလို စီးပွားကဒီရေအလား၊ သားသမီးတွေက ပညာတတ်တွေ အရာရှိကြီးတွေ ဖြစ်သူကဖြစ်၊ တစ်မိသားစုလုံး မြိုင်မြိုင်ဆိုင်ဆိုင် ဝံ့ဝံ့ကြွားကြွား။
 ကျသူကတော့ မြေကိုထိနမ်းမတတ် ပြားဝပ်နေရပြီး လုပ်သမျှမအောင်မြင်၊ အကြွေးနစ်၊ ကလေးတွေကျောင်းထုတ်ပြီး၊ နောက်ဆုံး ပိုင်ဆိုင်ရာအမွေရ မြေနှင့်အိမ်လေးကို အမျိုးတွေလက်ထဲပဲ ရသမျှဈေးနှင့် ထိုးထည့်လိုက်ရတော့၏။
 သူမ၏မိဘများက ရိုးအပြီး ပညာလည်းမတတ်လေတော့ သူတစ်ပါးလှည့်ဖျားမြူဆွယ်ရာ မှာလည်း ပျော်ဝင် နစ်မွန်း လွယ်လှတာဖြစ်လိမ့်မည်။ စီးပွားမကောင်း ဥစ္စာပျက်ရသည်မှာ အသုံးမကျသူ လူအဓိကဟု အမှန်ကိုမမြင်တတ်ဘဲ
' အရပ်နဲ့မတည့်လို့၊ တစ်ရွာမပြောင်းသူကောင်းမဖြစ်တာ..' ဆိုပြီး ဆွယ်တရားဟောသူနောက်သို့ တစ်ပြုံတစ်မကြီး ရိုးမကိုကျော်ကာ လိုက်ချသွားကြပြန်၏။
နိမ့်ကျသိမ်ငယ်သည့်ဘဝမှာ အကူအညီပေးဖော်မရ။ မရှိခိုးနိုး၊ ချေးနိုးနှင့် ရှောင်ခွာဖယ်ကြဉ်ချင် သည့် ဆွေမျိုးစုကိုလည်း စိတ်နာကျည်းကာ အဆက်ဖြတ်ကျောခိုင်းချင်တာလည်း ပါလိမ့်မည်။
သူစိမ်းတစ်ရံဆန်ဆိုပေမယ့် မိသားစုငါးယောက်ခရီးစရိတ်ကို အကုန်ခံမည့်အပြင် သူတို့ခေါ်ဆောင် ရာ မြေလတ်မြို့လေးသို့ ရောက်လျှင်လည်း တစ်မိသားစုလုံးကို နေစရာပေးကာ ထမင်းဆိုင်လေး အတူတူဖွင့်ပြီး ဝိုင်းလုပ်ဝိုင်းစားကြမယ်လို့ ပြောလာတော့ ရွေးစရာ ဒီ့ထက်ကောင်းသည့် အခြားလမ်းလည်း မရှိတော့။
  သို့နှင့် နယ်မြေစိမ်းလှသည့် မြေလတ်မြို့ကလေးဆီ မိတ်ဆွေရင်းချာမဟုတ်ပေမယ့် ရခိုင်နှင့်မြေလတ် ကူးချည်သန်းချည် ကုန်ရောင်းကုန်ဝယ်လုပ်နေသည့် ကုန်သည်လင်မယားအားကိုးနှင့် ရောက်ချလာခဲ့ရ၏။
 ရောက်စကတော့ ခေါ်လာသည့်လင်မယားက ကတိတည်သလို အရှိသား။ မြို့ကလေး၏ ဆင်ခြေဖုံးရပ်ကွက်ထဲ က သူတို့အပိုင်အိမ်ကလေးနောက်ဖေးမှာ နေဖြစ်ရုံတဲလေးတစ်လုံး ထိုးပေးကာ သူမတို့မိသားစုကိုထားသည်။ မြန်မာထမင်းဆိုင်လေးဖွင့်ကာ သူမအဖေနှင့် အမေကို ကူညီချက်ပြုတ်ရောင်းဝယ်စေပြီး ထမင်းကျွေး၊ လခပေး၏။
အစပိုင်းမှာ အရောင်းအဝယ်လေး မဆိုးကြသည်မို့ သူမတို့မောင်နှမသုံးယောက် စလုံးကို ကျောင်းထားနိုင် ခဲ့၏။ နှစ်နှစ်လောက်အထိ အဆင်ပြေပြေနှင့်ရှိခဲ့ပြီး မောင်ငယ်တစ်ယောက်၊ ညီမငယ်တစ်ဗိုက် တိုးပွားလာချိန်မှာတော့ အိမ်ရှင်လင်ယောကျာ်းက ဗွေဖောက်လေပြီ။
အငယ်အနှောင်းနှင့် ခြေရှုပ်ကာအနေပျက်လာတော့ လင်မယားနှစ်ယောက်သား နေ့တပူပူ၊ ညတဆူဆူ။ တဂျိမ်းဂျိမ်းရန်ပွဲတွေနွှဲကြ။
ဆွဲရလွဲရ ဖျန်ဖြေရ။ ကွဲကြပြဲကြ အမွေလုကြနှင့်။ တစ်ယောက်ကိုတစ်ယောက် အမျက်သိုရန်စောင်ပြီး အဝေမတည့်၊ ရုံးတော်မှာ မာန်တဝင့်ဝင့်နှင့် ရင်ဆိုင်ကြပြန်တော့ ငွေကုန်လူပန်း စီးပွားပျက်လာ၏။
အိမ်ရှေ့ပူမှတော့ အိမ်နောက်မှသူမတို့ မိသားစုကရော ဘယ်မှာချမ်းသာပါတော့ မည်နည်း။ နောက်ဆုံးတော့ မြေတစ်ကွက်လုံးသာရောင်းချပြီး မိသားစုနှစ်စုလုံး ဘုံပျောက်သွားရသည်။ အာဃာတတွေကတော့ ပြေပျောက်မသွားနိုင်ခဲ့။
နိဂုံးချုပ်လိုက်တော့ သူမတို့မိသားစုလည်း မြို့သစ်ဖက်မှာ အိမ်အငှားရှာနေကာ ကြုံရာအလုပ် ဝင်လုပ်ရတော့သည်။ အဖေကဆိုက်ကားနင်း၊ အစ်ကိုကပန်းရံလိုက်၊ သူမကအိမ်ဖော်လုပ်။
အစ်မကတော့ အတန်းထဲမှာစာတော်သူမို့ မိဘများကဦးစားပေးကာ ကျောင်းဆက်နေစေခဲ့၏။ ပြီးတော့ အစ်မကချူချာသူ၊ သူမလို အကြမ်းပတမ်းနှင့် မည်းမည်းသည်းသည်း ရုပ်ဆိုးဆိုး မဟုတ်။ ဖြူဖြူနုနုနှင့်ချောမောပြေပြစ်သူဆိုတော့ မိသားစုထဲမှာ ပစားပေးခံခဲ့ရသည်လေ။
သို့ပေမယ့် တကယ်တမ်း မောင်ငယ်ညီမငယ်တွေ ကျောင်းနေရွယ်ရောက်လာတော့ အစ်မလည်း ကျောင်းထွက်ခဲ့ရသည်ပင်။
အဲဒီအချိန်မှာတော့ အဖေကလည်း ကျန်းမာရေးညံ့လာကာ ဆေးရုံကိုတက်ချည် ဆင်းချည်နှင့် ဖြစ် လာရသည်။အစ်ကိုကလည်း အပေါင်းအသင်း မှားကာ အရက်ကလေးတမြမြနှင့် လုပ်အားခကို အိမ်အတွက်ဟုတ်ဟုတ်ငြားငြား မအပ်နိုင်တော့။
           အစ်မက အလုပ်ထွက်လုပ်မည်ဆိုပေမယ့် ဟိုဟာဖြင့်ရှက်လို့၊ ဒီဟာဖြင့် ပင်ပန်းလို့နှင့် ရွေးလှသည်။ အတန်းပညာကလည်း ဟိုမရောက်ဒီမရောက် ခုနစ်တန်းလောက်ဆိုတော့ အရောင်းစာရေးလောက်ကိုမှ အလုပ်ဟုထင်ချင်ပြန်၏။ စတိုးဆိုင်တွေကလည်း
ဆယ်တန်းအောင်မှ ခန့်ချင်ကြသည်မို့ အစ်မကတော့ ကိုယ်ကရွေးရင်း သူကပယ်ရင်းနှင့် ပင် တော်တော်နှင့်အလုပ်ကမရ။
ရမယ့်ရတော့လည်း အိမ်နှင့်အတော်ဝေးလှသည့် မြို့လယ်က ကုန်စုံဆိုင်တစ်ခုမှာ အလုပ်ရသည်။ ကားနှင့်သာ အသွားအပြန်လုပ် ရလျှင် ကားခနှင့်ရမည့်လခက မကာမိသည်မို့ အသွားအပြန်အတွက် စက်ဘီးတစ်စီးက အရေးတကြီးလိုလာရ၏။ ဒီလိုဆိုတော့ လုံးလုံးခဲခဲ ကြိုထုတ်နေကျဖြစ်သော သူမ၏အလုပ်ရှင်ဆီကသာ သုံးလကြိုငွေဖြင့် အစ်မအတွက်စက်ဘီးလေး ဖန်တီးခဲ့ရသည်လေ။
သူမအိမ်ရှင်တွေကလည်း သူမ၏လုပ်ရည်ကိုင်ရည်နှင့် ရိုးသားမှုကို သဘောကျလှတာကြောင့် သူမကိုလက်မလွှတ်ချင်၍သာ ကြိုငွေတွေထုတ်ထုတ်ပေးနေရတာ။ သူမမိဘတွေက ဆေးဖိုးလိုလည်းကြိုယူ၊ အိမ်လခဆိုလည်းကြိုယူ၊ ကျောင်းအပ်ချိန်လည်းကြိုယူ၊ ခုလိုအစ်မအတွက် စီးတော်ဘီးလိုတော့လည်း ကြိုယူနှင့်ဆိုတော့ သူမလခတွေက ကြိုယူထားတာ ရှေ့လပေါင်းများစွာ အထပ်ထပ်ပင်ဖြစ်လို့နေပြီ။
တစ်ခါတစ်ခါ မိသားစုနှင့်ပြန်နေချင်စိတ် ဘယ်လောက်ပဲပြင်းထန်ပြင်းထန်၊ ကြိုငွေများကသူမကို ချုပ်နှောင်ချည်ဖွဲ့ထားသည်မို့ စိတ်ကူးဖြင့်ပင် ထွက်ပြေးလွတ်မြောက်ခွင့် မရှိဘဲ မွန်းကျပ်လှတော့သည်။

                                                        xxxxxx
  ' တကယ်တော့ ကြိုယူငွေဆိုတာ စာချုပ်စာတမ်းနဲ့လက်မှတ်ထိုးပြီး တရားဝင်လုပ်ထားတာမဟုတ်ပါဘူး။ ကျွန်မတို့က မေတ္တာနဲ့ပဲ      ကူညီခဲ့တာ။ ကောင်မလေးအဖေ အသည်းအသန်ဖြစ်နေတုန်းကလည်း ကုသဖို့လိုသမျှ ဆေးရုံစရိတ်တွေ တခြားကူညီမယ့် ဆွေမျိုးလည်း
တစ်ယောက်မှ မရှိဘူးဆိုလို့ ကျွန်မတို့ချည်း ဒိုင်ခံထုတ်ပေးခဲ့ရတာ။ သူ့အဖေဆုံးပြီးတော့လည်း ဆွေတွေ မျိုးတွေရှိတဲ့ ဇာတိမြေကိုဘဲ   ပြန်ချင်တယ်ဆိုပြီး သူ့အမေက ခရီးစရိတ်အတွက် ကျွန်မဆီ အပူကပ်ပြန်ရော။
ဒီနယ်မှာ လုပ်ကိုင်စားရတာလည်း အဆင်မပြေ၊ အကြွေးတွေလည်းနစ်နေတော့ တငိုငိုတရယ်ရယ်နဲ့ လင်သေပြီးစ မုဆိုးမကြီးရဲ့
ဒုက္ခက သနားစရာပါ။ အဲလောက်ဒုက္ခတွေရောက်နေတုန်းက ရှင်တို့က ဘယ်ရောက်နေတာလဲ။ ဒီမြို့မှာရှိနေရက်နဲ့များ မသိကြဘူးလားရှင်။
  သူ့အမေကလည်း တစ်ဝမ်းကွဲညီမက ဒီမြို့မှာတာဝန်ကျနေတဲ့ ကျောင်းဆရာမဆိုတာ တစ်ခါမှမပြောဘူး။ သူတို့မိသားစု   ဒုက္ခရောက်နေချိန်မှာ ရှင်သာကူညီနိုင်ရင် သိတ်အားရှိရှာမှာ...'
ဇာတ်ကြောင်းအစုံခင်းရင်း အပြစ်ပါတင်သလိုပြောနေသည့် အိမ်ရှင်မအသံကြား ရမှ ဆွေမျိုးတွေ ထက်ပင်ကူညီနိုင်ခဲ့သော တောင်လိုပုံနေသည့် ကျေးဇူးတရားတွေက သူမအပေါ်မှာ လေးပင်စွာဖိစီး ထားမှန်း သတိဝင်လာရ၏။
 ' တစ်နှစ်လောက်ပဲ ခွဲရမှာပါသမီးရယ်။ အမေတို့ရခိုင်ပြန်ပြီး အခြေကျတာနဲ့ သမီးအကြွေးတွေကျေမှာနဲ့ အတော်ပါပဲ။  အမေကိုယ်တိုင် ပြန်လာခေါ်မယ်နော်သမီး...'
မျက်ရည်စက်လက်နှင့် အမေပြောခဲ့သည့်စကားတွေက သူမနှလုံးသားထဲမှာ ပဲ့တင်ညံနေစဲပါ။
 သို့ပေမယ့် အမေတို့ပြန်သွားတာပင် နှစ်နှစ်ကျော်ခဲ့ပြီ။ ရွာမှမကြာခဏဖုန်းဆက်ပြီး ထပ်တောင်းနေစဲငွေများက အကြောင်းပြချက်ရောင်စုံဖြင့် သူမကို ဝင်္ကပါထဲမှာ ပိတ်ဆို့ထားနေဆဲ...။
 တကယ်လို့များ ဒေါ်လေးသီက အကြွေးတွဆပ်ပေးပြီး သူမကိုအမေ့ဆီ ပြန်လွှတ်ပေးလိုက်လျှင်.....
  ' အံမယ်လေး..ကျွန်မတို့က အမျိုးသာတော်တာ။ စိတ်ဓာတ်ချင်းက တခြားစီပါ။ သူ့အမေက အတွေးအခေါ် အဆင့်အတန်းနိမ့်တယ်။
      ရတဲ့ယောကျာ်းကလည်း လက်ကြောမတင်းဘူး။ ပေါ့ပေါ့နေ၊ ပေါ့ပေါ့စားတွေ။
အရင်..ရွာမှာနေတုန်းကလည်း ကျွန်မတို့ဆီက ငွေချေးပြီးရင် ဘယ်တော့မှပြန်မဆပ်နိုင်ဘူး။ လိုတိုင်းချေးရင်း အကြွေးအထပ်ထပ်၊ ကတိပျက်တာလည်း ခဏခဏ။ နောက်တော့ ဝယ်သူမရှိတဲ့ သူတို့မြေကွက်ကို အတင်းထိုးရောင်းသွားတာ။
ခုလည်း သမီးက ရွာမှာ သူတို့မိသားစု ပြန်ရောက်နေကြောင်း၊ ထုံးစံအတိုင်း ချေးချင်ငှားချင်လို့ ခပ်တင်းတင်းနေရကြောင်း၊ 
မိသားစုမှာအနစ်နာခံနေကျ ကောင်မလေးကိုတော့ ရောင်းစားခဲ့သလိုလို၊ အကြွေးမဆပ်နိုင်လို့ ထားခဲ့ရသလိုလို ပြောတာနဲ့...။
ကျွန်မက ဒီကောင်မလေးတစ်ယောက်တော့ သနားချင်တယ်။ အားလုံးထဲမှာ သူတစ်ယောက်ပဲ လက်ကြောတင်းတာ။
      ဒါပေမယ့် တစ်နွယ်ငင်တစ်စင်ပါမှာကြောက်လို့ တော်တော်စဉ်းစားရတယ်။
ခုလည်း အကြွေးတွေဆပ်ပေးလိုက်ရင် အဲဒီပိုက်ဆံကို ဒီတစ်သက်ပြန်ဆပ်နိုင်မယ့်ဟာတွေလည်း မဟုတ်ပါဘူး။ အစရှိတော့      အနောင်နောင်ဖြစ်လာမှာလည်း စိုးတယ်။ ကျွန်မကပွင့်ပွင့်လင်း လင်းပြောတာ။ ကျွန်မတို့မျိုးရိုးဂုဏ်ကို သူတို့ကဖျက်ခဲ့တာလေ..'
 ကြားရသည့်နားပင် သူမ မယုံချင်။ ဒါဖြင့် ဘာလို့ရောက်လာခဲ့သေးတာလဲ ဒေါ်လေးသီရယ်။ သူမကတော့ ကောက်ရိုးတစ်မျှင်လို အားကိုးတွယ်ငင်ဖို့ မျှော်လင့်မိသည်။ ခုတော့ ပြောလိုက်သည့် စကားများက သူမမိဘတွေမှာလည်း ရစရာမရှိအောင် စုတ်ပြတ်သတ်နေပြီ။
  ပြောမည်ဆိုလည်း ပြောစရာပင်။ အမေကလည်း ကြိုယူငွေတစ်နှစ်စာလောက်ကို ကျေဖို့နေနေသာသာ။ ရွာပြန်ပြီး တစ်လပင်
မရှိသေးခင် သူမဆီဖုန်းဆက်ပြီး အဆင်မပြေမှု ညည်းချင်းရှည်ကြီးနှင့် ပိုက်ဆံထပ်တောင်းပြန်သည်။
  ရောက်ကာစမို့ အခြေမကျသေးရှာတာဆိုပြီး သူမအိမ်ရှင်က ထပ်ပို့ပေး..။ လမကူးခင်အမေက အရင်းပြုတ်ပြန်ပြီဆိုပြီးထပ်တောင်း။
ကလေးနေမကောင်းလို့ဆိုပြီး ထပ်တောင်း၊ အစ်ကို အချုပ်ထဲရောက်နေလို့ဆိုပြီး ထပ်တောင်း၊ အစ်မယောကျာ်းယူသွားလို့ မင်္ဂလာကြေးဆိုပြီး
ထပ်တောင်း၊ .....ထပ်တောင်း၊ ....ထပ်တောင်း။
  ဒီလိုနှင့် သူမလစာ နှစ်နှစ်စာလောက် ထပ်ဖြစ်သွား..။ သူမမှာတော့ အထပ်ထပ်ကွေ့ပတ်နေသော ဝင်္ကပါက ပှို၍ပို၍နက်ရှိုင်းလာ..။
တစ်ခါတစ်လေကျ အိမ်ရှင်ကိုပင် သဘောကောင်းပြီး အပေးလွယ်ရသလားဟု အပြစ်တင်ချင်သည်။ သို့ပေမယ့် အိမ်ရှင်ကလည်း လက်လွယ်မည်ပေါ့။ သူများအိမ်ဖော်တွေ လခနှစ်သောင်းလောက်ဖြစ်နေ ချိန်မှာ နှစ်ပေါက်အောင်ကြိုထုတ်ပေးထားသည့် သူမလခတွေက
ခေါက်ချိုးမကနည်းနေသည်ကိုး။ တစ်နှစ်ထက်တစ်နှစ် သေးလာသည့်ငွေကြေးတန်ဖိုးက သူများတွေအတွက် လခတိုးလာသော်လည်း သူမကတော့ နှစ်ကြိုလခတွေမို့ မတိုးနိုင်တာ၊ စောဒကလည်းမတက်ဝံ့။
  ဘာပဲဖြစ်ဖြစ် သူတို့၏ကျေးဇူးတရားကတော့ မြင်သာထင်သာရှိလှပါသည်။
  သူမပိတ်မိနေသော ဝင်္ကပါကသာ ပို၍ပို၍ မှောင်မိုက်လာတာ လူမမြင်ပါ။        

                                                       xxxxxx
           ' အခြေအနေက ဟိုမှာလည်းမကောင်းပါဘူး။ ခုဆို ကောင်မလေးအမကလည်း အိမ်ထောင်ကျသွားပြီး အဆင်မပြေလှဘူး။  
      အစ်ကိုကလည်း အရက်သမားလုံးလုံးဖြစ်နေပြီ။ အမေကလည်း မရောင်းတတ်မဝယ်တတ်နဲ့၊ အကြွေးဝင်္ကပါထဲ လည်နေတာ။       
 ကောင်မလေးလည်း ဟိုရောက်ရင် ဘာလုပ်မလဲ။ ငါးပုစွန်တွေရွေးတဲ့ဒိုင်မှာ တညှီညှီတစိုစိုနဲ့ သူနေနိုင်မလား။မိသားစုနဲ့နေရတယ်သာ ရှိမှာ။ ဆင်းရဲတွင်းထဲခုန်ဆင်းလိုက်သလို ဒုက္ခဝင်္ကပါထဲရောက် သွား မှာ။ ဒါကြောင့် သူ့လည်းပြောထားရတယ်။ အပြင်လောကက      ဝင်္ကပါလိုပဲ ရှုပ်ထွေးပွေလီတယ်။ လုပ်ကိုင်စားရတာမလွယ်ဘူး။ တို့များအရိပ်အောက်မှာပဲ အေးအေးနေပြီး အမေကိုထောက်ပံ့လို့...'
  ' ဟုတ်တယ်။ ရခိုင်မှာလည်း လုပ်ငန်းတွေမကောင်းလို့ ဆင်းရဲသားတွေ သိတ်ဒုက္ခများရှာတာ။ သူတို့လို ဥာဏ်မရှိ၊ အပျင်းကြီးတွေ  ဘာလုပ်စားမလဲ။ ဒီမှာနေတာပဲ ကောင်းပါတယ်။ '
  လက်ရှောင်သွားသည့် ဒေါ်လေးသီ၏စကားကြောင့် သူမ မျက်ရည်များပိုးပိုးပေါက်ပေါက် ကျလာရ၏။ တကယ်တော့ သူမပခုံးသေးသေးလေးပေါ်မှာ ပိနေသောဝန်များကို ဂရုဏာဖြင့်ဖယ်ရှားပေးမည့်သူ တစ်ဦးတစ်ယောက်မှ ဤလောကတွင် ရှိမနေပါ။
  အနည်းဆုံး အမေကိုယ်တိုင်ပဲဖြစ်ဖြစ်ပေါ့။
  နောက်ဆုံးတစ်ခေါက် အမေ့ဆီက အရေးတကြီးငွေလိုပြန်ပြီဆိုပြီး ဖုန်းထပ်လာတော့ အမေဆေးရုံတက်ရလို့ ငွေအလုံးအခဲလိုက် ပို့ထားတာ တစ်လတောင် မပြည့်ချင်တတ်သေး။ အဲဒီတုန်းကလည်း ငွေသာပို့ပြီး လူမရောက်နိုင်သည့်သူမကို အရက်သမားအစ်ကိုက ခနဲ့စကားမျိုးစုံနှင့်ရန်လုပ်ခဲ့သေး၏။
  သည်လိုငွေတွေ ပို့ပေးနိုင်ဖို့ ဘယ်လိုသိတတ်သည့် မြိုသိပ်မှုတွေ ပြန်လည်ပေးဆပ်ရသည်ကိုတော့ အစ်ကိုကနားမလည်။
 ' နင်က ငွေပေးနိုင်တယ်ဆိုပြီး အမေသေရင်တောင် မလာဘူးလား။ အမေ သေကောင်ပေါင်းလဲဖြစ်နေတာ လာမပြုစုတော့ဘူးလား။'
 ' အစ်ကိုရယ် ငါပို့ထားတဲ့ငွေတွေ ခုချက်ချင်းနင်ပြန်ရှာပို့လိုက်။ ငါ အမေ့ရှေ့ ရောက်မလာရင် နင်ပြောချင်သလိုပြော..'
 ခံပြင်းစိတ်ကြောင့် ထွက်သွားသော သူမစကားလုံးများက ဒဏ်ရာရသားကောင်လို ငယ်သံပါနေလိမ့်မည်။
 နောက်ဆုံးတော့ သူမသည်ပင် ငွေလိုတိုင်းထုတ်ပေးေ နသော ကျေးဇူးတရားအပေါ် အလိုက်သိ စွာ ပေါက်ကွဲထွက်ချင်နေ သည့် ဆန္ဒ တွေကို ရင်နာနာနှင့်မြိုချပစ်ခဲ့ရ၏။ အမေ့မှာက သူမထက်ငွေကို ပိုလိုအပ်နေသည်မဟုတ်လား။ ငွေကသာ အမေ့အသက်ကိုဆက်ပေးခဲ့သည်။
 သို့ပေမယ့် အမေဆေးရုံကဆင်းပြီး မကြာမီမှာပဲ ငွေထပ်မှာပြန်၏။ အဖေအကြွေးတင်နေသည့် ငွေတဲ့။ ဟိုယခင် ရွာမှာနေစဉ်ကတည်းက ကြွေးဟောင်းတဲ့။ မပေးရင် ရုံးတင်မလို့တဲ့။
ယုတ္တိမရှိသော်လည်း သူမမှာ ငြင်းအားကဖြင့်မရှိ။ အိမ်ရှင်ကတော့ ငြင်းပယ်ပါသည်။ တော်တော်လည်း တရားလွန်ပြီလေ။
သူမကတော့ ' အမေသိတ်လိုနေရင် သမီးနားကွင်းလေး ချွတ်ပေးရုံပဲရှိတော့တယ်..' ဟုပြောလည်း အမေကတော့ မငြင်းဆန်ပဲ ဆိတ်ဆိတ်သာနေလေ၏။ သည်နားကွင်းက သူမလုပ်သက်ငါးနှစ်ပြည့်လို့ အိမ်ရှင်ကဆုကြေးအနေဖြင့်လုပ်ပေးထားသော လက်ဆောင်..။
 သူမက ဖြုတ်ရောင်းပေးလိုက်မည်ဆိုတော့ အိမ်ရှင်ကစိတ်ပျက်စွာ ခေါင်းခါနေသော်လည်း ဘာမှတော့ မပြောပါ။
' ကောင်မလေးရဲ့ဘဝက ဒီမှာမှ ပိုလုံခြုံအဆင်ပြေတာ ကျွန်မသိပါပြီလေ။ ရခိုင်ပြန်နေတဲ့ သူ့မိသားစုလည်း အဆင်မပြေကြဘူး
 ကြားတာပဲ။ သူ့အစ်မလည်း ဟိုတစ်လောက မီးဖွားတာခက်ခဲလို့ ဗိုက်ခွဲရသတဲ့။ ယောကျာ်းဖက် က ကောင်မလေး အမေကိုလည်း ခွဲစိတ်ခတစ်ဝက် ထုတ်ပေးဖို့ အကျပ်ကိုင်သတဲ့။ သူ့အမေလည်း ဒီမှာငွေတွင်းရှိနေတော့ ဒီကပဲနှိုက်မှာပေါ့။'
 ဒေါ်လေးသီစကားကြောင့် သူမယောင်ယမ်းပြီး နားပေါက်ဟောင်းလောင်းလေးကို စမ်းမိသွား၏။
 အမေက နောက်ထပ်ဝန်ထုပ်ဝန်ပိုး အသစ်တွေကို သူမ၏ပခုံးလေးပေါ်သို့ ထပ်ပြီးပစ်တင်ပြန်လေသလား။
အိမ်ရှင်မပြောသလို ဝင်္ကပါက အပြင်လောကမှာလား။ သူမမိသားစု နစ်နေသည့် ဆင်းရဲတွင်းထဲမှာလား။
သူမရုန်းထွက်မရသည့် အကြွေးတောထဲမှာလား။
 သူမအတွေးများ ချာချာလည်သွားရလေသည်။                                                               

                                                    xxxxxx
 တကယ်တမ်း ဒေါ်လေးသီရှေ့ သူမရောက်လာတော့ ခရီးဝေးမှရောက်လာရသူလို သူမမောဟိုက်နေ၏။
' ညည်း ဒီမှာနေရတာ အဆင်ပြေတယ်မဟုတ်လား နီနီ..'         
' ဟုတ်ကဲ့ ဒေါ်လေး'
' ဟိုမှာတော့ ညည်းအမေတွေ အတော်အဆင်မပြေကြဘူး ကြားတာပဲ။ ဟိုပြန်လည်း လုပ်စရာအလုပ်မရှိပါဘူးအေ။
 ဒီမှာနေတာသာ ညည်းအတွက် အကောင်းဆုံးပါ။ ဟုတ်တယ်မဟုတ်လား..'                 
 ' ဟုတ်ကဲ့ ဒေါ်လေး'
'  ရော့..ဒါ ဒေါ်လေးဖုန်းနံပါတ်။ ဒါပေမယ့် ဒေါ်လေးက အလုပ်များတယ်။ ကဲ ဒေါ်လေးပြန်မယ်။ လိမ်လိမ်မာမာနေနော်..'           
  ' ဟုတ်ကဲ့ ဒေါ်လေး'
တဖြည်းဖြည်းနှင့် ဒေါ်လေးသီကျောပြင် မှုန်ဝါးသွားချိန်မှာတော့ သူမလက်ထဲမှ ဖုန်းနံပါတ်ရေးထားသည့် စာရွက်လေးက မြေပေါ်လွတ်ကျသွားခဲ့ရ၏။
 သူမမြင်လိုက်ရသော ဝင်္ကပါထဲက အလင်းတစ်ပြက်ကတော့ ကွယ်ခဲ့လေပြီ။ 
 ဝင်္ကပါအပြင်ဖက်မှာတော့ ကြယ်စုံကောင်းကင်လား၊ လမိုက်ညလားဆိုတာ....။
                                                        xxxxxx
          ဝေ(စီးပွားရေးတက္ကသိုလ်)
             ဧပြီလ ၂၀၁၁ ခုနှစ် ပေဖူးလွှာမဂ္ဂဇင်း
           
   

ရှာဖွေခြင်း


ကဗျာဖြစ် နိုးကြားမှုစိတ်အလျဉ်တွေက
ငါ့ဝတ်ရုံအပြင်ဖက်
ယိုစိမ့်ထွက်ကျနေခဲ့ပေါ့...
အရေးအသားရယ်
အကြောင်းအရာရယ်ဆိုတော့
အရေးရယ် အကြောင်းရယ်ပေါ့
ငါ့ကို ခေါင်းခါဆဲ။

ဝိညာဉ်တွေအတွက် ဆန္ဒရှိရင်
ဝါးလုံးတွေမလာခင် လှမ်းဆုပ်လိုက်ကြ
ပေါ်မပေါ် မြုပ်မမြုပ်ကတော့
ကုသိုလ် အကုသိုလ်၊ အထုပ်အကြီးအသေးနဲ့ပဲ ဆိုင်တယ်။

အရေးရယ် အကြောင်းရယ်ဆို
လက်တွန်းလှည်းပေါ် ပက်လက်
ပိုက်တန်းလန်းနဲ့ ကြက်ခြေခတ်
ကောက်ရိုးမျှင်တွေပဲ တွေ့တယ်...
အရေးရယ် အကြောင်းရယ်ဆို
ဂျိမ်းစဘွန်းအပြုံးနဲ့ အပြိုင်
ဒိုင်ယာဘောလစ်မျက်လုံး
ကောက်ရိုးမျှင်တွေပဲ တွေ့တယ်...
အရေးရယ် အကြောင်းရယ်ဆို
အတွင်းနဲ့အပြင်ကို ဈေးညှိ
ခံစားချက်မရှိတဲ့ သံတိုင်
ကောက်ရိုးမျှင်တွေပဲ တွေ့တယ်...
အရေးရယ် အကြောင်းရယ်ဆို
အရသာမသိ တမြည့်မြည့်ဝါးတတ်တဲ့
ကျားပါးစပ်ထဲက သွား
ကောက်ရိုးမျှင်တွေပဲ တွေ့တယ်...
အရေးရယ်အကြောင်းရယ်ဆို
အလေးခိုးတတ်တဲ့ ချိန်ခွင်တစ်ခု
အညှီဓာတ်တွေနဲ့ သံချေးစွဲ
ကောက်ရိုးမျှင်တွေပဲ တွေ့တယ်...

ကောက်ရိုးပုံထဲမှာ
အရေးတကြီး ရှာဖွေနေတာက
ငါ့ကဗျာဝတ်ရုံကို ဖာထေးဖို့
အပ်ကလေးတစ်ချောင်းရယ်ပါ
ရက်လနှစ်တွေ ကြာပေါ့။

သစ်ခက်အိမ် 
( November, 2010...ပိတောက်ပွင့်သစ်မဂ္ဂဇင်း )

ဖိတ်စာ


ဘို့ကလေး တသသ...ချိုကလေး တမြမြ
အခုလို ရာသီဥတုမျိုးမှာ
လွင့်သွားတတ်တဲ့ လိပ်ပြာတွေဆီ
ဖိတ်စာတွေ ၀ဲပျံလာတတ်တယ်။

အမျိုးအစားက
လက်တစ်ဖက်က ပခုံးသား
လက်တစ်ဖက်က တစ်ဆုံးဓား
အတ္တနဲ့ တည်ခင်းမှု အချိုးအစားက
မီးစ၊ ရေမှုတ် ရှော့ခ်တွေ မရှုပ်ခင်
ခြေလှမ်းပြင်ရပြန်ပေါ့။

ရောက်တော့...ချထားတဲ့ ခွက်ထဲ
ငါရှာထားတဲ့ အတ္တတွေထည့်
ပြီးတော့...ပြန်လှည့်ပေါ့။

ပွဲပြီး မီးမသေတဲ့ ဟန်အပြည့်နဲ့
ပြန်ကမ်းလက်ဆောင် တစ်ပွေ့တစ်ပိုက်များက
လည်ပတ်တစ်ခုရဲ့ ယဉ်ပါးမှုတွေ...
ငါကလည်း...
လက်ခုပ်မတီးဘဲ ပြန်လာရုံကလွဲပြီး....။

သစ်ခက်အိမ် 
( December, 2010....ပိတောက်ပွင့်သစ်မဂ္ဂဇင်း )

တီးတိုး ပဲ့တင်သံ



အမှန်တော့ ဒီဇာတ်လမ်းက ကိုမောင် အလုပ်ကနေ တစ်ခေါက် ပြန်လာကာမှ စခဲ့တာပါ။ အရင်ကတော့ ညဖက်ဘုရားရှိခိုးရင် ကျွန်မတစ်ယောက်တည်း စိတ်ထဲကနေပဲ သြကာသရွတ်၊ ငါးပါးသီလယူ၊ ဆီမီးကပ်၊ မေတ္တာပို့၊ အမျှဝေ...။ တိတ်တိတ်ဆိတ်ဆိတ်ပါပဲ။ 

သားနှစ်ယောက်ကတော့ အိပ်ကာနီးမှ အိပ်ရာထဲမှာပဲ ဦးချတဲ့ညလည်း ချ၊ မေ့တဲ့ညလည်း မေ့နဲ့ပေါ့။ တစ်ခါမှ အကြာကြီး မခွဲခွာဖူးသေးတဲ့ ကျွန်မတို့မိသားစုလေးမှာ ပထမဆုံးအကြိမ် ကိုမောင်က အဝေးကြီးမှာ တစ်နှစ်နီးပါးလောက် အလုပ်လုပ်ပြီး ပြန်လာတော့ မိသားစုလေးယောက်ရဲ့ စည်းလုံးညီညွတ်မှုဟာ အရင်တုန်းကနဲ့ ဘာမှမဆိုင်အောင် ပိုကျစ်လစ်သွားကြတယ်။ မခွဲစဖူး ခွဲရတာကတစ်ကြောင်း၊ အသွားအလာ ခက်ခဲဝေးလံတဲ့အပြင် တယ်လီဖုန်းဆက်သွယ်မှုမှာလည်း ရာသီဥတုမကြည်ရင် မကြည်သလို ခက်ခဲပြတ်တောက်တတ်တဲ့ ဟိုး မြောက်ဖျားပိုင်းမှာ တာဝန်ကျတာမို့ သားတို့ကလည်း ဖအေကို တော်တော်လွမ်းနေကြတယ် ထင်ပါရဲ့။

ခွဲနေရမှ စုစုစည်းစည်း နေရတဲ့တန်ဖိုးကို သိလာကြတယ်။ မမြင်တာကြာမှ မျက်စေ့အောက်က ပျောက်သွားမှာ စိုးလာတယ်။ ဝေးနေရတာကြာတော့ ပြန်ဖမ်းဆုပ်မိတဲ့အခါ မလွတ်တမ်း ဖက်တွယ်ချင်လာတယ်။ ခွင့်တစ်လနဲ့ပြန်လာတဲ့ အဖေကို မျက်စေ့အောက်ကနေ အပျောက်ကို မခံကြတော့ဘူး။ ထမင်းစားလည်း အဖေကို ဦးချရတာ အမော၊ ရေချိုးလည်း ဖေဖေချိုးပေးမှ၊ ကျောင်းသွားလည်း ဖေဖေလိုက်ပို့၊ စာကျက်လည်း အဖေ့ဆီမှာပဲ စာပြန်ချင်ကြတယ်။ ညအိပ်ရာဝင်ခါနီးလည်း အဖေနဲ့အတူ ဘုရားရှိခိုးချင်ပြန်ရော။ ဒါနဲ့ပဲ သားအဖသုံးယောက်သား ဘုရားစင်ရှေ့မှာ ကျွန်မနဲ့အတူ ပူပေါင်းပြီး ညတိုင်း ဘုရားဝတ်တက်တဲ့ အကျင့်ကောင်းလေး တစ်ခု အစပျိုးလာခဲ့ပါတယ်။ 

အမှန်တော့ ကိုမောင်ဆိုတာ ခပ်ငယ်ငယ်တုန်းကတော့ ဘုရားတရား သိတ်အချိန်ပေးခဲ့သူ မဟုတ်ပါဘူး။ ဒါပေမယ့် ခုတော့ အသက်ကလည်း လေးဆယ်ကျော်လာ၊ မိသားစုနဲ့အဝေးမှာ တစ်ယောက်တည်းမို့ အိမ်လွမ်းနာကလည်း ရင့်နေ၊ ...ဆိုတော့ စိတ်ကုစား ဖြေသိမ့်ဖို့ရာမှာ ဘုရားတရားအလုပ်ဖက် အာရုံကျလာတယ် ထင်ပါရဲ့။ ဘုရားစာအုပ်တွေဖတ်၊ တရားထိုင်နဲ့ ကိုမောင်တစ်ယောက် အတော်လေးကြည်လင် ရင့်ကျက်လာတာ တွေ့ရတော့ ကျွန်မ ဝမ်းသာရတယ်။ အပေါင်းအသင်းဖက်ပြီး အပျော်အပါးမက် မသွားတာပဲ ကျေးဇူးတင်ရဦးမယ် မဟုတ်လား။ အရွယ်ကောင်း အိမ်ထောင်သည် ယောကျာ်းတစ်ယောက်ကို အဝေးကြီးမှာ ရက်ရှည်လများ အဖော်မဲ့လွှတ်ထားရတာ....၊ ဘယ်လိုမိန်းမသားမျိုးကများ စိတ်ချရင်အေး နေနိုင်မယ်တဲ့လဲ။

မိဘဆွေမျိုးတွေက ' ယောင်နောက်ဆံထုံးပါ...၊ ချန်မနေခဲ့သင့်ဘူး။ လိုက်သာသွား...' လို့ တိုက်တွန်းကြပေမယ့် လိုက်ရမယ့်ဆံထုံးက အမျှင်မပြတ်ပဲ ဘိုကေလေးနှစ်ခု တန်းလန်း ဖြစ်နေရတယ်။

ကိုမောင် ပြောင်းရွှေ့ရမယ့် မြောက်ဖျားပိုင်း ရာသီဥတုကလည်း သားတို့မွေးဖွား ကြီးပြင်းလာရတဲ့ မြစ်ဝကျွန်းပေါ် ရာသီဥတုနဲ့ တခြားစီလေ။ မျှတတဲ့ရာသီဥတုမှာတောင် ချူချာချင်လှတဲ့ သားငယ်လေးရဲ့ ကျန်းမာရေးကလည်း ရေခဲမတတ်အေးမယ့် ရာသီအပြောင်းအလဲဒဏ်ကို ခံနိုင်ရှာမယ် မထင်ဘူး။ အလယ်တန်းတက်ရတော့မယ့် သားကြီးပညာရေးကလည်း ဟိုပြောင်းဒီရွှေ့နဲ့ဆို ကသီလင်တဖြစ်နေရှာမယ်လို့ စာတော်တဲ့ ကလေးကိုလည်း ငဲ့ညှာရသေးတယ်။ ကျွန်မကိုယ်တိုင်ကလည်း ကိုမောင့်ပခုံးပေါ်က အိမ်ထောင့်ဝန်ကို နိုင်သလောက် ဝင်ရွက်ကူလာခဲ့တာ...။ 

ခုဆို ကျွန်မ အိမ်ဆိုင်လေးက ပစ္စည်းမှန်၊ ဈေးမှန်နဲ့မို့ နာမည်လေးရပြီး ဝင်ငွေလေးမှန်နေခဲ့ပြီ။ ဒီဝင်ငွေလေးကို လစ်လျူရှုလို့ မဖြစ်နိုင်လောက်အောင် သားနှစ်ယောက်အတွက် လိုအပ်ချက်တွေကလည်း သားတို့ အရွယ်ရောက်လာတာနဲ့အမျှ ထွားကျိုင်းလာခဲ့ပြီ။ ထားပါတော့။ မိသားစု မခွဲခွာရေးကိုသာ ရှေ့ရှုပြီး ဒီဝင်ငွေလေးကို ခဏ လစ်လျူရှု ဖယ်ထားကြပါစို့။ အသုံးအစွဲဆိုတာ စစ်စီချွေတာပြီး ခြိုးခြံနိုင်တယ်ပဲ ထားဦး။ မုဆိုးမ အမေအိုကြီးကိုလည်း တစ်ယောက်တည်း ထားခဲ့ဖို့...၊ ဘယ်လိုမှ အဆင်မပြေပါဘူး။ 

ဒီလို အကြောင်းကြောင်းတွေကို ကိုမောင်နဲ့ကျွန်မ အပြန်ပြန်အလှန်လှန် ဆွေးနွေးပြီးကြတဲ့အခါမှာ နယ်ဝေးတာဝန်ကလည်း နှစ်နှစ် လောက်ပဲ ကြာမှာမို့ 'တို့နှစ်ယောက် သစ္စာရှိကြေး' ဆိုတဲ့ သစ္စာတိုင်ရတုကိုပဲ သမီးရည်းစားဘဝတုန်းကလို တစ်ကျော့ပြန် သီရတော့တယ်။ 

xxxxxxxxxx 

ဘယ်လိုပဲဖြစ်ဖြစ် ကျွန်မက မိန်းမသားဆိုတော့ မောင်တို့ယောကျာ်းတွေကို စိတ်မချနိုင်တာ လွန်မယ်မထင်ပါဘူးရှင်။ ရုပ်ရှင်တွေထဲမှာ၊ ဝတ္တုတွေထဲမှာ၊ လူ့ဘောင်အသိုင်းအဝန်းမှာ၊ ရပ်ကွက်ထဲမှာ... ယောကျာ်းတွေဖောက်ပြားတဲ့ သတင်းတွေကလည်း မျိုးကို စုံပါ့။အဝေးရောက်သွားလို့ အစိုးရိမ်ပိုလာကာမှ အရင်က သတိမမူမိတဲ့ အဖြစ်အပျက်တွေကလည်း အနီးရောက်ထင်ရှားလာသလိုပါပဲ။ ဘယ်သူ့ယောကျာ်းကတော့ဖြင့် မိန်းမကွယ်ရာမှာဆို တွေ့ကရာမိန်းမ ပျိုပျိုအိုအို...၊ ဘယ်သူ့မှမရှောင်ပဲ မျက်နှာရူးလုပ်နေတာတဲ့။

ဟိုတစ်ယောက်ယောကျာ်းကလည်း အိမ်ကမိန်းမ မသိအောင် ကြိတ်ပြီးခြေပုန်းခုတ်နေတာ။ အနှိပ်ခန်းတွေ တစ်ခုမှ မလွတ်ဘူးတဲ့။ ဒီအမျိုးသမီး ငနဲကြီးကဆို...ရှေ့နောက် နံပါတ်တွေတန်းစီနေလိုက်တာ။ ဒီတစ်ယောက်က လက်ဆယ်ချောင်းအထက် ဆိုလား။ လမ်းထိပ်က တစ်ခုလပ် သူဌေးမကြီးကိုလည်း မောင်ငယ်လေး တစ်ယောက်က ချူစားနေတာ...။ 

ဟိုတစ်ညကတော့ ကောင်လေးအိမ်မှာ ချာတိတ်မတစ်ယောက် ရောက်နေတာ တွေ့သွားပြီး နပန်းသတ်ကြတယ်ဆိုပဲ။ ဟိုဦးလေးကြီးကလည်း စမောတွေ ဆွဲထားလိုက်တာများ မြေးအရွယ်တွေတောင် လက်လွတ်မခံချင်သေးဘူးတဲ့။ ဒီလို အတင်းအဖျင်းတွေကလည်း ကျွန်မက မမေးရပဲ ဆိုင်မှာ ဈေးလာဝယ်တဲ့သူတွေက ဆိုင်ရှေ့တည်ထားတဲ့ ရေအိုးထဲကရေကို အလကားသောက်ပြီး ဖောက်သည်ချကြတာလေ။

ဈေးဝယ်လာသူအချင်းချင်း သတင်းသယ်ဆောင်ကြတယ်။ ကျွန်မကသာ အတင်းအဖျင်း ကြားခံဖြန့်ဖြူးရေးဌာန မဖြစ်ရလေအောင် ကိုယ့်ပါးစပ်ကို တင်းတင်းစေ့ပြီး ကိုယ့်မျက်စေ့ကို ကျဉ်းကျဉ်းမှေးထားရတယ်။ ဒါပေမယ့် နားရွက်ဆိုတာကတော့ မျက်စေ့နဲ့ပါးစပ်လို သူ့အလိုလို မှေးထားပိတ်ထားလို့ ရတာမဟုတ်ဘူးလေ။ တမင်ပိတ်ထား ရအောင်ကလည်း လက်နှစ်ဖက်က ဇယ်ဆက်သလို အလုပ်မပြတ်တာမို့ ထောင်မိတဲ့နားကတော့ ကြားနေရတာပေါ့။ ဒီလိုသစ္စာမဲ့ကြ၊ ဖောက်ပြားကြတာတွေ မြင်နေကြားနေရတော့ တစ်ခါတစ်လေများဆို ရင်တွေပူလာပြီး ကိုမောင့်နောက်ကို အပြေးသာ လိုက်သွားချင်မိတယ်။ 

ဘယ်လောက်သမာဓိရှိတဲ့ ယောကျာ်းပဲဖြစ်ဖြစ် သူလည်းပုထုဇဉ်ပဲ။ ဘယ်လောက်သစ္စာရှိတယ်ပဲ ဆိုဆို၊ ' မီးဝေးရင်၊ ချိတ်မာ ' သတဲ့။ 

' တစ်ခြုံကွယ်၊ တစ်မယ်မေ့ ' ဆိုသလောက် မဆိုးပေမယ့် အပေါင်းအသင်း အဆွယ်ကောင်းရင်၊ မရှောင်သာတဲ့ လမ်းမြှောင်ကြားသာဆိုရင်...' ငါးကြော်မကြိုက်၊ ကြောင်မိုက် ' ပေါ့။ 

ရင်ပူပါတယ်ဆိုမှ ပတ်ဝန်းကျင်မှာကလည်း ဇာတ်လမ်းအဆန်းတွေ မြင်နေကြားနေရပြန်တယ်။ လမ်းထိပ်ကိုပြောင်းလာတဲ့ ခပ်ငယ်ငယ်စုံတွဲလေးဆို မရခင်ကတော့ သူတို့လောက် ချစ်ကြတဲ့ ချစ်သူမျိုး မရှိတော့သလိုနဲ့။ သုံးနှစ်လောက် မိဘတွေ သဘောမတူတဲ့ကြားက သစ္စာရှိရှိ ချစ်ထားတာဆိုလို့ ဒီနေ့ခေတ်ကြီးထဲမှာ စံပြုထားရတဲ့ အတွဲပေါ့။ ခုဆို ညားကြတာ တစ်နှစ်လောက်ပဲ ရှိဦးမယ်။ ကောင်လေးက တစ်ခြားကောင်မလေးတစ်ယောက်နဲ့ တွဲနေလို့တဲ့။ပြဿနာတွေဖြစ်ပြီး ကွဲကြပြီတဲ့။

ကျွန်မဖြင့် ကြားစက ယုံတောင်မယုံဘူး။ ဒုတိယကောင်မလေးကို မြင်တော့ ပိုအံ့သြရတယ်။ ပထမကောင်မလေးလောက်လည်း မလှ၊ အိနြေ္ဒလည်းမရ။ 
ကလက်တက်တက် ရှပ်ပြာပြာနဲ့ မြင်လိုက်ရတော့မှ...

'အော်...ဒါ့ကြောင့်ကိုး' လို့ မှတ်ချက်ချလိုက်မိတယ်။ 

ယောကျာ်းတွေဟာ ဘယ်လောက်ပဲ သမာဓိရှိတယ် ဆိုဆို ဒီလို ပျံတံတံ နံ့တံ့တံ့ဆိုရင် ဒီ့အတိုင်းမြင်ရင်သာ နှာခေါင်းရှုံ့ပြီး အထင်သေးဟန်ပြတာ။ သူတို့ကို လာနွယ်ပြီဆိုရင်ဖြင့် လည်ထွက်သွားကြတာပါပဲ။ 

ဒါပေမယ့် ခေါင်းရင်းအိမ်ကို အခန်းငှားပြီး ရောက်လာတဲ့ နှစ်ယောက်ကျတော့လည်း ကြည့်ဦး။ ကောင်မလေးက အပျိုစင် ချောချောလှလှ နှစ်ဆယ်ကျော် ပညာတတ်ကလေး။ ပုံစံကလည်း တည်တည်ကြည်ကြည် အိနြေ္ဒရှင် ဒီဇိုင်းလေး။ ဒီခေတ်ဒီကာလထဲမှာ ရင်ဖုံးနဲ့ထမီ ဝမ်းဆက်လေးတွေပဲ အမြဲဝတ်တဲ့ မြန်မာဆန်ဆန် ယဉ်ကျေးမယ်လေး။ မြင်လိုက်ရတာနဲ့ ရင်ထဲမှာ အေးသွားရတဲ့ ပုံစံမျိုးလေး။ အပြင်သဏ္ဍာန်နဲ့ ဆန့်ကျင်ဖက် အတွင်းစိတ်အတွေးအခေါ်ကတော့ဖြင့် နှမြောစရာ...။ 

သူယူလာတဲ့ ယောကျာ်းက သားကြီးမယားကြီးနဲ့။ သားသမီးတွေတောင် လူပျိုအပျိုတွေ ဖြစ်နေပြီတဲ့။ ငါးဆယ်ကျော် အန်ကယ်ကြီးကို ရှော့ပင်တွေဦးထုပ်တွေနဲ့ တန်ဆာဆင်ပြီး အဖိုးကြီးဟော့ရှော့ လုပ်ထားတာများ...။ အော်ဂလီတောင်ဆန်ချင်တယ်။ ဒါက ဘေးကကျွန်မတို့ အမြင်ပေါ့။ ကောင်မလေးကတော့ မိုးကျရွှေကိုယ်များ ထင်နေမလား မသိပါဘူး။ ကျွန်မမှာ မမြင်ချင် မကြားချင်ကာမှ အိမ်ဘေးကပ်ရက် ဆိုက်ဆိုက်မြိုက်မြိုက် ရောက်လာတာလေ။ အသက်ကြီးကြီး ယောက်ျားက မြို့ပေါ်မှာ ပိုက်ဆံတော်တော်ရှိပြီး အရင်တုန်းကတော့ လူကြီးလူကောင်း စာရင်းဝင်ပေါ့။ 

ဒါပေမယ့် ဒီလို ကောင်မလေးနဲ့ အကြောင်းထပ်ပါပြီး ကျွန်မတို့ အိမ်ခေါင်းရင်းမှာ လာငှားနေကာမှ သူ့မိန်းမကြီးက လိုက်လာပြီး ဆဲဆိုသောင်းကြမ်းလိုက်တာ ဆိုတာ...။ ရပ်ကွက်ထဲမှာ ပွက်လောကို ညံသွားတာပဲ။ ဒီတော့မှာ ဒီလူကြီးရဲ့ ငယ်ကျိုးငယ်နာတွေ သူ့မိန်းမကြီး ဖော်သွားမှပဲ အကုန်ပေါ်ကုန်တော့တာ။ ဒီလူကြီးက အရင်ကတည်းက 'ဇ' ရှိတဲ့ လူတဲ့လေ။ မိန်းမကြီးက လိုက်ပြီးဖုံးဖိ ဖြေရှင်းပေးနိုင်လွန်းလို့ မျက်နှာဖုံးကောင်းကောင်း စွပ်ထားနိုင်ခဲ့တာပဲ။

ခု လှယဉ်ကျေးလေးကျမှ ဖုံးမရဖိမရ နှလုံးသား သူငယ်ပြန်တော့တာတဲ့။ လူပဲရမယ်တဲ့။ ဘာပစ္စည်းမှ ခြူးတစ်ပြားမရစေရဘူး လို့ အော်ဟစ်ရန်တွေ့ သွားလိုက်ကြတာ။

မျက်နှာဖုံးတွေ အကုန်ကွာကျကုန်တော့တာပဲ။ လှယဉ်ကျေးလေးကလည်း ပုံစံနဲ့မလိုက် ကက်ကက်လန်အောင် ပြန်ရန်တွေ့လိုက်တာများ...။ သူ့လူကြီးကို လူပဲမက်တာ၊ ကျန်တာ ဘာမှ မယူဘူး။
လူကို အရည်ညှစ်မတတ် ခိုင်းစားပြီးတာတောင် စိတ်ပါ ပိတ်လှောင်နှိပ်စက်နေတဲ့ အိမ်မှာ သူ့လူကြီးကို မထားရက်တော့လို့ သူ့ဘဝကို စတေးပြီး ကယ်တင်လိုက်တဲ့ သဘောမျိုး ပြန်အော်တယ်။

မယားကြီးက ' သေနာကောင်ကြီး..ဘာဖြစ်တယ်၊ ညာဖြစ်တယ်..' ဆိုပြီးအော်။

ကောင်မလေးက ' ကိုကို...ကိုကို..' နဲ့ ကာကွယ်ပြီး ပြန်ခံအော်။ 
ဟိုလူကြီးကတော့ ဘယ်လိုနေမယ် မသိဘူး။ ကျွန်မက အိမ်ပြင်လည်း ထွက်မကြည့်ဝံ့တော့ အသံပဲ ကြားရတာလေ။ 

အဲဒီကိစ္စတွေ ရပ်ကွက်ထဲမှာ ဖြစ်ပြီးတဲ့နောက်မှာတော့ အမေကလည်း...

' သမီးရယ် ကလေးတွေကျောင်းပိတ်ရင် နွေရာသီလေးတော့ လိုက်သွားနေလိုက်ပါဦးအေ။ မယားကောင်းဆိုတာ လင်ယောကျာ်းကို ပြုစုယုယဖို့ တာဝန်ရှိတယ်။ သိတ်အကြာကြီး ပစ်ထားဖို့ မကောင်းဘူး...' 

နွေရာသီဆိုရင် သားကြီးလည်း ကျောင်းပိတ်၊ သားငယ်လည်း သိတ်မအေးတော့မှာမို့ ကိုမောင့်နောက်ကို လိုက်သွားဖို့ အဆင်တော့ အပြေသား။ ဒါပေမယ့် တစ်ဦးတည်းသော သမီးဆိုတော့ အမေ့အတွက်လည်း ကျွန်မ စိတ်မဖြောင့်နိုင်ပါဘူး။ အမေ့ကိုပါ အလည်ခေါ်သွား ချင်ပေမယ့် လမ်းပန်းခရီး ဝေးလှတာမို့ ပင်ပန်းမှုဒဏ်ကို အမေ့အသက်အရွယ်နဲ့ ကျန်းမာရေးက ခွင့်မပြုပြန်ဘူးလေ။ 

ဒီလိုနဲ့....ကိုမောင့်ဆီ စာရေးပြီး တိုင်ပင်မိတယ်။ ခုနစ်နှစ်ခုနစ်မိုး သစ္စာရှိရှိ ချစ်ခဲ့ကြတဲ့ ချစ်သူချင်းမို့ ကိုမောင့်ကို ယုံကြည်ပေမယ့် ခေတ်ကာလသမီး ပျံတံတံလေးတွေ မြင်ပြန်တော့ ရင်ပူမိတဲ့အကြောင်း၊ လမ်းထိပ်က ချာတိတ်စုံတွဲရယ်၊ ခေါင်းရင်းအိမ်က ဦးလေးကြီး စုံတွဲရယ်၊ ဥပမာပေးရင်း ပြောပြမိတယ်။ ကိုမောင်ကတော့ သူ့ကို စိတ်ချဖို့နဲ့ ဝိပဿနာကို စိတ်ဝင်တစား လေ့လာနေတဲ့ အကြောင်း၊ ကလေးတွေ စာမေးပွဲရက်မှာ ခွင့်ယူပြီး သူပြန်လာမယ့် အကြောင်း စာပြန်တယ်။ တကယ်လည်း ပြန်ရောက်လာတော့ ကြည်လင်ပြီး ပိုတည်ငြိမ်လာတဲ့ ကိုမောင့်မျက်နှာက သီလပြည့်တဲ့ တရားသမားတစ်ယောက်လို ရင့်ကျက်နေတယ်။

သူလေ့လာထားတဲ့ ဝိပဿနာတရားတွေ၊ တရားထိုင်ပုံ ထိုင်နည်းတွေ ကျွန်မနဲ့အမေ့ကိုလည်း ပြန်ဟောပြနေသေးတာ...။ သားတို့ကိုလည်း ညတိုင်း ဘုရားရှိခိုးတဲ့ အကျင့် လုပ်ပေးသွားသေးတယ်။ ကိုမောင် ခွင့်ရက်ပြည့်လို့ ပြန်သွားတော့လည်း ကျွန်မနဲ့ သားနှစ်ယောက် ဆက်ပြီး ဝတ္တရားမပျက် ညတိုင်းရှိခိုးဖြစ်သွားတယ်။ 

တကယ်တော့ ကျွန်မက အလိုလောဘ နည်းခဲ့သလောက် ကံကောင်းခဲ့ပါတယ်လေ။ မိသားစုနဲ့ဝေးပြီး အဖော်မဲ့နေတဲ့ အရွယ်ကောင်း ယောကျာ်းတစ်ယောက်ဟာ သူ့ရဲ့အထီးကျန်ရက်တွေ ညတွေကို အရက်နဲ့ အပေါင်းအသင်းတွေ၊ မိန်းမရှုပ်တွေနဲ့ မကုန်လွန်စေပဲ စာအုပ်တွေ၊ တရားဓမ္မတွေနဲ့ အဖော်ပြုပြီး ဖြတ်သန်းနေတယ်။ အကျိုးမယုတ်တဲ့အပြင် အကျိုး ပိုရှိအောင် အသုံးချနေတယ်ဆိုရင် ကျွန်မ စိတ်အေးချမ်းရပါပြီ။ အဲဒီအတွက် ကိုမောင့်ကိုလည်း ကျေးဇူး အရမ်းတင်ပါတယ်။

xxxxxxxxxx


' အဲဒီ ဘုရားရှိခိုးသံကြီး ဆုံးမှ တက်ချင်ပါတယ် ဆိုကွာ။ ကိုကို နားမလည်ဘူးလား...' 

ခပ်သဲ့သဲ့ဆိုပေမယ့် အသံက မာဆတ်ဆတ်နိုင်လှတာမို့ ကျွန်မနားထဲကို ဘေးခတ်နံခတ် ဝင်လာတယ်။

ကြည့်စမ်း။ ဘုရားစင်ဘေး ပြတင်းပေါက်နဲ့ မျက်စောင်းထိုးလောက်က ခေါင်းရင်းအိမ်အခန်းမှာ ဟိုစုံတွဲရှိနေတာပဲ။ ကျွန်မ ပတ်ဝန်းကျင်ကို မေ့နေတာ ဘယ်လောက်များ ကြာသွားခဲ့ပါလိမ့်။ 

ကိုမောင် ပြန်ရောက်ကတည်းက ခု..ခွင့်ရက်စေ့ပြီး ပြန်သွားတဲ့အထိ ကျွန်မစိတ်ထဲမှာ ကိုယ့်မိသားစုပဲ တစ်ကမ္ဘာ ဖြစ်နေခဲ့တာလေ။
သားတွေနဲ့ဖအေ စည်းလုံးချစ်ခင်နေတာ ကြည့်ပြီး ဝမ်းသာဝမ်းနည်း ဖြစ်လိုက်၊ ကိုမောင် ပြန်ပြောပြတဲ့ ဒေသအသစ်၊ လုပ်ငန်းခွင် အသစ်က အတွေ့အကြုံတွေ နားထောင်လိုက်၊ ကိုမောင်ဟောတဲ့ တရားတွေနာပြီး တရားထိုင်ကြည့်လိုက်၊ မိသားစုလိုက် ဘုရားဝတ်တက်ပြီး ကြည်နူးချမ်းမြေ့နေလိုက်၊ ခွင့်စေ့ပြီး ပြန်ကာနီးတော့ အဖေနဲ့သားတွေ အလွမ်းသယ်နေတာကြည့်ပြီး မျက်ရည်ကြိတ်ကျလိုက်နဲ့...။ 
တကယ်ပါပဲ။ 

ပတ်ဝန်းကျင်ကို မှုန်ဝါးဝါး လစ်လျူရှုထားမိခဲ့တယ်။ အရင်က အိမ်ပေါ်ထပ် ဘုရားစင်နံဘေးက ပြတင်းပေါက်ကို ဖွင့်ထားရင် ခေါင်းရင်းအိမ် ပြတင်းပေါက်နဲ့ ခပ်နီးနီး ကြားနေမြင်နေ ရတာမို့ ဟိုစုံတွဲ ရောက်လာပြီးကတည်းက အမြဲပိတ်ထားခဲ့တာ။

ညဖက် ဘုရားရှိခိုးချိန်လေးပဲ လေဝင်အောင် ခဏဖွင့်ပြီး ဘုရားရှိခိုးပြီးတာနဲ့ ပြန်ပိတ်ခဲ့တယ်။ ကျွန်မတို့ သားအမိတွေကလည်း အောက်ထပ်မှာ အိပ်တာလေ။ 
ကိုမောင်ရောက်လာပြီး မိသားစု ဘုရားရှိခိုးတော့လည်း ဒီလိုပဲ ပြတင်းတံခါးဖွင့်၊ ပြီးရင် ပြန်ပိတ်ခဲ့တာပါပဲ။ 

ဒါပေမယ့် သားတို့နဲ့ ဘုရားရှိခိုးတော့ ကလေးတွေက ဘုရားစာကို အော်ဆိုကြတယ်။ သူတို့ကျောင်းမှာ မနက်တိုင်းဆိုရသလို ပါဠိလိုတပိုဒ်၊ မြန်မာလိုတပိုဒ် ဆိုကြတာ။ ငါးပါးသီလယူတော့လည်း ဒီလိုပဲ ဆိုလိုက်တာပဲ။ ကျွန်မတို့လူကြီးတွေက ခပ်တိုးတိုးဆိုပေမယ့် ကလေးသံလေးတွေကတော့ တစ်ချက်တစ်ချက် စူးစူးကျယ်ကျယ်လေး ထွက်ရင်ထွက်သွားတာပေါ့။ ကြည့်စမ်း။ ကျွန်မမေ့နေခဲ့တာပဲ။ ခေါင်းရင်းအိမ်မှာ ဒီစုံတွဲရှိနေတယ်ဆိုတာ ဘာလို့များ သတိမရခဲ့တာပါလိမ့်။ 

ငါးပါးသီလယူတိုင်း ကာမေသုမိစ္ဆာ စာရာ ( သူတစ်ပါး သားမယားကို ပြစ်မှားကျူးလွန်ခြင်း ) နေရာမှာ သူတို့တွေ အနေရ ခက်နေကြမှာပေါ့။ 

ကိုမောင် ပြန်သွားပြီးနောက်လည်း ကျွန်မတို့သားအမိ ဒီလိုပဲ ညတိုင်း ရှိခိုးရွတ်ဆိုနေတုန်းပဲ။ ဘယ်လောက် ကြာသွားခဲ့ပြီလဲ။ သူတို့ စကားများသံလိုလို၊ ရန်ဖြစ်သံလိုလို၊ ကျွတ်စီကျွတ်စီလေးတွေတော့ ကြားမိသလို အရှိသား။ ဒါပေမယ့် ဒီကိစ္စနဲ့ ပတ်သက်မယ်လို့တော့ မထင်မိဘူး။ ဘုရားရှိခိုးတာ ကောင်းတဲ့အလုပ်မို့ ပတ်ဝန်းကျင်ကို အားနာစရာလို့လည်း တစ်ခါမှ မတွေးမိခဲ့ဘူး။ 

အို...ဒုက္ခပါပဲ။ ကလေးတွေရဲ့ စည်းချက်ညီ အသံလေးတွေကို ဘယ်လိုပြောပြီးတော့များ ရပ်ပစ်ရမှာတဲ့လဲ။ သူတို့လေးတွေက သူတို့အဖေကို လွမ်းတဲ့စိတ်နဲ့ စိတ်ဖြေရာ တရားရေအေး သောက်စို့နေကြရှာတာ။ ဖအေ အစပြုပေးခဲ့တဲ့ အကျင့်ကောင်းလေးကို အလွမ်းပြေ လုပ်ဆောင်ပြီးသွားရင် ဖအေကို မေတ္တာပို့ပြီး ဆုတောင်းကြသေးတာ။ အစကတည်းက သတိမရမိခဲ့တာ ကျွန်မရဲ့အပြစ်ပါပဲ။ 

ခုတော့ ကလေးတွေကို ဘယ်လိုပြောရင်ကောင်းမလဲလို့ တွေးရင်း သူတို့ကို မတားရက်တာနဲ့ပဲ နေ့တိုင်း အားနာနာ ကျော်ဖြတ်နေရတော့တယ်။ဘယ်တော့များ အိမ်ရှေ့လာပြီး ရန်တွေ့လေမလဲလို့တောင် စိုးထိတ်မိတယ်။ ဟုတ်တယ်လေ။ ကောင်မလေးက ခပ်စွာစွာရယ်။ ဟိုတစ်ခါ သူ့လူကြီးမိန်းမဟောင်းကို ကက်ကက်လန် ပြန်ရန်တွေ့တာလည်း မြင်ထားရတာမို့ ကျွန်မကတော့ ခပ်လန့်လန့်ပဲ။ သူတို့ကို စောင်းမြောင်း ဆိုပါတယ်ဆိုပြီး အော်ဟစ်ရန်တွေ့မှဖြင့် ရှက်စရာ...။

သူလိုလူမျိုးနဲ့ သွားပြဿနာတက်မိရင်ကို ကျွန်မတော့ နာမည်ပျက်ပြီ။ တော်နေကြာ...သူ့လူကြီးကို ကြိတ်ကြိုက်နေလို့ သူ့ကိုမနာလို ဖြစ်နေတာလို့များ ပြောချလိုက်ရင် သွားပါပြီ။ အမလေး...သူ့လိုလူမျိုးက စကားအနိုင်ရ ပြီးရော၊ ပြောချင်ပြောမှာ။ ကိုယ်က မဟုတ်မှန်း တစ်လောကလုံး ဘယ်လောက်ပဲသိသိ၊ ဒီလိုအပြောခံရရင်ကို ရှက်လှပါပြီ။ တော်ပြီ၊ တော်ပြီ။ သားတို့ကိုတော့ တားမှပါပဲ။

တစ်ခုခုပြောပြီး တားရမှာပဲ။ 

တစ်ယောက်တည်း အတွေးလွန်တတ်တဲ့ ကျွန်မကတော့ ထုံးစံအတိုင်း တစ်ယောက်တည်း တွေးတော စိတ်ပူပြီး ချွေးပြန်နေမိပါတယ်။ ကြောက်ပါတယ်ဆိုကာမှ ခုတလော ညဖက်ဘုရားရှိခိုးတိုင်း တစ်ဖက်က အသံကို စိုးရိမ်စိတ်နဲ့ နားစွင့်မိရက်သား ဖြစ်နေတယ်ထင်ပါရဲ့။ 


တစ်ညမှာတော့...
' ကိုကို မကြားဘူးလား။ ဒီမှာ အမြဲတမ်း သဲကို စောင်းမြောင်းခံနေရတာ...' 

ခပ်ကျယ်ကျယ် ခပ်စူးစူး အသံအဆုံးမှာ တစ်ဖက်အိမ်က ပြတင်းတံခါးကို ဝုန်းကနဲ ဆောင့်ပိတ်သံ ကြားလိုက်ရပါတယ်။ ကျွန်မ စိတ်ထိခိုက် ဝမ်းနည်းသွားရပါတော့တယ်။ လောကမှာ မှန်တာ လုပ်ပေမယ့် လည်း ဘေးဘီကိုတော့ ဆင်ခြင်ကြည့်မြင်ရဦးမှာပဲလို့ အသိတရားတစ်ခု ရလိုက်ပါတယ်။ 

xxxxxxxxxx 

မျက်စေ့မှိတ်ပြီး သားတို့နဲ့အတူ ခပ်တိုးတိုး ဘုရားရှိခိုးနေရင်းမှာ စိတ်တွေက ပျံ့လွင့်ကုန်ပြန်တယ်။ ခုတလော စိတ်ရှုပ်ထွေး ရလွန်းလို့လား မသိဘူး။ စိတ်တွေ စုစည်းလို့ မရဘူး ဖြစ်နေတယ်။ ခပ်တိုးတိုးဖြစ်အောင် ကြိုးစားထိန်းဆိုနေရတဲ့ သားတို့အသံလေးတွေက တစ်ချက်တစ်ချက် ကျယ်လာလိုက်၊ သားကြီးက 'ရှုး'..လို့ သတိပေးလိုက်၊ သားငယ်က 'ရှုး'...လို့ ဘရိတ်အုပ်လိုက်နဲ့။ ကြားနေရတဲ့ ကျွန်မရင်ထဲမှာ သားတို့ကို တိတ်တိတ်လေး တောင်းပန်နေမိတယ်။

' ဟိုဖက်အိမ်က ဆယ်တန်းကျောင်းသားလေး စာမေးပွဲနီးနေလို့ အနှောင့်အယှက် မဖြစ်အောင် ခပ်တိုးတိုး ဆိုကြရအောင်နော်..' 

လို့ကလေးတွေကို လူကြီးက မုသားသုံးလိုက်ရပြီလေ။ အမှန်အတိုင်းပြောဖို့ကလည်း နုနယ်သေးတဲ့ ကလေးတွေရဲ့စိတ်ကို မရှုပ်ထွေးစေချင်ဘူး။ ငါးပါးသီလယူကြတော့ မုသာဝါဒါ (လိမ်ညာပြောဆိုခြင်း) အပိုဒ်မှာ သားတို့ရဲ့ သံပြိုင်အသံက ခပ်တိုးတိုးဆိုပေမယ့် ကျွန်မနားထဲမှာ အကျယ်ကြီး ပဲ့တင်ထပ်နေတော့တယ်။

ကာမေသုမိစ္ဆာ စာရာ ဆိုတဲ့ အသံကတော့ အရင်ကထက် ခပ်တိုးတိုးမို့ဟိုဖက် ပြတင်းပေါက်က ကြားရတော့မယ် မထင်ပါဘူး။ ဒီအချိန်မှာပဲ တစ်ဖက်အိမ် ပြတင်းပေါက်က ခိုးခိုးခစ်ခစ် ရယ်မြူးသံက ကျွန်မနားထဲကို ခပ်စူးစူး တိုးဝင်လာပါတော့တယ်။ အာရုံပျံ့လွင့်နေတဲ့ ကိုယ့်ကိုယ်ကို သတိနဲ့ထိန်းချုပ်ပြီး သားတို့အသံ တိုးတိုးလေးနဲ့အတူ အမြန်လိုက်ရွတ်ရပါတယ်။ 


' ........အနန္တ စကြာဝဠာ...အနန္တ သတ္တဝါတို့ ............ ..........နှလုံးစိတ်ဝမ်း ငြိမ်းချမ်းကြပါစေ....' 
xxxxxxxxxxx 

ဝေ (စီးပွားရေးတက္ကသိုလ်) 
၂၀၀၉ခုနှစ် သြဂုတ်လ မဟေသီမဂ္ဂဇင်း