အိပ်မက်ပြယ်ချိန်

ဒီနေ့ မိုးလင်းတာ သိပ်နာက်ကျတာပဲ။
           ဆောင်းတွင်းမို့ ညတာရှည်နေပြီး အရုဏ်ကျင်းဖို့ ရှင်နေမင်းက အမှောင်ခွင်းနောက်ကျနေတာလား။ ကျွန်တော်ကပဲ မျှော်လင့်ဇော ကြီးမားနေလို့ အိပ်မပျော်ပဲ ညတာရှည်နေတာလား။
           ခု...ဘယ်အချိန်လောက် ရှိနိုင်မလဲလို့ အာရုံပြုနားစွင့်လိုက်တော့ အိမ်ရှေ့လမ်းမပေါ်မှာ ချိုးချိုးချွတ်ချွတ် လမ်းလျှောက်သံတွေ
နီးလာလိုက်၊ ဝေးသွားလိုက်နဲ့ မကြာမကြာ ကြားနေရပြီ။ ဒါဆို မနက်စောစော လမ်းလျှောက်သူတွေ သွားစပြုပြီဆိုတော့ လေးနာရီ ကျော်လောက်ပေါ့။ မကြာခင် ကျေးငှက်သံလေးတွေ တစီစီနဲ့ ပဲပြုတ်သယ်သံ၊ ဆိုက်ကားသံတချို့ပေါ်လာမယ်။
           တဖြေးဖြေး ပြတင်းပေါက်တွေ ပိတ်ထားတဲ့အိမ်ထဲကိုလည်း အလင်းတချို့ ရသလောက်တိုးဝှေ့ ၀င်လာပြီဆိုရင်တော့ ထမင်းချက် အမကြီးကထလာပြီး ကျွန်တော်တို့အလုပ်သမားသုံးယောက် အိပ်နေတဲ့ နောက်ဖေးဆောင်တံခါးကို လာဖွင့်မှာ...။ ကျွန်တော်တို့ကိုလည်း
“ ကောင်လေးတွေ ထကြတော့ဟေ့..” လို့ တံခါးကို တဒုန်းဒုန်းထုပြီး နှိုးတော့မှာ...။
           အရင်မနက်တွေကတော့ အဲဒီအသံဟာ ငှက်ဆိုးထိုးသံပါပဲ။ အိပ်လို့ကောင်းနေတုန်းမှာ ခေါင်းရင်းကနေ မထမချင်း တဒုန်းဒုန်း
ထုနေတာကိုး။ ဒီနေ့တော့ အဲဒီငှက်ဆိုးထိုးသံကိုပဲ နားစွင့်နေမိတယ်။ မိုးမြန်မြန်လင်းစေချင်ပြီ။ ဆိုင်မြန်မြန်ဖွင့်ချင်လှပြီ။ မနက်ခုနစ်နာရီခွဲ
ဆိုရင် ကျွန်တော်တို့ဆိုင်စဖွင့်ပြီလေ။
           ကားနဲ့ဆိုင်ကယ်အပိုပစ်္စည်း အရောင်းဆိုင်ကြီးက အဝေးပြေးလမ်းမကြီးပေါ်မှာ..၊ ပစ်္စည်းမှန် ဈေးမှန် အမယ်လည်းစုံတဲ့အပြင် ဆိုင်ကယ်အပြင်ဆိုင်နဲ့ လေထိုးလေချိန် ရေဆေးဆိုင်ပါ ဘေးမှာတွဲဖွင့်ထားတော့ တစ်နေကုန် အလုပ်ကပြတ်တယ်မရှိဘူး။ အလုပ်သမားတွေ
အများကြီးထဲမှာ အိမ်မှာအိပ်၊ အိမ်မှာစားတာ ကျွန်တော်အပါအ၀င်သုံးယောက်ပဲ ရှိတယ်။ ကျွန်တော်ကတော့ အိမ်သားတစ်ပိုင်းပါပဲ။
ဆိုင်ရှင်ကြီးကြီးနဲ့ ကျွန်တော့်အမေနဲ့က ဘယ်နှစ်ဝမ်းကွဲဆိုလဲ ညီအမတော်သတဲ့။ လွန်ခဲ့တဲ့ တစ်နှစ်ကျော်လောက်ကမှ ကြီးဒေါ်က ရုတ်တရက်ပေါ်လာပြီး ကျွန်တော့်ကို လာခေါ်တာပါ။
           “ မြရင်ရယ်...ညည်းမိုက်ပြစ်တွေကို ကလေးတွေထိ အမွေပေးနေတာလားအေ။ သားကဖြင့် လူပျိုပေါက်ဖြစ်နေပြီး စာတစ်လုံး
             တတ်အောင်တောင် သင်မပေးနိုင်ကြဘူး။ ဒီလို အရက်သမားအဖေနဲ့ အတူနေရင် ညည်းသားပါ အရက်သမားဖြစ်မှာပဲ။
             ငါနဲ့ထည့်လိုက်၊ ဆိုင်ကယ်ပြင်ဆိုင်မှာ လုပ်ရင်းကိုင်ရင်းက ပညာတတ်သွားရင် ကလေးအတွက် တက်လမ်းရှိတယ်...”
           အမှန်က မိဘတွေအပြစ်မဟုတ်ပါဘူး။ ကျွန်တော်ကကို ကျောင်းစထားကတည်းက ကျောင်းကနေ လစ်လစ်ပြေးလွန်းလို့
စာတစ်လုံးမှ မတတ်ခဲ့တာပါ။ ဒါပေမယ့် အဖေက ကျွန်တော်ကျောင်းမသွားမှန်း မသိလောက်အောင် တစ်နေကုန်မူးနေတာလေ။
           ကြီးကြီးနောက်လိုက်ရမယ်ဆိုတော့ ကျွန်တော်စိတ်ညစ်သွားသေးတယ်။ အိမ်မှာက ဆင်းရဲပေမယ့် လွတ်လပ်တယ်လေ။ ထမင်း
နပ်မမှန်ပေမယ့် အဖေ့ကိုအရက်သွားဝယ်ပေးရင်း တစ်ကျိုက်နှစ်ကျိုက်လောက် မော့ရတဲ့အရသာကိုလည်း ကျွန်တော်စွဲနေပြီ။ ပြီးမှ အဖေမသိ အောင် ပုလင်းထဲရေရောပေးလိုက်တာပဲ။အမေကလည်း ကျွန်တော်ရေရောနေတာတွေ့တော့ “ ကောင်းတယ်သား။ ဒါမှ မင်းအဖေရောဂါမရမှာ။ နောက်ဝယ်ခိုင်းတိုင်း ရောသာရော...” တဲ့။ အရက်က ကျွန်တော့်ဗိုက်ထဲ တစ်ဝက်လောက်ရောက်သွားမှန်းတော့ အမေက မသိရှာဘူး။
           အိမ်မှာ အဖေက တစ်နေကုန်အရက်သောက်နေပြီး အလုပ်မယ်မယ်ရရမလုပ်တော့ မိသားစုခြောက်ယောက် အသက်ဆက်ဖို့အတွက်
အမေ့မှာ ခါးကျိုးမတတ်လုပ်ရရှာတယ်။ ကျွန်တော်ကလည်း ကြုံရာအလုပ်ဝင်လုပ်ပြီး ရသမျှတော့ အမေ့လက်ထဲထည့်ပါတယ်။                          
          မိသားစုနဲ့နေရတာ ပင်ပန်းပေမယ့် ကျွန်တော်ပိုပျော်တယ်။ စားစရာမရှိလို့ ရေသောက်ဗိုက်မှောက်နေရလည်း ညဖက် ဘော်ဒါတွေ
လာခေါ်ရင် ဗွီဒီယိုရုံထဲ သွားတိုးထိုင်ပြီး ပျော်ကြရတာပဲ။ အဖေ့ဆေးလိပ်တိုတွေလည်း ယူပြီးဖွာနေရရင် တမျိုးဇိမ်ရှိတာပဲ။ အဖေကတော့ ကျွန်တော့်ကိုမထည့်ဘူး၊ မခွဲနိုင်ဘူးလို့ အကြောက်အကန်ငြင်းသေးတယ်။ ကျွန်တော်က သားအကြီးဆုံးဆိုတော့ အဖေ အားကိုးရှာမှာပေါ့။
           “ ခင်ဗျားသားကို အလကားခေါ်ထားမှာ မဟုတ်ဘူး။ တစ်လကို စရိတ်ငြိမ်းနှစ်သောင်းနဲ့ သုံးလစာ ငွေခြောက်သောင်း ခုချက်ချင်း
             အလုံးအခဲလိုက် ခင်ဗျားတို့ကို ပေးခဲ့မှာ။ ခင်ဗျားစဉ်းစားပေါ့။ မခွဲနိုင်ရင်လည်း ပြီးတာပဲ...”
           အတူလိုက်လာတဲ့ ကြီးကြီးရဲ့ယောကျာ်းက အသံသြဇာကောင်းကောင်းနဲ့ ဟိန်းဟောက်လိုက်တော့မှ အဖေလည်း ပြာပြာသလဲ ဖြစ် သွားတယ်လေ။ ငွေဆိုတာကလည်း လူ့သည်းခြေကြိုက်မို့ သူမခွဲနိုင်ဘူးဆိုတဲ့ကျွန်တော်ကို လိုက်သွားဖို့ ဖျောင်းဖျတော့တာပဲ။   
           ကျွန်တော်က မလိုက်ချင်ဘူး။ မိဘတွေရမယ့် ငွေဟာ ဈေးရင်းလေးရမှာမို့ မက်လောက်ပေမယ့် ကျွန်တော်ကစာမတတ်တော့
ဆိုင်မှာအရောင်းအ၀ယ်လုပ်ရမှာ ကြောက်နေတယ်။ အရင်က လက်ဖက်ရည်ဆိုင်တွေမှာ စားပွဲထိုးဝင်လုပ်ဖူးပေမယ့် အဲဒါက ပိုက်ဆံကို
တွက်ရုံပဲတွက်ရတာ။ ကား၊ ဆိုင်ကယ်အပိုပစ်္စည်းဆိုတော့ အင်္ဂလိပ်အခေါ်ဝေါ်တွေ၊ စာတွေမဖတ်တတ်တဲ့ကျွန်တော် အားငယ်မိတယ်။
           ဒါပေမယ့် အမေ့ခင်မျာ ရပ်ကွက်ထဲမှာ ကြုံရာကျပမ်းလုပ်နေရရှာတာ။ ဈေးရင်းလေးရရင် လက်သုပ်စုံဖြစ်ဖြစ်၊ မြေပဲလှော်ဖြစ်ဖြစ်
ရောင်းဦး။ ခုထက်တော့ သက်သာရှာမယ်လို့ တွေးမိတယ်။ ဘဘနဲ့ကြီးကြီးကလည်း အားမငယ်ဖို့၊ တဖြေးဖြေး စာတတ်အောင်သင်ပေးမယ်လို့ ပြောပါတယ်။
           တကယ်လည်း သူတို့သင်ပေးလို့ ခုဆို အင်္ဂလိပ်စာရော၊ မြန်မာစာပါ အတော်ဟုတ်နေပြီ။ ဒါပေမယ့် အမေကတော့ အိမ်တကာ
လှည့်ပြီး အ၀တ်လျှော်နေရတုန်းပါပဲ။ တစ်လုံးတစ်ခဲတည်း ရလိုက်တဲ့ပိုက်ဆံက အကြွေးဆပ်ရတာနဲ့၊ ပေါင်ထားတာတွေ ရွေးရတာနဲ့၊
ဈေးမရောင်းတတ်လို့ အရင်းပြုတ်သွားတာနဲ့...။ အားလုံးလည်း ဆန်ကွဲကြဲပက်လိုက်သလိုပါပဲ။
           အစကတော့ အဖေက “ မင်းမပျော်ရင် ဒီသုံးလစာအကြွေးကျေရင် ပြန်လာပေါ့ကွာ...” လို့ နှစ်သိမ့်သေးတယ်။ ဒါပေမယ့် ကြိုပေးထားတဲ့ငွေ မပြည့်ခင် အဖေက ခဏခဏရောက်လာပြီး ဟိုအကြောင်းပြ၊ ဒီအကြောင်းပြနဲ့ ထပ်တောင်းတော့ ကျွန်တော့်လုပ်အားခက အမြဲ လေးငါးလစာ အကြွေးတင်နေတာ..၊ ကျေတယ်လို့မှ မရှိပဲ။ ကျွန်တော်လည်း ဒီအလုပ်မှာ ပျော်ပျော် မပျော်ပျော် ခြေချုပ်မိနေတာပေါ့။     
           စည်းကမ်းကြီးတဲ့ ကြီးကြီးတို့အိမ်မှာ အစကတော့ ကျွန်တော်မပျော်ဘူး။ ဆေးလိပ်မသောက်ရ၊ ကွမ်းမစားရ၊ ဘယ်မှလဲ ထွက်မလည်ရ။ တစ်နေကုန် ဈေးရောင်းနေရပြီး တစ်ခါတစ်လေ သူငယ်ချင်းလာလို့မှ စကားထွက်ပြောတာ ကြာရင်တောင် ဆူခံရတယ်။
           တီဗွီကတော့ ဆိုင်ထဲမှာ နံရံကပ်ထားပြီး ဖိုက်မူဘီဆိုလား မီးလာချိန်တိုင်း ဖွင့်ထားတာမို့ မကြည့်ချင်မှအဆုံးပါ။ ကျွန်တော်က ဇာတ်ကားဆို ဘာလာလာ အကုန်ကြိုက်တာမို့ စရောက်ကတည်းက ဒီအိမ်မှာမပျော်ပေမယ့် ဒီတီဗွီကြီးကတော့ ကျွန်တော့်ရဲ့အဖော်ပဲ။


           ခုတော့လည်း တဖြေးဖြေးနေသားကျလာတော့ အိမ်ပြန်ရင်တောင် နေတတ်ပါ့မလားလို့တွေးမိတယ်။ အိမ်မှာဆို မိုးလင်းတာနဲ့ ရေအ၀သောက်ပြီး အလုပ်ဘယ်သူလာခေါ်မလဲ။ ပန်းရံနောက်ပဲ လိုက်ရမလား။ နေ့လည်လောက်ထိ အလုပ်မရသေးရင် ဆန် ဘယ်က ချေးရမလဲ။ အူတကြုတ်ကြုတ်နဲ့ ပူပန်နေရတာ။
           ဒီမှာတော့ မျက်စေ့နှစ်လုံးပွင့်တာနဲ့ ၀မ်းရေးအတွက် ဘာတစ်ခုမှ တွေးမပူရဘူး။ တီဗွီလေးကြည့်လိုက်၊ ရောင်းစရာရှိတာလေး ရောင်း၊ အပြင်ဆိုင်မှာ ကူစရာရှိရင်ကူ၊ စားချိန်တန်တော့စား၊ ရေချိုးချိန်တန်တော့ရေချိုး။ အိမ်မှာဆို ရေချိုးဖို့က ရပ်ကွက်နောက်ကျောက ရေတွင်းမှာ ရေငင်ရသေးတာ။ ထမင်းဟင်းချက်ဖို့လည်း လေးငါးခေါက် ထမ်းပေးရသေးတယ်။ ဒီမှာတော့ စည်ပင်ကလာတဲ့ရေကို ကန်ကြီးထဲအပြည့်ထည့်ထားတာ...၊ ချိုးပါလေ့ ပေါလိုက်တဲ့ရေတွေ..။ အိပ်ချိန်တန်တော့လည်း အိမ်မှာလို ခနော်ခနဲ့ကြမ်းပေါ်မှာ ဖျာမပါခေါင်းအုံးမပါ မဟုတ်ဘူး။ ကုတင်ပေါ်က အိပ်ရာထက်မှာ အမ်ပီဖိုးလေးနားထောင်ရင်းအိပ်...။
           အင်း.အမ်ပီဖိုးဆိုလို့ မိုးကလည်းလင်းခဲလိုက်တာနော်။ထမင်းချက်အမကြီးများ မေ့ပြီးအိပ်ပျော်နေတာလား။ ဒီလိုပဲ တစ်ခါတစ်လေ
ညနက်ထိ တီဗွီကြည့်ရင်း အိပ်ရာစောစောမထနိုင်လို့ ဆိုင်ဖွင့်နောက်ကျတဲ့ ရက်တွေလည်းရှိတတ်တယ်လေ။
           အလင်းတချို့လည်း အိမ်ထဲတိုးဝင်နေပြီ။ လူသံသူသံတွေလည်း ကြားစပြုပြီမို့ ခြောက်နာရီတော့ ကျော်လောက်ပါပြီ။
ဘေးကုတင်က ဟိုနှစ်ကောင်ကို လှမ်းကြည့်တော့ အိပ်နေလိုက်တာမှ သိုးလို့။ နားမှာလည်း ကိုယ်စီနားကြပ်တွေ တန်းလန်းနဲ့။ ညက
အမ်ပီဖိုးနဲ့ သီချင်းနားထောင်ရင်း အိပ်ပျော်သွားပုံရတယ်။ ဒီကောင်တွေက အဲလိုပဲ။ ပစ်္စည်းကို မရိုသေကြဘူး။ ကျွန်တော်ကတော့ အဲဒီလို
နားထောင်ရင်း ဘယ်တော့မှ အိပ်မပစ်ဘူး။ အိပ်ချင်လာရင် သေချာသိမ်းပြီးမှ အိပ်တာ။
           “ ခုနောက်ပိုင်း အမ်ပီဖိုးတွေက ဈေးပေါသလောက် သိတ်အကြမ်းမခံဘူးကွ။ ရိုရိုသေသေမကိုင်ရင် ခဏလေးနဲ့ပျက်တတ်တယ်...”
လို့ ဘဘကပြောတာ ကျွန်တော်သေချာမှတ်ထားတယ်။ ခုတော့ အဖေများ မလုပ်တတ်မကိုင်တတ်နဲ့ ကလိရင်း ပျက်သွားပြီလား
မသိပါဘူးဗျာ။ ကျွန်တော့်အမ်ပီဖိုးလေး မနေ့က အဖေယူသွားတယ်လေ။
           ကျွန်တော်က မပေးချင်ပါဘူး။ကျွန်တော့်လက်ထဲရောက်တာတောင် ငါးရက်ပဲရှိသေးတာ။ အမ်ပီဖိုးနဲ့ ဓါတ်ပုံတို့ ဗွီဒီယိုတို့လည်း ရိုက်လို့ရတယ်။ ဂိမ်းလည်းဆော့လို့ရတယ်ဆိုပေမယ့် ကျွန်တော်ကိုယ်တိုင်လည်း ဘာကဘယ်လို လုပ်ရတယ်မှန်း သိတ်ကျွမ်းကျင်သေးတာ မဟုတ်ဘူး။ ပစ်္စည်းဈေးတွေကျလို့ အမ်ပီဖိုးတစ်လုံးမှ နှစ်သောင်းကျော်ပဲ ရှိတော့တယ်ဆိုပေမယ့် ကျွန်တော့်အတွက်ကတော့ ဓူဝံကြယ်ကို လှမ်းကိုင်မိသလို သိတ်ဝေးကွာခက်ခဲလွန်းတဲ့ စိတ်ကူးအိပ်မက်တွေပါ။ ကြီးကြီးဆီရောက်လာမှ အိပ်မက်တွေကို ထိတွေ့ခွင့်ရလာတာ။
           ကျွန်တော့်ထက်အရင်ရောက်နေတဲ့ ဟိုနှစ်ကောင်မှာ တစ်ယောက်ကမိဘမဲ့ဆိုတော့ သူ့လခသူ စိတ်ကြိုက်သုံးနေတာ။
တစ်ယောက်ကတော့ မိဘရှိပေမယ့် သူ့လခကို တစ်ဝက်ပဲယူတာတဲ့။ တစ်ဝက်က သူ့ကိုယ်ပိုင်။ ဒီတော့ ဂျင်းဘောင်းဘီဆိုလည်း ၀ယ်လိုက်ကြတာပဲ။ ဂျင်းအင်္ကျီဆိုလည်း ၀ယ်လိုက်တာပဲ။ အရင်က ငါးသောင်းခြောက်သောင်းရှိတဲ့ အမ်ပီဖိုးတွေ နှစ်သောင်းသုံးသောင်းနဲ့ ရပြီဆိုတော့လည်း တစ်ယောက်တစ်လုံးစီ ၀ယ်ကြပြန်တယ်။
           ကျွန်တော်ကတော့ ဂျင်းဘောင်းဘီဆိုလည်း ဘဘငယ်ငယ်က ၀တ်တဲ့ဟာဆိုပြီး ကြီးကြီးကထုတ်ဆင်ရတယ်။ မတော်တရော်
ပွပွကြီးလည်း ၀တ်ရတာပဲ။ အင်္ကျီဆိုလည်း ကြီးကြီးရဲ့သားအကျတွေ ၀တ်ရတာပေါ့။ ဒါပေမယ့် ဒီကောင်တွေက အမ်ပီဖိုးလည်း ကိုယ်စီ
ဝယ်ရော၊ ကျွန်တော် မျက်နှာငယ်ရတော့တာပဲ။ ဒီကောင်တွေက အမ်ပီဖိုးတွေ တကွိကွိနဲ့ကလိကြ၊ သီချင်းတွေနားထောင်ကြနဲ့..။               
           အားကျတာပေါ့ဗျာ။ ကျွန်တော်လည်း လူငယ်ပဲ၊ ကိုင်ချင်တာပေါ့။ ကလိချင်တာပေါ့။ ကျွန်တော့်လခနဲ့ဆို တစ်လကုန်ရင် ၀ယ်လို့ရပြီဆိုပေမယ့် အဖေက ခဏခဏလာလာတောင်းတော့ အကြွေးက လေးငါးလစာ တင်နေတာလေ။
           ဟိုတလောကတောင် အမေက ဆိုင်လိုက်လာပြီး အဖေ့အကြောင်းတွေ လာတိုင်သွားသေးတယ်။ ကြီးကြီးကိုမမေးရဲလို့ အဖေ ပိုက်ဆံတွေကြိုယူထားတာ ဘယ်လောက်တောင်ရှိပြီလဲလို့ ကျွန်တော့်ကို တိုးတိုးတိတ်တိတ်မေးတာ...။ ငါးလစာကျော်နေတာသိတော့
ရင်ဘတ်ကိုဖိရှာတယ်။ အမေ့ကိုလည်း အဲဒီပိုက်ဆံတွေမပေးဘူးတဲ့။ ကွက်သစ်ဖက်မှာ မယားငယ်တစ်ယောက်ယူထားတယ်လို့ ကြားနေတာ။
ဒါဆို ဟုတ်နေပြီထင်တယ် ဆိုပြီး အမေဒေါနဲ့မောနဲ့ ပြန်သွားတယ်။
           ကြီးကြီးက သိသွားတော့ အဖေ့ကို ပြောလိုက်တာဆိုတာ နှစ်ပြားမတန်ဘူး။ အမေက အပျိုဘ၀တုန်းက ဆွေဂုဏ်မျိုးဂုဏ်ရှိတဲ့
မိဘအသိုင်းအ၀ိုင်းကတဲ့။ ကလေကချေ အရက်သမားအဖေ့ကို ယူရကောင်းလားလို့ စွန့်ပစ်ထားကြတာ...။ အမေ့မိဘတွေ သေသာသွားရော၊
ခုချိန်ထိ ဆွေပြတ်မျိုးပြတ် အမွေပြတ်ပဲတဲ့။ ခုတော့ အမေ့အကိုရင်း အမရင်းတွေက နိုင်ငံခြားမှာချည်းပဲတဲ့။ အဖေကလည်း လက်ကြော မတင်းတော့ အမေ့ခင်မျာ ငယ်ရုပ်တောင်မပေါ်နိုင်လောက်အောင် ဘ၀အထုအထောင်းတွေ ခံနေရရှာတာ။ အဖေက လင့်ဝတ်္တရားမကျေရုံတင် မက မယားငယ်ပါထပ်ယူလို့ကတော့ အမေ့ကိုကွာရှင်းခိုင်းပြီး နိုင်ငံခြားက အကိုအမတွေဆီ ပို့ပစ်မယ်တဲ့။ ကြီးကြီးက ကြိမ်းမောင်းနေပြီ။
           အဖေကလည်း အဖေပဲ။ မယားငယ်နေတဲ့ကိစ်္စက ဟုတ်တယ်တဲ့။ အရက်သောက်လွန်ပြီး မှားသွားတာပါတဲ့။ အမေက ကျွန်တော့်ကိုတော့ တိုးတိုးတိတ်တိတ် ရင်ဖွင့်ရှာတယ်။ ဒါပေမယ့် နောက်မသွားတော့ပါဘူးလို့ တောင်းပန်တယ်တဲ့။ ကြီးကြီးကိုတော့ အမေကအမှန်အတိုင်း မပြောရဲတော့ မဟုတ်ပါဘူးလို့ ညာပြောထားတာပေါ့။
           ဒါပေမယ့် ကြီးကြီးကမယုံပါဘူး။ အဖေ့ကိုလည်း ကျွန်တော့်ဆီက ငွေလာတောင်းတိုင်း မပေးတော့ဘူး။ အမေကိုယ်တိုင်လာယူမှ
ပေးမယ်လို့ပြောလိုက်တယ်။ အမေကလည်း အမှတ်ရှိပုံမရဘူး။ တစ်ခါတစ်လေ နေမကောင်းလို့ပါလို့ စာရေးပြီး အဖေ့ကို အယူခိုင်းတာပဲ။
အမေ့လက်ထဲကို တစ်ဝက်လောက်ပဲ ရောက်ကာမှ ကျွန်တော့်ဆီလာမေးရင်း မျက်ရည်ကျတတ်တယ်။ နောက်တော့လည်း အဖေ့ပဲ ယူခိုင်းပြန်တာပဲ။ အဖေကလည်း မယားငယ်ဆီ မသွားဘူးဆိုပြီး ရောက်ရောက်နေတာပဲတဲ့။
           အဲလိုအဖေမျိုးဆိုတော့လည်း ကြီးကြီးနဲ့ဘဘက မကြည်လင်တာ၊ ဖော်ဖော်ရွေရွေ မဆက်ဆံတာ ဘာဆန်းသလဲ။ ဒါပေမယ့်
ကျွန်တော်က အဖေဆိုတော့ချစ်တာပဲ။ ကိုယ့်လုပ်စာ အရက်သောက်ပစ်လည်း ကြည်ဖြူတာပဲ။ တစ်ခါတစ်လေ ကြီးကြီးဝယ်ပေးထားတဲ့
ဖိနပ်ကို “ငါ့ပေးစမ်းကွာ” ဆိုပြီး သူ့ဖိနပ်အစုတ်နဲ့ လဲချင်လဲသွားတာ။ အနွေးထည်ဆိုလည်း “ငါ့မှာဝတ်စရာမရှိလို့ ချမ်းလှပြီ” လို့သနားအောင် ပြောပြီး ချွတ်ယူရင်ယူသွားတာ။ တစ်ခါကလည်း ဘဘပေးထားတဲ့နာရီကို အတင်းဖြုတ်ယူနေလို့ ဘဘက အော်လွှတ်လိုက်ရသေးတယ်။
           အရက်ရဲ့ကျေးကျွန်ဆိုတော့ အဖေဟာ ဒါတွေကို သူဝတ်ဖို့ထက် အရက်နဲ့လဲသောက်ဖို့ပဲ နေမှာပေါ့။ ကြီးကြီးကတော့
ကျွန်တော့်ကို လုံးဝမပေးရဘူးလို့ တားထားတယ်။ ကျွန်တော့်လုပ်အားခနဲ့ ၀ယ်တာမဟုတ်ပဲ ကြီးကြီးတို့ဆင်ထားတဲ့ဟာမို့ ကျွန်တော်လည်း ပေးချင်တာတောင် မပေးရဲပါဘူး။


           ကြီးကြီးတို့ကတော့ ကျွန်တော့်အပေါ် တကယ်ကောင်းရှာပါတယ်။ လုပ်ဖော်ကိုင်ဖက်တွေ နာရီဝယ်လည်း နာရီအဟောင်းပဲဖြစ်ဖြစ် ပေးပတ်တာပဲ။ ဘွတ်ဖိနပ်ဝယ်စီးရင်လည်း သူတို့သားရဲ့ ဖိနပ်ဟောင်းပဲဖြစ်ဖြစ် ပေးစီးတာပဲ။ ရွှေလက်စွပ်ဝယ်ဝတ်ကြတော့လည်း လက်စွပ်ကလေးတစ်ကွင်း လုပ်ပေးရှာတာပဲ။ အမ်ပီဖိုးကိုယ်စီ ၀ယ်ကြတော့လည်း ကျွန်တော်အားငယ်မှာစိုးလို့တဲ့။ သိတ်မကြာခင်မှာပဲ သူတို့ကစိုက်ပြီး ၀ယ်ပေးပြန်တယ်။
           အဖေက ကျွန်တော်သုံးဖို့ငွေ ချန်မပေးတတ်တော့ ကျွန်တော့်ကို ကိုယ်ပိုင်ငွေသုံးရအောင်လည်း အဖေမသိအောင် မုန့်ဖိုးနှစ်ထောင် သပ်သပ် ပေးသေးတယ်။
           ရွှေလက်စွပ်လုပ်ပေးတော့လည်း မုန့်ဖိုးစုပြီး ဖြေးဖြေးဆပ်..။ အမ်ပီဖိုးဝယ်ပေးတော့လည်း မုန့်ဖိုးနဲ့ပဲ ဖြေးဖြေးဆပ်...ဆိုတော့
ကျွန်တော်ဖြင့် အားတောင်နာပါတယ်။ ကျေးဇူးလည်းတင်မိတယ်။ အမှန်က တစ်လနှစ်ထောင်နဲ့ ဆပ်ရမှာမို့ အကြွေးကြေမယ့်အချိန်က အဝေးကြီးရယ်ပါ။
           ခု...အဲဒီလို ၀ယ်ပေးထားတဲ့ အမ်ပီဖိုးလေးကို အဖေက ငှားသွားတယ်။ အမှန်က ပြမိတဲ့ ကျွန်တော့်အပြစ်ပါ။
           အဖေက ဘယ်မှမထွက်ရ၊ မသွားရတဲ့ ဒီမှာ မပျော်ရင် ပြန်လိုက်ခဲ့လို့ ခဏခဏပြောတတ်လို့ ကျွန်တော်က ပျော်ကြောင်း၊ ကြီးကြီးတို့ကကောင်းကြောင်း ပြန်ပြောရင် အမြဲမဲ့ရွဲ့တတ်တယ်။ “ အလကားပါကွာ။ မင်းကို ခိုင်းကောင်းလို့၊ အသုံးတည့်နေလို့။ စေတနာရှိလွန်းလို့ ထင်မနေနဲ့...” လို့ ပြောတတ်တယ်။ သူ့ကို မကြည်ဖြူတဲ့အသိုင်းအ၀ိုင်းမို့ သူကလည်း မကြည်လင်တာထင်ပါရဲ့။
           ဒါကြောင့် ကျွန်တော်ကလည်း ကြီးကြီးတို့ ဘယ်လောက်ကောင်းကြောင်း ပြချင်တာနဲ့ အမ်ပီဖိုးလေးဝယ်ပေးထားကြောင်း ပြောမိ တယ်။ အဖေက တအံ့တသြ..၊ “ ငါလည်းမကိုင်ဖူးဘူး။ ပြပါဦးကွာ..” ဆိုလို့ အော်...အဖေ့ခင်မျာလည်း တစ်ခါမှ မြင်ဖူးရှာတာမဟုတ်ဘူး။ ကိုင်ပါစေဆိုပြီး အဖွင့်အပိတ်၊ ဓါတ်ပုံရိုက်၊ ဗွီဒီယိုရိုက်တွေပြပေးပြီး ခဏပေးကိုင်လိုက်တာ...။ လက်ထဲက မလွှတ်တော့ဘူး။
           “ ငါ့ခဏငှားလိုက်ကွာ။ မနက်ဖြန် ဆက်ဆက်ပြန်လာပို့ပါ့မယ်။ မင်းအမေနဲ့ မင်းညီတွေညီမတွေကို ပြချင်လို့ပါ။ သူတို့လည်း မြင်ဖူးတာမဟုတ်ဘူး။မင်းကို သူတို့က သိတ်အထင်ကြီးကြတာ။ အံ့သြ၀မ်းသာရအောင် ပြချင်လို့ပါ..” ဆိုပြီး အတင်းပဲယူပြီး ပြန်သွားတယ်။
           ကျွန်တော်လည်း ကြီးကြီးတို့ကို မပြောရဲဘူး။ သိသွားရင် မိုးမီးလောင်မှာ။ ၀ယ်ပေးတာမှ တစ်ပတ်မပြည့်သေးဘူး။ အဖေ့ကို ပေးလိုက်ရင် အပေါင်ဆိုင်ပို့ပြီး အရက်သောက်ပစ်မှာ..၊ ဒါတောင်မစဉ်းစားတတ်ဘူးလားလို့ ဆူမှာ...။ ဒါမှမဟုတ် သူတို့စေတနာကို အလွဲ သုံးစားလုပ်တယ်ဆိုပြီး စိတ်ဆိုးကြမှာ။ ဒီ့ထက်ပိုဆိုးတာက အဖေများ သူ့မယားငယ်ဆီယူသွားပြီး ဓါတ်ပုံတွေ ဗွီဒီယိုတွေ ရိုက်ပေးနေရင်....။
           ကျွန်တော် တွေးရင်းတွေးရင်း တစ်နေကုန် ဘယ်လိုကုန်သွားမှန်းမသိသလို တစ်ညလုံးလည်း အိပ်မပျော်ဘူး။ မနက်ကျရင်
စောစော အဖေပြန်လာပေးပါစေလို့ပဲ ဆုတောင်းနေရတယ်။ ကြီးကြီးစိတ်ဆိုးမှာလည်း ကြောက်တယ်။ ကျွန်တော့်အမ်ပီဖိုးလေး ဆုံးရှုံးရမှာကိုလည်း ကြောက်တယ်။
           တကယ်တမ်းမိုးလင်းလို့ ဆိုင်ဖွင့်ပြီး နေ့လည်ရောက်လာတာတောင် အဖေက ရောက်မလာနိုင်သေးဘူး။ ကျွန်တော်ကဖြင့် ဈေးသာရောင်းနေရတယ်။ မျက်လုံးက အဖေလာနေကျ လမ်းထိပ်ကိုပဲ မျှော်မိတယ်။ တစ်ရက်တစ်လေမို့ ကြီးကြီးတို့က မရိပ်မိသေးတာ။
တကွိကွိနဲ့ကလိနေကျ အမ်ပီဖိုးကို မကိုင်ပဲ ငြိမ်နေတာကြာရင် မေးကြတော့မှာ။
           အဖေက မနက်စောစော လာပို့ပေးမယ်ပြောပြီး ဘာလို့ခုထိ ရောက်မလာသေးတာပါလိမ့်။ အမေကတော့ မြန်မြန်ပြန်သွားပေးဖို့
သတိပေးမှာသေချာတယ်။ ဟိုတစ်ခါ ကျွန်တော့်လက်စွပ်ကို အဖေက “ မင်္ဂလာဆောင်သွားစရာရှိလို့ ခဏငှားကွာ..” လို့ပြောတုန်းက
အမေလည်းအနားမှာရှိတာမို့ “ ကလေးဥစ်္စာကို ရှင်ကဘာလို့ ငှားရမှာလဲ။ ဒါ သူ့ကြီးကြီးကဆင်ထားတာ။ ရှင်ငှားလို့ရမလား..” လို့
ဝင်ကယ်လိုက်ပေလို့ပေါ့။
           ဟော...တွေးလို့မှမဆုံးခင် လမ်းထိပ်ကလာနေတာ အမေပါလား။ အဖေမလာပဲ အမေကဘာလို့ ရောက်လာတာပါလိမ့်။ အဖေမအားလို့ အမေ့ကိုပေးခိုင်းလိုက်တာများလား။
           အနားကိုရောက်လာတော့ အမေက အိပ်မက်ယောင်ပြီး လမ်းထလျှောက်သူလို မျက်နှာမျိုးနဲ့ ကျွန်တော့်ကိုမေးတယ်။
           “ သားကြီး...မင်းအဖေ မင်းဆီလာသေးလား။ မနေ့မနက်ကတည်းက ထွက်သွားတာ ခုထိအိမ်ပြန်မလာသေးဘူး။
             ဟိုကောင်မနဲ့ လိုက်ပြေးကြပြီလား မသိဘူး...” တဲ့။
           ကျွန်တော့်ရင်ထဲမှာ ဓူဝံကြယ်ကြီးလွတ်ကျသွားသလို အေးကနဲ..၊ ဟာကနဲ..၊ လှိုက်ကနဲ...ဟင်းလင်ပြင်ဖြစ်သွားတာ...အဆုံးမရှိပဲ။
           ဘာမှမသိရှာတဲ့ အမေကတော့ ကျွန်တော့်ကို အားကိုးတကြီးကြည့်နေရှာတယ်။ ကျွန်တော် ဘာဆက်လုပ်ရမလဲ။
လွတ်ကျသွားတဲ့ ကျွန်တော့်အိပ်မက်ကိုပဲ တစစီလိုက်ကောက်ရမလား။ အိပ်မက်ထဲက မနိုးနိုင်သေးတဲ့ အမေ့ကိုပဲ လှုပ်နှိုးလိုက်ရမလား။
ဘာလုပ်ရမှန်း မသိတော့ဘူး။
                                                      xxxxxxxx
ဝေ(စီးပွားရေးတက္ကသိုလ်)
မုခမဂ္ဂဇင်း

ကိုယ်တိုင်ရေးမှတ်တမ်း

အသက်လေးဆယ်ကျော်ကာမှ စာမေးပွဲတစ်ခု ဖြေရမည်ဆိုတော့ အထက်တန်းကျောင်းသူလေးလို ရင်ခုန်စရာမကောင်းဘဲ ကျွန်မက ရယ်ချင်နေခဲ့လေသည်။
          “ တို့တုန်းကတော့ ဒီလိုပဲ အသိတစ်ယောက်ကို လုပ်ခိုင်းလိုက်တာပါပဲ။ နောက်မှ ကျသင့်တာလေးရှင်းလိုက်ရင် ပြီးသွားတာ...”
          ကျွန်မကတော့ ဘာမဆို အလွယ်တကူရတာမျိုးကို မကြိုက်တတ်။ ကိုယ့်အစွမ်းအစအမှန်နှင့် ရသလောက်ကိုသာ နည်းနည်းများများ ကျေနပ်တတ်သူမို့ သည်စာမေးပွဲကို ဖြေရမှာ စိတ်ညစ်သော်လည်း ကြိုက်ပါသည်။   
         ငယ်ငယ်ကတည်းက အစစ်အမှန်ကို ဘယ်လောက်မြတ်နိုးသလဲဆို စာစီစာကုံးပြိုင်ပွဲတွေ ၀င်ပြိုင်တိုင်း ဆရာမိဘများ ရေးပေးသော စာစီစာကုံးတွေကို ကျက်သွားပြီးဖြေတာမျိုး ဘယ်တုန်းကမှ ကျွန်မ မလုပ်။ လူကြီးအတွေး၊ လူကြီးအသိနှင့် ရေးပေးမည့်စာစီစာကုံးကို ကျက်ဖြေလျှင် ကျောင်းသားတွေကြားမှာ နှာတစ်ဖျားမက၊ ခေါင်းတစ်လုံးမက သာမည်ဆိုတာသေချာပေမယ့် ကျွန်မ မကြိုက်ပါ။ ယုတ်စွအဆုံး ကိုယ်တိုင်ပင် စာစီစာကုံးစာအုပ်ပေါင်းစုံထဲမှ ဟိုဖြတ်ဒီဖြတ်နှင့်လည်း ကြိုတင်ရှာဖွေရေးသားပြီး ကျက်မထားတတ်။ အနည်းဆုံးတော့ ဖေဖေ၀ယ်ပေးထားသည့် စာစီစာကုံးစာအုပ်ကလေးတွေကို ရတတ်သလောက် ဖတ်ထားလိုက်သည်သာ။ စာစီစာကုံးဖြေမည့် အခန်းထဲကျမှ ခေါင်းစဉ်ကြည့်ကာ စိတ်ကူးထဲပေါ်သလို တွေးတောကြံစည်ကာ လက်ဦးတည့်ရာသာ ရေးတတ်ခဲ့လေ၏။ ကျွန်မရေးဖြေလိုက်သော စာစီစာကုံးလေးသည် ကျွန်မ၏အတွေးအခေါ်၊ ကျွန်မ၏ ဗဟုသုတ၊ ကျွန်မ၏ကိုယ်ပိုင်အဖွဲ့အဆို၊ အရေးအသားများသာ ဖြစ်လေသည်။ အားလုံး ကိုယ်ပိုင်အရည်အချင်းစစ်မှန်လျှင်၊ နည်းလမ်းကျနမျှတလျှင်၊ နောက်ဆုံးမှာ နေရနေရ ကျွန်မက ကျေနပ်သည်ပင်။
          သို့ပေမယ့် အဲသည်တုန်းက မိဘဆရာများရေးပေးသော စာစီစာကုံးပိုင်ရှင်များသာ ဆုရသွားခဲ့ပါသည်။ ကျွန်မကတော့ ဆုမရပေမယ့် ပုံစံမပြောင်းပါ။ နောက်ထပ်ပြိုင်ပွဲတိုင်းလည်း လူကြီးရေးပေးသော စာစီစာကုံးများကိုကျက်ဖို့ ခေါင်းမာမာဖြင့် ငြင်းဆန်မြဲ။ ကိုယ်ပိုင်စိတ်ကူးဖြင့်သာ လက်ဦးတည့်ရာ ဖြေဆိုမြဲ။ ဆုနှင့်လည်း အကြိမ်ကြိမ်အခါခါ လွဲနေမြဲ....။  သို့ပေမယ့် ကျွန်မလိပ်ပြာကတော့ ကျွန်မကိုယ်ကျွန်မ ၀ံ့စားစွာ ကြည့်ရဲခဲ့ပါသည်။
xxxxxx
         စာမေးပွဲခန်းထဲက ရယ်ကျဲကျဲနှင့် ကျွန်မထွက်လာတော့ အခန်းပြင်မှာ စောင့်နေသော ခင်ပွန်းသည်က “ အိုကေရဲ့လား” ဟုမေး၏။
          “ မပူပါနဲ့။ အောင်မှာပါ။ မှားလည်း တစ်လုံးနှစ်လုံးပေါ့...”
         တစ်သက်လုံး ဘယ်တုန်းကမှ စာမေးပွဲမကျခဲ့ဖူးသော ကျွန်မက ထိုသို့ ကိုယ့်ကိုယ်ကို ယုံကြည်နေခဲ့လေသည်။  အောင်စာရင်းက မကြာမီထုတ်ပေးမည်မို့ ဖြေဆိုထားသူအားလုံး အိမ်မပြန်ဖြစ်တော့ဘဲ သင့်တော်ရာသစ်ရိပ်ခုံတန်းများမှာ စောင့်ဆိုင်းနေကြ၏။ ၀င်းအတွင်းမှာ လူများပေါင်းစုံလှပေမယ့် တကယ်တမ်း ကျွန်မတို့သင်တန်းမှာ ဖြေဆိုသူက ဆယ့်ငါးယောက်တည်းသာ။ အဲဒီထဲမှာ အမျိုးသမီးဆိုလို့ ကျွန်မနှင့် ခရစ်ယာန်သီိလရှင် နှစ်ယောက်တည်း။  အခန်းကျဉ်းထဲမှာ တစ်ခုံနှစ်ယောက်နှုန်းထိုင်ရပေမယ့် ကျွန်မတို့ကတော့ တစ်ယောက်နှင့်တစ်ယောက်မေးဖို့ စိတ်ပင်မကူးရဲ။ စာမေးပွဲခန်းစောင့်က မျက်ခြေမပြတ် အော်ဟစ်သတိပေးနေသလို တစ်ယောက်နှင့်တစ်ယောက် မေးခွန်းလွှာတွေကလည်း မတူသည်မို့ ခိုးချလို့လည်းမရပေ။  ဘယ်စာမေးပွဲကိုမှ မသမာသည့်နည်းအလျဉ်းမသုံးခဲ့ဖူးသည့် ကျွန်မကလည်း ဒီအသက်အရွယ်ကျမှ ကိုယ့်ဂုဏ်သိက်္ခာကို အပွန်းအပဲ့မခံနိုင်ပါ။ မေးခွန်းတွေကလည်း လွယ်လွယ်လေး။ သက်တောင့်သက်သာ ဖြေဆိုနိုင်ပြီး နှစ်ခုလောက်သာ ဇဝေဇ၀ါ...၊ ရမ်းတုတ်ခဲ့ရ၏။ ကိစ်္စမရှိပါ။ နှစ်ခုမှားရုံလောက်ကတော့ မကျနိုင်။  အောင်စာရင်းထိုင်စောင့်နေတုန်း ခရစ်ယာန်သီလရှင် ညီမလေးက သူလည်းနှစ်ပုဒ်မှန်းဖြေခဲ့ရ၍ အောင်ပါ့မလား စိတ်ပူနေ၏။
          “ မပူပါနဲ့၊ နှစ်လုံးသုံးလုံးမှားရုံလောက်ကတော့ အောင်မှာပါညီမရဲ့..”
          “ ကျလို့ထပ်ဖြေနေရရင် ကျွန်မက နောက်နေ့မအားဘူးအမ”
          သူမက စိတ်ပူပန်သည့်မျက်နှာလေးနှင့် အဖြေလွှာစစ်နေသည့် အခန်းဝကို ယောင်လည်လည် သွားသွားကြည့်ရှာသည်။ ကျွန်မကတော့ မပူပါ။ ကျလည်းဘာအရေးလဲ။ နည်းနည်းရှက်သည်ကလွဲ၍ ထပ်ဖြေရုံပေါ့။ မအောင်မခြင်း အကြိမ်များစွာ ဖြေဆိုခွင့်ရှိသည့် စာမေးပွဲပဲလေ။ ကျွန်မအတွက် အရေးမကြီးလှပါ။ ဘ၀၏ အရေးကြီးသောစာမေးပွဲများစွာကို ကျွန်မဖြေဆိုပြီးခဲ့ပြီ။ မိဘစိတ်ချမ်းသာမှုအတွက် ကျလို့မဖြစ်သောစာမေးပွဲများ၊ကျွန်မ၏ ဂုဏ်သိက်္ခာအတွက် ဂုဏ်ထူးများများထွက်ရမည့် စာမေးပွဲများ၊ ဘ၀၏လှေကားထစ်များအဖြစ် အမှတ်များများသယ်ရမည့်စာမေးပွဲများ...။   မူလတန်းမှ အထက်တန်းတစ်လျှောက် ဖြေဆိုခဲ့ရသည့် စာမေးပွဲများသည် ပထမဆုရရှိရေးအတွက်၊ ဒါမှမဟုတ် အနည်းဆုံးဆုပေးပွဲတက်ရောက်နိုင်ဖို့ နောက်ဆုံးက ဆုလေးပဲဖြစ်ဖြစ်ရဖို့ဆိုသည့် စိတ်ဖိအားတွေအပြည့်နှင့်။
         တက္ကသိုလ်ကျောင်းသူဘ၀မှာလည်း တစ်နှစ်လုံး ဘယ်လောက်ပေါ့ပါးလွတ်လပ်စွာ နေခဲ့ပါစေ။ စာမေးပွဲနီးလာလျှင်တော့ တစ်သက်လုံးက စာတော်ခဲ့သည့် ဂုဏ်ကလေးကို ထောက်သောအားဖြင့် “ အကျခံလို့တော့ မဖြစ်...” ဆိုသည့် ဖိဆီးမှုက ဆိုးဆိုးရွားရွား။  လိုင်းခွဲမည့်နှစ်များမှာဆို လိုင်းကောင်းရဖို့၊ ဂုဏ်ထူးတန်းတက်ခွင့်ရဖို့ လိုအပ်သည့်အမှတ်ပြည့်မီဖို့ စိတ်ဖိအားတွေက မလျော့သောခံစားချက် အလုံးအရင်းဖြင့်..။ ဘွဲ့ရပြီးနောက်ပိုင်းမှာတော့ အလုပ်ခွင်စာမေးပွဲအတွေ့အကြုံများ မလိုအပ်တော့ဘဲ ကံကောင်းထောက်မစွာ စာမေးပွဲများအားလုံးပြီးဆုံးခဲ့ပါသည်။ အဲ...ပြီးဆုံးခဲ့တာ မဟုတ်ပါ။ ကျွန်မက ပြီးဆုံးပြီထင်ခဲ့ခြင်းသာ။ ကျွန်မက ကိုယ်ပိုင်စီးပွားရေးကိုသာ လုပ်ကိုင်ခဲ့သူမို့ စာမေးပွဲအားလုံး ထပ်ဖြေစရာမလိုတော့သလို ထင်ခဲ့မိတာပါ။     သို့ပေမယ့် တကယ်တော့ နှုတ်တိုက်ကျက်မှတ် ဖြေဆိုခဲ့ရသော အတန်းစာမေးပွဲများ ပြီးဆုံးသွားခဲ့သော်လည်း မပြီးဆုံးနိုင်သော ဘ၀စာမေးပွဲများကို ကျွန်မတို့ ဖြေဆိုနေရတုန်းပဲမဟုတ်လား။    ဘယ်သူမှ မလွှဲရှောင်နိုင်သည့် နှုတ်တိုက်ကျက်ဖြေ၍မရသော ဘ၀စာမေးပွဲများ။ ဘယ်သူ့ဆီကမှခိုးချ၍မရသော ဘ၀စာမေးပွဲများ။   ခိုးချ၍လည်း မရနိုင်အောင် တစ်ယောက်နှင့်တစ်ယောက် မတူသည့် မေးခွန်းပေါင်းစုံနှင့် ဘ၀စာမေးပွဲများ...။ မေးခွန်းတူသည်ထင်၍ သူများဆီက ခိုးချကူးယူတိုင်းလည်း အောင်ဖို့မသေချာသော စာမေးပွဲများ...။ မေးခွန်းတူသည်၊ အဖြေတူသည်၊ သို့ပေမယ့် သူအောင်တိုင်းလည်း ကိုယ်အောင်ချင်မှအောင်သည့် ဘ၀စာမေးပွဲများ...။
          ဘ၀စာမေးပွဲများ၏ စာမေးပွဲခန်းစောင့်ဆရာသည် မည်သူနည်း။ ကံဇာတ်ဆရာလား။ လောကကြီးလား။   ဒါဆို မေးခွန်းထုတ်သူ ကရော..။ အဖြေလွှာစစ်မည့်သူသည် သမာသမတ်ကျမည့်သူတော့ ဖြစ်ဖို့လိုလိမ့်မည်။ ကျွန်မက အမှန်တရားသာဖြစ်ပါစေ။ နောက်ဆုံးမှနေရလည်း ကျေနပ်မည့်သူဆိုတော့လေ။ ဘယ်လိုပဲဖြစ်ဖြစ် မတရားသဖြင့်တော့ ကျွန်မ သူများနောက်မှာ နည်းနည်းမှ မနေချင်ပါ။ ရှေ့မှာနေရလည်း မတရားသဖြင့်ဆိုလျှင်တော့ လိပ်ပြာလုံနိုင်မည်မထင်ပါ။
xxxxxx
          “ အားလုံးကျတယ်။ တစ်ယောက်မှမအောင်ဘူး...”
          အတွေးတွေ လွင့်မျောနေရာမှ သတင်းဆိုးကြောင့် အံ့သြသွားရ၏။ မဖြစ်နိုင်ပါ။ ကျွန်မကျသည်ကို မယုံနိုင်ပါ။ ဘယ်နှစ်လုံးမှားလို့ ကျရတာပါလိမ့်။ စာမကျက်ခဲ့ပေမယ့် ဒါတွေသည် လက်တွေ့မှာ နားထဲစွဲဝင်ခဲ့ပြီသား။ မဖြစ်နိုင်ပါ။ ဘာမှားတာလဲ။ ဘယ်နှစ်လုံးမှားလို့လဲ။ ဘာကြောင့်လဲ။
          “ ကျွန်မက ဘယ်နှစ်လုံးမှားလို့လဲ ဆရာ...”
          ကျွန်မ မေးလိုက်ခြင်းမဟုတ်ပါ။ အတွေးထဲမှာသာ မေးခွန်းတွေပလုံစီနေသော်လည်း ကျွန်မက ဤမျှလောက် ပွင့်လင်းရဲတင်းသူမဟုတ်။ ခရစ်ယာန်သီလရှင်ကသာ မေးလိုက်ခြင်းဖြစ်၏။
          “ အားလုံးကို ကိုယ်ဘာမှားလဲဆိုတာ သိရအောင် တစ်ယောက်ချင်း ကြေငြာပေးပါ့မယ်။ ခင်ဗျားက တစ်လုံးမှားတာ...”
          သူမက နေရာမှထကာ အဖြေလွှာကို သွားကြည့်၏။
          “ ဟင် ဆရာ ဒါ မှန်တယ်လေ။ သေသေချာချာ ပြန်ကြည့်ပါဦး...”
          သူမပုံစံက ဘယ်သူ့ကိုမှ တွန့်ဆုတ်ရှက်လန့်နေဟန်မရှိ။ ပကတိ ရဲဝံ့စွာ၊ ကိုယ့်ကိုယ်ကို ယုံကြည်မှုအပြည့်။
          “ အင်း ဟုတ်သားပဲ။  ဆောရီး ဆောရီး ခင်ဗျားအကုန်မှန်သွားပြီပေါ့။ ဒါဆို အားလုံးထဲမှာ သူတစ်ယောက်ပဲအောင်တယ်။”
          “ ဒီလိုလုပ်ပါဆရာရယ်။ တော်သေးတာပေါ့။ ပြန်ကြည့်မိလို့။ မကြည့်ရရင် ကျတော့မှာ။ ဒီလိုသာ ပြန်ပြောခွင့် ကြည့်ခွင့်မရှိရင် ဘယ်လိုလုပ်မလဲ။ အောင်ရဲ့သားနဲ့ကျရမှာ ဘယ်လောက်နစ်နာသလဲ...”
          သူမ၏ ရဲရဲဝံ့ဝံ့ပြောဆို ဝေဖန်သံက ကျွန်မတို့အားလုံးအတွက် စံပြပမာဖြစ်သွားရ၏။ ကျွန်မတို့ဘ၀တွင် အောင်ရဲ့သားနှင့် ကျခဲ့ရသော စာမေးပွဲတွေမရှိခဲ့ဘူးလို့ ဘယ်သူသေချာပြောနိုင်မလဲ။
          “ ကဲ ကဲ ခင်ဗျား ရေးဖြေအောင်ပြီဆိုတော့ လက်တွေ့ဖြေဖို့ လုပ်ပေတော့..”
          ကျန်လူများအားလုံး လှုပ်လှုပ်ရွရွ ဖြစ်သွားရ၏။
           “ ဘယ်နှစ်လုံးမှားရင် ကျတာလဲဗျ..”
          “ ကျုပ်တို့အမှားတွေ ပြောပြဦးလေ...”    “ ဘယ်တော့ ထပ်ဖြေရမှာလဲ...”
          ကျွန်မရင်ထဲက မေးချင်နေသော အမေးတွေက သူတို့၏ တစ်ယောက်တစ်ပေါက်အမေးတွေထဲမှာ အကုန်ပါပြီးသား...။
          “ တစ်လုံးမှ မမှားရဘူး။ အားလုံးမှန်မှ အောင်တာ..”
          “ ဗျာ”             “ အမ်”                   “ဟောတော့”
          အံ့သြခြင်း၏ သင်္ကေတများ စုံလင်စွာ မြည်ဟီးသွားကြ၏။
          “ သင်တန်းမှာပြောတုန်းက သုံးလုံးမှားခွင့်ရှိတယ် ဆိုလားလို့..”
          “ ခင်ဗျားတို့ကလည်း အကုန်မှန်အောင် ဖြေဖို့ကြိုးစားမယ် မရှိဘူး။ ဘယ်လောက်မှားခွင့်ရှိတာကိုတော့ သေချာမှတ်ထားတယ် ကောင်းရော..။ အဲဒါ ကကြီးလိုင်စင်ဖြေမယ့်သူတွေကို ပြောတာ။ ခင်ဗျားတို့ ခခွေးလိုင်စင်သမားက အားလုံးမှန်မှ အအောင်ပေးမှာ။  ခင်ဗျားတို့စဉ်းစားကြည့် ဒီစည်းကမ်းစည်းမျဉ်းတွေဆိုတာ လက်တွေ့မှာ တစ်ချက်ကလေးမှ အမှားခံလို့မရတဲ့ဟာတွေ။ ခင်ဗျားတို့လို  ကားမောင်းမယ့်လူတွေက ပိုအမှားမခံဘူး။ ခင်ဗျားတို့မှားရင် ခင်ဗျားတို့အသက်ရော ပြည်သူလူထုအသက်ရော အန်္တရာယ်ရှိတယ်ဗျ”
          သင်တန်းနည်းပြလည်းဖြစ်၊ စစ်ဆေးရေးမှုးလည်းဖြစ်တဲ့ စာမေးပွဲခန်းစောင့်၊ စာစစ်သူ၊ ဒီပုဂ်္ဂိုလ်ပြောသမျှတွေဟာ နည်းလမ်းကျတာမို့ ကျွန်မ မအောင်ပေမယ့် ကျေနပ်မိပါသည်။
          “ ကဲ မနက်ဖြန်မှ ပြန်ဖြေမလား။ ခုပြန်ဖြေမလား။ ခုမှ ဆယ့်တစ်နာရီဆိုတော့ အချိန်ရှိသေးတယ်”
           “ ခု ဖြေမယ်ဗျို့။ ခုဖြေမယ်...”
          ကျွန်မကတော့ လျှောက်လွှာလာတင်သည့်နေ့ကတည်းက ထုတ်ပေးထားသော စည်းကမ်းများ၊ လမ်းညွှန်အမှတ်အသားများပါသည့် စာအုပ်ကို ကျေကျေညက်ညက် မဖတ်ထားမိ၍ နောင်တရချင်ချင်။ ကျွန်မငယ်ငယ်ကတည်းက ဖေဖေ့ဆီမှာ သည်လိုစာရွက်ကလေးတွေကို ယူဖတ်နေကျ။ ဆယ့်ရှစ်နှစ်ပြည့်လို့ ဖေဖေက ကားမောင်းသင်ပေးတော့လည်း စည်းကမ်းတွေ၊ အညွှန်းပုံတွေကိုပါ သင်ပေးနေကျ။  ကျွန်မကသာ မောင်းတတ်ရုံသင်ပြီး အမြဲမမောင်းဖြစ်၍ အဲသည်တုန်းက လိုင်စင်မလုပ်မိခြင်းလေ။ စည်းကမ်းများကတော့ ကျွန်မအတွက်က အကုန်သိပြီးသားတွေပါ။ ဒါကြောင့်လည်း စာအုပ်ကိုရရချင်း အစအဆုံးတစ်ခေါက်ဖတ်လိုက်ပြီး ဒီအတိုင်းပစ်ထားခဲ့မိ၏။ ဖြေခါနီးရက်မှာပင် တစ်ချက်ကလေးမှ ယောင်လို့ပြန်မကိုင်မိ။ သမီးငယ်ကတောင် သူ့ကိုစာမေးနေကျ ကျွန်မပုံစံဖမ်းပြီး စာအုပ်ကလေး တကိုင်ကိုင်နှင့် စာမေးခဲ့သေးသည်လေ။ သူမေးသမျှ ကျွန်မက ဖြေဆိုနိုင်တော့ သူကပင် အံ့သြနေသေး၏။
          “ ကဲ...ကဲ  ဒါဖြင့်ရင်လည်း ဆယ့်ငါးမိနစ် စာပြန်ကြည့်ချိန်ပေးမယ်။ ကြည့်ကြ။ ပြီးရင် ဖြေရမယ်။ အောင်တဲ့တစ်ယောက်က
            လက်တွေ့ဖြေရမယ်။ ခင်ဗျားကားပါသလား။ ဌာနကငှားပေးတဲ့ကားသုံးမလား။”
           “ ကျွန်မမှာ ကားပါတယ်ဆရာ..”
           “ အိုကေ.. ဒါဆို သွားယူလာခဲ့..”
          ကျန်သူအားလုံး စာကျက်ဖို့ထက် သူမကို ဘယ်လိုစစ်မှာလဲကိုသာ စိတ်ဝင်စားနေကြလေသည်။
xxxxxx
                  တကယ်တမ်း မေးခွန်းပေါက်ပြီးသား စာမေးပွဲတစ်ခုကို ဖြေဆိုရသည့်တိုင် ကိုယ့်နှလုံးခုန်သံကို ကိုယ်ပြန်ကြားရသည်အထိ ကျွန်မ စိတ်လှုပ်ရှားနေမိ၏။စိတ်မလှုပ်ရှားဘဲရောနေမည်လား။ လက်တွေ့ဖြေရမည့်သူ ခုနစ်ယောက်မှာ အမျိုးသမီးကကျွန်မတစ်ယောက်တည်းလေ။
         ကျွန်မရှေ့မှ ကောင်လေးသုံးယောက်၊ အမျိုးသားနှစ်ယောက်ဖြေပြီးချိန်ထိ နှစ်ယောက်သာ အောင်ကြသေး၏။ အားလုံးက ကိုယ်ပိုင်ကားမပါကြလို့ ဌာနမှ ငှားပေးသည့် ဒတ်ဆန်းကားကို မောင်းရသည်။ အ၀ိုင်းတစ်ပတ် ပတ်ပြတာကတော့ အားလုံးရှောရှောရှူရှူ။ နောက်ဆုတ်ပြီး ပါကင်ထိုးရတော့မှသာ ပြဿနာတက်ကြတော့၏။ ကားပါကင်အုတ်ခုံက ခပ်စောင်းစောင်း။ ဘေးနှစ်ဖက်မှာက ကားကြီးနှစ်စီးက ရပ်ထားသေး၏။ ပါကင်ထိုးရမည့်အုတ်ခုံပေါ်ကို အလယ်တည့်တည့် ရောက်ဖို့ကနောက်မှ..။ ထိုကားနှစ်စီးကို မတိုက်မိအောင်ပင် တော်တော် သတိထားဆုတ်ရမည့် အခြေအနေ။ ဖြေဆိုမည့်သူထဲမှ နောက်ဆုံးကျန်နေသည့် ကောင်လေးက ကျွန်မကို  “ အန်တီက ကားပါသလား”...လို့ အမေးကို ခေါင်းညိတ်မိသလားပင် ကိုယ့်ကိုယ်ကို မသိ။
         “ ကျွန်တော့်မှာလည်းပါတယ်ဗျ။ ကိုယ့်ကားနဲ့ကိုယ်ဆိုရင် ပိုအဆင်ပြေလိမ့်မယ်။ သူတို့ငှားထားတဲ့ ကားကြီးက အစုတ်ကြီး...”
         အင်း...သူတို့ကားနဲသာဆို ကျွန်မ တစ်ပတ်တောင်မောင်းနိုင်ပါ့မလားမသိ။ ကားကစုတ်ရုံတင်မက အင်ဂျင်သံကလည်း ချွဲကြပ်နေသလိုမျိုး...။ စစ်ဆေးရေးမှုးက သုံးကြိမ်လုပ်ခွင့်ရှိသည်ဟု အော်ဟစ်သတိပေးနေပြီ။ ရပ်ကြည့်နေသူတွေကလည်း မနည်းမနော။ ကျွန်မစိတ်ကို ခပ်အေးအေးထားလိုက်ပြီး နှလုံးခုန်သံကို လိုက်မှတ်နေလိုက်၏။ ဒုတ်ကနဲတစ်ချက်ခုန်ပြီးသည်နှင့် ခုန်ခြင်းကိစ်္စ တစ်ခါ ပြီးသွားသည်ကို လိုက်သိပေးနေရ၏။ များများမမှတ်ရပါ။ လေး ငါး ဆယ်ခါလောက် မှတ်အပြီးမှာ ကျွန်မစိတ် တည်ငြိမ်သွားခဲ့ပြီ။ နောက်ကြည့်မှန်မှ မြင်နေရသည့် ပါကင်အုတ်ခုံကိုချိန်ပြီး ညာနံဘေးမှ ကားကြီးအကွာအဝေး ညှိကာ ဆုတ်လိုက်၏။
          “ ဖြေးဖြေး..ဖြေးဖြေး..” ဟု အော်သံကြားရသည်။ ဘယ်သူတွေအော်မှန်းမသိ။ ခင်ပွန်းသည်လား၊ စစ်ဆေးရေးမှုးလား၊ ရပ်ကြည့်နေသူတွေလား။
         “ ရှေ့ပြန်ထွက်၊ နောက်တစ်ကြိမ် ထပ်ထိုးမယ်..” ဆိုသည့် စစ်ဆေးရေးမှုးအော်သံကြောင့် ဒီတစ်ချီတော့ဖြင့် သွားပြီဟုသိလိုက်ရပြီ။
“ ဒီတစ်ခေါက် ငါရအောင်လုပ်မယ်” လို့ ကျွန်မ ကိုယ့်ဖာသာအားတင်းလိုက်သည်။ ဖြေးဖြေးပဲဆုတ်ပြီး သေချာချိန်ဖို့ ဆုံးဖြတ်လိုက်၏။
         အုတ်ခုံအစပ်ကိုဆုတ်လာပြီး ခဏရပ်လိုက်ပြီးမှ လက်ကိုင်ကို ပြန်ဖြောင့်လိုက်သည်။ ဒါ သူသင်ထားတဲ့အတိုင်းပဲပေါ့။ အုတ်ခုံပေါ် ဖြေးဖြေးဆုတ်သွားရင်း အလယ်ကျမကျ စူးစမ်းလိုက်တော့ ခင်ပွန်းသည်က ရှေ့မှ ညာဘက်နည်းနည်းယူရန် လက်ပြနေသည်ကိုမြင်ရ၏။
         “ အိုကေ ရပြီ။ ကားပြန်ထွက်တော့..”
          ခင်ပွန်းသည်၏ လက်အပြကောင်းလို့ပဲလား။ ကျွန်မပဲ အချိန်အဆမှန်လို့လား။ နှစ်ခုစလုံးများလား။ ကျွန်မကိုယ်ကျွန်မလည်း မသေချာပါ။ ဘာပဲဖြစ်ဖြစ် ကျွန်မ အောင်မြင်ခဲ့လေပြီ။
xxxxxx
         “ ဟေ့ စာမေးပွဲကျဖူးသွားပြီကွ”
          ရေးဖြေတစ်ခါကျဖူးခြင်းသည် ကျွန်မဘ၀၏ ပထမဆုံးစာမေးပွဲကျခြင်းမို့ ကျွန်မအတွက် ဆန်းနေ၏။
         “ မေမေက စာမှမကျက်ဘဲ ကျမှာပေါ့။ နည်းတောင်နည်းသေး...”
         သူစာကျက်ဖို့ကိုသာ တဖွဖွပြောတတ်သော အမေကို သမီးငယ်က ဘယ်ကတည်းက နှိပ်ကွပ်ချင်နေမှန်းမသိ။
         “ အမလေး ဒုတိယအကြိမ်မှာလည်း ကယ်တင်ရှင်ပေါ်လို့ သမီးရေ။ နို့မို့ သမီးအမေ အောင်ဦးမှာမဟုတ်ဘူး။”
         “ အံမယ် အဖြေမှန်ကို သိပါတယ်နော်။ ဇဝေဇ၀ါဖြစ်နေလို့ပါ။”
         စာမေးပွဲများမှာ သူများပယောဂမပါဘဲ ကိုယ့်အရည်အချင်း အစစ်အမှန်သာ ဖြစ်လိုသောကျွန်မက ဒီတစ်ချီတော့ဖြင့် ရုံးစာရေးလေး ထောက်ပြသော အမှားပြင်ဆင်ပေးမှုဖြင့် အောင်ခဲ့ခြင်းလေ။ သူပြင်ပေးသောအမှားကို မာနကြီးပြီး ဒီအတိုင်းပစ်မထားနိုင်ခဲ့ပါ။ ချက်ချင်းပင် ပြင်ဆင်ရေးသား၍ နောက်ထပ် ဇဝေဇ၀ါဖြစ်နေသော တစ်ပုဒ်ကိုပါ မှန်ရဲ့လားဟု စစ်ခိုင်းလိုက်ရသေး၏။ အခွင့်အရေးကို လုပ်မယူချင်သော ကျွန်မသည် အခွင့်အရေးတစ်ခု လက်ထဲလာထည့်ပေးခြင်းကိုတော့ မငြင်းနိုင်ခဲ့ပါလား။ ငယ်ငယ်တုန်းကလောက် ကျွန်မသတ်္တိမကောင်းတော့ပါ။
         “ ဒါဖြင့် လက်တွေ့မောင်းပြရတော့ မေမေကိုယ်တိုင် အောင်အောင်လုပ်နိုင်ခဲ့တယ်ပေါ့..”
         “ ဟဲ့ မောင်းတာလောက်က ဘာခက်သလဲ။ လမ်းပေါ်မောင်းနေတာပဲ ကြာလှပေါ့။ နောက်ဆုတ်ပြီး ပါကင်ထိုးတာကမှ...”
          “ ဒါလည်း လက်ပူတိုက်လိုက်ရတာပါကွာ..”
         ကျွန်မ အော်ရယ်လိုက်မိတော့၏။ မနက်က ခရစ်ယာန်သီလရှင်တစ်ယောက်တည်း ရေးဖြေအောင်ပြီး လက်တွေ့ဖြေရတော့ သူမ ပါကင်ထိုးနေတာကို ကျွန်မတို့အားလုံး မြင်ခဲ့ရသည်လေ။ သည်လိုဘက်ဆုတ်ပြီး ခပ်စောင်းစောင်း၊ ခပ်ကျဉ်းကျဉ်းပါကင်မှာ အလယ်တည့်တည့် ထိုးနိုင်မလားဆိုတာ ကျွန်မကိုယ်ကျွန်မ မသေချာ။ တကယ်တမ်း နယ်မြို့တွေမှာက ပါကင်ထိုးရတာ သိတ်ကျဉ်းကျဉ်းကျပ်ကျပ်မရှိဘူးလေ။ ရန်ကုန်မှာဆိုလျှင်တော့ လိုအပ်လိမ့်မည်။
         ရေးဖြေစာမေးပွဲအောင်သူတွေကို နေ့လည်တစ်ခေါက် လက်တွေ့ဖြေဖို့ ထပ်ချိန်းတော့ ပိုနေသည့်အချိန်မှာ ကျွန်မခင်ပွန်းက ခပ်ကျယ်ကျယ်ဝပ်ရှော့တစ်ခုထဲမှာ တုံးနှစ်ဖက်တားပြီး နောက်ဆုတ်ပါကင်ထိုးနိုင်ဖို့ ကျင့်စေခဲ့၏။ ဆယ်ကြိမ်၊ ဆယ့်ငါးကြိမ်ထက်မနည်း။ ကျွန်မက မကျင့်ချင်ပါ။ သူက ဇွတ်ကျင့်ခိုင်း၏။  တကယ်ဖြေတော့လည်း ကျွန်မနှင့် ကောင်လေးနှစ်ယောက်သာ အောင်ခဲ့သည်။ ကိုယ်ပိုင်ကားပါလာသော ကောင်လေးက နောက်ဆုတ်ပါကင်ထိုးမှာ မအောင်ရုံမက စစ်ဆေးရေးမှုးကိုပင် တိုက်မိမလိုဖြစ်၍ စစ်ဆေးရေးမှုး ထွက်ပြေးနေရသေး၏။     အားလုံးရယ်ပွဲကျနေတော့ ကျွန်မမှာ မရယ်နိုင်။ ကိုယ်ချင်းစာကာ သနားနေမိသည်။ သူမှ ကျွန်မလို ကျင့်မလာတာ။
         ကျွန်မကတော့ သည်တစ်ချီ ယောကျာ်းလေးအများစုထဲတွင် အမျိုးသမီးတစ်ယောက်တည်းဖြစ်သူ ကျွန်မက အောင်ပွဲဆင်နိုင်လာသော်လည်း ဂုဏ်မယူနိုင်ခဲ့ပါ။  ကျွန်မကိုယ်ကျွန်မ ၀ံ့စားစွာကြည့်ရဲဖို့ ကျွန်မလိပ်ပြာက မလုံလဲခဲ့ပါချေ။
xxxxxx



ဝေ(စီးပွားရေးတက္ကသိုလ်)
January , 2012...ပိတောက်ပွင့်သစ်မဂ္ဂဇင်း