ဆေးရောင်ပြယ်မှာစိုးသော ပန်းချီကား

  
     
      မေမေ့နှလုံးသားထဲက အလှဆုံးပန်းချီကားလေးတစ်ချပ်ဟာ အမေ့ရဲ့သမီးလေး ရေးဆွဲခဲ့တာပါကလေးရယ်။
အဲဒီပန်းချီကားလေးဟာ ဆယ့်နှစ်လရာသီလုံးလုံး စိမ်းစိုလန်းဆတ်နေခဲ့တယ်။ သက်ဝင်တောက်ပနေခဲ့တယ်။ သင်းပျံ့မွှေးကြိုင်နေခဲ့တယ်။ ပန်းချီကားလေးဟာ မေမေ့ရဲ့အသက်ပါပဲ။
        အချိန်တိုင်း တစိမ့်စိမ့် တမြတ်တနိုး ကြည့်နေမိတဲ့ ပန်းချီကားလေးဟာ အချိန်တွေ ကုန်လွန်လာတာနဲ့အမျှ တလက်လက်စိုပြေစေရမယ်။ တစစ ရုပ်လုံးကြွလာမယ်။ တလှိုင်လှိုင် မွှေးရနံ့သင်းကြိုင်စေချင်တယ်။ မေမေ့ရင်ထဲက မေတ္တာတွေပေါ့ ကလေးရယ်။
        အဲဒီပန်းချီကားလေးကို ဖျက်ဆီးချင်သူတွေ၊ ခိုးဝှက်ယူငင်ချင်သူတွေ၊ အရောင်စွန်းထင်းစေမယ့် သူတွေကို မေမေကတော့ ရှိသမျှ ခွန်အားတွေနဲ့ ကာကွယ်ဖယ်ရှားဖို့ အဆင်သင့်ပါပဲ။ မေမေ့နှလုံးသွေးတွေ လည်ပတ်စီးဆင်းနေသမျှပေါ့။
        ဒါပေမယ့် မေမေမြတ်နိုးတဲ့ပန်းချီကားလေး သဘာဝဘေးအန္တရာယ်တွေကြောင့် အရောင်လွင့်ပြယ်သွားမှာကိုတော့ မေမေ စိုးကြောက်မိပါရဲ့သမီးရေ...။
                                                                   xxxxxx
     သမီးလေးရဲ့လက်ဖျံမှာ အပ်တွေထိုးစိုက်လိုက်တော့ မေမေ့နှလုံးသားမှာ နင့်ကနဲ နာကျဉ်သွားရတယ်။
     “ မေမေရေ.. သမီးကို ကယ်ပါဦး...” ဆိုတဲ့ သမီးရဲ့အသံဟာ မေမေ့ရင်ကို မြှားအစင်းပေါင်းများစွာနဲ့ ထိုးခွဲနေပြီ။
     “ သမီးလေး နေကောင်းဖို့ပါ သမီးရယ်.. မနာပါဘူး... ခဏပါ...” လို့ မေမေက ရင်နာနာနဲ့ ချော့မော့ဖြေသိမ့်ပေမယ့် အနာသိတ်ကြောက်တတ်တဲ့ သမီးက မျက်လုံးလေး ကလယ်ကလယ်ဖြစ်နေအောင် မျက်နှာလေးဖြူလျော်လာတဲ့အထိ် ထိတ်လန့်တကြား အော်နေရှာတယ်။ သူသိတ်အားကိုးတဲ့ သူ့မေမေက သူ့ကိုကာကွယ်ပေးမယ်လို့ ယုံကြည်မှုအပြည့်နဲ့။
      ချွေးတွေ...။ သမီးလေးတစ်ကိုယ်လုံး ဇောချွေးတွေနစ်နေတာ...။ မေမေ့ရင်မှာ မချိတော့ပါဘူး သမီးရယ်...
      “ အား.... မောတယ်... မောတယ်... မေမေ...”
       သမီးလေးလေသံ တိုးဖျော့ဖျော့က တဖြေးဖြေးတိမ်ဝင်သွားတော့ မေမေ့ရင်မှာ မီးတောင်ပေါက်ကွဲသလို ဆူညံနေပါပေါ့ကလေးရေ..။
ဘုရား... ဘုရား.. သမီးလေးနှုတ်ခမ်းတွေ ပြာလာသလို မေမေ့မျက်လုံးတွေေ၀၀ါးနေတာများ ဘာမှမမြင်တော့သလိုပဲ။
လူတစ်ကိုယ်လုံး လေထဲမှ လွင့်ဝဲပြီး နားရွက်နှစ်ဖက်က ဦးခေါင်းကိုဆွဲမထားသလား ထင်ရလောက်အောင် ထူပူရှိန်းဖိန်းနေတယ်။
       သွားပြီလား... ချစ်စရာကောင်းလှတဲ့ အမေ့သမီးလေး အမေ့ကိုခွဲသွားတော့မှာလား။ သမီးလေးကို မေမေ ပစ်လိုက်ရတော့မှာလား။
     အေးစက်နေတဲ့ သမီးခြေဖျားလက်ဖျားလေးတွေကို ကယောင်ကတမ်းနဲ့ ဆုပ်ခြေပွတ်သပ်ရင်း တဒင်္ဂတော့ မေမေရူးသွားပြီ သမီးရေ...။
     “ ဆရာမ.. ဆရာမ... ဆရာဝန်ကြီးကို အမြန်သွားခေါ်ပေးပါ။ သမီးကို အမြန်ကယ်ပါ။ ကလေးက ရှော့ခ်ရနေပြီ...”
      အမေ့အသံတွေ ကုန်သွားပါစေတော့။ မေမေကြုံးအော်ပစ်လိုက်တယ်။
      သူနာပြုဆရာမတွေရော.. ဆရာဝန်တွေရော.. ပျားပန်းခပ်ပြေးလွှားနေတာ မြင်နေရရင်းနဲ့ စည်းတွေ၊ အားနာမှုတွေ မေမေ ဘာမှမမြင်တော့အောင် ရူးသွပ်သွားခဲ့တယ်။
      မေမေ့လက်တွေကတော့ အေးစက်တုန်ယင်နေတဲ့ သမီးကိုပွေ့ပြီး နွေးလာအောင် ပွတ်သပ်ပေးနေတုန်းပဲ။
     အောက်စီဂျင်ဘူးတွေ၊ ဆေးထိုးပိုက်တွေ၊ ပရက်ရှာကပ်တွေ....
     “ သမီးလေး... သမီးလေး... သတိထားပါဦး သမီးရယ်..”
     “ ကြားရဲ့လား... မေမေ့အသံ ကြားရဲ့လား...”
      ဖြူဖျော့နေတဲ့ သမီးမျက်နှာလေးကို ပွတ်သပ်ရင်း အငမ်းမရ တရစပ်ရွတ်ဆိုနေတဲ့ မေမေ့အသံဟာ သမီးလေး ခွဲခွာသွားတော့မလို လုပ်နေတဲ့ ရင်ခွင်ထဲကို ပြန်ဆွဲငင်လိုက်သလိုများ ဖြစ်သွားတယ်ဆိုရင်တော့ မေမေ့အာခေါင်တွေ ကွဲအက်ပြီး သွေးစက်စက်ကျတဲ့အထိ် မနားတမ်းအော်ပါရစေ။
     “ အင်း...”
      ဖျော့တော့တော့ တိုးယဲ့ယဲ့ အသံလေးပေမယ့် အမေ့အတွက်တော့ အောင်စည်ဟိန်းသလို ဒိန်းကနဲမြောက်တက် ၀မ်းသာရပါတယ် ကလေးရေ...
      ညိုပြာနေတဲ့ နှုတ်ခမ်းလေးတွေ ပန်းသွေးရောင်ပြန်သမ်းလာတော့မှ ဗျာဆိုက်ပူပန်နေတဲ့ စိတ်တွေက မျက်ရည်တာကျိုးသလို...
      “ အို... သမီးလေး... သမီးလေး... မေမေ့သမီးလေး....”
                                                                 xxxxxxxx
      ဆေးရုံကဆင်းလို့ အိမ်ပြန်ရောက်တယ်ဆိုရင်ပဲ အ၀တ်ဘီရိုမှာ ကပ်ထားတဲ့ ပန်းချီကားလေးကိုမြင်ရတော့ ၀မ်းနည်းစိတ်တွေ တလိပ်လိပ်တက်လာပြန်တယ်။ တော်ပါသေးရဲ့။ ဒါလေးမြင်တိုင်း ကြေကွဲရတော့မလို့...။
      အဲဒါ ဆေးရုံမတက်ခင်မနက်ကမှ နေမကောင်းရင်းတန်းလန်း သမီးဆွဲခဲ့တဲ့ ပန်းချီလေးပေါ့။ အိပ်ရာထဲမှာ သုံးလေးရက် ဖျားနေရတော့ ပျင်းနေတဲ့သမီးလေးက ခေါင်းမူးနည်းနည်း သက်သာတုန်းမှာ ထဆွဲထားတာ...။
     ပုံလေးရဲ့အောက်ခြေမှာ “ ဖေဖေနဲ့မေမေ့အတွက်...” လို့ရေးပြီး သမီးနာမည်လေး ဆိုင်းထိုးထားသေးတယ်။ အရောင်ခြယ်ပြီးတော့ အိပ်ရာဘေးကဘီရိုမှာ ကပ်ခိုင်းထားတာလေ။
      မေမေက ပန်းချီကားလေးကို တယုတယပွတ်သပ်ရင်း သမီးကိုဖက်ပြီး တရွရွနမ်းတော့... မေမေ့မျက်ရည်တွေ သမီးလေးပါးပြင်ကိုပါ စိုလူးကုန်တော့တယ်။ လက်ထဲကလွတ်ကျမလိုဖြစ်သွားကာမှ တန်ဖိုးပိုကြီးလာပြီး လက်မလွှတ်တမ်း တင်းတင်းဆုပ်ကိုင်မိသူလိုပဲ။
နောက်ဆို.... မေမေ့ပန်းချီကားလေးကို မေမေအရင်ကထက် အရိပ်တကြည့်ကြည့်နေမိတော့မှာ သေချာတယ်။
     သမီးလေးရဲ့ မျက်တောင်လေးတွေ ခတ်တာကအစ၊ အသက်ရှူသံအလယ်၊ ခြေဖျားလက်ဖျားတွေ ပူတာအေးတာအဆုံး.....
မေမေ သတိတစ်ချက် မလွတ်ရဲတော့ဘူးကွယ်။ အမေ့ကမ္ဘာက သမီးလေးပျောက်သွားမှာ မေမေ အရမ်းကြောက်နေပြီ သမီးရယ်...။
      သမီးလေးဟာ မေမေ့ဘ၀အတွက် အလှဆုံးပန်းချီကား တစ်ချပ်မို့ပေါ့ ကလေးရယ်....
                                                                    xxxxxxxxxx


ဝေ(စီးပွားရေးတက္ကသိုလ်)
* သမီးလေး သွေးလွန်တုပ်ကွေးနဲ့ ရှော့ခ်ရပြီးတဲ့နောက်...
နှစ်အတော်ကြာမှ ဒီစာလေးကို ရေးဖြစ်ခဲ့ပေမယ့်... ရေးရင်းနဲ့လည်း မျက်ရည်ကျ...
ပြန်ဖတ်တိုင်းလည်း မျက်ရည်လည်....
သံယောဇဉ်အပူမီးဆိုတာ... ဘာနဲ့မှမတူအောင် အတော်ပြင်းတာပါလား..

3 comments:

  1. တန်ဘိုးဖြတ်လို့မရတဲ့ ပန်းချီကားလေးတစ်ချပ်မို့ ဆေးရောင်မပြယ်အောင် ကိုယ်စွမ်း ဉာဏ်စွမ်းရှိသလောက် ကာကွယ်ပေးရမှာပေါ့ဝေရေ။
    ဇောတကဇောမှာ သားသမီးဇောက အပြင်းထန်ဆုံးပေါ့ကွယ်။
    စိတ်ဓာတ်အစဉ်ကြည်လင်အေးမြပါစေနော်။

    မေတ္တာဖြင့်
    အန်တီတင့်

    ReplyDelete
  2. တန်ဘိုးဖြတ်လို့မရတဲ့ ပန်းချီကားလေးတစ်ချပ်မို့ ဆေးရောင်မပြယ်အောင် ကိုယ်စွမ်း ဉာဏ်စွမ်းရှိသလောက် ကာကွယ်ပေးရမှာပေါ့ဝေရေ။
    ဇောတကဇောမှာ သားသမီးဇောက အပြင်းထန်ဆုံးပေါ့ကွယ်။
    စိတ်ဓာတ်အစဉ်ကြည်လင်အေးမြပါစေနော်။

    မေတ္တာဖြင့်
    အန်တီတင့်

    ReplyDelete
  3. မိခင်တစ်ယောက်ရဲ့ သားသမီးအပေါ်ထားတဲ့ ဇောနဲ့ စိတ်ခံစားချက်ကို ကွက်ကွက်ကွင်းကွင်း မြင်လိုက်ရတယ်။ ပန်းချီကားချပ်လေး အမြဲလန်းဆန်းရွှင်လန်းနေဖို့ ဆုတောင်ပေးခဲ့ပါတယ်...

    ReplyDelete