လိပ်ပြာလန့်သူ

မလုံတဲ့အိုးက တုတ် မိုးမိုး မ မိုးမိုး
လေတိုးတိုင်း ထထခုန်တယ်။

အိုးမလုံတာကမှ အုံပွင့်ရုံပဲရှိတာ
စိတ်မလုံတာက ကမ္ဘာကြီးတစ်ခုလုံး လည်မျိုထဲတစ်နေသလို
တစစ်စစ်နာတဲ့ စိတ္တဇက ငါ့ကိုဝါးမြို
ကြယ်ပျိုညတွေ လမင်းအိုဆီ အလျားရှည်ဆန့်ထွက်။

ဟိုဘက်နားက လေသံတိုးတိုး
စကား သပ်ထိုးတယ်လို့ ထင်မိပြန်
စိတ်အကာ အဟကြားက စိမ့်ဝင်လာတဲ့သံသယ
စိန်မှုန်ကြဲကတ္တီပါတစ်စ ဆွဲလှန်ပစ်သလို
အိပ်မက်တွေ တစ်စစီ ဟိုဒီကျဲမှောက်
ကိုယ့်လိပ်ပြာ ကိုယ်ပြန်ကြောက်မိတာ ကျိန်စာဆိုးပါပဲ။

ခပ်ရိုးရိုး စုန်းပုံပြင်
ကြားသူတွေ ရယ်ချင်မှာ ရှက်မိပါရဲ့
ကိုယ့်စိတ်ကို ကိုယ်ပြုစား၊ ကိုယ့်အတွေး ကိုယ်ပြန်စုပ်
ကိုယ့်အတတ်နဲ့ ကိုယ်စူး၊ ကိုယ့်အရိပ်က ကိုယ့်ပြန်ခြောက်ပါပေါ့
စိတ်ထောင်ချောက်မှာ ထွက်ပေါက်မဲ့ရင်ဖြင့်
ကိုယ့်မေ့ဆေး ကိုယ်ပြန်သောက်ရတော့မယ်
လမ်းပျောက်တဲ့ သူ။

ဝေ