မီးပွိုင့်မှာ သတိချပ်
ရပ်၊ ကြည့်၊ သွား
ကားပေါင်းများစွာ...။
အနီရောင်...ပူလောင်
သရုပ်ဆောင် မီးတောက်
တို့လျှောက်မယ့် ခရီး
ဒုက္ခမီးနဲ့တွေ့ရင်
ရွေ့လျားစိတ်တွေ ခဏရပ်
ကိုယ့်ကိုကိုယ် အသိကပ်ဖို့။
အရောင်က အ၀ါ
တို့ “ဘာသာ“ အထိမ်းအမှတ်...
တရားမြတ်ရေအေး
တို့စိတ်တွေ သန့်အောင် “ ဆေး” ဖို့
အချိန်ပေးသုံးသပ်
တွယ်ကပ်နေတဲ့အပူတွေ
မြေကျသည်အထိ။
အစိမ်းရောင်...တောအုပ်
အေးချမ်းမှုနဲ့ နုပျို
စိမ်းစိုစို တို့ရဲ့လမ်းထဲ
မြရည်ဆမ်း လန်းဆန်းလာ
တို့ထွက်ခွာ
လိုရာခရီး။
ဘ၀လမ်းဆုံတိုင်းမှာ သတိချပ်
ရပ် ကြည့် သွား
မိုင်ပေါင်းများစွာ...။
သစ်ခက်အိမ်
( August, 2009...ပန်းအလင်္ကာမဂ္ဂဇင်း )
No comments:
Post a Comment