ကျွန်မအတွက် နှစ်သိမ့်ဆု



   ရွှေအမြုတေ စာပေဆုပေးပွဲကြီးက ပြီးခဲ့တာကြာပါပြီ။ ဒါပေမယ့် ကျွန်မရင်ထဲက ဆုပေးပွဲကတော့ မပြီးသေး။  မကြာခဏ ဆုပေးပွဲကြီးကို မြင်ယောင်သတိရနေမိဆဲပါ။

     သတိရလွန်းမက ရလာတော့ ညီအစ်မတွေလို ချစ်ခင်ရတဲ့ စာပေသူငယ်ချင်း ဆရာမအဖြူရောင်(ရွှေ)ကို ဖုန်းဆက်မိပါတယ်။

“ အမ အဲဒါပိုးဝင်သွားတာလေ။ ကျွန်မတို့တုန်းကလည်း ဒီလိုပဲ...” လို့ ရယ်မောသံနဲ့ သူကပြောတော့ ကျွန်မလည်း ရှက်ရှက်နဲ့   “ ဟုတ်တယ်နော်...” လို့ ထောက်ခံမိရတယ်။

     ပိုးမှ တော်တော်ဆိုးတဲ့ပိုးပါ။ နေ့တွေရက်တွေသာ ကုန်လွန်သွားပေမယ့် မနေ့တနေ့ကလို မြင်ယောင်ပြီး ကြည်နူးနေဆဲပါလေ။

  ကျွန်မတောင် ဒီလိုဖြစ်နေမှတော့ ဆုရတဲ့သူတွေဆို ဘယ်လိုများနေမလဲ။ သူတို့အပျော်ကို ၀င်တွေးကြည့်တော့ ကျွန်မရင်ထဲမှာလည်း လှိုင်းလေးတွေထသွားရတယ်။ ကျွန်မလည်း အဲဒီပွဲမှာ ဆုရခဲ့တယ်လေ။

“ နှစ်သိမ့်ဆု”...။

xxxxxxx

  အမှန်တော့ ဒီပွဲကို ဒီနှစ်မှ ပထမဦးဆုံးအကြိမ် ကျွန်မတက်ခွင့်ရခဲ့တာပါ။ မနှစ်ကတော့ ဆရာမအဖြူရောင်က လာခဲ့ဖို့ ဖုန်းဆက်ခေါ်ပါသေးတယ်။ ကျွန်မက “ ဆရာက ကျွန်မကိုမဖိတ်ဘူး..” လို့ အားငယ်စကား ဆိုမိတော့

“ ဆရာက ဘယ်သူဘယ်ဝါရယ်လို့ သပ်သပ်မဖိတ်ပေမယ့် အမလည်း ရွှေအသစ်ပဲ၊ လာလို့ရပါတယ်။ ကျွန်မတို့က ဖိတ်ပါတယ်။ လာပါလား...” လို့ ခေါ်ပေမယ့် ကျွန်မ မသွားဖြစ်ပါဘူး။

   ဒီနှစ်တော့ ဆရာနဲ့ဖုန်းပြောဖြစ်ရင်း ဆရာက ကျွန်မကိုဖိတ်ပါတယ်။ ကျွန်မက ဆုရသလောက်ကို ၀မ်းသာသွားတာပါ။ အလင်းတန်းဂျာနယ်မှာ ဆရာမခင်ပန်နှင်းရေးသလို ဒီပွဲမှာ စာရေးဆရာတွေနဲ့ ပျော်ပျော် ရွှင်ရွှင် ဆုံစည်းရမှာကိုက ဆုရသလိုပါ။

    ဒါပေမယ့် ကျွန်မကနယ်ကဆိုတော့ တစ်ယောက်တည်းမသွားရဲလို့ အမျိုးသားကို အဖော်ခေါ်ပါတယ်။ သူက ကဗျာဆရာဆိုပေမယ့် “ မင်းကိုဖိတ်တာ ကိုယ်ကကပ်လိုက်လို့ ကောင်းပါ့မလား...” လို့ အင်တင်တင်နဲ့ပါ။

      ကံကောင်းချင်တော့ ဆရာဦးဝင်းငြိမ်းက သူ့ဆီကိုလည်းဖုန်းဆက်ပြီး သပ်သပ်ဖိတ်ပါတယ်။

“ ဆရာလာနိုင်မလား...” လို့မေးတာကို သူကလည်း ကျွန်မကိုလိုက်ပို့ရမှာမို့ မဆိုင်းမတွ “ ဟုတ်ကဲ့ လာနိုင်ပါတယ်..” လို့ ဖြေလိုက်တာပေါ့။ နောက်မှသိရတာက သူ့ကို ကဗျာဆုရမယ့်သူမို့ ဆရာကဖိတ်တာကို သူကမတုန်မလှုပ် အံ့သြဟန်လည်းမပြလို့ ဆရာက ပြန်အံ့သြနေတာတဲ့။

    သူကတော့ ကျွန်မနဲ့ကပ်မလိုက်ရဘဲ သူလည်းဖိတ်စာတစ်စောင်နဲ့ အဖိတ်ခံရပြီဆိုပြီး ရိုးရိုးသားသား ၀မ်းသာနေတာပါ။ ကျွန်မကတော့ နည်းနည်းအံ့သြသွားတယ်။ သူနဲ့ကျွန်မကို စုံတွဲမှန်းလည်း ဆရာဦးဝင်းငြိမ်းနဲ့ ရွှေအမြုတေတစ်ရုံးလုံးက မသိကြပါဘူး။ သူ့ကဗျာပါဖူးတဲ့ မဂ္ဂဇင်းတစ်ချို့ကသာ ကျွန်မတို့နှစ်ယောက်ကို စုံတွဲမှန်းသိကြတာပါ။ သူက ကဗျာအပုဒ်ရေလည်း နည်းသေးတော့ ယုတ်စွအဆုံး ကျွန်မနဲ့အဆက်အသွယ်ရှိတဲ့ စာရေးဆရာ မင်းဝေဟင်တို့၊ အဖြူရောင်တို့၊ ချမ်းထက်ဟန်တို့တောင် သူ့ကို လူနဲ့ကလောင်နာမည်နဲ့ တွဲမသိကြပါဘူး။ ဒီတော့ ကျွန်မက ကဗျာဆရာသစ်ခက်အိမ်ကို ဆရာ ဘယ်လိုများ သိပါလိမ့်လို့ သိပ်မသင်္ကာချင်ဘူး။

    ဒါပေမယ့် ကြာကြာမတွေးအားပါဘူး။ ရွှေပွဲတက်ဖို့ ရင်တခုန်ခုန်နဲ့ ပြင်ဆင်ရတာပေါ့။ အဖြူရောင့်ကို ဖုန်းဆက်ချိန်း၊ ဘယ်နေ့ရောက်မယ်၊ ဘယ်အချိန်ဆုံမယ်နဲ့၊ တစ်ခါမှမတွေ့ဖူးသေးတဲ့ ကျွန်မလေးစား
အားကျတဲ့ စာရေးဆရာတွေအများကြီးကို တစ်စုတစ်ဝေးတည်း တွေ့ရတော့မှာမို့ ကျွန်မ ရင်ခုန်နေတာပါ။

xxxxxxx

  ရွှေအမြုတေတိုက်ကို ဖိတ်စာသွားယူခါမှ ဆရာဦးဝင်းငြိမ်းနဲ့ ဆရာဦးမျိုးမြင့်ညိမ်းတို့က ကျွန်မနဲ့ကဗျာဆရာကို စုံတွဲမှန်းသိသွားပြီး တအံ့တသြရယ်ပါတယ်။ ရယ်စရာကလည်း ဖြစ်သွားတာကိုး။ သူနဲ့ကျွန်မ တစ်ယောက်ချင်း ကိုယ့်ကိုယ်ကိုမိတ်ဆက်ပြီးတဲ့အထိ ဆရာတို့ရော၊ အဲဒီမှာရောက်နေတဲ့ ဆရာညီမင်းညိုနဲ့ ဆရာညီငယ်လေးကရော တစ်ယောက်စီ သပ်သပ်လာတယ်ပဲ ထင်နေကြတာလေ။

    ဆရာကလည်း တစ်ယောက်စီကို စကားတစ်လှည့်စီ ပြောနေတာပါ။ နောက်တော့မှ ဘယ်မှာတည်းတာလဲ လို့ တစ်လှည့်စီမေးလိုက်ကာမှ ကျွန်မလည်း ကဗျာဆရာကို ကျွန်မအမျိုးသားပါလို့ မိတ်ဆက်ပေးလိုက် ရတော့တယ်။

     အပျိုကြီးဟန် ဆောင်လို့မှ မရတော့တာကိုး။

xxxxxxx

    ဘာပွဲမှတက်လေ့မရှိဘဲ ပွဲကြောက်တဲ့ ကျွန်မက ဆုပေးပွဲကျင်းပတဲ့ ခမ်းမရှေ့ကို ရင်တဖိုဖိုနဲ့ ရောက် လာတော့ ရောက်ရောက်ချင်း ဆရာမင်းဝေဟင်၊ ဆရာမချောအိမာန်(မန္တလေး)၊ ဆရာထွန်းတောက်ထွဋ် တို့ကို အမှတ်တရဓါတ်ပုံရိုက်နေတာ တွေ့တာမို့ ၀မ်းသာအားရ နှုတ်ဆက်ကြပါတယ်။ ဆရာဆရာမ သုံးယောက်ရဲ့ ဖော်ရွေတဲ့အပြုံးတွေက ခန်းမထဲဝင်ဖို့ အားငယ်သလိုလိုဖြစ်နေတဲ့ ကျွန်မကို သက်သာရာ ရစေတယ်လေ။ ဧည့်ကြိုတဲ့နေရာက ညီမလေးတွေကလည်း ပြုံးရွှင်ချိုမြနေတာမို့ ရင်အေးစရာပါ။

  ဆရာလင်းနိုင်ဦးက ခန်းမထဲကို ဦးဆောင်ခေါ်သွားရင်း “ ကြိုက်တဲ့နေရာသာ ၀င်ထိုင်ပါ...” လို့ ပြောသွားချိန်မှာ ခန်းမထဲကိုကြည့်လိုက်တော့ နေရာလွတ်တော်တော်များများ ရှိပါသေးတယ်။

  မဟေသီမဂ္ဂဇင်းတိုက်မှာ ဆုံဖူးထားတဲ့ ဆရာလင်းထင်နဲ့အရင်ဆုံးတွေ့တော့ ဆရာက ကျွန်မ စာပေလောကနဲ့စိမ်းတာကို သိနေတာမို့ မိတ်ဆက်ပေးဦးမယ်ဆိုပြီး ဆရာတင့်ခိုင်၊ ဆရာမင်းချမ်းမွန်၊ ဆရာနတ်မှုး စတဲ့ ဆရာကြီးတော်တော်များများနဲ့ မိတ်ဆက်ပေးပါတယ်။

   တဖြေးဖြေးနဲ့ ခန်းမထဲလူပြည့်လာတော့ ကျွန်မလည်း တောင်ကြည့်မြောက်ကြည့်နဲ့ အနားမှာတွေ့ရတဲ့ ဆရာမတွေကို နှုတ်ဆက်ချင်လိုက်တာလေ။ ဒါပေမယ့် ကျွန်မကို သိပါ့မလားလို့ အားငယ်ပြန်ရော။

     ခပ်စောစောလာမယ်လို့ ချိန်းထားတဲ့ ဆရာမအဖြူရောင်ကလည်း လူတော်တော်စုံမှ ရောက်လာပါတယ်။
အကြောင်းမသိတဲ့ ကျွန်မက ရှေ့တော်တော်ကျတဲ့ခုံမှာ ထိုင်နေမိတာမို့ အဖြူရောင်တို့ စာရေးဆရာအဖွဲ့တွေ ထိုင်တဲ့ဝိုင်းနဲ့ကလည်း အဝေးကြီးပါ။

  ဒီတော့ အနီးအနားက၀ိုင်းတွေကို ဝေ့၀ဲကြည့်ပြီး ကိုယ့်အားကိုယ်ကိုးပြီး နှုတ်ဆက်မယ်လို့ အားတင်းရပါတယ်။ ဖြစ်ချင်တော့ ကျွန်မကလည်း မျက်စေ့ခပ်မွဲမွဲ၊ ခမ်းမထဲမှာလည်း မီးကမှိန်ဖျော့ဖျော့လေး ထွန်းထားတော့ မသဲကွဲပါဘူး။ အမျိုးသားကို “ ကြည့်ပေးပါဟယ်။ ဆရာ၊ ဆရာမတွေ တွေ့ရင်ပြောပြစမ်းပါ..” လို့ အားကိုးပေမယ့် သူက စာရေးဆရာ၊ ဆရာမတွေကို နာမည်နဲ့လူနဲ့ ကျွန်မလောက် တွဲမသိပါဘူး။

     ကျွန်မကတော့ မဂ္ဂဇင်းတွေထဲမှာ စာရေးဆရာ၊ ဆရာမဓါတ်ပုံပါလာရင် အငမ်းမရကြည့်ထားတာကိုး။

  ပထမဦးဆုံး ကျွန်မတို့ဝိုင်းနဲ့ကပ်ရက် ဘေးနားက၀ိုင်းမှာ ၀င်ထိုင်တဲ့ ဆရာမခင်ခင်ထူး၊ ဆရာမ၀င်းဝင်းမြင့်(နန်းတော်ရှေ့) တို့ကို သွားနှုတ်ဆက်ပါတယ်။ နောက်ပြီး စာပေဟောပြောပွဲသွားရင်း
ပြည်ကိုဝင်လာဖူးတဲ့ ဆရာမမိချမ်းဝေကို တစ်ခုံကျော်မှာတွေ့လို့ သွားနှုတ်ဆက်တော့ ဆရာမနဲ့ တစ်ဝိုင်းတည်းထိုင်နေတဲ့ ဆရာမတွေတော်တော်များများကို တွေ့ရပေမယ့် အချင်းချင်းနှုတ်ဆက် စကားပြောနေကြတာမို့ မနှောင့်ယှက်ချင်တာက တစ်ကြောင်း၊ ခမ်းမထဲမှာလူပြည့်လာပြီး အခမ်းအနားစချိန်နီးလာတာက တစ်ကြောင်းမို့ ကိုယ့်နေရာမှာကိုယ် ခပ်ကုပ်ကုပ်ထိုင်လိုက်ချိန်မှာပဲ အခမ်းအနားစပါတော့တယ်။

xxxxxxxx

   မီးတွေဝင်းကနဲ လက်ပြီး ကင်မရာတွေတဖျပ်ဖျပ် ကျွန်မရှေ့မှာဝိုင်းလာကြတော့ ရင်တွေတော်တော် ခုန်သွားပါတယ်။

  ကျွန်မဆုရတာ မဟုတ်ပါဘူး။ ကျွန်မခင်ပွန်းကို ကဗျာဆုရကြောင်း ကြေညာခံလိုက်ရတာပါ။ သူ့ကို နှုတ်ဆက်ကြတဲ့ ဆရာ၊ဆရာမတွေကို ကျွန်မကလည်း ရောယောင်ပြီး နှုတ်ဆက်မိပါတယ်။ ဆရာမ မသီတာ(စမ်းချောင်း)က ကဗျာဆရာကိုနှုတ်ဆက်ရင်း “ ဝေနဲ့တစ်ခါမှ လူချင်းမဆုံဖူးသေးဘူး...” လို့ ပြောတော့ ကျွန်မလည်း တွေ့ရတာဝမ်းသာလွန်းလို့ ထပြီးလက်ဆွဲနှုတ်ဆက်မိပါတယ်။ ကျွန်မပဲ ဆုရသလိုလိုနဲ့။

  ကဗျာဆရာကို ခုမှတွေ့ဖူးကြပေမယ့် မုဒိတာပွားပြီး လာနှုတ်ဆက်ကြတာ တကယ့်ကို လေးစားကြည်နူးစရာပါ။ ဆရာဦးတင့်ခိုင်က ဆုကြေညာခါနီးအချိန်မှာ ကဗျာဆရာ့ခုံနောက်ကို အရင်ဆုံးရောက်လာတာပါ။ ကျွန်မက အံ့သြပြီးမော့အကြည့်နဲ့ ဆုကြေညာတာနဲ့ တစ်ထပ်တည်းပါ။

   ဆရာဦးဝင်းးငြိမ်းနဲ့ ဆရာဦးထက်မြက်တို့ လာနှုတ်ဆက်တော့ ဆရာထက်မြက်က “ သူ့ဖုန်းနံပါတ်ကို ဆရာမောင်စိမ်းနီဆီက တစ်ဖက်လှည့်နဲ့ တောင်းထားရတာ..” လို့ ရယ်ရယ်မောမော ပြောသွားပါတယ်။

    ရွှေအမြုတေဆုရွေးချယ်ရေး အဖွဲ့ဟာ အင်မတန်တိကျပြီး သိုဝှက်လှတဲ့ဆရာတွေပါပဲ။

   ဆရာမင်းဝေဟင်နဲ့ ဆရာချမ်းထက်ဟန်ကလည်း “ အစ်ကိုမှန်း ကျွန်တော်တို့မသိဘူး..” ဆိုပြီး အံ့သြ၀မ်းသာ လာနှုတ်ဆက်ကြပါတယ်။ ဆရာညီငယ်လေးကတော့ ကြိုရိပ်မိဟန်နဲ့ ပြုံးပြုံးကြီးပေါ့။ သူက ဆုစုံစမ်းထောက်လှမ်းရေးမှုးအဖြစ် သူ့ကိုယ်သူခန့်ထားတာကိုး။

   ဆရာမအဖြူရောင်ကလည်း “ ကျွန်မမပြောဘူးလား..” တဲ့။ သူက ပွဲစခါနီးတုန်းက “ဆုရရင် ဘယ်လိုလုပ်မလဲ..”ဆိုပြီး ကဗျာဆရာကို စသွားတာကိုး။ ဆရာကာတွန်းမြင့်သိန်းနဲ့ ဆရာမ တူးတူးမြင့်သိန်းကလည်း ကဗျာဆရာလို့စမိတ်ဆက်တုန်းက “ ဆုများရနေမလား မသိဘူးနော်..” လို့ ဟောကိန်းထုတ်ထားတာမို့ “ ကဲ အန်တီပြောတာ မမှန်ဘူးလား..” နဲ့ ၀မ်းသာနေရှာပါတယ်။

   နောက်ပိုင်း ဆုတွေတစ်ဆုပြီးတစ်ဆု ကြေညာပြီးချီးမြှင့်ပေးတိုင်း ကျွန်မလည်း ဆုရသူတွေနဲ့ထပ်တူ ရင်ခုန် ပျော်ရွှင်ခဲ့ရပါတယ်။ ဂုဏ်ယူစရာဆုကို ထိုက်ထိုက်တန်တန်ရသွားကြတာ မုဒိတာပွားစရာပါပဲ။

  ဆရာရဲသျှမ်းဆုရလို့ သွားနှုတ်ဆက်ပြီးပြန်လာတဲ့ ကျွန်မကို ကျွန်မထိုင်တဲ့ဝိုင်းနားမရောက်ခင်မှာ တစ်စုံတစ်ယောက်က လက်လှမ်းဆွဲတာမို့ မီးရောင်မှိန်မှိန်ထဲမှာ သေချာအားစိုက်ကြည့်လိုက်မှ ဆရာမ အမရာ(ဆေး-၁) ဖြစ်နေပါတယ်။ ကျွန်မလေ ၀မ်းသာလိုက်တာ မပြောပါနဲ့တော့။ ကျွန်မထိုင်ခုံနောက်က ၀ိုင်းမို့ ကျွန်မကမမြင်ဘဲ နှုတ်မဆက်ဖြစ်ပေမယ့် ကျွန်မကို နွေးနွေးထွေးထွေး နှုတ်ဆက်လာတဲ့ မာနကင်းတဲ့ ဆရာမကို လေးစားမိပါတယ်။ “ ဝေ့စာတွေဖတ်ရကြောင်း၊ အားပေးနေကြောင်း...” ပြောတော့ တစ်ဝိုင်းလုံးကလည်း နွေးထွေးတဲ့အပြုံးလေးတွေနဲ့ ကြည့်နေတာမို့ ကျွန်မကြည်နူးလိုက်တာလေ။

    ဆရာမကြီးဒေါ်ကလျာနဲ့ ဆရာမမစန္ဒာကိုလည်း ဆရာမအမရာဘေးမှာတွေ့လို့ နှုတ်ဆက်ခဲ့ပါသေးတယ်။

   ဒါပေမယ့် နောက်မှပြန်စဉ်းစားမိတော့ မီးခပ်မှိန်မှိန်မို့ ဟိုတစ်ဖက်ခြမ်းမှာ ထိုင်နေတဲ့သူတွေကို ကျွန်မ သဲသဲကွဲကွဲမမြင်တာ။ ကံစမ်းမဲပေါက်လို့ ထလာမှ ဆရာမနှင်းဝေငြိမ်းကိုလည်း အဲဒီဝိုင်းကမှန်း တွေ့ရတယ်။

    မမြင်လို့ နှုတ်မဆက်မိတဲ့ တခြားဆရာမတွေလည်း ရှိဦးမှာပဲလို့ စိတ်မကောင်းဖြစ်မိပေမယ့် နွေးထွေးပြီး သဘောထားပြည့်ဝတဲ့ စာရေးဆရာ၊ ဆရာမတွေရဲ့ နှလုံးသားကိုတော့ လေးစားပြီးသားမို့ ကျွန်မကို နားလည်ကြမှာပါလို့ ယုံကြည်မိတယ်လေ။

xxxxxxxx

   နောက်တစ်နေ့မနက် စီးတီးစတားက မနက်စာဝိုင်းလေးမှာ ဆရာဦးဝင်းငြိမ်းနဲ့ ဆရာ၊ဆရာမတစ်ချို့၊ ဆရာ့ရဲ့သားသမီးတပည့်တွေ ရင်းရင်းနှီးနှီးစကားဝိုင်းဖွဲ့ဖြစ်တော့ ဆရာက ကျွန်မကို နှစ်သိမ့်အားပေး စကား ပြောပါတယ်။

    တကယ်ပါ။ ကျွန်မလေ ဆုရသလောက်ကို ပျော်တာပါ။ ဆရာ့ရဲ့အားပေးနှစ်သိမ့်စကားက ကျွန်မအတွက် ဆုပါပဲ။

   ကျွန်မက ဘာဆုတစ်ခုမှ မရဖူးလို့ ဆရာ့ရဲ့ကျေးဇူးကို မဆပ်နိုင်တဲ့ အသုံးမကျတဲ့တပည့်ဆိုပြီး အမြဲ စိတ်အားငယ်ခဲ့မိတာပါ။ ဆရာ၊ ဆရာမတွေရဲ့ အသိအမှတ်ပြုမှုကို ရရင်ပဲ ကျွန်မအတွက်က ဆုပါ။

   အဲဒီကအပြန် ရွှေဆုရှင်ဆရာမင်းဝေဟင်ကျွေးတဲ့ ကြေးအိုးကိုစားဖို့ လှည်းတန်းကိုသွားကြတယ်။ ဆရာဦးဆွေ(ဒဿနိက)၊ ဆရာမအဖြူရောင်၊ ဆရာညီမင်းညို၊ ဆရာညီငယ်လေး၊ ဆရာချမ်းထက်ဟန်၊ ဆရာ ကျော်မောင်မောင်ဟန်၊ ဆရာထွန်းတောက်ထွဋ်၊ ဆရာသာကြည်ဆွေနဲ့ ကျွန်မတို့စုံတွဲ။

  စားရင်းသောက်ရင်း၊ စကားပြောရင်း၊ ခင်မင်ရင်းစွဲရှိပြီးသားလူတွေ ပိုရင်းနှီးလာပြီး တစ်ယောက်နဲ့တစ်ယောက် အားပေးကြ၊ စနောက်ကြ၊ ဝေဖန်ကြနဲ့ပေါ့။ ပြီးတော့ အဖြူရောင်တို့အိမ်မှာ တစ်ထောက်နား၊ အအေးသောက်၊ ကော်ဖီသောက်။ ကျွန်မတို့စုံတွဲကလည်း ကဗျာဆရာကဆုရထားသူမို့ တစ်ဝိုင်းလောက်ကျွေးချင်သေးကြောင်း အခွင့်တောင်းပေမယ့် အစီအစဉ်တွေပြည့်နေတာကြောင့် အချိန်မပေးနိုင်ကြတော့ပါဘူး။ အဲဒီကမှ လင်းလွန်းခင်စာပေက ဆရာဦးသိန်းလွင်ရဲ့ စာအုပ်မိတ်ဆက်ပွဲ နဲ့ ရေးသူဖတ်သူဆွေးနွေးပွဲကို အဖွဲ့လိုက်ချီတက်။

    ဆရာ၊ဆရာမတွေ ဆွေးနွေးကြတာကို နားထောင်ရင်း နွေးနွေးထွေးထွေး ပြောကြ၊ဆိုကြ၊ ငြင်းခုန်ကြရင်း အားလုံးဟာ တစ်သားတည်းဖြစ်သွားသလို ပေါင်းစည်းသွားတဲ့အားမာန်ကို ကျွန်မရင်ထဲမှာ ခံစားမိပြီး ပီတိတွေနဲ့ တသိမ့်သိမ့်ကြည်နူးရပါတယ်။

    တကယ်ပါ။ ဆုရတာမရတာက အဓိကမဟုတ်ပါဘူး။ ဒီလို စာပေပညာရှင် ဆရာ၊ဆရာမကြီးတွေရယ်၊ စာပေမောင်နှမတွေရယ်၊ အားလုံးနဲ့ နွေးနွေးထွေးထွေး တစ်စည်းတစ်လုံးတည်း တွေ့ဆုံရင်းနှီးခွင့်ရတာကိုက ကျွန်မအတွက် ဆုလာဘ်ကြီးတစ်ခုပါ။

    အိမ်အပြန်လမ်းမှာတော့ ကဗျာဆရာက ဆုတံဆိပ်ကြီးပိုက်ပြီး ပြုံးပြုံးပြုံးပြုံးနဲ့ပေါ့။

   ကျွန်မကလည်း ရင်ထဲမှာထွေးပိုက်လာတဲ့ နှစ်သိမ့်ဆုလေးကို တမြတ်တနိုးကျေနပ်ရင်း...၊ ကြည်နူးမဆုံးပါပဲ။

ဝေ(စီးပွားရေးတက္ကသိုလ်)

မှတ်ချက်။ ။ ဤစာစုလေးအား ရွှေအမြုတေဆုပေးပွဲအပြီး တစ်လလောက်တွင်ရေးခဲ့ပြီး အလင်းတန်းဂျာနယ်သို့ ပို့မည်ရည်ရွယ်ထားသော်လည်း မပို့ဖြစ်ခဲ့ပါ။ ခြောက်လကျော်ကြာကာမှ ဖိုင်ထဲတွင်ပြန်တွေ့သဖြင့် အမှတ်တရ အဖြစ် ဖော်ပြလိုက်ပါသည်။

12 comments:

  1. အားကျလိုက်တာ အမဆရာမရာ...
    အမရခဲ့တဲ့ နှစ်သိမ့်ဆုကလည်း အရမ်းတန်ဖိုးရှိတယ်နော်... အမအတွက် ဂုဏ်ယူပါတယ်... ဆရာသစ်ခက်အိမ်ဆိုတာလည်း ကြားသာကြားဖူးတာ... အခုမှပဲ မြင်ဖူးတော့တယ်... အမဆရာမနဲ့ လိုက်တယ်...:)
    ဆရာကလည်းချော..အမဆရာမကလည်းချော...:)))

    ချစ်ခင်လျက်

    ReplyDelete
  2. ခုတော့ သိသွားပြီ
    ဆရာသစ်ခက်အိမ်က မဝေချစ်ချစ်ဆိုတာကိုပေါ့
    နှစ်ယောက်လုံးက အနုပညာ မြတ်နိုးကြသူ၊ ဝါသနာပါကြသူတွေကိုး ကောင်းလိုက်တာ
    အားကျဖို့လည်းကောင်း ပျော်ဖို့လည်းကောင်းတယ်။
    ဆရာဆုရတဲ့အတွက် ဝမ်းသာပါတယ်နော်..
    အစ်မ မဝေလည်း ဒီထက်စာတွေ အများကြီးရေးနိုင်ပါစေလို့ ဆန္ဒပြုပါတယ်နော်။

    ReplyDelete
  3. ရေးထားတာ အသက်ဝင်တော့ အဲဒီပွဲကို ကိုယ်တိုင် လိုက်တက်လိုက်ရသလို ကြည်နူး ကျေနပ်သွားတယ်... လိုက်ဖက်ညီတဲ့ စုံတွဲပုံလေးကိုလည်း သဘောကျတယ်...

    ReplyDelete
  4. ဖတ်ရတာနဲ့တင်ပျော်စရာကြီး ရွှေကစာရေး သူတွေတော်တော်များများကို သိပါတယ် ။ ဆရာမလည်း စာပေနယ်မှာ ပျော်ရွှင်စွာ စာတွေအများကြီးရေးနိုင်ပါစေ။

    ReplyDelete
  5. ဆုပေးပွဲ ဓါတ်ပုံတွေပါမယ့် ရွှေကို မောအောင်စောင့်ခဲ့ရတယ်။ စာဖတ်ပြီး ရင်းနှီးနေရတဲ့ ရွှေအသစ်တော်တော်များများကို စိတ်ဝင်တစား ရှာကြည့်ခဲ့ရတယ်။ ဆရာနဲ့ ဆရာမတို့ အပါအ၀င် အခြား ဆုရ ဆရာ၊ ဆရာမများ အတွက်လည်း မုတိတာပွားခဲ့ရတာ..။ သူတို့အားလုံးရဲ့ တစ်မိနစ်အင်တာဗျူးကို ရှာဖတ်ခဲ့ရတာ... မှတ်မှတ်ရရပါပဲ။ (ဒါလည်း ကျွန်တော်အတွက် နှစ်သိမ့်ဆုပေါ့..း)

    ReplyDelete
  6. မမဝေရော ဆရာသစ်ခက်အိမ်ရော နေနဲ့လ၊ ရွှေနဲ့မြလို လိုက်ဖက်ညီလှတဲ့ ၀ါသနာတူ လင်မယားနှစ်ယောက်ဖြစ်တဲ့အပြင် အောင်မြင်တဲ့ မိသားစုဘ၀ကို ပိုင်ဆိုင်ထားလေတော့ အရမ်းကို အားကျမိရပါတယ်။ ရွှေအမြုတေစာပေဆုကို ဆရာသစ်ခက်အိမ်နည်းတူ မမဝေလည်း တစ်နေ့မှာ ဆွတ်ခူးခွင့် ရလိမ့်မယ်လို့ ယုံကြည်မိပါတယ်။ ဘာလို့လဲဆိုတော့ မမဝေရဲ့ စာတွေကို အခုလို လူချင်း ရင်းနှီးမှုမရှိခင်ထဲက နှစ်သက်စွဲလန်းခဲ့သူတစ်ဦးမို့ပါပဲ..။

    ReplyDelete
  7. မမြသွေးနီပြောသလိုပဲ နေနဲ့လ ရွှေနဲ့မြ ပြီးတော့ လင်းလက်တဲ့ကြယ်လေးတွေရော၊ အစ်မသားလေးလည်း အဖေအမေ ဗီဇအပြည့်ပါတာနော်။ မဝေလည်းစာရေးသိပ်ကောင်းတာ။ ဟုတ်တယ်၊ မစုပြောပြတုန်းက စာရေးကောင်းတဲ့ ဝေ(အီကို)ဆိုပြီး စပြောပြတာနော်။ ညီမက စာအုပ်တွေမှ မဖတ်နိုင်တာကိုး။ အဲလိုကနေ စသိတာ။
    မဝေတို့အပျော်တွေတောင်ရလိုက်တယ်။ ပျော်စရာကောင်းလိုက်တာ။

    ReplyDelete
  8. ပျော်စရာကြီးနော်။ ပျော်ရွှင်ကြည်နူးစရာတွေ မျှဝေခံစားသွားပါတယ် မမရေ။

    ခင်တဲ့
    မေသိမ့်

    ReplyDelete
  9. ပျော်ရွှင်ကြည်နူးမှု့ တွေ ကို မျှဝေခံစားသွားပါတယ် ညီမ ဝေ ရေ
    နောက်နှစ်မှာ ပိုပျော်နိုင်ပါစေလို့ ဆုမွန်တောင်းလိုက်ပါတယ်

    ခင်တဲ့

    ReplyDelete
  10. မဝေရေ....အင်မတန်လိုက်ဖက်တဲ့ အနုပညာမောင်နှံမှန်း ဖေ့စ်ဘုတ်ကပုံလေးတွေ ကြည့်ရကတည်းက သိခဲ့တာပါနော်....။ ဟုတ်တာပေါ့ အဲဒါကိုက ဆုရသလို ပျော်စရာ ကြည်နူးစရာ ကောင်းနေပြီ။ ကျွန်မတို့ ဘလော့ဂ်မိသားစုလေးထဲ ရောက်လာကြတဲ့ စာရေးသူတွေကို အင်မတန် နွေးထွေးချစ်ခင်စွာ ကြိုဆိုလျှက်ပါ။ ဆရာမလို့ခေါ်ရမှာ စိမ်းနေသလိုကြီးမို့ မဝေလို့ပဲ ခေါ်မယ်နော်။

    ဆက်လက်အောင်မြင်ပါစေရှင်....

    ReplyDelete
  11. အတွေ့အကြုံလေးတွေဖတ်ရတော့ ကိုယ်တိုင်ရောက်နေသလိုခံစားရတယ်
    မဝေရေ။ တီတင့်တို့လို သက်နုဘလော့ဂါတွေကို လက်တွဲခွင့်
    ပေးပေါ့နော်။ မဝေတို့လို ထူးချွန်သူတွေကို အားကျမိတယ်ကွယ်။
    စိတ်ဓာတ်အစဉ်ကြည်လင်အေးမြပါစေနော်။

    မေတ္တာဖြင့်
    အန်တီတင့်

    ReplyDelete
  12. ဆရာမ ကင်မရာတွေရှေ့  မနေတတ် မထိုင်တတ်ဖြစ်နေတာကို ရွှေဆုပေးပွဲ ခွေမှာ မြင်လိုက်ရပါတယ် ဆရာမရေ...........။
    ကျွန်တော့် အမြင် ပြောရရင် ဆုရမှ ဆရာ့ကျေးဇူးဆပ်နိုင်တယ်တော့ မထင်ဘူး။ ဘာ လို့လဲ ဆိုတော့ ဆုဆိုတာက သူ့ မူတွေ ၊စည်းကမ်းတွေ၊ ဘောင်တွေ ရှိပြီးသားလေ။ဒါကြောင့်မို့ ဆရာမ ခုလို စာတွေ အဆက်မပြတ်ရေးနေတာကိုက ဆရာဦးဝင်းငြိမ်းရဲ့ ကျေးဇူးကို ဆပ်တာလို့ ထင်ပါတယ်။

    ReplyDelete