စတီယာတိုင်ကို လှည့်လိုက်ယမ်းလိုက်
ဂိုက်ဆိုဒ်က ရှူးမေကာ
ဆန်ကောထဲက ဆီးဖြူသီးဆိုတာ
ဘာဟုတ်သေးလဲ ငါတို့
ပျို့တက်လာသမျှ ပြန်မျိုချ
အခံရခက်ပေမယ့်
အန်ချမိတာထက် ပိုသက်သာတဲ့ရွာဘတ်(စ်)
လမ်းခုလတ်နားရင်လည်း ကြာ
ဘယ်ကာလမှာရောက်မလဲ မြို့
ဆို့တက်လာတဲ့ လည်ချောင်းဝကစကား
လျှာဖျားမှာတင် အရည်ပျော်သွားတယ်
ဘတ်(စ်)ကားရဲ့ တစ်နေရာ
ဆေးနီနဲ့ရေးထားတဲ့စာ
ရောက်ချိန်မေးခြင်း သည်းခံပါတဲ့
ကျုပ်လေ...
လက်ကိုင်တန်းကို တင်းတင်းဆုပ်လိုက်မိရဲ့။ ။
သစ်ခက်အိမ် (August, 2011..မဟေသီမဂ္ဂဇင်း)
No comments:
Post a Comment